تيانشان تورى   ›   جاڭالىقتار   ›   ماڭىزدى حابارلار

سيفرلى ەكونوميكانىڭ دامۋ اۋقىمى مەن زاڭدىلىعىن يگەرىپ، ەلىمىز سيفرلى ەكونوميكاسىنىڭ اقاۋسىز دامۋىن ىلگەرىلەتۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 34 - رەتكى توپتىق ۇيرەنۋىندە بىلاي دەپ باسا دارىپتەدى

سيفرلى ەكونوميكانىڭ دامۋ اۋقىمى مەن زاڭدىلىعىن يگەرىپ، ەلىمىز سيفرلى ەكونوميكاسىنىڭ اقاۋسىز دامۋىن ىلگەرىلەتۋ كەرەك

  شينحۋا اگەنتتىگىنىڭ 10 - ايدىڭ 19 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 10 - ايدىڭ 18 - كۇنى تۇستەن كەيىن ەلىمىزدىڭ سيفرلى ەكونوميكاسىنىڭ اقاۋسىز دامۋىن ىلگەرىلەتۋ جونىندە 34 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: سوڭعى جىلدارى ينتەرنەت، ۇلكەن ساندى مالىمەت، بۇلتتىق ەسەپتەۋ، جاساندى زەردە، بلوكچەين سياقتى تەحنيكالاردا جەدەل جاڭالىق اشىلىپ، كۇن سايىن ەكونوميكالىق، قوعامدىق دامۋدىڭ ءارقايسى سالالارىنىڭ جالپى بارىسىمەن توعىستى، سيفرلى ەكونوميكانىڭ دامۋ جىلدامدىعىنىڭ تەزدىگى، شارپيتىن كولەمىنىڭ كەڭدىگى، ىقپال جاساۋ دارەجەسىنىڭ تەرەڭدىگى بۇرىن بولماعان دەڭگەيدە بولىپ، الەمدىك ماڭىزدى فاكتورلار بايلىعىن قايتا ۇيىمداستىراتىن، الەمدىك ەكونوميكالىق قۇرىلىمدى قايتا ورناتاتىن، الەمدىك باسەكە ارناسىن وزگەرتەتىن شەشۋشى كۇشكە اينالۋدا. جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاۋ بيىگىندە تۇرىپ، ەل ءىشى، حالىقارا ەكى كەلەلى جاعدايدى، دامۋ مەن حاۋىپسىزدىك سىندى ەكى ءىرى ءىستى ءبىر تۇتاس جوسپارلاپ، تەلەگەي ساندى مالىمەت جانە مول قولدانىلمالى ورتا باسىمدىعىن تولىق ساۋلەلەندىرىپ، سيفرلى تەحنيكا مەن ناقتى ەكونوميكانىڭ تەرەڭدەي توعىسۋىن جەبەپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋىن جەدەلدەتىپ، جاڭا كاسىپ سالالارىن، جاڭا كاسىپ كۇيلەرىن، جاڭا ۇلگىلەردى جارىققا شىعارىپ، ەلىمىزدىڭ سيفرلى ەكونوميكاسىن ۇزدىكسىز كۇشەيتۋ، ساپالىلاندىرۋ، زورايتۋ كەرەك.

  جۇڭگو عىلىم اكادەمياسىنىڭ اكادەميگى، نانجيڭ داشۋەسىنىڭ باستىعى لۇي جيان پروفەسسور وسى ماسەلە جونىندە تۇسىنىك جاساپ، قىزمەت ۇسىنىستارىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى سيفرلى ەكونوميكانى دامىتۋعا بارىنشا ءمان بەرىپ، ينتەرنەتتە قۋاتتى ەل ستراتەگياسى مەن مەملەكەتتىك ۇلكەن ساندى مالىمەت ستراتەگياسىن اتقارىپ، ينتەرنەتتىك ەكونوميكانىڭ ءورىسىن كەڭەيتىپ، ينتەرنەتتى نەگىز ەتكەن جاسامپازدىقتاردى قولداپ، ينتەرنەتتىڭ، ۇلكەن ساندى مالىمەتتىڭ، جاساندى زەردەنىڭ ناقتى ەكونوميكامەن تەرەڭدەي توعىسۋىن ىلگەرىلەتىپ، سيفرلى جۇڭگو، زەردەلى قوعام قۇرىپ، سيفرلاندىرۋدىڭ كاسىپ سالالانۋى مەن كاسىپ سالاسىنىڭ سيفرلانۋىن ىلگەرىلەتىپ، حالىقارالىق باسەكەلىك قۋاتقا يە سيفرلى كاسىپ سالالارى شوعىرىن تۇلعالادى، ەلىمىزدىڭ سيفرلى ەكونوميكاسىنىڭ دامۋى ءبىرشاما تەز، تابىسى كورنەكتى بولدى. اسىرەسە، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى سيفرلى تەحنيكا، سيفرلى ەكونوميكا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدى قولداۋ، ءوندىرىستى، تۇرمىستى قالپىنا كەلتىرۋ جاقتارىندا ماڭىزدى رول اتقاردى.

