تيانشان تورى   ›   جاڭالىقتار   ›   شينجياڭ حابارلارى

كورنەكتى ناتيجە جۇرتتى جىگەرلەندىردى

  □ انار بۇلت / شينجياڭ گازەتىنىڭ ءتىلشىسى ليۋ شياڭ

  10 - ايدىڭ 21 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى شينجياڭ حالىق سارايىندا سالتاناتپەن اشىلدى. بۇكىل رايوننىڭ ءار شەبىنەن كەلگەن ۋاكىلدەر كوكىرەك تولى ىستىق ىنتامەن ۋاكىلدىك مىندەت - جاۋاپكەرشىلىكتەرىن مۇقيات اتقارىپ، بايانداما توڭىرەگىندە بورىش، جاۋاپكەرشىلىك ارقالاۋ جايىن بىرگە ءسوز ەتىستى.

  ۋاكىلدەر بىلاي دەپ قارادى: بايانداما شينجياڭنىڭ وتكەن 5 جىلداعى كورنەكتى تابىستارىن كورسەتىپ، الداعى 5 جىلداعى دامۋ جوباسىن عىلمي كەسكىندەدى، جۇرتقا تەرەڭ شابىت بەرىپ، سەنىمدەرىن ەسەلەپ ارتتىردى. ءوز قىزمەتىمىزدى تياناق ەتىپ، اۋەلگى ماقساتتى، بورىشتى مىزعىماي جۇرەككە ۇيالاتىپ، ارەكەتتە ايگىلەپ، اسقاق بەينەمەن جاڭا ساپاردا ۇدەرە العا باسىپ، جاڭا داۋىردە ەڭبەك سىڭىرەمىز.

  قوعام ورنىقتىلىعىنا سەنىم بەكەم بولدى

  ”وسى 5 جىلدا قوعامدىق كەلەلى جاعداي ءۇرتىس ورنىقتى بولىپ، تىنىشتىق، جاراسىمدىلىق ۇلكەن ارناعا اينالدى“. بايانداماداعى وسى ءسوز قارامايلى قالالىق ساياسي كەڭەستىڭ ورىنباسار ءتوراعاسى، قارامايلى رايوندىق پارتكومنىڭ شۋجيى پان رۇي ۋاكىلگە تەرەڭ اسەر سيلادى.

  پان رۇي بىلاي دەدى: وتكەن 5 جىل قوعامدىق كەلەلى جاعداي ۇزدىكسىز ورنىقتى بولعان، ءار ۇلت بۇقاراسى تىنىش ءومىر، شات - شادىمان تىرشىلىك كەشىرگەن 5 جىل بولدى. ورنىقتىلىقتىڭ پايداسىنىڭ ۇزدىكسىز جارىققا شىعۋى ءتۇرلى قارجى قوسۋشى تۇلعالاردىڭ ومىرشەڭدىگىن قاۋلاتتى. 5 جىلدان بەرى قارامايلى رايونى تۇراقتى مۇلىككە جالپى 128 ميلليارد 688 ميلليون يۋان قارجى قوسۋدى ورىندادى؛ ساۋداگەر شاقىرىپ، قارجى ەنگىزۋ نىسانى 428 بولىپ، تياناقتانعان قارجى 35 ميلليارد 870 ميلليون يۋانعا جەتتى. بۇل قارجى قوسۋ نىساندارى قارامايلى رايونى ەكونوميكاسىنىڭ نەگىزگى اۋقىمىن ورنىقتىرۋعا، قارامايلى قالاسى ەكونوميكاسىنىڭ وسۋىنە دەم بەرۋگە ماڭىزدى كۇش قوستى.

  حاۋىپسىز، ورنىقتى قوعامدىق ورتا شينجياڭنىڭ ساياحات ارقىلى شينجياڭدى كوركەيتۋ ستراتەگياسىن ىلگەرىلەتۋىنە دە بەرىك قامتاماسىزدىق ازىرلەدى.

