تيانشان تورى   ›   جاڭالىقتار   ›   ماڭىزدى حابارلار

”وزەگى ءبىر گۇل - جاپىراقتار“ كۇنگە قاراپ قۇلپىرا اشىلدى

− باس شۋجي شي جينپيڭنىڭ بەيجيڭدى، تيانجيندى، حىبەيدى سايكەستىرە دامىتۋدى جوسپارلاپ جانە ونى ىلگەرىلەتىپ، جاڭا تاراۋ جازعاندىعى جونىندە

          بەتاشار

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىن كوزدە ۇستاپ، وڭىرلەردى سايكەستىرە دامىتۋ ءىرى شاحمات تاقتاسىن ءىرى ستراتەگيامەن جوسپارلاپ، جاڭا دامۋ كەزەڭىن تياناق ەتكەن، جاڭا دامۋ ۇستانىمىن امالياتتا ايگىلەگەن، جاڭا دامۋ ارناسىن قالىپتاستىرعان، جوعارى ساپالى دامۋدى ىلگەرىلەتكەن جاڭا تاراۋلاردى جازىپ، جۇڭگو ەكونوميكاسى الىپ كەمەسىنىڭ تولقىن جارا ىلگەرىلەۋىنە باعدار بەلگىلەپ، جول باستادى.

  بەيجيڭدى، تيانجيندى، حىبەيدى سايكەستىرە دامىتۋدى، چاڭجياڭ ەكونوميكالىق بەلدەۋىن دامىتۋدى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن، چاڭجياڭ اتىراۋىن ءبىر تۇلعالاندىرىپ دامىتۋدى، حۋاڭحى الابىنىڭ ەكولوگياسىن قورعاۋدى جانە جوعارى ساپالى دامىتۋدى، باتىس بولىكتى قاۋىرت اشۋدى، شىعىس سولتۇستىكتى جالپى بەتتىك گۇلدەندىرۋدى، ورتا بولىكتەگى وڭىرلەردى كوركەيتۋدى، شىعىس بولىكتى الدىمەن دامىتۋدى توڭىرەكتەي وتىرىپ، 10 - ايدىڭ 19 - كۇنىنەن باستاپ، شينحۋا اگەنتتىگى ”جاڭا يدەيامەن جاڭا ساپارعا جەتەكشىلىك ەتۋ . ءداۋىر جاۋاپناماسى“ ايدارىن اشىپ، 9 ءتۇيىندى حاباردى ىركەس - تىركەس بەرەدى. تىلشىلەردىڭ ىشكەرىلەي تەكسەرۋ - زەرتتەۋ جۇرگىزىپ تىلشىلىك ىستەۋى ارقىلى پارتيا 18 - قۇرىلتايىنان بەرى باس شۋجي شي جينپيڭنىڭ وڭىرلىك كەلەلى ستراتەگيالاردىڭ جانە وڭىرلەردى سايكەستىرە دامىتۋ ستراتەگيالارىنىڭ تياناقتانىپ تامىر تارتۋىن، گۇل اشىپ جەمىس بەرۋىن ءوزى جوسپارلاپ، ءوزى ورنالاستىرىپ، اتقارىلۋىن ءوزى ىلگەرىلەتىپ، ءىرى ەل ەكونوميكاسىنىڭ جوعارى ساپالى دامۋىنا جەتەكشىلىك ەتكەندىگىن شوعىرلى بەينەلەيدى. بۇگىن «”وزەگى ءبىر گۇل - جاپىراقتار“ كۇنگە قاراپ قۇلپىرا اشىلدى − باس شۋجي شي جينپيڭنىڭ بەيجيڭدى، تيانجيندى، حىبەيدى سايكەستىرە دامىتۋدى جوسپارلاپ جانە ونى ىلگەرىلەتىپ، جاڭا تاراۋ جازعاندىعى جونىندە» دەگەن ءبىرىنشى ءبولىمدى بەرىپ وتىرمىز.

شينحۋا اگەنتتىگىنىڭ تىلشىلەرى لي فىڭشۋاڭ، جاڭ تاۋ، چي لەيجيە

  7 جىلدان استام ۋاقىتتىڭ الدىندا شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى دامىتۋ جالپى جاعدايى بيىگىندە تۇرىپ، بەيجيڭدى، تيانجيندى، حىبەيدى سايكەستىرە دامىتۋ ستراتەگياسىن اتقارۋ سىندى كەلەلى شەشىمدى جاسادى. باس شۋجي شي جينپيڭ ءوزى جوسپارلاپ، ءوزى ورنالاستىرىپ، اتقارىلۋىن ءوزى ىلگەرىلەتىپ، ءاربىر ماڭىزدى كەزەڭ مەن شەشۋشى بۋىندى ءداپ باسىپ باعدار بەلگىلەدى.

