تيانشان تورى   ›   جاڭالىقتار   ›   شينجياڭ حابارلارى

جاڭ يۋەلياڭ: 10 مەترلىك اۆتوبۋزدىڭ مەيىرىمدى قورعاۋشىسى بولدى

  □ انار بۇلت / شينجياڭ گازەتىنىڭ ءتىلشىسى سو رۇڭجى

  تۇتقا، اۆتوبۋزدىڭ ەسىك، ورىندىق، كورسەتكىش اسپاپتار تەكشەسى... 10 - ايدىڭ 12 - كۇنى ساعات 6 مولشەرىندە، الەۋمەتتىك اۆتوبۋز توقتاتۋ الاڭىندا جاڭ يۋەلياڭ قولىنا بۇرىككىش تورسىعىن كوتەرىپ، الەۋمەتتىك اۆتوبۋزدى ىجداعاتپەن زارارسىزداندىرعاننان كەيىن، سۇرتكىشتى الا سالىپ، اۆتوبۋزدىڭ ءىشى - سىرتىن تاپ - تازا ەتىپ ءسۇرتىپ شىقتى. ىلە - شالا ول تاعى قىزمەتتەسىنە كومەكتەسىپ اۆتوبۋزداردى زارارسىزداندىردى.

  بيىل 42 جاستاعى جاڭ يۋەلياڭ ءۇرىمجى قالالىق الەۋمەتتىك قاتىناس توبى شەكتى سەرىكتەستىگى تيجارات 2 - ءبولىمى 104 - جول الەۋمەتتىك اۆتوبۋزىنىڭ شوفەرى، 22 جىلدىق پارتيا ستاجى بار. ونىڭ ءار كۇنگى قىزمەتى توپ - توپ جولاۋشىلاردى باراتىن جەرىنە حاۋىپسىز جەتكىزىپ قويۋ، 104 - جول الەۋمەتتىك اۆتوبۋزى جول بويى 33 بەكەتتى باسىپ وتەدى، ءبىر بارىسىنا 83 مينۋت قاجەت.

  ”بۇل 83 مينۋتتا زەيىنىڭدى بولۋگە بولمايدى، كولىكتى ورنىقتى جۇرگىزۋمەن بىرگە، تاعى قاي - قاشان دا جولاۋشىلاردىڭ جاعدايىنا نازار اۋدارىپ وتىرۋ كەرەك“، - دەيدى جاڭ يۋەلياڭ. ساعات 7دەن 30 مينۋت وتكەندە ول پارتيا زناگىن ادەمىلەپ تاعىپ الىپ، 104 - جول الەۋمەتتىك اۆتوبۋزىن ايداپ ءبىر كۇندىك تاسىمال جۇمىسىن باستادى.

  اۆتوبۋز جۇرگىزۋ بارىسىندا جاڭ يۋەلياڭ دەنساۋلىعى جايسىزدانىپ وتىرعان جولاۋشىلارعا ايرىقشا دەن قويادى. ”جايسىزدانىپ تۇرساڭىز، مۇندا ءدارى - دارمەك بار“. ءبىر جولاۋشىنىڭ سۋىق تەر باسىپ، قينالىپ وتىرعاندىعىن كورگەن جاڭ يۋەلياڭ جالما - جان تاياۋ جەردەگى الەۋمەتتىك اۆتوبۋز بەكەتىنە اۆتوبۋزىن توقتاتىپ، ءدارى - دارمەك قوبديىن كوتەرىپ ونىڭ قاسىنا باردى. اسىلىندە، جولاۋشىنىڭ اۆتوكولىككە وتىرسا باسى اينالادى ەكەن، ول اۆتوكولىكتە باسى اينالۋدى باساتىن دارىدەن ءبىر تال جەگەن سوڭ جاقسارىپ قالعانداي بولدى، جاڭ يۋەلياڭنىڭ سوندا بارىپ كوڭىلى ورنىقتى.

