تيانشان تورى   ›   جاڭالىقتار   ›   شينجياڭ حابارلارى

2021 - جىلعى مەملەكەتتىك كوپ بولىپ شارۋاشىلىق قۇرۋ، جالپى جۇرت جاڭالىق اشۋ قيمىل اپتالىعى شينجياڭ بولىمشە جينالىس ورنىندا باستالدى

  انار بۇلت / شينجياڭ گازەتىنىڭ ءتىلشىسى شى شين 10 - ايدىڭ 20 - كۇنى ۇرىمجىدەن حابارلايدى. 10 - ايدىڭ 19 - كۇنى 2021 - جىلعى مەملەكەتتىك كوپ بولىپ شارۋاشىلىق قۇرۋ، جالپى جۇرت جاڭالىق اشۋ قيمىل اپتالىعى نەگىزگى جينالىس ورنى حىنان ولكەسىنىڭ جىڭجوۋ قالاسىندا باستالدى. شينجياڭ بولىمشە جينالىس ورنى دا قاتار شىمىلدىعىن اشتى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن باستالۋ سالتىن باسقاردى.

  ەركىن تۇنياز اۆتونوميالى رايوندىق پارتكوم مەن ۇكىمەت اتىنان شينجياڭنىڭ دامۋىنا ۇزاق ۋاقىتتان بەرى كوڭىل ءبولىپ، جاڭالىق اشۋعا، شارۋاشىلىق قۇرۋعا كۇش سالىپ كەلگەن قالىڭ جاڭالىق اشۋشىلارعا شىن جۇرەكتەن العىس ايتاتىنىن ءبىلدىردى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى جوعارى مەن تومەندى ىنتىماقتاستىرىپ، باستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جاڭالىق اشۋدى، شارۋاشىلىق قۇرۋدى جاڭالىق اشۋ ارقىلى دامۋعا دەم بەرۋ ستراتەگياسىن اتقارۋدىڭ ماڭىزدى مازمۇنى ەتۋگە تاباندى بولىپ، رەفورما جاساۋدى، ەسىك اشۋدى ۇزدىكسىز تەرەڭدەتىپ، كوپ بولىپ شارۋاشىلىق قۇرۋدى، جالپى جۇرت جاڭالىق اشۋدى كەڭ كولەمدە ورىستەتىپ، بازار تۇلعالارىنىڭ ىشكى ومىرشەڭدىك كۇشىن ءونىمدى تۇردە تاسقىنداتىپ، جاڭالىق اشۋ، شارۋاشىلىق قۇرۋ ەكولوگياسىن ۇزدىكسىز ساپالىلاندىرىپ، كورنەكتى ونىمدىلىككە قول جەتكىزدى.

  ەركىن تۇنياز بىلاي دەپ اتاپ كورسەتتى: اۆتونوميالى رايون ”جاڭالىق اشۋ، شارۋاشىلىق قۇرۋ“ قيمىل اپتالىعىنىڭ 5 كەزەگىن ءساتتى وتكىزىپ، تۇتاس رايوندا جاڭالىق اشۋدىڭ قويۋ رايىن قالىپتاستىرىپ، جاڭالىق اشۋ، شارۋاشىلىق قۇرۋ، جاسامپازدىق جاراتۋدىڭ قىزۋ ورلەۋىن كوتەرىپ، رايونىمىزدىڭ جاڭالىق اشۋ، شارۋاشىلىق قۇرۋ ساياسات جۇيەسىنىڭ ۇزدىكسىز كەمەلدەنۋىن بەلسەندى جەبەدى، جاڭالىق اشۋ، شارۋاشىلىق قۇرۋ ورتاسى كۇن سايىن ساپالىلانىپ، جاڭالىق اشۋ، شارۋاشىلىق قۇرۋدىڭ جوعارى ساپالى جۇمىستانۋعا بولعان تىرەكتىك رولى اناعۇرلىم كورنەكتىلەنىپ، ستراتەگيالىق جاڭادان گۇلدەنگەن كاسىپ سالالارىنىڭ دامۋ كولەمى ۇزدىكسىز كەڭەيىپ، جاڭالىق اشۋ، شارۋاشىلىق قۇرۋعا قىزمەت وتەۋ تۇعىرى قۇرىلىسى ۇزدىكسىز ىلگەرىلەپ، ەكونوميكالىق، قوعامدىق دامۋعا بەلسەندى ۇلەس قوستى.

