تيانشان تورى   ›   جاڭالىقتار   ›   ەل ءىشى حابارى

چىڭدۋ - چۇڭچيڭ ءوڭىرى قوس قالا ەكونوميكالىق شەڭبەر قۇرىلىسى جوبا باعدارلاماسىن باسىپ تاراتتى

  جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس

  چىڭدۋ - چۇڭچيڭ ءوڭىرى قوس قالا ەكونوميكالىق شەڭبەر قۇرىلىسى جوبا باعدارلاماسىن باسىپ تاراتتى

  شينحۋا اگەنتتىگىنىڭ 10 - ايدىڭ 20 - كۇنى بەيجيڭنەن بەرگەن حابارى (تىلشىلەر شيە شيياۋ، ان بەي). جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «چىڭدۋ - چۇڭچيڭ ءوڭىرى قوس قالا ەكونوميكالىق شەڭبەر قۇرىلىسى جوبا باعدارلاماسىن» باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  جوبا باعدارلاماسى قازىرگى جانە بۇدان كەيىنگى ءبىر مەزگىلدە چىڭدۋ - چۇڭچيڭ ءوڭىرى قوس قالا ەكونوميكالىق شەڭبەر قۇرىلىسىنا جەتەكشىلىك ەتەتىن تۇعىرنامالىق حۇجات، قاتىستى جوبا جانە ساياسات شىعارۋداعى ماڭىزدى دايەك.

  جوبا باعدارلاماسىندا مىنالار اتاپ كورسەتىلدى: چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى ”ءبىر بەلدەۋ، ءبىر جول“ مەن چاڭجياڭ ەكونوميكالىق بەلدەۋىنىڭ توعىسقان جەرىنە ورنالاسقان، باتىس بولىكتەگى قۇرلىق - تەڭىز جاڭا وتكەلىنىڭ باستالۋ ءتۇيىنى، باتىس وڭتۇستىكتى، باتىس سولتۇستىكتى تۇتاستىرۋ، شىعىس ازيا مەن شىعىس وڭتۇستىك ازيانى، وڭتۇستىك ازيانى ۇلاستىرۋداي دارالىق باسىمدىققا يە. ءوڭىر ءىشىنىڭ ەكولوگيالىق قاسيەتى تاماشا، ەنەرگيا - كەن ونىمدەرى مول، قالا - قالاشىقتىڭ ورنالاسۋى ءجيى، وزىندىك تابيعاتى الۋان ءتۇرلى بولىپ، ەلىمىزدىڭ باتىس بولىگىندەگى حالىق سانى ەڭ تىعىز، كاسىپ سالاسى نەگىزى ەڭ مىعىم، جاڭالىق اشۋ قابىلەتى ەڭ كۇشتى، بازار ءورىسى ەڭ كەڭ، ەسىك اشۋ دەڭگەيى ەڭ جوعارى ءوڭىر، مەملەكەتتىڭ دامۋ كەلەلى جاعدايىندا ايرىقشا ءارى ماڭىزدى ستراتەگيالىق ورىنعا يە. چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرىنىڭ جالپى كولەمى 185 مىڭ شارشى كيلومەتر.

  چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى ەل ىشىندە ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى ءوزارا جەبەيتىن جاڭا دامۋ ارناسىن قالىپتاستىرۋداعى كەلەلى شارا، ول جوعارى ساپالى دامۋدى ىلگەرىلەتۋ جونىنەن ماڭىزدى مانگە يە. باتىس بولىكتە جوعارى ساپالى دامۋدىڭ ماڭىزدى ارتۋ ۇيەگىن قالىپتاستىرۋعا، حالىق سانى مەن ەكونوميكانىڭ كوتەرىمدىلىك قۋاتىن كۇشەيتۋگە ءتيىمدى؛ ىشكى قۇرلىقتا ەسىك اشۋدىڭ ستراتەگيالىق بيىگىن جانە حالىقارالىق باسەكەگە قاتىناسۋدىڭ جاڭا بازاسىن قالىپتاستىرۋعا سەپتىگى تيەدى، قۇرلىق پەن تەڭىز جولى ارقىلى ىشپەن، سىرتپەن بىرگە ارەكەتتەنەتىن، شىعىس پەن باتىس قوس باعىتتا ءوزارا كومەكتەسكەن سىرتقا ەسىك اشۋدىڭ جاڭا ارناسىن قالىپتاستىرۋدى ىلگەرىلەتۋگە دەم بەرەدى؛ ەكولوگيالىق فۋنكتسيالىق وڭىردەگى حالىق سانىنىڭ قالالار شوعىرىنا قاراي ويىسۋىن باۋراۋعا، چاڭجياڭ جوعارى اعارى مەن باتىس بولىك وڭىرلەرىنىڭ ەكولوگيالىق ورتاسىن قورعاۋعا ءتيىمدى.

