تيانشان تورى   ›   جاڭالىقتار   ›   شينجياڭ حابارلارى

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى جەتىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ جەتىنشى جالپى ماجىلىسىندە 2021 - جىلى 10 - ايدىڭ 18 - كۇنى ماقۇلداندى)

  جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ جەتىنشى جالپى ءماجىلىسى 2021 - جىلى 10 - ايدىڭ 18 - كۇنى ۇرىمجىدە وتكىزىلدى. ماجىلىسكە اۆتونوميالى رايوندىق ءتارتىپ تەكسەرۋ كوميتەتىنىڭ مۇشەسىنەن 38 ادام قاتىناستى، 12 ادام سىرتتاي قاتىناستى. ءماجىلىستى اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى.

  جالپى ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ اۆتونوميالى رايوندىق 10 - رەتكى پارتيا قۇرىلتايىنا جاسايتىن قىزمەت بايانداماسىن» تالقىلادى ءارى وعان قوسىلدى، اۆتونوميالى رايوندىق 9 - كەزەكتى پارتكومنىڭ ون ءتورتىنشى جالپى ماجىلىسىندە قاراعاننان كەيىن، اۆتونوميالى رايوندىق 10 - رەتكى پارتيا قۇرىلتايىنىڭ قاراپ تەكسەرۋىنە ۇسىنۋدى ۇيعاردى.

  جالپى ءماجىلىس بىلاي دەپ قارادى: اۆتونوميالى رايوندىق 9 - رەتكى پارتيا قۇرىلتايىنان بەرى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ورتالىق ءتارتىپ تەكسەرۋ كوميتەتى مەن اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق ءتارتىپ تەكسەرۋ كوميتەتى تۇتاس رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىن ىنتىماقتاستىرىپ، باستاپ، پارتيا 18 - قۇرىلتايىنىڭ، 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نازاردى باستان - اياق جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا ۋستاۆى جۇكتەگەن قىزمەت مىندەتىن ادالدىقپەن اتقارىپ، پارتيانى جاپپاي قاتاڭ جونگە سالۋدى بۇلجىماي ىلگەرىلەتىپ، تاباندىلىقپەن ستيلدى تۇزەتىپ، ءتارتىپتى قاتايتىپ، شىرىكتەسۋگە قارسى تۇرىپ، اتقارۋدى باقىلاۋ، قامتاماسىزداندىرۋ، دامۋدى جەبەۋ، كەمەلدەندىرۋ رولىن تولىق ساۋلەلەندىرىپ، بولشەكتەۋشىلىككە قارسى تۇرۋ كۇرەسىنىڭ ءتارتىبىن قورعاۋدا ماڭىزدى كەزەڭدىك تابىستارعا قول جەتكىزىپ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزدى ءارى مۇنى ۇزدىكسىز بەكەمدەپ، دامىتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدى پارمەندى قامتاماسىز ەتتى.

  جالپى ءماجىلىس مىنانى تالاپ ەتتى: تۇتاس رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ورتالىق ءتارتىپ تەكسەرۋ كوميتەتى مەن اۆتونوميالى رايوندىق پارتكومنىڭ باسشىلىعىندا، باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحى مەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جاپپاي دايەكتىلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن كۇش قوسىپ، قايراتتانا العا ۇمتىلىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، ماڭگى جالعاستىراتىن ساياسي سانالىلىقپەن ستيل تۇزەتۋدى، ءتارتىپتى قاتايتۋدى، شىرىكتەسۋگە قارسى تۇرۋدى تەرەڭدەتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن بۇلجىماي ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا زور ۇلەس قوسۋ كەرەك!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.