چىن چۋانگو دايىندىق جيىندى باسقاردى ءارى ءسوز سويلەدى، جيىن قۇرىلتاي ءتوراعالار القاسىنىڭ، ۋاكىلدەردىڭ تولىمدىلىعىن تەكسەرۋ القاسىنىڭ ەسىمدىگىن جانە قۇرىلتايدىڭ كەڭەستىك ءتارتىبىن ماقۇلدادى
چىن چۋانگو ءتوراعالار القاسىنىڭ جيىنىن باسقاردى، جيىن ءتوراعالار القاسى تۇراقتى القاسىنداعىلاردىڭ ەسىمدىگى، ۋاكىلدەردىڭ تولىمدىلىعىن تەكسەرۋ بايانداماسى جانە قۇرىلتايدىڭ كۇن ءتارتىبى سياقتىلاردى ماقۇلدادى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 20 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى 10 - ايدىڭ 20 - كۇنى تۇستەن كەيىن شينجياڭ حالىق سارايىندا دايىندىق جيىنىن وتكىزدى.
چىن چۋانگو جولداس جيىندى باسقاردى.
اۆتونوميالى رايوندىق 10 - رەتكى پارتيا قۇرىلتايىنا قاتىناسۋعا ءتيىستى ۋاكىل 722 ادام. دايىندىق جيىنعا 677 ۋاكىل قاتىناستى، بۇل بەلگىلەنگەن ادام سانىنا ۇيلەسەدى.
جيىن قول كوتەرىپ داۋىسقا سالۋ تاسىلىمەن 104 ادامنان قۇرالعان قۇرىلتاي ءتوراعالار القاسىنىڭ ەسىمدىگىن ماقۇلدادى، جاڭ چۇنليننىڭ قۇرىلتايدىڭ باس حاتشىسى بولۋىن ماقۇلدادى، 13 ادامنان قۇرالعان ۋاكىلدەردىڭ تولىمدىلىعىن تەكسەرۋ القاسىنداعىلاردىڭ ەسىمدىگىن ماقۇلدادى.
جيىن تاعى اۆتونوميالى رايوندىق 10 - رەتكى پارتيا قۇرىلتايىنىڭ كەڭەستىك ءتارتىبىن ماقۇلدادى. قۇرىلتايدىڭ كەڭەستىك ءتارتىبى: جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بايانداماسىن تىڭداۋ جانە قاراپ تەكسەرۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ قىزمەتىنەن باياندامانى قاراپ تەكسەرۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىن سايلاۋ؛ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىن سايلاۋ.
چىن چۋانگو سوزىندە بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى ”قوس 100 جىلدىق“ كۇرەس نىساناسى توعىسقان شەشۋشى تۇيىندە، شينجياڭ قىزمەتى جاڭا باستامادا تۇرعان، جاڭا كەزەڭگە، جاڭا مىندەتكە ءدوپ كەلگەن ماڭىزدى مەزگىلدە بۇكىل رايونىمىزدا جوعارىدان تومەنگە دەيىن قوعامدىق كەلەلى جاعدايدىڭ ءۇرتىس ورنىقتىلىعىن ساقتاپ، جوعارى ساپالى دامۋدى ىلگەرىلەتىپ، ”14 - بەسجىلدىقتا“ ءتۇرلى ىستەردە كۇش سالا جاڭا جاعداي اشقان جاعدايدا اشىلعان ءبىر رەتكى ماڭىزدى ءماجىلىس. ءبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن بىرلىككە كەلتىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كۇشتى جاۋاپكەرشىلىك سەزىممەن، بورىشتىلىق سەزىممەن جانە كوكەي تەستىلىك سەزىممەن پارتيا قۇرىلتايى بايانداماسىن ويداعىداي قاراپ، ماقۇلداپ، ساياسي ءتارتىپ پەن ساياسي قاعيداعا قاتاڭ بويسۇنىپ، ۇيىمدىق ءتارتىپ پەن ءماجىلىس ءتارتىبىن قاتايتىپ، سايلاۋدى دەن قويا ۇيىمداستىرىپ، تاماشا ءماجىلىس ستيلىن قالىپتاستىرىپ، قۇرىلتايدىڭ جەڭىسپەن، تابىسپەن اشىلۋىنا شىنايى كەپىلدىك ەتىپ، بۇكىل رايونداعى ءار دارەجەلى پارتيا ۇيىمدارىن، قالىڭ پارتيالى كادرلاردى جانە ءار ۇلت بۇقاراسىن جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاساۋعا جىگەرلەندىرۋىمىز، ىنتالاندىرۋىمىز كەرەك. قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە حالىق تۇرمىسىمەن تىعىز جاناسا وتىرىپ ەكونوميكانىڭ جوعارى ساپالى دامۋىن ىلگەرىلەتۋ سياقتى ءتۇرلى قىزمەتتى تيتتەي دە بوساڭسىتپاي مىقتى يگەرىپ، بۇكىل رايوننىڭ قوعامدىق كەلەلى جاعدايىنىڭ حاۋىپسىز، جاراسىمدى، ورنىقتى بولۋىنا، ەكونوميكانىڭ، قوعامنىڭ ورنىقتى، اقاۋسىز دامۋىنا شىنايى كەپىلدىك ەتىپ، پارتيا قۇرىلتايىنىڭ جەڭىسپەن اشىلۋىنا تاماشا ورتا ازىرلەۋىمىز كەرەك.