     ”بەيجيڭ، تيانجين، حىبەي ءبىر وزەكتەن ونگەن گۇل جاپىراقتارى ىسپەتتى، جاپىراقتار بولەك - بولەك بولعانىمەن، وزەگى ءبىر“. باس شۋجي شي جينپيڭنىڭ ءسوزىنىڭ ىقىلاسى شىنايى، ءمانى ناقتى، ماعىناسى تەرەڭ.

  بەيجيڭ، تيانجين، حىبەي 3 جەردە 100 ميلليوننان استام جان سانى بار، اۋدانى 210 مىڭ شارشى كيلومەتردەن استام. بەيجيڭ، تيانجين، حىبەي ”اركىم ءوز جەرىمەن بولۋداي“ ويلاۋ قالىبىن بۇزىپ، ءبىر كارتادا جوسپارلاپ، ءبىر تۇتاس جۇيەدە قۇرىلىس جۇرگىزىپ، ءبىر تۇلعالى دامىدى. ”14 - بەسجىلدىق“ باستالعان جىلدا، سايكەستىرە دامىتۋ جاڭا جولى بارعان سايىن كەڭەيدى...

  ءتۇيىندى سالالاردا ”3 ۇلكەن تىڭ ناتيجەنى قولعا كەلتىرىپ“، ”سايكەستىلىك اسەرىن“ تەرەڭدەتتى

  ”بۇرىن شيۇڭ - اننان بەيجيڭگە اۆتوكولىكپەن بارۋ ءۇشىن شامامەن 2 ساعاتتاي كەتەتىن. بەيجيڭ - شيۇڭ - ان قالا ارالىق تەمىر جولى اشىلعاننان كەيىن، شيۇڭ - اننان داشيڭ اۋەجايىنا بارۋعا ەڭ تەز بولعاندا نەبارى 19 مينۋت، بەيجيڭ باتىس ۆوكزالىنا بارۋعا ءبىر ساعاتقا جەتپەيتىن ۋاقىت كەتەتىن بولدى“. بەيجيڭ مەن شيۇڭ - اننىڭ اراسىندا ۇنەمى بارىپ - كەلىپ جۇمىس ىستەيتىن قۇرىلىسشىلار جونىنەن العاندا، قالا ارالىق تەمىر جولدىڭ اشىلۋى بەيجيڭ مەن شيۇڭ - اندى اناعۇرلىم ”جاقىنداتا“ ءتۇستى.

  شيۇڭ - ان جاڭا رايونىن قۇرۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەيجيڭدى، تيانجيندى، حىبەيدى سايكەستىرە دامىتۋدى ىشكەرىلەي ىلگەرىلەتىپ جاساعان كەلەلى ستراتەگيالىق تالعامى، تاريحي سيپاتتى ينجەنەريا. باس شۋجي شي جينپيڭ بيىكتە تۇرىپ الىستى باعامداپ، شيۇڭ - ان جاڭا رايونىن جوسپارلاپ قۇرۋدى جوبالاۋعا، ىلگەرىلەتۋگە جۇرەك قانىن مولىنان سارقىپ، شيۇڭ - ان جاڭا رايونىن جوسپارلاپ قۇرۋعا ايقىن بەتالىس كورسەتتى.

  2019 - جىلى 1 - ايدىڭ 16 - كۇنى باس شۋجي شي جينپيڭ شيۇڭ - ان جاڭا رايونى جوبا كورمە ورتالىعىندا، بەيجيڭ - شيۇڭ - ان قالا ارالىق تەمىر جولى شيۇڭ - ان بەكەتى قۇرىلىسىنىڭ جۇمىس باسىن ۇلكەن ەكراندا كوردى. ول كوپشىلىكتى شابىتتاندىرىپ: قالا قۇرىلىسىندا، ەكونوميكالىق دامۋدا قاتىناستى الدىمەن جۇرگىزۋ كەرەك، سىزدەر شيۇڭ - ان جاڭا رايونى قۇرىلىسى سىندى ”مىڭ جىلدىق ۇلى جوبا“ ءۇشىن جول اشىپ اتويلاۋ قىزمەتىن ىستەپ جاتىرسىزدار، ەڭبەكتەرىڭىز ەلەۋلى، - دەدى.