  فۋكاڭ قالاسىنداعى تيانشان بوعدا كورىنىس رايونى ەجەلدەن بەرى كوپتەگەن ساياحاتشىلار ارماندايتىن ”ءسوزسىز، باراتىن جەر“ بولىپ كەلەدى. بيىلعى ”1 - قازان“ دەمالىسى كەزىندە فۋكاڭ قالاسى جيىنى 308 مىڭ 700 ادام - رەت ساياحاتشى قابىلدادى، ساياحات كىرىسى 195 ميلليون يۋان بولىپ، سايكەس مەزگىلدەگىدەن %24.5 ارتتى.

  ”قوعام ورنىقتىلىعى ساياحات كاسىبىن گۇلدەنۋگە جەتەكتەدى. 5 جىلدان بەرى فۋكاڭ قالاسىنىڭ ساياحات كاسىبى ارشىنداي دامىپ، تيانشان بوعدا كورىنىس رايونىنىڭ باسقارۋ دەڭگەيى مەن قىزمەت وتەۋ قابىلەتى ايتارلىقتاي جوعارىلاپ، ساياحاتشىلاردىڭ جايلى سەزىنۋ جانە رازى بولۋ كورسەتكىشى ۇزدىكسىز جوعارىلادى“، - دەيدى فۋكاڭ قالالىق پارتكومنىڭ ورىنباسار شۋجيى، قالا باستىعى، ۋاكىل جاۋ شياندۇڭ: ”ساياحات كاسىبى فۋكاڭنىڭ دامۋ بەتالىسى ەڭ كۇشتى كاسىپ سالالارىنىڭ بىرىنە اينالدى، بىزدە فۋكاڭنىڭ ساياحات كاسىبىن ونان ارى جوعارى كوتەرۋگە تولىق سەنىم جانە بەكىم بار“.

  ەكونوميكالىق دامۋدىڭ ومىرشەڭدىگى قاۋلادى

  ”وسى 5 جىلدا ەكونوميكالىق ناقتى قۋات كورنەكتى كۇشەيىپ، جاپپاي دوڭگەلەك داۋلەتتىلىك شىت جاڭا تۇسكە ەندى“. باياندامادا 5 جىلدان بەرگى شينجياڭ ەكونوميكاسىنىڭ دامۋىندا قول جەتكەن تابىستار وسىلاي باياندالدى.

  بىلتىر جىل سوڭىندا مەملەكەتتىك كەڭەس حابارلاندىرۋ شىعارىپ، شينجياڭ تارباعاتاي ءتۇيىندى دامىتۋ - ەسىك اشۋ سىناق رايونىن (تومەندە قىسقاشا تارباعاتاي سىناق رايونى دەلىندى) قۇرۋدى بەكىتىپ، تارباعاتاي ەكونوميكاسىنىڭ جوعارى ساپالى دامۋىنا دەم بەرىپ، كۇش ۇستەدى.

  ”تارباعاتاي سىناق رايونىن قۇرۋ بەكىتىلگەن سوڭ، اۆتونوميالى رايون سىناق رايونىنىڭ جوعارى ساپالى دامۋىن، قۇرىلىسىن قولداۋ جونىندە ءبىرقاتار ساياسات شىعاردى. ءبىز وسى ءبىر تاريحي ورايدى مىقتاپ يگەرىپ، بار كۇشپەن ىلگەرىلەتىپ، ىرىقتىلىقپەن ىسكەرلىك كورسەتەمىز“، - دەدى تارباعاتاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى، ۋاكىل شۋە گۇيچياڭ: ”قازىرگە دەيىن تارباعاتاي سىناق رايونى 372 نىسان اتقارىپ، جالپى قوسىلعان قارجى 46 ميلليارد يۋانعا جەتتى“.