  شي جينپيڭ بىلاي دەپ باسا دارىپتەدى: سيفرلى ەكونوميكانى دامىتۋ جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ جاڭا ورايىن يگەرۋدەگى ستراتەگيالىق تاڭداۋ. بىرىنشىدەن، سيفرلى ەكونوميكانىڭ اقاۋسىز دامۋى جاڭا دامۋ ارناسىنىڭ قالىپتاسۋىن ىلگەرىلەتۋگە پايدالى، سيفرلى تەحنيكا، سيفرلى ەكونوميكا ءتۇرلى بايلىق ماڭىزدى فاكتورلارىنىڭ شاپشاڭ اينالىس جاساۋىن، ءتۇرلى بازار تۇلعالارىنىڭ جەدەل توعىسۋىن ىلگەرىلەتە الادى، بازار تۇلعالارىنىڭ ۇيىمداسۋ ۇلگىسىن قايتا قۇرۋىنا كومەكتەسىپ، سالا اتتاپ دامۋدى جۇزەگە اسىرىپ، ۋاقىت - كەڭىستىك شەكتەمەسىن بۇزىپ، كاسىپ سالاسى تىزبەگىن ۇزارتىپ، ەل ءىشى - سىرتى ەكونوميكاسىنىڭ اينالىمىن ىركىلىسسىزدەندىرەدى. ەكىنشىدەن، سيفرلى ەكونوميكانىڭ اقاۋسىز دامۋى وسىزاماندانعان ەكونوميكا جۇيەسىن قۇرۋدى ىلگەرىلەتۋگە پايدالى، سيفرلى ەكونوميكانىڭ جوعارى جاسامپازدىق سيپاتى، كۇشتى ءسىڭۋ سيپاتى، كەڭ قامتۋ سيپاتى بار، ول ەكونوميكانىڭ جاڭا ارتۋ ءتۇيىنى بولىپ قانا قالماستان، ءداستۇرلى كاسىپ سالاسىن وزگەرتۋدىڭ، دەڭگەيىن جوعارىلاتۋدىڭ دا تىرەگى، وسىزاماندانعان ەكونوميكا جۇيەسىن قۇرۋدىڭ ماڭىزدى قوزعالتقىشى بولا الادى. ۇشىنشىدەن، سيفرلى ەكونوميكانىڭ اقاۋسىز دامۋى مەملەكەتتىڭ باسەكەلىك جاڭا باسىمدىعىن قالىپتاستىرۋدى ىلگەرىلەتۋگە پايدالى، قازىرگى داۋىردە سيفرلى تەحنيكا، سيفرلى ەكونوميكا − دۇنيە جۇزىلىك عىلىم - تەحنيكا توڭكەرىسى مەن كاسىپ سالاسى وزگەرىسىنىڭ ۇتىمدى ورايى، جاڭا كەزەكتى حالىقارالىق باسەكەنىڭ ءتۇيىندى سالاسى، ءبىز ۇتىمدى ورايدى يگەرىپ، بولاشاق دامۋدىڭ بيىك بەلەسىن الدىمەن يەلەۋىمىز كەرەك.