  بەيجيڭدى، تيانجيندى، حىبەيدى سايكەستىرە دامىتۋدا باس شۋجي شي جينپيڭ تەرەڭ تولعانىپ، الىستى ويلادى.

  2014 - جىلى 2 - ايدىڭ 26 - كۇنى باس شۋجي شي جينپيڭ بەيجيڭدە اڭگىمە ءماجىلىستى باسقارىپ اشىپ، بەيجيڭدى، تيانجيندى، حىبەيدى سايكەستىرە دامىتۋ قىزمەتى مالىمەتىن ارناۋلى تاقىرىپتا تىڭداپ، بەيجيڭدى، تيانجيندى، حىبەيدى سايكەستىرە دامىتۋدى جۇزەگە اسىرۋدى كەلەلى مەملەكەتتىك ستراتەگيا ەتۋدى ايقىنداپ، ”ارتىقشىلىقتار ارقىلى بىرىمەن ءبىرىن تولىقتاپ، ءوزارا تيىمدىلىك جەتكىزىپ، تەڭ يگىلىككە كەنەلىپ، تىڭعىلىقتى ىلگەرىلەتۋ، عىلمي، باياندى سايكەستىرە دامىتۋ جولىمەن جەدەل ءجۇرۋ كەرەك“ دەپ باسا دارىپتەدى.

  2015 - جىلى 4 - ايدىڭ 30 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشىپ، «بەيجيڭدى، تيانجيندى، حىبەيدى سايكەستىرە دامىتۋ جوسپار باعدارلاماسىن» قاراپ ماقۇلدادى. ءماجىلىس بەيجيڭدە، تيانجيندە، حىبەيدە قاتىناستى ءبىر تۇلعالاندىرۋ، ەكولوگيالىق ورتانى قورعاۋ، كاسىپ سالاسىنىڭ دارەجەسىن جوعارىلاتىپ ويىستىرۋ سياقتى ءتۇيىندى سالالاردا الدىمەن ناتيجەگە قول جەتكىزۋ كەرەك دەپ باسا دارىپتەدى. قازىر ءتۇيىندى سالالاردا ”3 ۇلكەن تىڭ ناتيجەنى قولعا كەلتىرۋ“ قوماقتى جەمىستەر بەردى:

  − ءبىر تۇلعالانعان قاتىناس تورى ”ۇلاسىپ“، ”ءبىر ساعاتتىق قاتىناس شەڭبەرى“ بارعان سايىن زورايدى.

  تيانجين - شىجياجۋاڭ جوعارى قارقىندى تاس جولىندا اۆتوكولىك قاتىناپ، تيانجين مەن شىجياجۋاڭنىڭ اراسىندا ”يرەك سىزىقپەن جۇرەتىن“ تاريح اياقتالدى؛ جاڭجياكوۋدا، بەيجيڭ - جاڭجياكوۋ جوعارى قارقىندى تەمىر جولى قىسقى وليمپيادا شاعىن قالا چۇڭليدى استانادان ءبىر ساعاتتا بارۋ شەڭبەرىنە الىپ كىردى.

  7 جىلدان استام ۋاقىتتان بەرى 3 جەر جيىنى 2000 كيلومەتردەن استام توعىسپا جولدى، قىسپاق جولدى اشتى، كەڭەيتىپ تۇتاستىردى. تيانجين - باۋديڭ قالا ارالىق، بەيجيڭ - چىڭدى جوعارى قارقىندى تەمىر جولى سياقتىلاردا پويەز قاتىناپ، بەيجيڭ - تاڭشان، بەيجيڭ - بينحاي، تيانجين - داشيڭ سياقتى ءبىر توپ تەمىر جولدار جەدەل سالىنىپ، ”رەليستەگى بەيجيڭ، تيانجين، حىبەي“ نەگىزگى قاڭقاسى نەگىزىنەن تۇلعالانىپ، سايكەستىرە دامىتۋ قۋاتتى ”قاڭقا جۇيەسىنە“ يە بولدى.

  − ەكولوگيالىق ورتا ”كورىكتەنىپ“، ”جۇرەك - وكپە قاتەرى“ ءونىمدى جونگە سالىندى.