  ەركىن تۇنياز بىلاي دەپ باسا دارىپتەدى: جەر - جەر، تاراۋلار وسى رەتكى قيمىل اپتالىعىن وراي، قوزعاۋشى كۇش ەتىپ، بۇرىنعى قيمىل اپتالىقتارىنىڭ ءساتتى تاجىريبەلەرىن جالعاستىرۋ جانە ساۋلەلەندىرۋ نەگىزىندە، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى، ورنالاستىرۋلارى، تالاپتارى بويىنشا، تۋىسقان ولكە، قالالاردىڭ تابىستى تاجىريبەلەرىن مۇقيات ۇيرەنىپ، نازاردى جاڭا ءداۋىر ەرەكشەلىگىنە شوعىرلاندىرىپ، قيمىل اپتالىعىنىڭ نەگىزگى تاقىرىبىمەن تىعىز بايلانىستىرىپ، جاڭالىق اشۋدى، شارۋاشىلىق قۇرۋدى قولداۋ تەبىنىن اناعۇرلىم ارتتىرىپ، ساياساتتى كەمەلدەندىرۋ، كەدەرگىلەردى جويۋ، تۇعىر ورناتۋ سياقتى قىزمەتتەردى كۇش سالا ويداعىداي يگەرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، كاسىپورىنداردىڭ زەرتتەۋ - اشۋ، جاڭالىق اشۋ قابىلەتىنە شابىت بەرىپ، بازار تۇلعالارىنىڭ توعىسپالى دامۋىن ىلگەرىلەتىپ، رايونىمىزدىڭ جاڭالىق اشۋ، شارۋاشىلىق قۇرۋ ماركاسىن قۇلشىنا تۇلعالاپ، تۇتاس رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا ءونىمدى دەم بەرۋ كەرەك.

  وسى كەزەكتى قيمىل اپتالىعى ”جوعارى ساپامەن جاڭالىق اشۋ، جاسامپازدىق جاراتۋ، جوعارى دەڭگەيدە شارۋاشىلىق قۇرۋ، جۇمىستانۋدى“ نەگىزگى تاقىرىپ ەتىپ، ينتەرنەت جەلىسى مەن ينتەرنەت جەلىسىنەن تىس ءوزارا ۇشتاسقان تاسىلدەن پايدالاندى. قيمىل اپتالىعى كەزىندە اۆتونوميالى رايون جالپى 39 ءتۇرلى ءتۇيىندى قيمىل وتكىزەدى، اۆتونوميالى رايوندىق كوپ بولىپ شارۋاشىلىق قۇرۋ، جالپى جۇرت جاڭالىق اشۋ بويىنشا مەڭگەرمەلەر (مەكەمە) ارا بىرلەسكەن ماجىلىسىنە مۇشە ورىندار، ءارقايسى ايماق، وبلىس، قالالار، ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى)، ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى)، شينجياڭ سانجى مەملەكەتتىك اۋىل شارۋاشىلىعى عىلىم - تەحنيكا باقشا رايونى، قاشقار ەكونوميكالىق اشۋ رايونىنىڭ مەملەكەتتىك جاڭالىق اشۋ، شارۋاشىلىق قۇرۋ ۇلگى بازاسى، سونداي - اق اۆتونوميالى رايوننىڭ قاتىستى جوعارى مەكتەپتەرى سول جەردە وتكىزىپ، قيمىل اپتالىعى كەزىندە كۇن سايىن قيمىل بولۋىنا، ءار ورىندا جارقىن تۇيىندەر جارىققا شىعۋىنا شىنايى كەپىلدىك ەتەدى. مۇندا اۆتونوميالى رايون تارابىنان بولىمشە جينالىس ورنىنداعى باستالۋ سالتى، اۆتونوميالى رايوننىڭ ”جاڭالىق اشۋعا قىزمەت وتەۋ بويىنشا ايماق، وبلىستارعا ساپار“ سياقتىلاردى قامتىعان 8 ءتۇيىندى قيمىل بار.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.