  شي جينپيڭ بىلاي دەپ اتاپ كورسەتتى: شەشۋشى، وزەكتى تەحنيكالاردا قامال الۋدى كۇشەيتىپ، ءوز كۇشىنە سۇيەنىپ جاڭالىق اشۋ سىندى ”بۇيدانى“ مىقتاپ ۇستاپ، ەلىمىزدىڭ سوتسياليستىك ءتۇزىمىنىڭ ارتىقشىلىعىن، جاڭاشا مەملەكەتتىك ءتۇزىلىستىڭ ارتىقشىلىعىن، اسا زور كولەمدەگى بازاردىڭ ارتىقشىلىعىن ساۋلەلەندىرىپ، سيفرلى تەحنيكانىڭ نەگىزدىك زەرتتەۋ - اشۋ قابىلەتىن جوعارىلاتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جوعارى دەڭگەيدە ءوز كۇشىنە سۇيەنۋدى، ءوزىن الۋەتتەندىرۋدى تەزىرەك جۇزەگە اسىرىپ، سيفرلى ەكونوميكانى دامىتۋدىڭ دەربەس ۇقىعىن ءوز قولىمىزعا مىقتاپ ۇستاۋىمىز كەرەك.

  شي جينپيڭ بىلاي دەپ باسا دارىپتەدى: جاڭاشا نەگىزدىك قۇرىلعىلار قۇرىلىسىن جەدەلدەتىپ، ستراتەگيالىق ورنالاستىرۋدى كۇشەيتىپ، جوعارى قارقىندى، كەڭ كولەمدى، اۋە مەن جەر ءبىر تۇلعالانعان، بۇلت پەن ينتەرنەت توعىسقان، زەردەلى دە يكەمدى، جاسىل دا تومەن كومىرتەكتى، حاۋىپسىز دە مەڭگەرىلمەلى زەردەلىلەنگەن جالپىلىق سيفرلى ينفورماتسيا نەگىزدىك قۇرىلعىلارىن جەدەل قۇرىپ، ەكونوميكالىق، قوعامدىق دامۋدىڭ ينفورماتسيالىق ”كۇرە تامىرىن“ اشۋ كەرەك. كاسىپ سالالاندىرىپ، كولەمدەندىرىپ قولدانۋدى جاپپاي ىلگەرىلەتىپ، شەشۋشى جۇمساق بولشەكتەردە ءتۇيىندى تۇردە تىڭ سەرپىلىس جاساپ، جۇمساق بولشەك كاسىپ سالاسىنىڭ زورايۋىن، قۇدىرەتتەنۋىن ىلگەرىلەتىپ، شەشۋشى جۇمساق بولشەك تەحنيكالارىندا جاڭالىق اشۋ جانە قامداۋ قابىلەتىن جوعارىلاتۋ كەرەك.

  شي جينپيڭ بىلاي دەپ اتاپ كورسەتتى: سيفرلى ەكونوميكا مەن ناقتى ەكونوميكانىڭ توعىسا دامۋىن ىلگەرىلەتىپ، سيفرلانۋ، ينتەرنەتتەنۋ، زەردەلىلەنۋ بەتالىسىن مەڭگەرىپ، جاساۋ كاسىبى، قىزمەت وتەۋ كاسىبى، اۋىل شارۋاشىلىعى سياقتى كاسىپ سالالارىن سيفرلاندىرۋدى ىلگەرىلەتىپ، ينتەرنەتتەگى جاڭا تەحنيكادان پايدالانىپ ءداستۇرلى كاسىپتەرگە جان - جاقتى، جالپى تىزبەكتى وزگەرىس ەنگىزىپ، جالپى فاكتوردىڭ ءوندىرىس مولشەرىن جوعارىلاتىپ، سيفرلى تەحنيكانىڭ ەكونوميكالىق دامۋعا بولعان ۇلعايتۋ، قاباتتاۋ، ەسەلەپ ارتتىرۋ رولىن ساۋلەلەندىرۋ كەرەك. ينتەرنەتتىڭ، ۇلكەن ساندى مالىمەتتىڭ، جاساندى زەردەنىڭ كاسىپ سالاسىمەن ىشكەرىلەي توعىسۋىن ىلگەرىلەتىپ، ءبىر توپ ”ماماندانعان، سارالانعان، ەرەكشە، جاڭا“ كاسىپورىندار مەن جاساۋ كاسىبىنىڭ جەكە تۇرىنەن چەمپيون كاسىپورىنداردى جەدەل جەتىلدىرۋ كەرەك. ءتۇيىندى سالالارداعى سيفرلى كاسىپ سالاسىنىڭ دامۋىن ىلگەرىلەتىپ، نازاردى ستراتەگيالىق الدىڭعى شەپ پەن بيىك بەلەس سالالارىنا شوعىرلاندىرىپ، كەلەلى تەحنيكالىق تىڭ سەرپىلىس پەن كەلەلى دامۋ قاجەتىن تياناق ەتىپ، كاسىپ سالاسى تىزبەگىنىڭ شەشۋشى بۋىنىنداعى باسەكەلىك قۋاتتى كۇشەيتىپ، ءتۇيىندى كاسىپ سالاسىنىڭ قامداۋ تىزبەگى جۇيەسىن كەمەلدەندىرىپ، ءونىم مەن قىزمەت وتەۋدىڭ جاڭالانۋىن جەدەلدەتۋ كەرەك.