  2019 - جىلى 1 - ايدا باس شۋجي شي جينپيڭ شيۇڭ - ان جاڭا رايونىندا قىزمەت تەكسەرگەن، تەكسەرۋ - زەرتتەۋ جۇرگىزگەن كەزدە شيۋلين بەكەتى تۇعىرىنا شىعىپ الىسقا كوز تاستادى، بيىك اعاش، بۇتا - بۇرگەن، ءشوپ - شالاڭ بيىك - الاسا بولىپ ارالاسا ءوسىپ، ەكونوميكالىق ورمان، ەكولوگيالىق ورمان قاتار بوي كوتەرۋدە. ول ىرعالعان اعاش قالامشالارىنا كوز سالا تۇرىپ، قۋانىشپەن: ”تۇنىق سۋ، جاسىل تاۋ − باعالى بايلىق، شيۇڭ - ان جاڭا رايونى مىنە وسىنداي ەكولوگيالىق ورتاعا سۇيەنىپ قۇنىن ايگىلەپ، باۋرامدىلىعىن ارتتىرادى“، - دەدى.

  ”باسىڭدى كوتەرسەڭ كوك اسپان، اقشا بۇلت كورىنەتىن كۇندەر ۇنەمىلىككە اينالدى“. بۇل بارعان سايىن بەيجيڭ، تيانجين، حىبەي تۇرعىندارىنىڭ جالپى بەتتىك سەزىنىسىنە اينالدى.

  2020 - جىلى بەيجيڭ، تيانجين، حىبەي ءوڭىرىنىڭ 5.PM2ىنىڭ ورتاشا قويۋلىعى 44 ميكروگرام / شارشى مەتر بولىپ، 2014 - جىلداعىدان %51 تومەندەدى. ”بۇرىن حىبەيدىڭ باقىلاۋ - ولشەۋ ساندى مالىمەتىن عانا كورە الاتىنبىز. قازىر بەيجيڭ، تيانجين، حىبەي ساندى مالىمەتتى ورتاقتاستى، 5.PM2ىنىڭ گرۋپپالىق باقىلاۋ - ولشەۋ ساندى مالىمەتىن كورىپ قانا قالماستان، الداعى اۋا ساپاسىنىڭ مەجەلىك ساندى مالىمەتىن دە كورە الاتىن بولىپ، بىرلەسىپ ساقتاندىرۋدىڭ دالدىگى زور دارەجەدە جوعارىلادى“، - دەدى حىبەي ولكەلىك ەكولوگيالىق ورتاداعى توسىن جاعدايعا توتەپ بەرۋ جانە اۋىر لاستاناتىن اۋا رايىنان ساقتاندىرۋ ورتالىعىنىڭ جوعارى دارەجەلى اعا ينجەنەرى جاڭ لياڭ.

  − كاسىپ سالالارىنىڭ سەلبەستىگى ”ۇلاسىپ“، سايكەستىرۋ تىزبەگى ”جالعاستى“.

  ”كاسىپورىن بەيجيڭدە قۇرىلىپ، تيانجيندە تولىسىپ، ەكى جەر ارتىقشىلىقتار ارقىلى ءبىرىن - ءبىرى تولىقتاپ، دامۋ ءورىسى كەڭەيدى“، - دەدى تيانجين بينحاي جاڭا رايونى كالەيىر قۇلتەمىر تەحنيكاسى شەكتى سەرىكتەستىگىنىڭ قۇرۋشىسى يىن لي. ءونىم بەيجيڭدە زەرتتەلىپ جوبالانىپ، تيانجيندەگى نەمەسە حىبەيدەگى بازادا جاسالىپ قۇراستىرىلادى، مۇنداي مىسالدار بەيجيڭدە، تيانجيندە، حىبەيدە ايتىپ تاۋىسقىسىز بولدى.

  بەيجيڭدى، تيانجيندى، حىبەيدى سايكەستىرە دامىتۋ ستراتەگياسى العاش باستالعاندا، باس شۋجي شي جينپيڭ: كاسىپ سالالارىنىڭ ۇشتاسىپ سەلبەسۋىن كۇش سالا جەدەل ىلگەرىلەتىپ، 3 جەردىڭ كاسىپ سالالارىنىڭ دامۋ تىزبەگىن سالالاپ، ءوڭىر ارالىق كاسىپ سالالارىنىڭ ۇيلەسىمدى ورنالاسۋىن جانە جوعارعى، تومەنگى بۋىنداردىڭ بىرگە ارەكەتتەنۋ مەحانيزمىن قالىپتاستىرىپ، كاسىپ سالالارى جوباسىن ۇلاستىرۋ، ۇقساس قۇرىلىمدىق، ۇقساس سيپاتتىق دامۋ جۇرگىزبەۋ كەرەك، - دەپ باسا دارىپتەدى.