  3 جىلدىڭ الدىنداعى ءبىر كۇنى، جاڭ يۋەلياڭ ءبىر جولاۋشىنىڭ ساۋساعى جارالانىپ، قان اعىپ تۇرعاندىعىن بايقايدى، ول جولاۋشىنىڭ ساۋساعىن قاعاز ورامالمەن جاي عانا وراپ بەرگەننەن كەيىن، اۆتوبۋزعا ءبىر ءدارى - دارمەك قوبديىن قويىپ قويۋ ويىنا كەلەدى. ”مەن اسكەري قوسىننان شەگىنەردىڭ الدىندا اسكەري قوسىندا 8 جىل دارىگەرلىك ىستەگەنمىن“. جاڭ يۋەلياڭ اۆتوبۋز ىشىندە باس اينالۋدى باساتىن ءدارى، جاراقات جاپسىرماسى، جىلدام ءونىم بەرەتىن جۇرەك اۋرۋى ءدارىسى سياقتى شۇعىل قاجەت بولاتىن ءدارى - دارمەكتەردى اۆتوبۋزعا دايىنداپ قويعاندىعىن ايتتى. ۇنەمى ىرىقتىلىقپەن قارتتارعا، السىزدەرگە، اۋرۋلارعا، مۇگەدەكتەرگە، اۋىراياق ايەلدەرگە ورىن بەرەتىن جولاۋشىلاردى كورگەننەن سوڭ، ول ورىن بەرەتىن جولاۋشىلارعا سيلىق رەتىندە ءشي كامپيت دايىنداپ قوياتىن بولدى، جان اشىرلىقپەن قىزمەت وتەۋى جولاۋشىلارعا قامقورلىققا بولەنۋ باقىتىن سەزىندىردى.

  جاڭ يۋەلياڭ جولاۋشىلارعا ىجداعاتتىلىقپەن جان - جاقتىلى قىزمەت وتەپ عانا قالماستان، شۇعىل، قيىن، قاتەرلى، اۋىر مىندەتكە كەز كەلگەندە، ول ۇنەمى ءبىرىنشى شەپتە اتويلاپ جۇرەدى.

  2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، جاڭ يۋەلياڭ ءارى - ءسارى بولماستان مەكەمەنىڭ ”ىندەتتەن ساقتانۋ شۇعىل جاعدايعا توتەپ بەرۋ ەرىكتىلەر اترەتىنە“ قوسىلدى. ”مەن پارتيا مۇشەسىمىن ءارى قوسىننان قايتقان اسكەرمىن، شەشۋشى ساتتە، مەن، ءسوز جوق، اتويلاپ الدا ءجۇرۋىم كەرەك“. جاڭ يۋەلياڭ سودان كەيىن ءوزىنىڭ ءۇرىمجى بەكەتىنە ورنالاستىرىلىپ، ساياحاتشىلاردى قابىلداۋ - جەتكىزۋگە جاۋاپتى بولعاندىعىن ايتتى.

  10 مەترلىك اۆتوبۋزدىڭ ىشىندە جاڭ يۋەلياڭ قورعانۋ كيىمىن كيىپ الىپ، زارارسىزداندىرۋ قىزمەتىن قاتاڭ، ويداعىداي جۇرگىزەدى. كوپتەگەن ساياحاتشىلار ۇنەمى ءتۇن ورتاسىندا جەتەدى، بىردە - بىرەۋىن قالدىرىپ كەتپەۋ ءۇشىن، ول ۇنەمى ۇسكىرىك جەل سۇيەكتى قاريتىن بەكەتتە تۇرىپ، قايتا - قايتا ساياحاتشىلاردى اۆتوبۋزعا شىعۋعا شاقىرادى، بۇل كوپتەگەن ساياحاتشىنىڭ كوڭىلىنە جىلۋلىق سيلادى.

  جاڭ يۋەلياڭنىڭ باستاماشىلىعىندا، ونىڭ قىزمەتتەستەرى دە قايتكەندە جولاۋشىلارعا اناعۇرلىم ويداعىداي قىزمەت وتەۋگە بولاتىندىعىن ويلاستىرا باستادى، كەيبىر شوفەر اۆتوبۋزعا جولاۋشىلاردىڭ وقۋى ءۇشىن گازەت اپارىپ قويسا، كەيبىر شوفەر جولاۋشىلارعا ايعايلاپ سويلەگەنىن قويىپ، جايدارىلانا باستادى...

  بۇگىنگى كۇندە جاڭ يۋەلياڭنىڭ حاۋىپسىز اۆتوبۋز جۇرگىزگەن جولى 180 مىڭ كيلومەترگە جەتتى. ول: ”مەنىڭ مىندەتىم 10 مەترلىك اۆتوبۋزدى ويداعىداي قورعاۋ، جولاۋشىلارعا بار ىنتا - پەيىلىممەن قىزمەت وتەۋ“، - دەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.