  شۋە گۇيچياڭ مىنالاردى ءبىلدىردى: ەندىگى جەردە تارباعاتاي ايماعى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ويداعىداي دايەكتىلەندىرىپ، تياناقتاندىرىپ، تارباعاتاي ءتۇيىندى دامىتۋ - ەسىك اشۋ سىناق رايونىن جىبەك جولى ەكونوميكالىق بەلدەۋىندەگى ماڭىزدى تىرەك ءتۇيىنى، ورتا ازياداعى ەلدەرمەن سەلبەستىك جاساۋدى تەرەڭدەتۋدەگى ماڭىزدى تۇعىر، شەكارا بويىنداعى وڭىرلەر ەكونوميكاسىن دامىتۋدىڭ جاڭا ارتۋ ۇيەگى، شەكارا مەن مەملەكەت تەرريتوريا حاۋىپسىزدىگىن قورعاۋدىڭ ماڭىزدى قالتقىسى ەتىپ قۇرىپ شىعۋ ءۇشىن قاجىماي - تالماي قۇلشىنىس جاسايدى.

  جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىردى، سوڭعى جىلدارى قارامايلى قالاسى قارامايلى رايونىنىڭ ەكونوميكالىق دامۋى دا ورنىقتى قاداممەن ”جوعارى ساپاعا“ قادام تاستادى.

  ۋاكىل پان رۇي بىلاي دەدى: ”ءبىز جوعارى، جاڭا تەحنيكالىق كاسىپ سالاسىنىڭ دامۋىن بەلسەنە ىلگەرىلەتىپ، سيفرلى ەكونوميكالىق كاسىپ سالاسى باقشاسىن قۇرىپ، نازاردى جىنتىكتەي مانەرلەۋ كاسىبىنە شوعىرلاندىرىپ، زەردەلى جاساۋدى باعدار ەتىپ، ساۋداگەر شاقىرۋ مەن قۇرىلىس جۇرگىزۋدى تەڭ ىلگەرىلەتىپ، سيفردى كاسىپ سالالاندىرۋداعى، كاسىپ سالاسىن سيفرلاندىرۋداعى جاڭالىق اشۋ بويىنشا جەتەكشى ەتۋ ورنىن جانە سيفرلى ەكولوگيا شەڭبەرىن قالىپتاستىرىپ، قارامايلى رايونى ەكونوميكاسىنىڭ جوعارى ساپالى دامۋىنا قۋات قوسىپ، ءار ۇستەيمىز“.

  حالىق تۇرمىسى جاقسارىپ، جۇرت جۇرەگىنە شۋاق توگىلدى

  ”وسى 5 جىلدا بۇقارانىڭ تۇرمىسى كورنەكتى جاقسارىپ، حالىققا پايدا جەتكىزىلىپ، حالىققا تيىمدىلىك جاسالدى“. باي اۋداندىق پارتكومنىڭ شۋجيى، ۋاكىل پىڭ گاڭ بىلاي دەدى: وتكەن 5 جىل شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋىندا بۇرىن بولماعان تابىسقا قول جەتكەن، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيگەن 5 جىل بولدى. بۇگىنگى وڭتۇستىك شينجياڭدا نەگىزدىك قۇرىلعى كورنەكتى جاقسارىپ، كاسىپ سالاسى قاۋىرت دامىپ، جۇمىستانۋ كەڭ كولەمدە جۇزەگە اسىپ، ءار ۇلت بۇقاراسى شينجياڭنىڭ الداعى دامۋىنىڭ نۇرلى بولاشاعىنا ۇلكەن ءۇمىت، نىق سەنىم ارتىپ وتىر!