  جوبا باعدارلاماسىندا چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىنىڭ ستراتەگيالىق ورنى ايقىندالدى، اتاپ ايتقاندا، بۇكىل ەلدە ىقپالعا يە ماڭىزدى ەكونوميكالىق ورتالىق، بۇكىل ەلدە ىقپالعا يە عىلىم - تەحنيكادا جاڭالىق اشۋ ورتالىعى، رەفورما جاساۋدىڭ، ەسىك اشۋدىڭ جاڭا بيىگى، جوعارى ساپالى تۇرمىسقا جايلى جەر. جوبا باعدارلاماسىنا نەگىزدەلگەندە، 2025 - جىلعا بارعاندا چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرىنىڭ ەكونوميكالىق قۋاتى، دامۋ ومىرشەڭدىك كۇشى، حالىقاراداعى ىقپالى زور دارەجەدە ارتىپ، ءبىر تۇلعالانعان دامۋ دەڭگەيى كورنەكتى جوعارىلاپ، وڭىرلىك ەرەكشەلىگى اناعۇرلىم ايگىلەنەدى، بۇكىل ەلدىڭ جوعارى ساپالى دامۋىنا تىرەك بولۋ رولى كورنەكتى كۇشەيەدى؛ 2035 - جىلعا بارعاندا، قۋاتى مىعىم، ەرەكشەلىگى ايقىن قوس قالا ەكونوميكالىق شەڭبەرى قۇرىلىپ، حالىقارالىق ىقپالعا يە جالىندى ارتۋ ۇيەگىنە جانە قۋاتتى قوزعاۋشى كۇش قاينارىنا اينالادى.

  جوبا باعدارلاماسى جالپى 12 تاراۋدان قۇرالعان، وندا چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋدىڭ 9 ءتۇرلى ءتۇيىندى مىندەتى العا قويىلدى، بۇل قوس قالا ەكونوميكالىق شەڭبەرىن دامىتۋدىڭ جاڭا ارناسىن قالىپتاستىرۋ، وسى زامانعى نەگىزدىك قۇرىلعى تورىن كۇش بىرىكتىرە قۇرۋ، وسى زامانعى كاسىپ سالاسى جۇيەسىن سەلبەسە قۇرۋ، بۇكىل ەلدە ىقپالعا يە عىلىم - تەحنيكادا جاڭالىق اشۋ ورتالىعىن بىرگە قۇرۋ، باشۋ ەرەكشەلىگىنە باي حالىقارالىق تۇتىنۋ نىسانالى جەرىن قالىپتاستىرۋ، چاڭجياڭ وزەنىنىڭ جوعارعى اعارىنداعى ەكولوگيالىق قالتقىنى بىرگە قۇرۋ، ىشكى قۇرلىقتاعى رەفورما جاساۋدىڭ، ەسىك اشۋدىڭ بيىگىن بىرگە سومداۋ، قالا مەن اۋىلدىڭ توعىسپالى دامۋىن بىرگە ىلگەرىلەتۋ، الەۋمەتتىك قىزمەت وتەۋدە بىرگە قۇرۋ، ورتاق يگىلىكتەنۋدى كۇشەيتۋ سياقتىلاردى قامتيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.