  شي جينپيڭ بىلاي دەپ باسا دارىپتەدى: سيفرلى ەكونوميكانىڭ دامۋىن ارناعا ءتۇسىرىپ، دامۋدى جەبەۋ مەن باقىلاپ - باسقارىپ ارناعا ءتۇسىرۋدىڭ ەكى جاعىن يگەرۋگە، ەكى جاعىن دا قاتاڭ يگەرۋگە تاباندى بولىپ، دامۋ بارىسىندا ارناعا ءتۇسىرۋ، ارناعا ءتۇسىرۋ بارىسىندا دامىتۋ كەرەك. بازارعا كىرۋگە رۇقسات ەتۋ ءتۇزىمىن، ءادىل باسەكەنى تەكسەرۋ ءتۇزىمىن، ءادىل باسەكەنى باقىلاۋ - باسقارۋ ءتۇزىمىن اقاۋسىزداندىرىپ، جان - جاقتى، كوپ ساتىلى، ستەرەولدى باقىلاۋ - باسقارۋ جۇيەسىن ورناتىپ، ىستەن بۇرىنعى، ءىس بارىسىنداعى، ىستەن كەيىنگى تۇتاس تىزبەكتىك، تۇتاس سالالىق باقىلاۋ - باسقارۋدى جۇزەگە اسىرۋ كەرەك. دامۋ بارىسىندا بۇقارانىڭ ۇقىق - مۇددەسىنە زيان جەتكىزەتىن، ءادىل باسەكەگە بوگەت بولاتىن ارەكەت پەن ىستەردى تۇزەتىپ جانە ارناعا ءتۇسىرىپ، تۇعىرلىق مونوپوليالاۋ مەن كاپيتالدىڭ ءتارتىپسىز كەڭەيۋىنىڭ الدىن الىپ، مونوپوليالاۋ جانە ورىنسىز باسەكە ارەكەتىن زاڭ بويىنشا تەكسەرىپ ءبىر جاقتى ەتۋ كەرەك. تۇعىرلىق كاسىپپەن اينالىسۋشىلاردىڭ جانە تۇتىنۋشىلاردىڭ زاڭدى ۇقىق - مۇددەسىن قورعاۋ كەرەك. سالىقتى باقىلاۋ - باسقارۋ مەن سالىق ىستەرىن تەكسەرۋدى كۇشەيتۋ كەرەك.

