ورتالىق كوميتەت كەڭسەسى، مەملەكەتتىك كەڭەس كەڭسەسى
ورگانيزمدەردىڭ الۋان تۇرلىلىگىن قورعاۋدى اناعۇرلىم كۇشەيتۋ جونىندەگى پىكىردى باسىپ تاراتتى
شينحۋا اگەنتتىگىنىڭ 10 - ايدىڭ 19 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ورگانيزمدەردىڭ الۋان تۇرلىلىگىن قورعاۋدى اناعۇرلىم كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار تالاپ ەتىلدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن قالىپتاستىرىپ، ەكولوگيانى الدىمەن ويلاسۋعا، جاسىل دامۋعا تاباندى بولىپ، ورگانيزمدەردىڭ الۋان تۇرلىلىگى ءدوپ كەلگەن سىن - سايىستارعا ءونىمدى توتەپ بەرۋدى، ورگانيزمدەردىڭ الۋان تۇرلىلىگىن قورعاۋدىڭ دەڭگەيىن جاپپاي جوعارىلاتۋدى نىسانا ەتىپ، ورگانيزمدەردىڭ الۋان تۇرلىلىگىن قورعاۋ كەلەلى ينجەنەريالارىن تىڭعىلىقتى ىلگەرىلەتىپ، باقىلاۋ جانە زاڭ اتقارۋ تەبىنىن ۇزدىكسىز كۇشەيتىپ، قورعاۋ قابىلەتى مەن باسقارۋ دەڭگەيىن اناعۇرلىم جوعارىلاتىپ، ماڭىزدى ەكولوگيا جۇيەسىنىڭ، ورگانيزم تۇرلەرى مەن ورگانيزمدەر تۇقىم قۋالاۋ بايلىعىنىڭ جان - جاقتى قورعالۋىنا شىنايى كەپىلدىك ەتىپ، ورگانيزمدەردىڭ الۋان تۇرلىلىگىن قورعاۋ ۇستانىمىن ەكولوگيالىق وركەنيەت قۇرىلىسىنىڭ تۇتاس بارىسىمەن توعىستىرىپ، الەمدىك ورگانيزمدەردىڭ الۋان تۇرلىلىگىن جونگە سالۋعا بەلسەنە ات سالىسىپ، كۇللى تىرشىلىكتىڭ جاراسىمدى كورىكتى مەكەنىن بىرگە قۇرۋ كەرەك.
«پىكىردە» جالپى نىسانا العا قويىلدى. 2025 - جىلعا بارعاندا ورگانيزمدەردىڭ الۋان تۇرلىلىگىن قورعاۋدا الدىمەن ويلاساتىن وڭىرلەر مەن مەملەكەتتىك ستراتەگيالىق وڭىرلەردىڭ نەگىزگى جاعدايىنا تەكسەرۋ جۇرگىزۋدى جانە باعالاۋدى ۇزدىكسىز ىلگەرىلەتىپ، مەملەكەتتىك ورگانيزمدەردىڭ الۋان تۇرلىلىگىن قاداعالاۋ تورى جانە ورگانيزمدەردىڭ الۋان تۇرلىلىگىن قورعاۋدىڭ سالىستىرمالى ورنىقتى كەڭىستىك ارناسىن قۇرۋ، مەملەكەتتىك باقشانى نەگىزگى تۇلعا ەتكەن جاراتىلىستىق قورعالاتىن جەر قۇرلىقتاعى مەملەكەت تەرريتورياسىنىڭ شامامەن ％18 يەلەۋ، ورمانمەن كومكەرىلۋ سالىستىرماسىن ％24.1كە ءوسىرۋ، جايلىمنىڭ وسىمدىك جامىلعىسىمەن كومكەرىلۋ جالپىلىق دەڭگەيىن شامامەن ％57كە جەتكىزۋ، سازدىقتىڭ قورعالۋ سالىستىرماسىن ％55كە جەتكىزۋ، تابيعي تەڭىز جيەگىن ساقتاۋ سالىستىرماسىن ％35تەن تومەندەتپەۋ، مەملەكەت ءتۇيىندى قورعايتىن جابايى حايۋانات، وسىمدىك تۇرلەرىنىڭ سانىن قورعاۋ سالىستىرماسىن ％77كە جەتكىزۋ، ％92 قۇرلىق ەكولوگيالىق جۇيەسى تيبىن ءونىمدى قورعاۋ، چاڭجياڭداعى سۋ ورگانيزمدەرىنىڭ كەمەلدىلىك كورسەتكىشىن جاقسارتۋ، ورگانيزمدەردىڭ تۇقىم قۋالاۋ بايلىعىن جيناۋ، قورعاپ ساقتاۋ مولشەرىن دۇنيە ءجۇزىنىڭ الدىڭعى قاتارىندا ساقتاۋ، ورگانيزمدەردىڭ الۋان تۇرلىلىگىنەن باياندى پايدالانۋ مەحانيزمىن العاشقى قادامدا قالىپتاستىرۋ، ورگانيزمدەردىڭ الۋان تۇرلىلىگىن قورعاۋعا قاتىستى ساياسات، زاڭ ەرەجە، ءتۇزىم، ولشەم جانە باقىلاۋ - ولشەۋ جۇيەسىن نەگىزىنەن قالىپتاستىرۋ.
