لي يفي، جاڭ چۇنلين بىرگە كەزدەستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 21 - كۇنى تۇستە چىن چۋانگو، ەركىن تۇنياز اۆتونوميالى رايوندىق 10 - رەتكى پارتيا قۇرىلتايىنا ۇسىنىس بويىنشا قاتىناسقان توڭكەرىستىك ارداگەر قۇربانداردىڭ جانە ساقا باسشىلاردىڭ، ساقا جولداستاردىڭ تۋىس - تۋعاندارىنىڭ ۋاكىلدەرىمەن كەزدەستى.
لي يفي، جاڭ چۇنلين بىرگە كەزدەستى.
چىن چۋانگو، ەركىن تۇنياز بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭ قىزمەتىندە كەلەلى ناتيجەلەرگە قول جەتىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان جەتىستىكتەرگە قول جەتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. اۆتونوميالى رايوندىق پارتكوم مەن بۇكىل رايونداعى ءار ۇلت پارتيا مۇشەلەرى، كادرلار، بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە پارمەندى باسشىلىق ەتكەندىگىنە جانە قامقورلىق جاساعاندىعىنا، قولداۋ كورسەتكەندىگىنە شىن جۇرەكتەن العىس ايتادى، بۇكىل ەلدەگى ءار ۇلت حالقىنىڭ بار كۇشپەن كومەك كورسەتكەندىگىنە شىن جۇرەكتەن العىس ايتادى، شينجياڭنىڭ توڭكەرىس ىستەرىنە، بەيبىت ازات بولۋىنا جانە سوتسياليستىك توڭكەرىس قۇرىلىسى، رەفورما جاساۋ، ەسىك اشۋ، ورنىقتىلىق، دامۋ سياقتى ءتۇرلى ىستەرىنە كورنەكتى ۇلەس قوسقان توڭكەرىستىك ارداگەر قۇربانداردى جانە ساقا باسشىلاردى، ساقا جولداستاردى ماڭگى ەستە ساقتايدى. ءبىز داڭقتى توڭكەرىستىك داستۇرگە باستان - اياق تاباندى بولىپ، قىزىل قان تامىردى ۇزدىكسىز جالعاستىرىپ، پارتيانىڭ كۇرەس بارىسىمەن جانە ۇلى جەتىستىكتەرىمەن جىگەرگە دەم بەرىپ، بەتالىس كورسەتىپ، پارتيانىڭ داڭقتى داستۇرىمەن جانە تاڭداۋلى ستيلىمەن سەنىمدى بەكەمدەپ، كۇش - قۋاتتى ۇيىستىرىپ، پارتيانىڭ تاريحي تاجىريبەلەرى جانە امالياتتىق جاسامپازدىعى ارقىلى اقىل - پاراساتتى وياتىپ، ءمورالدى شىڭداپ، كوتەرىڭكى رۋحاني كۇيمەن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرامىز.
توڭكەرىستىك ارداگەر قۇربانداردىڭ جانە ساقا باسشىلاردىڭ، ساقا جولداستاردىڭ تۋىس - تۋعاندارى اۆتونوميالى رايوندىق 10 - رەتكى پارتيا قۇرىلتايىنىڭ جەڭىسپەن اشىلعاندىعىن قىزۋ قۇتتىقتايتىندىقتارىن ءبىلدىردى. كوپشىلىك بىردەي شينجياڭنىڭ ورنىقتىلىقتا، دامۋدا قول جەتكىزگەن كورنەكتى ناتيجەلەرىنە شىن جۇرەكتەن قۋاندى جانە ونى ماقتانىش ەتتى. ولار مىنالاردى ءبىلدىردى: بۇگىنگى شينجياڭدا قوعام جاراسىمدى، ورنىقتى، حالىق تىنىش ءومىر، شات - شادىمان تىرشىلىك كەشىرۋدە، بارلىق جەر جالىنداعان ۇمىتكە تولدى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ كوڭىل بولۋىندە، قولداۋىندا، شينجياڭداعى ءار ۇلت پەرزەنتىنىڭ بىرگە كۇرەس جۇرگىزۋىندە، شينجياڭنىڭ بولاشاعىنىڭ، ءسوز جوق، ءتىپتى دە تاماشا بولاتىندىعىنا كامىل سەنەمىز.
