انار بۇلت / شينجياڭ گازەتىنىڭ ءتىلشىسى جاڭ يۇنمەي 10 - ايدىڭ 19 - كۇنى ۇرىمجىدەن حابارلايدى. 10 - ايدىڭ 18 - كۇنى اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 139 - رەتكى ۇنەمىلىك ىستەر ءماجىلىسىن باسقارىپ اشىپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋ، جەرگىلىكتى ورىننىڭ زاپاس استىقتى باسقارۋىن كۇشەيتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: ەلەۋلى فينانس حاۋىپ - قاتەرىنەن ساقتانۋ جانە ونى جويۋ بويىنشا جاۋاپقا تارتۋ مەحانيزمىن ورناتۋ − فينانستى باقىلاۋ - باسقارۋداعى ولقىلىقتاردى تولىقتىرۋدىڭ، فينانس حاۋىپ - قاتەرىن ءبىر جاقتى ەتۋ جاۋاپكەرشىلىگىن ناقتىلاندىرۋدىڭ ماڭىزدى شاراسى، رايونىمىزدىڭ فينانس حاۋىپ - قاتەرىنەن ساقتانۋ قابىلەتىن كۇشەيتىپ، فينانستىڭ ورنىقتىلىعىن جەبەۋدە ماڭىزدى مانگە يە. پارتيا ورتالىق كوميتەتىنىڭ، مەملەكەتتىك كەڭەستىڭ فينانس قىزمەتى جونىندەگى شەشىمدەرى مەن ورنالاستىرۋلارىن مۇقيات تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، ءارقايسى جاقتاردىڭ ەلەۋلى فينانس حاۋىپ - قاتەرىنەن ساقتانۋ جانە ونى جويۋداعى جاۋاپكەرشىلىگىن اناعۇرلىم ويداعىداي ناقتىلاندىرىپ، وڭىرلىك، جۇيەلىك فينانس حاۋىپ - قاتەرىنىڭ تۋىلماۋىنىڭ تومەنگى شەگىن ساقتاۋ كەرەك. زاڭ بويىنشا، قاعيدا بويىنشا وبيەكتيۆ، ءادىل تۇردە، دەر كەزىندە، دالمە - ءدال جاۋاپقا تارتۋعا تاباندى بولىپ، جاۋاپقا تارتۋدىڭ قاتاڭدىعى مەن الەۋمەتتىك سەنىمدىلىگىنە شىنايى كەپىلدىك ەتۋ؛ ۇقىق پەن جاۋاپكەرشىلىك بىردەي بولۋعا، قاتەلىك پەن جاۋاپكەرشىلىك تەڭ بولۋعا تاباندى بولىپ، اركىم ءوز جاۋاپكەرشىلىگىن بىلۋگە، اركىم ءوز جاۋاپكەرشىلىگىن ادا ەتۋگە شىنايى كەپىلدىك ەتۋ؛ ماسەلەنى باعدار ەتۋگە، ناقتى ىستەپ كادەگە جاراتۋعا تاباندى بولىپ، كورنەكتى ماسەلەلەردى شەشۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: استىق حاۋىپسىزدىگى مەملەكەت جوسپارى مەن حالىق تۇرمىسىنا سايادى، زاپاس استىقتى باسقارۋ قىزمەتىن ويداعىداي ىستەۋ مەملەكەتتىڭ استىق حاۋىپسىزدىگىن قامتاماسىز ەتۋ، استىقتى ماكرولىق تىزگىندەۋدى اتقارۋ، استىقپەن تەپە - تەڭ قامداۋ، قوعام ورنىقتىلىعىنا شىنايى كەپىلدىك ەتۋ، مەملەكەت ەكونوميكاسىنىڭ باياندى دامۋىن جەبەۋ جونىنەن ماڭىزدى مانگە يە. جەرگىلىكتى ورىنداردىڭ زاپاس استىقتى باسقارۋىن كۇشەيتىپ، زاپاس استىقتىڭ ماكرولىق تىزگىندەۋدەگى رولىن ءونىمدى ساۋلەلەندىرىپ، استىق بازارىنىڭ ورنىقتىلىعىن قورعاپ، استىق حاۋىپسىزدىگىن قامتاماسىز ەتۋ كەرەك. جەرگىلىكتى ورىندار زاپاس استىق ساقتاۋدا ءتۇزىمدى قاتايتىپ، باسقارۋدى قاتايتىپ، جاۋاپكەرشىلىكتى قاتايتىپ، جەرگىلىكتى ورىنداعى زاپاس استىق مولشەرىنىڭ شىنايىلىعىنا، ساپاسىنىڭ ويداعىداي بولۋىنا، حاۋىپسىز ساقتالۋىنا شىنايى كەپىلدىك ەتىپ، زاپاس استىقتى ساقتاي الاتىن، ويداعىداي باسقارا الاتىن، اۋىستىرا الاتىن، پايدالانا الاتىن بولۋ كەرەك.
ءماجىلىس باسقا دا ىستەردى اقىلداستى.