2035 - جىلعا بارعاندا ورگانيزمدەردىڭ الۋان تۇرلىلىگىن قورعاۋعا قاتىستى ساياسات، زاڭ ەرەجە، ءتۇزىم، ولشەم جانە باقىلاۋ - ولشەۋ جۇيەسىن جاپپاي كەمەلدەندىرىپ، مەملەكەتتىك ورگانيزمدەردىڭ الۋان تۇرلىلىگىن قورعاۋدىڭ ءبىر تۇتاس، ءتارتىپتى كەڭىستىك ارناسىن قالىپتاستىرۋ، بۇكىل مەملەكەتتىڭ ورمان، جايلىم، ءشول دالا، وزەن - كول، سازدىق، تەڭىز - مۇحيت سياقتى جاراتىلىستىق ەكولوگيا جۇيە جاعدايىنىڭ تۇبىرىنەن جاقسارۋىن جۇزەگە اسىرۋ، ورمانمەن كومكەرىلۋ سالىستىرماسىن ％26كە جەتكىزۋ، جايلىمنىڭ وسىمدىك جامىلعىسىمەن كومكەرىلۋ جالپىلىق دەڭگەيىن ％60كە جەتكىزۋ، سازدىقتىڭ قورعالۋ سالىستىرماسىن ％60 مولشەرىنە جەتكىزۋ، مەملەكەتتىك باقشانى نەگىزگى تۇلعا ەتكەن جاراتىلىستىق قورعالاتىن جەر قۇرلىقتاعى مەملەكەت تەرريتورياسىنىڭ ％18تەن استامىن يەلەۋ، تيپتىك ەكولوگيالىق جۇيە، مەملەكەت ءتۇيىندى قورعايتىن جابايى حايۋاناتتار، وسىمدىكتەر تۇرلەرىن، تۇقىمى قۇرىپ بارا جاتقان جابايى حايۋاناتتاردى، وسىمدىكتەردى، سونداي - اق ولاردىڭ مەكەندەرىن جاپپاي قورعاۋ، چاڭجياڭداعى سۋ ورگانيزمدەرىنىڭ كەمەلدىلىك كورسەتكىشىن كورنەكتى جاقسارتۋ، ورگانيزم تۇقىم قۋالاۋ بايلىعىنا يە بولۋ جانە يگىلىگىمەن ءبولىسۋ، باياندى پايدالانۋ مەحانيزمىن جاپپاي قۇرۋ، ورگانيزمدەردىڭ الۋان تۇرلىلىگىن قورعاۋدى حالىقتىڭ سانالى ارەكەتىنە اينالدىرۋ، ورگانيزمدەردىڭ الۋان تۇرلىلىگىن قورعاۋ ارقىلى جاسىل دامۋدى ىلگەرىلەتۋدىڭ جانە ادام مەن تابيعاتتىڭ جاراسىمدى قاتار ءومىر ءسۇرۋىنىڭ تاماشا جاعدايىن قالىپتاستىرىپ، كورىكتى جۇڭگونى قۇلشىنا قۇرۋ.
«پىكىردە» ورگانيزمدەردىڭ الۋان تۇرلىلىگىن قورعاۋ ساياسات، زاڭ ەرەجەلەرىن جەدەل كەمەلدەندىرۋ، ورگانيزمدەردىڭ الۋان تۇرلىلىگىن قورعاۋدىڭ كەڭىستىك ارناسىن ۇزدىكسىز ساپالىلاندىرۋ، ورگانيزمدەردىڭ الۋان تۇرلىلىگىن قورعاۋدىڭ كەمەلدى باقىلاۋ - ولشەۋ جۇيەسىن ورناتۋ، بيولوگيالىق حاۋىپسىزدىكتى باسقارۋ دەڭگەيىن كۇش سالا جوعارىلاتۋ، ورگانيزمدەردىڭ الۋان تۇرلىلىگىنەن باياندى پايدالانۋ مەحانيزمىندە جاڭالىق اشۋ، زاڭ اتقارۋ جانە باقىلاۋ، تەكسەرۋ تەبىنىن كۇشەيتۋ، حالىقارالىق سەلبەستىك پەن اۋىس - كۇيىستى تەرەڭدەتۋ، ورگانيزمدەردىڭ الۋان تۇرلىلىگىن قورعاۋعا بۇقارانىڭ ات سالىسۋىن جاپپاي ىلگەرىلەتۋ، ورگانيزمدەردىڭ الۋان تۇرلىلىگىن قورعاۋدى قامتاماسىز ەتۋ شارالارىن كەمەلدەندىرۋ سياقتىلاردى قامتىعان 9 جاقتا ايقىن تالاپتار ورتاعا قويىلدى.
