تيانشان تورى   ›   ۇيرەنۋ   ›   شولۋ

جالپى بارىستىق حالىق دەموكراتياسىن ۇزدىكسىز دامىتايىق

− باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  حالىق دەموكراتياسى − سوتسياليزمنىڭ جانى. ورتالىقتىڭ حالىق قۇرىلتايى قىزمەتى ماجىلىسىندە، باس شۋجي شي جينپيڭ جۇڭگوشا سوتسياليستىك ساياسيدىڭ دامۋ جولىنا تاباندى بولۋ بيىگىندە تۇرىپ، جالپى بارىستىق حالىق دەموكراتياسى سىندى كەلەلى ۇستانىمدى ىشكەرىلەي ءتۇسىندىرىپ، جالپى بارىستىق حالىق دەموكراتياسىن ۇزدىكسىز دامىتۋ كەرەكتىگىن باسا دارىپتەپ، جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتۋ جونىندە كەلەلى ورنالاستىرۋ جاساپ، ايقىن تالاپتاردى ورتاعا قويدى.

  حالىق دەموكراتياسى − جۇڭگو كوممۋنيستىك پارتياسى باستان - اياق بيىك ۇستاعان تۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى دەموكراتيالىق ساياسيدىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى سىندى كەلەلى ۇستانىمدى ورتاعا قويدى. 2019 - جىلى 11 - ايدا باس شۋجي شي جينپيڭ شاڭحاي چاڭنيڭ رايونى حۇڭچياۋ مالىسىندەگى نەگىزگى ساتى زاڭ شىعارۋ بايلانىس تۇيىنىندە قىزمەت تەكسەرگەندە جالپى بارىستىق حالىق دەموكراتياسى ۇعىمىن ايقىن ورتاعا قويدى. بيىل پارتيا قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ جالپى بارىستىق حالىق دەموكراتياسىن دامىتۋدى تاعى دا باسا دارىپتەدى. جالپى بارىستىق حالىق دەموكراتياسى كەلەلى ۇستانىمىنىڭ ورتاعا قويىلۋى سوتسياليستىك دەموكراتيالىق ساياسي نازارياسىن بايىتىپ جانە دامىتىپ، پارتيانىڭ حالىققا باسشىلىق ەتىپ سوتسياليستىك دەموكراتيانى دامىتۋىنىڭ، اسىرەسە، پارتيا 18 - قۇرىلتايىنان بەرگى دەموكراتيالىق ساياسي قۇرىلىسىنىڭ نازاريالىق جانە امالياتتىق جەتىستىكتەرىن شوعىرلى جيناقتاپ، ەلىمىزدىڭ حالىق دەموكراتياسىنىڭ ايقىن ەرەكشەلىگى مەن كورنەكتى ابزالدىلىعىن تەرەڭ ءتۇسىندىرىپ، جاڭا داۋىردە سوتسياليستىك دەموكراتيالىق ساياسيدى دامىتۋعا، سوتسياليستىك ساياسي وركەنيەت قۇرۋعا جەتەكشىلىك جانە ءتۇبىرلى بويسۇنۋ ولشەمىن ازىرلەدى.