  ۇعىسۋعا قاراعاندا، بەيجيڭ جۇڭگۋانسۇنداعى كاسىپورىنداردىڭ تيانجيننەن، حىبەيدەن اشقان بولىمشە، تارماق قۇرىلىمدارى 9100دەن اسىپ، بەيجيڭنىڭ تيانجيندەگى، حىبەيدەگى تەحنيكالىق توقتام كەلىسىم سوماسى جيىنى 160 ميلليارد يۋاننان اسقان. حىبەي ولكەسىنىڭ قاتىستى تاراۋىنىڭ ساندى مالىمەتىندە كورسەتىلۋىنشە، 7 جىلدان استام ۋاقىتتان بەرى بەيجيڭنەن، تيانجيننەن اۋىسىپ كەلگەن زاڭدىق تۇلعا ورىندارىنىڭ سانى 26 مىڭعا، كاسىپ سالاسى قيمىل ورنى 10 مىڭعا جۋىق بولعان.

  ”تۇتقانى“ مىقتاپ ۇستاپ، ”سايكەستىلىك قوزعاۋشى كۇشىن“ شىعاردى

  بەيجيڭنىڭ استانالىق ەمەس فۋنكتسياسىن سەيىلتۋ − بەيجيڭدى، تيانجيندى، حىبەيدى سايكەستىرە دامىتۋدىڭ ”تۇتقاسى“. ”كۇش سالۋ ءتۇيىنى مەن شىعار ءتۇيىن − سىرتقى وپەراتسيانى ىسكە قوسىپ، بەيجيڭنىڭ استانالىق ەمەس فۋنكتسياسىن سەيىلتىپ، ’ءىرى قالا دەرتى‘ ماسەلەسىن شەشۋ“. باس شۋجي شي جينپيڭ ”سەيىلتۋ“ سوزىنە تالاي رەت وبرازدى دا تەرەڭ تۇسىندىرمە جاسادى.

  ”بەيجيڭنەن سەيىلتۋ بويىنشا شىققاننان كەيىن، سەرىكتەستىكتىڭ ءوندىرىس قۋاتى كەڭەيدى، ءوندىرىستىڭ اۆتوماتتانۋ، جاسىلدانۋ ورەسى دە كورنەكتى جوعارىلادى“، - دەدى فابوجين (جۇڭگو) ءدارى - دارمەك تەحنيكاسىن اشۋ شەكتى سەرىكتەستىگى ساڭجوۋ زاۆودىنىڭ باستىعى سۇن گو - ۋي، جاڭادان سالىنعان ءوندىرىس جەلىسىنىڭ ءوندىرىس قۋاتى بەيجيڭدەگى زاۆودتىڭ 20 ەسەسىندەي.

  جيىنى 3000عا جۋىق ادەتتەگى جاساۋ كاسىپورنى سەيىلتىلىپ، جيىنى شامامەن 1000 وڭىرلىك سيپاتتى توپ ساتۋ بازارى مەن زات اينالىم ورتالىعى سەيىلتىلىپ، دارەجەسى جوعارىلاتىلدى؛ تۇراقتى تۇرعىن كولەمى 2017 - جىلدان بەرى ءۇرتىس تومەندەپ، 2020 - جىلى بەيجيڭ قالاسىنىڭ تۇراقتى تۇرعىن سانىن تىزگىندەۋ نىساناسى ءساتتى ورىندالدى... بۇل سان - سيفرلاردىڭ استارىندا بەيجيڭنىڭ 7 جىلدان بەرى ساپا جوعارىلاتىپ، سان ازايتىپ دامۋ جولىندا جاساعان قۇلشىنىسى جاتىر.

  بەيجيڭ قالالىق دامۋ جانە رەفورما كوميتەتىنىڭ مەڭگەرۋشىسى، قالالىق بەيجيڭدى، تيانجيندى، حىبەيدى سايكەستىرۋ - دامىتۋ كەڭسەسىنىڭ مەڭگەرۋشىسى تان شۇيشياڭ بىلاي دەدى: استانالىق ەمەس فۋنكتسيانى سەيىلتۋ بەيجيڭنىڭ جوعارى ساپالى دامۋىنا كەڭىستىك جاراتتى، عىلىم - تەحنيكا، ينفورماتسيا، مادەنيەت سياقتى سالالارداعى ”جوعارى، سارا، وزىق“ كاسىپ سالالارىنىڭ جاڭادان قۇرىلعان بازار تۇلعالارىندا ۇستايتىن ارا سالماعى 2013 - جىلعى %40.7تەن 2020 - جىلعى %60كە جوعارىلادى.