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 20 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايىنىڭ ءتوراعالار القاسى 10 - ايدىڭ 20 - كۇنى تۇستەن كەيىن 1 - رەتكى جيىنىن وتكىزدى.
چىن چۋانگو جولداس جيىندى باسقاردى.
جيىن قول كوتەرىپ داۋىسقا سالۋ تاسىلىمەن ءتوراعالار القاسىنىڭ چىن چۋانگو قاتارلى 14 ادامنان قۇرالعان تۇراقتى القاسىنداعىلاردىڭ ەسىمدىگىن ماقۇلدادى.
ونان سوڭ جيىن سارقىت اقاننىڭ، جاڭ جۋدىڭ، جياڭ شينجۇننىڭ، ليۋ حۇيجۇننىڭ قۇرىلتايدىڭ ورىنباسار باس حاتشىلارى بولۋىن ماقۇلدادى؛ قۇرىلتاي اتقارۋشى ءتوراعالارىنىڭ ەسىمدىگىن ماقۇلدادى؛ اۆتونوميالى رايوننىڭ پارتيا جارناسىن جيناۋ، ىستەتۋ جانە باسقارۋ جاعدايى جونىندەگى باياندامانى ماقۇلدادى؛ قۇرىلتاي حاتشىلار باسقارماسىنىڭ قىزمەت قۇرىلىمى مەن مىندەتىن جانە قۇرىلتايدىڭ كۇن ءتارتىبىن ماقۇلدادى. وسى كۇن تارتىپكە ساي، اۆتونوميالى رايوندىق 10 - رەتكى پارتيا قۇرىلتايى 10 - ايدىڭ 21 - كۇنى تۇستەن بۇرىن اشىلىپ، 10 - ايدىڭ 25 - كۇنى تۇستەن بۇرىن جابىلادى.
جيىن قۇرىلتايعا سىرتتاي قاتىناساتىندار مەن قۇرىلتايعا قاتىناسۋعا شاقىرىلعاندارعا قاتىستى ىستەردى دە ماقۇلدادى. اۆتونوميالى رايوندىق 10 - رەتكى پارتيا قۇرىلتايىنا 319 ادام سىرتتاي قاتىناسادى، اۆتونوميالى رايوندىق 10 - رەتكى پارتيا قۇرىلتايىنىڭ اشىلۋ جينالىسىنا، جابىلۋ جينالىسىنا قاتىناسۋعا 235 ادام شاقىرىلدى.
جيىن تاعى اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلدەردىڭ تولىمدىلىعىن تەكسەرۋ القاسىنىڭ ۋاكىلدەردىڭ تولىمدىلىعىن تەكسەرۋ جونىندەگى بايانداماسىن ماقۇلدادى. باياندامادا مىنالار اتاپ كورسەتىلدى: اۆتونوميالى رايوندىق پارتكوم ۋاكىلدەردىڭ تولىمدىلىعىن تەكسەرۋ القاسىنىڭ تەكسەرۋىنە ۇسىنعان 722 ۋاكىل ەسىمدىگىنە ەكونوميكا، عىلىم - تەحنيكا، ساياسي - زاڭ، وقۋ - اعارتۋ، ۇگىت، مادەنيەت، دەنساۋلىق ساقتاۋ سياقتى سالالار، جەرگىلىكتى ورىن، بيڭتۋان، شينجياڭدا تۇراتىن اسكەري بولىمدەر سياقتى جىكتەر، جۇمىسشى، شارۋا، كادر، كاسىپتىك - تەحنيكالىق قىزمەتكەرلەر جانە شينجياڭعا كومەككە كەلگەن كادرلار سياقتى ءار جاق قامتىلدى، سايلاۋ ءتارتىبى «جۇڭگو كوممۋنيستىك پارتياسىنىڭ جەرگىلىكتى ۇيىمدارىنىڭ سايلاۋ قىزمەتى ەرەجەسىندەگى» بەلگىلەمەلەرگە ۇيلەسەدى، ۋاكىلدەردىڭ ساپاسى پارتيا ورتالىق كوميتەتىنىڭ رۋحىنا ۇيلەسەدى.