  جۇڭگو كوممۋنيستىك پارتياسىنىڭ حالىققا باسشىلىق ەتىپ حالىق دەموكراتياسىن جۇرگىزۋى دەگەنىمىز حالىقتىڭ قوجايىن بولۋىن قولداۋ جانە وعان كەپىلدىك ەتۋ. حالىقتىڭ قوجايىن بولۋىن قولداۋ جانە وعان كەپىلدىك ەتۋ جاي ۇران ەمەس، بوس ءسوز ەمەس، ونى، ءسوز جوق، مەملەكەتتىڭ ساياسي ءومىرى مەن قوعامدىق تۇرمىسىندا تياناقتاندىرۋ كەرەك. ەلىمىزدىڭ جالپى بارىستىق حالىق دەموكراتياسىنىڭ كەمەلدى تۇزىمدىك ءتارتىبى عانا ەمەس، كەمەلدى ات سالىسۋ امالياتى دا بار. ەلىمىز جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق مەملەكەت جۇيەسىن جولعا قويىپ، حالىق قۇرىلتايى تۇزىمىندىك ۇكىمەت قۇرىلىمىن جولعا قويىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي ءماسليحات ءتۇزىمى، ۇلتتىق وڭىرلىك اۆتونوميا ءتۇزىمى، نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمى سياقتى نەگىزگى ساياسي تۇزىمدەردى جۇرگىزىپ، ەڭ كەڭ وتانشىل بىرلىكساپتى بەكەمدەپ جانە دامىتىپ، جالپى بەتتىك، كەڭ كولەمدى، ورگانيكالى ۇشتاسقان حالىق قوجايىن بولۋ ءتۇزىمى جۇيەسىن قالىپتاستىرىپ، كوپ ءتۇرلى، ىركىلىسسىز، ءتارتىپتى دەموكراتيا ارناسىن ورناتتى. جالپى حالىق زاڭ بويىنشا دەموكراتيالىق سايلاۋ، دەموكراتيالىق كەڭەسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ جۇرگىزىپ، زاڭ بويىنشا ءتۇرلى جولدار مەن فورمالار ارقىلى مەملەكەت ىستەرىن باسقارادى، ەكونوميكا جانە مادەنيەت ىستەرىن باسقارادى، قوعامدىق ىستەردى باسقارادى. باس شۋجي شي جينپيڭ تەرەڭ اتاپ كورسەتكەندەي: ”ەلىمىزدىڭ جالپى بارىستىق حالىق دەموكراتياسى بارىستىق دەموكراتيا مەن جەتىستىك دەموكراتيانىڭ، تارتىپتىك دەموكراتيا مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، ول جالپى تىزبەكتى، جان - جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا بولىپ تابىلادى“.

  حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى، سوتسياليستىك دەموكراتيالىق ساياسيدى دامىتۋدا حالىقتىڭ ەركىن بەينەلەپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ جاسامپاز ومىرشەڭدىك كۇشىن قاۋلاتىپ، ءتۇزىم جۇيەسى ارقىلى حالىقتىڭ قوجايىن بولۋىنا كەپىلدىك ەتۋ كەرەك. باس شۋجي شي جينپيڭ بىلاي دەپ باسا دارىپتەدى: ”ءبىز جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ قوجايىن بولۋىن پارتيانىڭ ەل باسقارۋداعى ساياساتتىق شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەرىندە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتتەرىندە ناقتى، رەال تۇردە ايگىلەۋىمىز كەرەك“. جالپى بارىستىق حالىق دەموكراتياسىن ۇزدىكسىز دامىتۋدا حالىقتىڭ قوجايىن بولۋىنىڭ ءتۇزىم جۇيەسىنە تاباندى بولىپ جانە ونى كەمەلدەندىرىپ، ءتۇزىم ابزالدىلىعىن جونگە سالۋ ونىمدىلىگىنە ءتىپتى جاقسى اينالدىرۋ كەرەك. حالىقتى وزەك ەتۋگە تاباندى بولىپ، مەملەكەتتىڭ بارلىق بيلىگى حالىققا ءتان بولۋىنا تاباندى بولىپ، حالىقتىڭ حالىق قۇرىلتايى ارقىلى مەملەكەتتىڭ بيلىگىن جۇرگىزۋىنە قولداۋ كورسەتىپ جانە كەپىلدىك ەتىپ، دەموكراتيالىق ءتۇزىمدى اقاۋسىزداندىرىپ، دەموكراتيا فورماسىن بايىتىپ، دەموكراتيا ارناسىن كەڭەيتىپ، حالىقتىڭ تەڭ ات سالىسۋ، تەڭ دامۋ ۇقىقتارىنا كەپىلدىك ەتىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن دامىتۋ كەرەك. مەملەكەتتىڭ قىزمەتتەرى پارتيانىڭ بۇقارالىق لۋشيانىن دايەكتىلەندىرىپ، حالىق بۇقاراسىمەن بايلانىستى نىعايتىپ، حالىقتىڭ ۇنىنە قۇلاق سالىپ، حالىقتىڭ ءۇمىت - تىلەگىنە جاۋاپ قاتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ۇزدىكسىز ويداعىداي شەشىپ، ەڭ كەڭ حالىقتىڭ پاراساتى مەن كۇشىن شوعىرلاندىرۋ كەرەك.