  قازىر شيۇڭ - ان جاڭا رايونى بەيجيڭنىڭ استانالىق ەمەس فۋنكتسياسىن سەيىلتۋدىڭ جانە زور كولەمدە اشۋ قۇرىلىسىنىڭ قادامداس ىلگەرىلەۋ كەزەڭىنە ءوتتى، 200 نەشە ەلەۋلى نىسان بار كۇشپەن ىلگەرىلەتىلدى، قاۋىرت كەزدە 200 مىڭنان استام قۇرىلىسشى كۇنى - ءتۇنى شايقاس جۇرگىزۋدە، بيىل جىل اياعىندا جۇمىس باستاۋ رايونىنىڭ قالا قاڭقاسى باستاپقى قادامدا ايگىلەنەتىن بولادى...

  تۇڭجوۋ بەيجيڭ قالا قوسىمشا ورتالىعىندا بەيجيڭنىڭ قالا دارەجەلى ورگاندارىنىڭ 35 تاراۋىنان جيىنى 12 مىڭ ادام قوسىمشا ورتالىققا كوشىپ قىزمەت ىستەدى؛ چيڭحۋا داشۋەسى ۋداۋكوۋ فينانس شۋەيۋانى، جۇڭگو حالىق داشۋەسىنىڭ شىعىس مەكتەپ رايونى سياقتى ءبىر توپ ساپالى وقۋ - اعارتۋ بايلىعى كىردى؛ بەيجيڭ دوستىق شيپاحاناسى سياقتى ەمدەۋ قۇرىلىمدارىنىڭ تۇڭجوۋ اۋرۋحانا رايونى ىركەس - تىركەس ەمدەۋ باستادى؛ بيىل 9 - ايدىڭ اياعىنا دەيىن، يۇنحى ساۋدا ىستەرى رايونىندا تىركەۋگە الدىرعان كاسىپورىن 14 مىڭنان استى...

  بەيجيڭدى، تيانجيندى، حىبەيدى سايكەستىرە دامىتۋ باسشىلىق گرۋپپاسى كەڭسەسىنىڭ قاتىستى جاۋاپتىسى مىنانى ءبىلدىردى: جالپى تۇلعالىق قىزمەت ورنالاستىرۋى بويىنشا بيىلدان باستاپ بەيجيڭدەگى مينيسترلىك - كوميتەتتەرگە قاراستى جوعارى مەكتەپتەردى، شيپاحانالاردى جانە ورتالىق كاسىپورىندارىنىڭ باس شتابىن ءتۇيىن ەتىپ، قاتىستى استانالىق ەمەس فۋنكتسيانى شيۇڭ - ان جاڭا رايونىنا قاراي سەيىلتۋدى مەرزىمگە، توپقا ءبولىپ ىلگەرىلەتىپ، ”14 - بەسجىلدىق“ مەزگىلىندە ءبىر توپ ۇلگىلى نىسان قالىپتاستىرۋعا قۇلشىنىپ، ورتا، ۇزاق مەرزىمدىك سەيىلتۋ مىندەتىن ىشكەرىلەي اتقارۋعا نەگىز قالانادى.

  جاڭا مەحانيزم ورناتىپ، ”سايكەسۋدىڭ پايداسى“ بۇقاراعا تيىمدىلىك جەتكىزدى

  تاياۋدا عانا 6 جاستاعى ءبىر قىز بالا بەيجيڭ بالالار شيپاحاناسىنىڭ باۋديڭ اۋرۋحاناسىندا وزىنەن ءوزى قان جاسايتىن تەك كلەتكاسىن كوشىرۋدى ءساتتى جاساتتى. ”ولكە اتتاپ اماناتتاعان“ 6 جىلدان بەرى بەيجيڭ بالالار شيپاحاناسىنىڭ ماماندارى 7000 ادام - رەتتەن استام باۋديڭعا ءتۇسىپ، باۋديڭنىڭ جوعارى ورەدەگى ەمدەۋ - كۇتۋ قوسىنىن تاربيەلەۋىنە كومەكتەسىپ، كۇردەلى اۋرۋعا شالدىققان ءبىر توپ ناۋقاستى ەمدەدى.

