تيانشان تورى
تيانشان تورى   ›   جاڭالىقتار   ›   ماڭىزدى حابارلار

19 - كەزەكتى ورتالىق كوميتەت التىنشى جالپى ءماجىلىسىنىڭ قاراۋىنا ۇسىنىلاتىن حۇجاتتاردى تالقىلادى

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

19 - كەزەكتى ورتالىق كوميتەت التىنشى جالپى ءماجىلىسىنىڭ قاراۋىنا ۇسىنىلاتىن حۇجاتتاردى تالقىلادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 10 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 18 - كۇنى ءماجىلىس اشىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاۋ ماسەلەسىن اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسىن 11 - ايدىڭ 8 - كۇنىنەن 11 - كۇنىنە دەيىن بەيجيڭدە اشۋدى ۇيعاردى.

  جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قاۋلىسى» نۇسقاسىنا پارتيا ءىشى - سىرتىندا بەلگىلى كولەمدە پىكىر الۋ احۋالى جونىندەگى باياندامانى تىڭداپ، وسى رەتكى ماجىلىستە تالقىلانعان پىكىر بويىنشا وزگەرىس ەنگىزگەن سوڭ، قاۋلى نۇسقاسىن 19 - كەزەكتى ورتالىق كوميتەت التىنشى جالپى ءماجىلىسىنىڭ قاراۋىنا ۇسىنۋدى ۇيعاردى.

  ءماجىلىس بىلاي دەپ قارادى: وسى رەتكى پىكىر الۋدا دەموكراتيا ساۋلەلەنىپ، كوپتىڭ پاراساتى شوعىرلاندىرىلىپ، پارتيا ءىشى - سىرتىنداعى ءار جاقتىڭ پىكىرلەرى مەن ۇسىنىستارى كەڭ كولەمدە تىڭدالدى. باس شۋجي شي جينپيڭ پارتيا سىرتىنداعى قايراتكەرلەر اڭگىمە ءماجىلىسىن باسقارىپ اشىپ، ءارقايسى دەموكراتيالىق پارتيا - توپتار ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرىن بەتپە - بەت تىڭدادى. وڭىرلەر، تاراۋلار، ءارقايسى جاقتار جانە پارتيا 19 - قۇرىلتايىنىڭ ۋاكىلدەرى قاۋلى نۇسقاسىن تولىق تۇراقتاندىرىپ، قاۋلى نۇسقاسىنىڭ جۇلگەلىك قۇرىلىمى مەن باستى مازمۇندارىن ءبىر اۋىزدان قۇپتاپ، قاۋلى نۇسقاسى شىندىقتى ءىس جۇزىنەن ىزدەگەن، تاريحقا قۇرمەت ەتكەن، نەگىزگى تاقىرىبى ايقىن، جان - جاقتى قورىتىندىلاعان دەپ قارادى، سونىمەن بىرگە كوپتەگەن تاماشا پىكىرلەر مەن ۇسىنىستاردى ورتاعا قويدى. قاۋلى نۇسقاعا وڭىرلەردىڭ، تاراۋلاردىڭ، ءارقايسى جاقتىڭ پىكىرلەرى مەن ۇسىنىستارى قابىلدانعان.

  ءماجىلىس مىنانى اتاپ كورسەتتى: 100 جىلدان بەرى جۇڭگو كوممۋنيستىك پارتياسى اۋەلگى ماقساتتى، بورىشتى ادالدىقپەن امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگونىڭ كەڭ - بايتاق دالاسىندا ادامزاتتىڭ دامۋ تاريحىنداعى ايبىنى اسقاق اسەم كارتينا سالىپ، تاياۋ زامانعى 100 جىلدان استام ۋاقىت قۇلدىق پەن قورلاۋعا ابدەن ۇشىراعان جۇڭگو حالقىنىڭ ەڭسەسىن كوتەردى، 5000 جىلدان استام وركەنيەت تاريحى بار جۇڭحۋا ۇلتىن جاپپاي وسىزاماندانۋعا بەت الدىردى، 500 جىلدان استام تاريحى بار سوتسياليزم يدەياسىنىڭ دۇنيە جۇزىندەگى حالىق سانى ەڭ كوپ ەلدە تابىستى جول اشۋىنا مۇمكىندىك جاسادى، جاڭا جۇڭگونى ارشىندى قاداممەن داۋىرگە ىلەستىردى، سونىمەن جۇڭحۋا ۇلتىنىڭ ۇلى گۇلدەنۋى نۇرلى بولاشاعىن ايگىلەدى.

  ءماجىلىس مىنانى باسا دارىپتەدى: پارتيانىڭ ۇزاق ۋاقىتتىق كۇرەسى بارىسىندا ماۋ زىدۇڭ، دىڭ شياۋپيڭ، جياڭ زىمين، حۋ جينتاۋ جولداستاردى باستى ۋاكىل ەتكەن جۇڭگو كوممۋنيستەرى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، توڭكەرىستىڭ، قۇرىلىستىڭ، رەفورمانىڭ كەلەلى تابىسقا قول جەتكىزۋىن، قىمباتتى تاجىريبە توپتاۋىن ىلگەرىلەتتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا كەلەلى تابىسقا قول جەتكىزىپ، جاڭا قىمباتتى تاجىريبە توپتاپ، جۇڭگوشا سوتسياليزمنىڭ قۋاتتى تىرشىلىك تىنىسىن، ومىرشەڭدىگىن ايگىلەپ، پارتيانىڭ تىلەگىن، ارميانىڭ تىلەگىن، حالىقتىڭ تىلەگىن بۇرىن بولىپ كورمەگەن دەڭگەيدە ۇيىستىرىپ، جىگەرلەندىرىپ، ەلىمىزدىڭ حالىقاراداعى ورنىن كۇن سايىن بەكەمدەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىلدىك، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدى. جۇڭگو كوممۋنيستىك پارتياسى مەن جۇڭگو حالقى ەرلىكپەن، قايسارلىقپەن كۇرەس جاساۋ ارقىلى دۇنيە جۇزىنە جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى قايتارۋعا كەلمەيتىن تاريحي ۇردىسكە قادام تاستاعاندىعىن سالتاناتپەن جاريالادى.

  ءماجىلىس مىنانى اتاپ كورسەتتى: بۇكىل پارتيا، ءسوز جوق، تاۋقىمەت ىشىندە دۇنيەگە كەلگەندىگىن، قام - قايعىسىزدىقتىڭ زاۋالعا اپاراتىندىعىن ەستە بەرىك ساقتاپ، ۇنەمى بولاشاقتى ويلاپ، امانشىلىقتا جامانشىلىقتىڭ بولارىن ويلاپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى جاپپاي قاتاڭ جونگە سالۋعا تاباندى بولىپ، حالىق بۇقاراسىمەن ەتەنە بايلانىستى ماڭگى ساقتاپ، حالىقتى وزەك ەتكەن دامۋ يدەياسىن امالياتتا ايگىلەپ، ەڭ قالىڭ حالىقتىڭ ءتۇبىرلى مۇددەسىن ۇزدىكسىز ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇزدىكسىز تاماشا تۇرمىس ءۇشىن كۇرەس جاساۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.