كۇلان اشىمبەك:
ىنتا - ىقىلاسىمەن زەيىن سالا تىڭدايتىن جاراستىرۋشى
□ انار بۇلت / شينجياڭ گازەتىنىڭ ءتىلشىسى جاڭ تيڭ
10 - ايدىڭ 11 - كۇنى ساعات 9 شاماسىندا كوكتوعاي اۋدانى كوكتوعاي قالاشىعى ءادىليا بولىمشەسىنىڭ باستىعى كۇلان اشىمبەك ەلەكتروسيكلگە ءمىنىپ، كۇندەلىكتى وتباسىلارىن ارالاپ احۋال ۇعىسۋ قىزمەتىن تاعى باستادى.
20 جىلدىق پارتيا ستاجى بار ءبىر پارتيا مۇشەسى رەتىندە، كۇلان اشىمبەك جاراستىرۋ قىزمەت ورنىندا 28 جىل قىزمەت ىستەدى. كوشىرۋ، ءادىليالىق داۋ - شار، سونداي - اق بۇقارا جولىققان ءتۇرلى قيىنشىلىقتار الدىندا ونىڭ تاڭداعانى − ماسەلەلەرگە بەتپە - بەت كەلۋ، شىن ىقىلاسىمەن كومەكتەسۋ. كوپ جىلدان بەرى ول شىنايى سۇيىسپەنشىلىكپەن جانە تۋراشىلدىقپەن قايشىلىق، داۋ - شارلاردى شەشۋگە كومەكتەسىپ، جەرگىلىكتى بۇقارانىڭ جان اشىرىنا اينالدى.
”كۇلان اپايدىڭ كومەگىندە مەن اقىرى ەڭبەكاقىمدى الدىم، قازىر تۋعان اۋىلىما قايتىپ كەلدىم“، - دەدى حىناندىق جۇمىسشى لي گوشۋ تەلەفوندا.
9 - ايدىڭ 12 - كۇنى ورتا جاستارداعى 5 ازامات كوكتوعاي قالاشىعى ءادىليا بولىمشەسىنىڭ جاراستىرۋ ۇيىنە كەلەدى. اسىلىندە ولار قالاشىقتاعى بەلگىلى قۇرىلىس جۇمىس ورنىندا جۇمىس ىستەگەن ەدى، ءبىراق قۇرىلىس اياقتاعاننان كەيىن قوجايىن حى XX ولاردىڭ ەڭبەكاقىسىن بەرمەي قويادى، ولار وسى اراعا كەلىپ كۇلان اشىمبەكتەن كومەكتەسۋدى وتىنەدى.
كۇلان اشىمبەك جاعدايدىڭ انىق - قانىعىن بىلگەننەن كەيىن حى XXتى ىزدەپ تاۋىپ، وعان قاتىستى زاڭ، زاڭ ەرەجەلەردى بايىپتىلىقپەن تۇسىندىرەدى، ءجون - جوسىق، اقىل - كەڭەس ارقىلى يلاندىرعاننان كەيىن، حى XX تەز ارادا 5 داۋگەردىڭ ەڭبەكاقىسىن بەرەدى.
”جاراستىرۋ قىزمەتىنىڭ كوبى كۇندەلىكتى ۇساق - تۇيەك ىستەر، كەيدە ءبىر دەلونى جاراستىرۋ 1 - 2 جىلعا سوزىلادى، ءبىراق مەن ايتەۋىر ءوزىم قابىلداعان دەلونى، ءسوز جوق، تۇبەگەيلى شەشىپ، داۋگەردى دە رازى، ءوزىمدى دە الاڭسىز ەتۋىم كەرەك دەپ تالاپ ەتەمىن“، - دەدى كۇلان اشىمبەك.
ءار كۇنى كۇلان اشىمبەك كەڭسەگە ۇنەمى ەڭ الدىمەن كەلەدى، سودان كەيىن وتباسى سايىن ءبىر - بىرلەپ ارالاپ تەكسەرۋ جۇرگىزىپ، جاعداي ۇعىسادى. 28 جىلدان بەرى ول وتباسى، كورشى، ۇيلەنۋ، جەر سياقتى جاقتارداعى 5000نان استام ازاماتتىق ىستەر داۋ - شارىنا تىكەلەي ات سالىسىپ جاراستىردى.
كۇلان اشىمبەك اي سايىن تاباندىلىقپەن قايشىلىق، داۋ - شارلارعا ءبىر - بىرلەپ تەكسەرۋ ورىستەتۋدى 4 رەتتەن كەم تۇسىرمەي، قايشىلىق، داۋ - شار ينفورماتسياسىن دەر كەزىندە، دۇرىس يگەرىپ، قىزمەتتى باستى ورىنعا قويىپ، قايشىلىق، داۋ - شارلاردى جاراستىرۋدىڭ ىرىقتىلىق ۇقىعىن يگەردى. قايشىلىق، داۋ - شارلاردى ءبىر - بىرلەپ تەكسەرۋمەن بىرگە، ول تاعى بۇقاراعا ءوندىرىس، تۇرمىسپەن تىعىز قاتىستى زاڭداردى، زاڭ ەرەجەلەردى ۇگىتتەپ، بۇقارانىڭ زاڭدىق تانىمىن كۇشەيتتى.
نەگىزگى ساتى ءادىليا قىزمەتىمەن شۇعىلدانعان 28 جىلدان بەرى كۇلان اشىمبەك قالاشىق، قىستاق (الەۋمەتتىك اۋماق)، گرۋپپا ءۇش دارەجەلى جاراستىرۋ مەحانيزمىن قۇرىپ، اقاۋسىزداندىرىپ، ىلگەرىندى - كەيىندى 4 ”كۇلان جاراستىرۋ ءۇيىن“ قۇرىپ، قالاشىق، قىستاق ەكى دارەجەلى جاراستىرۋشىلار قوسىنىن ۇيىمداستىرىپ، قايشىلىق، داۋ - شارلاردى ءدال ۋاعىندا بايقادى ءارى شەشتى، ءتۇرلى قايشىلىق، داۋ - شارلاردى جاراستىرۋدىڭ تابىستى بولۋ سالىستىرماسى ％98تەن جوعارى بولىپ، كىشكەنە ماسەلەلەردى گرۋپپادان شىعارماۋدى، ورتاشا ماسەلەلەردى قىستاقتان (الەۋمەتتىك اۋماق) شىعارماۋدى، ۇلكەن ماسەلەلەردى قالاشىقتان شىعارماۋدى جۇزەگە اسىردى.
”ءبىر كوممۋنيستىك پارتيا مۇشەسى رەتىندە، بۇكىل ىنتا - پەيىلىممەن حالىق ءۇشىن قىزمەت ىستەۋىم كەرەك. مەن سابىرلىلىقپەن جانە ىنتالىلىقپەن حالىقتىق جاراستىرۋ قىزمەتىن جالعاستى جاقسى ىستەپ، ءبىر نەگىزگى ساتى كادرىنىڭ قىزمەت جاۋاپكەرشىلىگىن ادالدىقپەن اتقارىپ، حالىقتىڭ قيىنشىلىعىن شەشىپ، حالىققا كومەكتەسەمىن“، - دەدى كۇلان اشىمبەك باتىل تۇردە.
