− اۆتونوميالى رايوندىق 10 - رەتكى پارتيا قۇرىلتايىنىڭ اشىلۋىنان ەستەلىك
□ انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، ياۋ تۇڭ
10 - ايدىڭ 21 - كۇنى، تاڭەرتەڭ.
شينجياڭ حالىق سارايىندا قىزىل تۋلار جەلبىرەپ، ەرەكشە ايبىنمەن كوزگە تۇسەدى.
تيانشان الابىنداعى ءار ۇلت كادر - بۇقاراسى ءتورت كوزبەن كۇتكەن اۆتونوميالى رايوندىق 10 - رەتكى پارتيا قۇرىلتايىنىڭ شىمىلدىعى اشىلۋدا.
قادامدار وسى اراعا شوعىرلاندى. ءار ۇلت ۋاكىلدەرى تولىق دايىندىقپەن، قۋانىشتى كوڭىل كۇيمەن ىركەس - تىركەس ءماجىلىس زالىنا كىردى، كەۋدەلەرىندەگى جايناعان ۋاكىل كۋالىكتەرى نۇر شۇعىلا شاشادى.
ءۇمىت وسى ارادان تۋىلادى. حالىق سارايىندا شىراق نۇرى سامالاداي جارقىراپ، قىزۋ راي شالقىپ تۇر، شينجياڭنىڭ بولاشاق 5 جىلداعى، ءتىپتى، ونان دا ۇزاق ءبىر مەزگىلدەگى دامۋىنىڭ ايبىندى جوباسى جايىلۋدا، تاماشا ءۇمىت ءار ادامنىڭ كوڭىل تۇكپىرىندە تولقۋدا.
ساعات 10نان 30 مينۋت وتكەندە، اۆتونوميالى رايوندىق 10 - رەتكى پارتيا قۇرىلتايى اشىلدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
دۋ قول شاپالاق ءۇنى ىشىندە چىن چۋانگو جولداس قۇرىلتايعا بايانداما جاسادى.
تەرەڭ سەزىممەن ەسكە الىپ، تەبىرەنە باياندادى. تاتىمدى باياندامادا اۆتونوميالى رايوندىق 9 - رەتكى پارتيا قۇرىلتايى اشىلعان 5 جىلدان بەرگى شينجياڭنىڭ باسىپ وتكەن ايبىنى اسقاق ەرەكشە بەلەسى كوز الدىعا كەلدى − اۆتونوميالى رايوندىق پارتكوم بۇكىل شينجياڭداعى ءار ۇلت كادر - بۇقاراسىن ىنتىماقتاستىرىپ، باستاپ، ”قۇربان بەرۋ بولعانى ءۇشىن ءوستى جىگەر ۇلعايىپ، اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن ەرلىكپەن جانە ەڭبەكپەن شينجياڭنىڭ دامۋ جاعدايىن كۇن سايىن جاقسارتىپ، قالا مەن اۋىلدىڭ بەت - بەينەسىن شىت جاڭا تۇرگە ەنگىزدى.
تەرەڭ وي، تاسقىنداعان كوڭىل. اۆتونوميالى رايوندىق 10 - رەتكى پارتيا قۇرىلتايى اشىلعان تاماشا مەزگىلدە كەلگەن جولعا قايىرىلا قاراساق، 5 جىلداعى دامۋ ءتىپتى دە وزگەشە، ءتىپتى دە جان تەبىرەنتەرلىك بولا ءتۇستى − ۋاكىلدەردىڭ بارلىعى تۇگەلدەي شينجياڭنىڭ 5 جىلدىق وزگەرىسىنىڭ قاتىناسۋشىسى، كۋاگەرى بولىپ، بارلىعى توسقاۋىلداردى تالقانداعان كۇرەس كەشىرمەسىنەن شەكسىز تەبىرەندى، بۇرىن بولىپ كورمەگەن كورنەكتى جەتىستىكتەردى بارىنشا ماقتانىش ەتتى.
ۋاكىل حۋاڭ جياجۇن بىلاي دەدى: بۇل شينجياڭنىڭ قوعامدىق كەلەلى جاعدايى ءۇرتىس ورنىقتى بولعان 5 جىل، ەكونوميكالىق ناقتى قۋات كورنەكتى كۇشەيگەن 5 جىل، بۇقارا ناقتى يگىلىككە ەڭ كوپ كەنەلگەن 5 جىل بولدى.
ۋاكىل پان چۇنچيۋ بىلاي دەدى: شينجياڭنىڭ حالىق تۇرمىسىن جاقسارتۋ تەبىنى ۇزدىكسىز ارتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
ۋاكىل ماحمۇت ءيۇسۇپ بىلاي دەدى: باياندامانىڭ شينجياڭنىڭ 5 جىلدان بەرگى تابىستى امالياتى، قۇندى تاجىريبەلەرى جونىندەگى قورىتىندىسى شىندىقتى ءىس جۇزىنەن ىزدەگەن، ادامدى تەرەڭ ويعا سالادى.
تىنىشتىق پەن جاراسىمدىلىق ۇلكەن ارناعا اينالدى، جاپپاي دوڭگەلەك داۋلەتتىلىك شىت جاڭا تۇسكە ەندى، حالىققا پايدا جەتكىزىلىپ، حالىققا تيىمدىلىك جاسالىپ، جۇرت جۇرەگى جىلىندى، انار گۇلىندەي قۇلپىرىپ، ءبىر وتباسىنداي ەتەنە بولدى... ادامدار وسىناۋ كورىكتى توپىراقتىڭ بۇگىنگى كورسەتكەن جاراسىمدى، تاماشا جاعدايىنا دۇركىن - دۇركىن دۋ قول شاپالاق سوقتى.