  شي جينپيڭ بىلاي دەپ اتاپ كورسەتتى: سيفرلى ەكونوميكانى جونگە سالۋ جۇيەسىن كەمەلدەندىرىپ، زاڭ، زاڭ ەرەجە جانە ساياسات، تۇزىمدەردى اقاۋسىزداندىرىپ، ءتۇزىلىس - مەحانيزمدى كەمەلدەندىرىپ، ەلىمىزدىڭ سيفرلى ەكونوميكانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن جوعارىلاتۋ كەرەك. نەگىزگى باسقارۋ تاراۋلارىنىڭ، باقىلاۋ - باسقارۋ قۇرىلىمدارىنىڭ قىزمەت جاۋاپكەرشىلىگىن كەمەلدەندىرىپ، جۇمىس ءبولىسىپ سەلبەسۋ، ءوزارا سايكەسۋ كەرەك. باقىلاۋ - باسقارۋ تەحنيكاسى مەن ءتاسىلىن جاقسارتىپ، جوعارىلاتىپ، باقىلاۋ - باسقارۋ مەن جونگە سالۋدى جاڭالىق اشۋدىڭ، ءوندىرىستىڭ، شارۋاشىلىقتىڭ، قارجى قوسۋدىڭ تۇتاس بارىسىمەن ساباقتاستىرۋ كەرەك. تۇعىرلىق كاسىپورىنداردىڭ تۇلعالىق جاۋاپكەرشىلىگى مەن مىندەتىن ايقىنداپ، كاسىپ سالاسىنىڭ ءوزىن تەجەۋ مەحانيزمىن قۇرۋ كەرەك. قوعامنىڭ باقىلاۋىن، اقپارات قۇرالدارىنىڭ باقىلاۋىن، الەۋمەتتىڭ باقىلاۋىن ورىستەتىپ، باقىلاۋدىڭ بىرىككەن كۇشىن قالىپتاستىرۋ كەرەك. مەملەكەت حاۋىپسىزدىگى ءتۇزىم جۇيەسىن كەمەلدەندىرۋ كەرەك. سيفرلى ەكونوميكانى دامىتۋ جونىندەگى نازاريالىق زەرتتەۋدى كۇشەيتىپ، سيفرلى تەحنيكا مەن سيفرلى ەكونوميكانىڭ دامۋىنا ساياتىن ماسەلەلەر جونىندە ءادىس - امال، ۇسىنىستار بەرۋ كەرەك. سيفرلى ەكونوميكانىڭ حالىقارالىق سەلبەستىگىنە بەلسەنە ات سالىسىپ، حالىقارالىق ۇيىمداردىڭ سيفرلى ەكونوميكا جونىندەگى كەڭەستىك تاقىرىپتىق كەلىسسوزىنە ىرىقتى تۇردە قاتىناسىپ، ەكى جاقتى، كوپ جاقتى سيفرلى جونگە سالۋ سەلبەستىگىن ورىستەتىپ، كوپ جاقتى سيفرلى ەكونوميكانى جونگە سالۋ مەحانيزمىن قورعاپ جانە كەمەلدەندىرىپ، جۇڭگو جوباسىن دەر كەزىندە العا قويىپ، جۇڭگو ءۇنىن تاراتۋ كەرەك.

  شي جينپيڭ بىلاي دەپ باسا دارىپتەدى: سيفرلى ەكونوميكا مەملەكەتتىڭ دامۋىنىڭ كەلەلى جاعدايىنا سايادى، ەلىمىزدىڭ سيفرلى ەكونوميكانى دامىتۋ جونىندەگى جوعارى دەڭگەيلى جوباسى مەن ءتۇزىلىس - مەحانيزم قۇرىلىسىن ويداعىداي ىستەپ، جاعدايعا تۇجىرىم جاساۋدى كۇشەيتىپ، ورايدى مىقتى ۇستاپ، ىرىقتىلىققا قول جەتكىزۋ كەرەك. ءار دارەجەلى باسشى كادرلار سيفرلى ەكونوميكا ويلاۋ قابىلەتى مەن كاسىبي ساپاسىن جوعارىلاتىپ، سيفرلى ەكونوميكانى دامىتۋ قابىلەتىن ارتتىرىپ، حاۋىپسىزدىك تانىمىن كۇشەيتىپ، سيفرلى ەكونوميكانىڭ جاڭا دامۋ ارناسىنا اناعۇرلىم ويداعىداي قىزمەت ەتۋىن جانە توعىسۋىن ىلگەرىلەتۋ كەرەك. جالپى حالىقتىڭ، تۇتاس قوعامنىڭ سيفرلىق ساپاسىن جانە شەبەرلىگىن جوعارىلاتىپ، ەلىمىز سيفرلى ەكونوميكاسىنىڭ دامۋىنىڭ قوعامدىق نەگىزىن بەكەمدەۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.