     حالىق اناعۇرلىم تاماشا تۇرمىس كەشىرەتىن بەيجيڭ، تيانجين، حىبەي قۇرۋدى باس شۋجي شي جينپيڭ كوكەيىنەن شىعارماي كەلەدى.

  ”حالىقتى وزەك ەتۋگە تاباندى بولىپ، نەگىزگى الەۋمەتتىك قىزمەت وتەۋدى بىرگە قۇرۋدى، ودان بىرگە يگىلىكتەنۋدى جەبەۋ كەرەك. بۇقارا كوڭىل بولەتىن، ولاردىڭ ءتول مۇددەسىنە ساياتىن قولامتالى، قيىن ماسەلەلەردى كۇش سالا شەشۋ، وقۋ - اعارتۋ، ەمدەۋ بايلىقتارىن ورنالاستىرۋدى ساپالىلاندىرۋ كەرەك“. باس شۋجي شي جينپيڭ بەيجيڭدى، تيانجيندى، حىبەيدى سايكەستىرە دامىتۋعا ايقىن تالاپ قويدى.

  ۇكىمەتتىڭ جەتەكتەۋىن كۇشەيتۋ ارقىلى بازار مەحانيزمىن ەنگىزىپ، سەلبەستىك ادىسىندە جاڭالىق اشىپ، ءبىر توپ ءتۇيىندى الەۋمەتتىك قىزمەت وتەۋ نىساندارى ”ولكە اتتاپ، وزەننەن ءوتىپ“ تياناقتاندىرىلىپ اتقارىلدى:

  − وقۋ - اعارتۋ سەلبەستىگى ۇزدىكسىز تەرەڭدەدى. حىبەي بەيجيڭ - تيانجينمەن ۇجىمداسىپ وقىتۋ جۇرگىزۋ، مەكتەپ بىرلەستىگى سياقتى تاسىلدەر ارقىلى سەلبەستىك، اۋىس - كۇيىس ورىستەتتى؛ جوعارى وقۋ - اعارتۋدا ىشكەرىلەي سەلبەستىك جاساپ، ىلگەرىندى - كەيىندى بەيجيڭ، تيانجين، حىبەي ونەركاسىپ مەكتەپتەرى، شىفان مەكتەپتەرى سياقتى 9 جاسامپازدىقپەن دامۋ بىرلەستىگىن قۇردى...

  − ەمدەۋ، دەنساۋلىق ساقتاۋ ىستەستىگى جيىلەدى. بەيجيڭنىڭ، تيانجيننىڭ، حىبەيدىڭ ەمدەۋ قۇرىلىمدارى قوس باعىتتى اۋىستىرىپ ەمدەۋ مەن تەكسەرۋ، ساراپتاۋ ناتيجەسىن ءوزارا مويىنداۋدى ۇزدىكسىز ىلگەرىلەتىپ، ەمدەۋ قامسىزداندىرۋىن اۋىستىرىپ جالعاستىرۋ مەن وزگە جەردەگى ەمدەۋ قىزمەت وتەۋى ماڭىزدى ىلگەرىلەۋشىلىككە قول جەتكىزدى.

  − مادەنيەت، ساياحات سايكەستى ىلگەرىلەتىلدى. بەيجيڭ، تيانجين، حىبەي ۇلى قورعان مەن ۇلكەن كانالدى نەگىزگى تاقىرىپ ەتكەن ءبىر توپ ەرەكشە مادەنيەت، ساياحات ونىمدەرى مەن جەلىلەرىن بىرگە جەتىلدىرىپ، تۇلعالاپ، ۇلى قورعان، ۇلكەن كانال مەملەكەتتىك مادەنيەت باقشاسى سارا ماركاسىن بىرگە سومدادى.

  اناعۇرلىم تەرەڭ وزگەرىس − ويدىڭ وزگەرىسى مەن تۇزىلىستە، مەحانيزمدە جاڭالىق اشۋ.

  2015 - جىلى 4 - ايدىڭ 30 - كۇنى باس شۋجي شي جينپيڭ باسقارىپ اشقان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى مىنانى باسا دارىپتەدى: ءتۇزىلىس، مەحانيزم كەدەرگىلەرىن جەدەل تالقانداپ، ماڭىزدى فاكتورلار مەن بازاردىڭ ءبىر تۇلعالانۋىن ىلگەرىلەتىپ، بەيجيڭدى، تيانجيندى، حىبەيدى سايكەستىرە دامىتۋدىڭ ءتۇزىلىسىن، مەحانيزمىن ورناتىپ، الەۋمەتتىك قىزمەت وتەۋدى ءبىر تۇلعالاندىرۋ رەفورماسىن جەدەلدەتۋ كەرەك.