جاڭا دامۋ ۇستانىمىن دايەكتىلەندىرىپ، جوعارى ساپالى دامۋ دەڭگەيى كورنەكتى جوعارىلادى؛ ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم تولىق، اناعۇرلىم قامتاماسىز، اناعۇرلىم باياندى بولدى؛ ەكولوگيالىق ورتا جاقسارا ءتۇسىپ، كورىكتى شينجياڭ قۇرىلۋدا... ادامدار وتاننىڭ شينجياڭىنىڭ اناعۇرلىم تاماشا دامۋ جوباسى ءۇشىن شاتتانا شابىتتاندى.
بۇل قۇدىرەتتى سەنىمنىڭ قاينار كوزى، جاندى سۋى، ارشىندى قاداممەن العا ىلگەرىلەۋدىڭ سارقىلماس قوزعاۋشى كۇشى بولماق.
ءار ۇلت ۋاكىلدەرى شينجياڭنىڭ تاماشا جوباسىنان جەلپىندى. وراي، سەنىم، قايراتتانا ىلگەرىلەۋ... كۇش ۇيىستىرعان سوزدەر، بارلىق ۋاكىلدەردىڭ يدەياسىن ءبىر باس نىساناعا − شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بىرلىككە كەلتىردى. قۇدىرەتتى سەنىم مەن بىرىككەن كۇش ۋاكىلدەردىڭ تالاي رەتكى قول شاپالاق ءۇنى ىشىندە ۇيىسىپ، شارىقتاپ، ءماجىلىس زالىنان قىزۋ راي شالقىدى.
كۇرەس نىساناسى ايقىن دا بەرىك بولىپ، قىزمەت شارالارى ىشكەرىلەي ناقتىلاندى. ورنالاستىرۋلار، جايعاستىرۋلار ىشىندە قۇرىلتايعا قاتىناسقان ۋاكىلدەردىڭ العا ىلگەرىلەۋ بەتالىسى ءتىپتى دە دالمە - ءدال بولىپ، تياناقتاندىرۋ شارالارى ءتىپتى دە ناقتىلانىپ، جۇزەگە اسىرۋ بەكىمى ءتىپتى دە بەكەمدەلدى، شينجياڭنىڭ مۇنان كەيىنگى 5 جىلداعى، اۋەلى، ونان دا ۇزاق مەزگىلدەگى دامۋ جول كارتاسى بىرتىندەپ ايقىندالا ءتۇستى.
ۋاكىل جۋ شين بىلاي دەدى: قۇرىلتاي شينجياڭ قىزمەتىنىڭ ايبىندى جوباسىن جوسپارلادى، قىزمەتتى تياناقتاندىرۋدى باتىل، ويداعىداي يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن قۇلشىنا امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ كەرەك.
ۋاكىل اينۇر مامەت بىلاي دەدى: پارتيا مۇشەسىنىڭ ۇلگىلىك، باستاماشىلدىق رولىن تولىق ساۋلەلەندىرىپ، اقىل - پاراساتىم مەن كۇش - قۋاتىمدى قۇرىلتاي تۇراقتاندىرعان نىسانا - مىندەتتەرگە شوعىرلاندىرىپ، ستيلدى ويداعىداي شىڭداپ، تىڭ ىسكەرلىك كورسەتەمىن.
ۋاكىل پاتام ايسا بىلاي دەدى: تۇنىق سۋ، جاسىل تاۋ − باعالى بايلىق ۇستانىمىن دايەكتىلەندىرىپ، تياناقتاندىرىپ، اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق كورىكتى شينجياڭ قۇرۋعا كۇش قوسامىن.
ۋاكىل ارپات ابدۇۋالي بىلاي دەدى: جەرگىلىكتى ورىننىڭ ساياحات بايلىعى باسىمدىعىمەن ۇشتاستىرىپ، ساياحات كورىنىس وڭىرلەرىن اشۋعا ۇسىنىلىم تەبىنىن ۇزدىكسىز ارتتىرىپ، اسقار تاۋى، تۇنىق سۋى بار اۋىل ساعىنىشى ەستە قالاتىن اۋىل - قىستاق ساياحات كاسىپ سالاسىن تۇلعالاپ، ءار ۇلت بۇقاراسىن ورنىقتى كىرىستەرىن ارتتىرىپ بايۋعا باستايمىن.
ۋاكىلدەردىڭ جىگەر - قايراتتارى تاسقىنداپ، ءوزارا اڭگىمەلەسىپ، تالقىلاسىپ، تۇسىنىكتەرىن، سەزىنگەندەرىن ارقا - جارقا اڭگىمەلەدى، سەنىم مەن اسقاق سەزىم ءار ادامنىڭ جۇزىنەن مەن مۇندالادى.
”شينجياڭنىڭ ەكونوميكالىق، قوعامدىق دامۋى، ءسوز جوق، اناعۇرلىم زور تابىستارعا قول جەتكىزەدى، ءار ۇلت بۇقاراسىنىڭ تۇرمىسى، ءسوز جوق، اناعۇرلىم باقىتتى بولا تۇسەدى“.
”اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جۇرگىزەيىك“.
...
ءۇمىت ءتىپتى دە تاسقىنداپ، قادام ءتىپتى دە ەكپىندى بولا ءتۇستى.
اۆتونوميالى رايوندىق 10 - رەتكى پارتيا قۇرىلتايىنىڭ قۋاتتى ىرعاعىنا ىلەسە، ءبىز ارشىندى قاداممەن اناعۇرلىم تاماشا بولاشاقتى بەتكە الدىق!