  حالىق قۇرىلتايى ءتۇزىمى − ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەر. پارتيانىڭ باسشىلىعىندا، حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتىپ، ادامدىق ۇقىقتىڭ زاڭمەن جونگە سالۋ ارقىلى قامتاماسىز ەتىلۋىن كۇشەيتىپ، حالىقتىڭ زاڭ بويىنشا كەڭ كولەمدى ۇقىقتان جانە ەركىندىكتەن يگىلىكتەنۋىنە كەپىلدىك ەتۋ؛ حالىقتىڭ زاڭ بويىنشا سايلاۋ ۇقىعىن جۇرگىزۋىنە كەپىلدىك ەتىپ، حالىق قۇرىلتايى ۋاكىلدەرىن دەموكراتيالىق جولمەن سايلاپ شىعىپ، حالىقتىڭ جاعدايدى ءبىلۋ ۇقىعىن، ات سالىسۋ ۇقىعىن، پىكىر ءبىلدىرۋ ۇقىعىن، باقىلاۋ ۇقىعىن حالىق قۇرىلتايى قىزمەتىنىڭ ءار جاعىنىڭ، ءار بۋىنىنىڭ جالپى بارىسىندا تياناقتاندىرۋعا كەپىلدىك ەتىپ، پارتيا مەن مەملەكەتتىڭ شەشىم جاساۋدى، اتقارۋدى، باقىلاۋدى تياناقتاندىرۋدىڭ بارلىق بۋىنىندا حالىقتىڭ ءۇنىن ەستي الۋىنا شىنايى كەپىلدىك ەتۋ؛ حالىق قۇرىلتايىنىڭ دەموكراتيانى، حالىق رايىن بەينەلەۋ تۇعىرى مەن دانەكەرىن كەمەلدەندىرىپ، حالىق رايىن قابىلدايتىن، حالىق اقىل - پاراساتىن توپتايتىن قىزمەت مەحانيزمىن اقاۋسىزداندىرىپ، حالىق قۇرىلتايىندا اقىلداسۋدى، زاڭ شىعارۋدا اقىلداسۋدى ىلگەرىلەتىپ، ءارقايسى جاقتاعى قوعام جاعدايى مەن حالىق رايىن ەڭ كەڭ حالىقتىڭ ءتۇبىرلى مۇددەسىمەن بىرلىككە كەلتىرۋ كەرەك.

  جالپى بارىستىق حالىق دەموكراتياسى داۋىرمەن بىرگە ىلگەرىلەيتىن قاسيەتكە يە، جالىندى ومىرشەڭدىك كۇشكە تولى سوتسياليستىك دەموكراتيا. جالپى بارىستىق حالىق دەموكراتياسى ەلىمىزدىڭ سوتسياليستىك دەموكراتيالىق ساياسيىنىڭ ۇلى امالياتى بارىسىندا تولىسقان، ءارى، ءسوز جوق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ۇزدىكسىز داميدى. العا ىلگەرىلەۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جالپى بارىستىق حالىق دەموكراتياسىن ۇزدىكسىز دامىتىپ، ەلىمىزدىڭ سوتسياليستىك دەموكراتيالىق ساياسيىنىڭ ەرەكشەلىگى مەن ابزالدىلىعىن تولىق ساۋلەلەندىرسەك، ءبىز، ءسوز جوق، جاندى دا جالىندى، تىنىش تا ىنتىماقتى ساياسي جاعدايدى ۇزدىكسىز بەكەمدەپ جانە دامىتىپ، ادامزاتتىڭ ساياسي وركەنيەتىنىڭ العا باسۋىنا جۇڭگو پاراساتىنا تولى ۇلەس قوسا الامىز.

  (شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.