  بۇگىنگى باي اۋدانىندا ءار ۇلت بۇقاراسىنىڭ ءوندىرىس - تۇرمىس شارت - جاعدايىندا ۇلكەن وزگەرىس بولىپ، قىستاقتاردىڭ بارلىعىندا بالاباقشا اشىلىپ، سۋ، جول، ەلەكتر، گاز، حابارلاسۋ ءار وتباسىنا جەتىپ، قوعامدىق قامتاماسىز ەتۋ جۇيەسى بارشا حالىقتى قامتىپ، ءار ۇلت بۇقاراسى دوڭگەلەك داۋلەتتى تۇرمىس كەشىرىپ، قوماقتى ناقتى تيىمدىلىككە قول جەتكىزىپ، بالداي ءتاتتى كۇن كەشىپ جاتىر. ”بىلاي دەۋگە بولادى، بۇرىن بۇقاراعا بەرگىمىز كەلگەنىمەن بەرە الماي كەلگەن دۇنيەلەر وتكەن 5 جىلدا تۇگەلدەي جۇزەگە استى، بۇقاراعا ىستەپ بەرگىمىز كەلگەنىمەن ىستەي الماي كەلگەن ىستەر وتكەن 5 جىلدا تۇگەلدەي ورىندالدى“، - دەدى ۋاكىل پىڭ گاڭ.

  جۇمىستانۋ − حالىق تۇرمىسىنىڭ نەگىزى. سوڭعى جىلداردان بەرى ىلە قازاق اۆتونوميالى وبلىسى جۇمىستاندىرۋدى الدىمەن ويلاستىرۋ ستراتەگياسىن ىشكەرىلەي اتقارىپ، جۇمىستاندىرۋ ارقىلى حالىققا تيىمدىلىك جاساۋ ساياساتىن مۇقيات تياناقتاندىرىپ، ەڭبەككۇشتەردى باسقا سالاعا ويىستىرۋدى ويداعىداي يگەرۋدى كورنەكتىلەندىرىپ، شەبەرلىككە باۋلۋدى ناقتى يگەرىپ، ءتۇيىندى قاۋىمعا كومەكتەسىپ جانە ولاردى سۇيەمەلدەپ، شارۋاشىلىق قۇرۋ ارقىلى جۇمىستانۋدى جەبەۋدى بار كۇشپەن ىلگەرىلەتىپ، جۇمىستانۋ كەلەلى جاعدايىنىڭ ورنىقتىلىعىن ساقتادى.

  ”’13 - بەسجىلدىق‘ مەزگىلىندە ىلە قازاق اۆتونوميالى وبلىسى قالا - قالاشىقتا تىڭنان 288 مىڭ ادامدى جۇمىستاندىرۋدى، تىڭنان 32 مىڭ 300 ادامنىڭ شارۋاشىلىق قۇرۋىن جۇزەگە اسىرىپ، 76 مىڭ 200 ادامدى جۇمىستانۋعا جەتەكتەدى. ءتۇرلى قىزمەتشىلەردەن 225 مىڭ 800 ادام - رەت باۋلۋ ورىستەتىپ، اۋىل - قىستاقتاعى ارتىق ەڭبەككۇشتەردەن 2 ميلليون 640 مىڭ ادام - رەت باسقا سالاعا ويىستىردى“، - دەدى ىلە قازاق اۆتونوميالى وبلىستىق پارتكوم ۇيىمداستىرۋ ءبولىمىنىڭ ورىنباسار باستىعى، وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى، ۋاكىل ليۋ سۇنگاڭ، - ”ءبىز اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، جۇمىستاندىرۋ ارنالارىن كەڭەيتۋ، جۇمىستانۋ، شارۋاشىلىق قۇرۋ تۇعىرلارىن قۇرۋ، جۇمىستانۋ قابىلەتىن جوعارىلاتۋ، ەڭبەكشىلەردىڭ تابىسىن مولايتۋ جاعىندا كۇش سالىپ، الۋان شارا قولدانىپ جۇمىستانۋدى ورنىقتىرىپ، جۇمىستانۋدى قامتاماسىز ەتىپ، حالىق تۇرمىسىنىڭ قامتاماسىزدىق نەگىزىن بار كۇشپەن بەكەمدەيمىز“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.