  7 جىلدان استام ۋاقىتتان بەرى سايكەستىرۋ جاڭا كەڭىستىگى ۇزدىكسىز كەڭەيتىلىپ، وڭىرلەردىڭ ىستەستىگى جەدەل ىلگەرىلەتىلدى. بەيجيڭنىڭ تۇڭجوۋ رايونىنىڭ حىبەيدىڭ لاڭفاڭىنداعى سولتۇستىك 3 اۋدانمەن ءبىر تۇلعالى جوعارى ساپالى دامۋ قۇرىلىسى جەدەلدەتىلىپ، بەيجيڭنىڭ قالا رەليستى قاتىناس جەلىسى العاش رەت ولكە اتتاپ، حىبەي شەكاراسى ىشىنە دەيىن سوزىلدى.

  بيىل 7 - ايدا تيانجيننىڭ بينحاي جاڭا رايونى حىبەيدىڭ ساڭجوۋىنداعى بوحاي جاڭا رايونىمەن كەلىسىمگە قول قويىسىپ، 30 ءتۇرلى ساۋدا ىستەرىن تىركەۋ جۇمىستارى مەن كاسىپورىندارعا ساياتىن تيجارات جۇرگىزۋگە رۇقسات ەتۋ جۇمىستارى بويىنشا ”ولكە اتتاپ ءبىر تۇتاس ءبىتىرۋدى“ اتقارۋدى ۇيعارىپ، بۇقارا ءىس بىتىرگەندە ”ەكى جەرگە شاپقىلامايتىن، ارلى - بەرلى جۇگىرمەيتىن“ بولدى.

  حالىقتى وزەك ەتكەن قۇن باعدارى بەيجيڭدى، تيانجيندى، حىبەيدى سايكەستىرە دامىتۋعا جاڭا داۋىرلىك ءمان ۇستەپ، وسىناۋ بايىرعى ءارى وسى زامانعى توپىراقتا حالىق تۇرمىسىنىڭ مەيىرلى كوركى مەن مۇندالادى.

  2021 - جىلدىڭ باسىندا باس شۋجي شي جينپيڭ بەيجيڭدە، حىبەيدە قىزمەت تەكسەرىپ، بەيجيڭ 2022 - جىلعى قىسقى وليمپياداسى مەن مۇگەدەكتەر قىسقى وليمپياداسىنىڭ دايىندىق قىزمەتىنەن مالىمەت بەرۋ ءماجىلىسىن باسقارىپ اشتى ءارى ماڭىزدى ءسوز سويلەپ، بىلاي دەپ باسا دارىپتەدى: بەيجيڭدى، تيانجيندى، حىبەيدى سايكەستىرە دامىتۋدى ىلگەرىلەتىپ، قاتىناس، قورشاعان ورتا، كاسىپ سالاسى، الەۋمەتتىك قىزمەت وتەۋ سياقتى سالالاردا ءتىپتى دە كوپ جەتىستىكتەرگە قول جەتكىزۋگە قۇلشىنۋ كەرەك.

  بەيجيڭدى، تيانجيندى، حىبەيدى سايكەستىرە دامىتۋعا وي جەلىسىن قاراستىرۋدان، نەگىز قالاۋدان، سەرپىلىسكە ۇمتىلۋدان باستاپ كىرىستى. بولاشاققا بەت الساق، وراي شەكسىز، سونداي - اق تاستى تاۋعا دومالاتىپ شىعارۋ، قيىن - قىسپاقتان ءوتۋ، قامال الىپ، قيىندىقتاردى جەڭۋ سىندى ارىن قاجەت. بەيجيڭدى، تيانجيندى، حىبەيدى سايكەستىرە دامىتۋدا، ءسوز جوق، ۇزدىكسىز جاڭا شۇعىلا جاراتامىز.

  (قاتىناسقان تىلشىلەر: يان چيلەي، گو يۇيجيڭ، ۋاڭ جيڭحۋاي، حۋاڭ جياڭلين)

  (شينحۋا اگەنتتىگىنىڭ 10 - ايدىڭ 19 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.