تيانشان تورى   ›   جاڭالىقتار   ›   ەل ءىشى حابارى

قالا، اۋىل قۇرىلىسىنىڭ جاسىل دامۋىن ىلگەرىلەتۋ كەرەك

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى پىكىر باسىپ تاراتتى

قالا، اۋىل قۇرىلىسىنىڭ جاسىل دامۋىن ىلگەرىلەتۋ كەرەك

  شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «قالا، اۋىل قۇرىلىسىنىڭ جاسىل دامۋىن ىلگەرىلەتۋ جونىندەگى پىكىردى» (تومەندە قىسقارتىلىپ «پىكىر» دەلىندى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار اتاپ كورسەتىلدى: قالا، اۋىل قۇرىلىسى جاسىل دامۋدى ىلگەرىلەتۋدىڭ، كوركەم جۇڭگو قۇرۋدىڭ ماڭىزدى دانەكەرى.

  ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعاتتىڭ تىرشىلىك ورتاق تۇلعاسىن قۇرۋدى ىلگەرىلەتۋ كەرەك. جالپىلىق پەن ءىشىنارالىقتىڭ ءوزارا سايكەسۋىنە تاباندى بولۋ، جوبالاۋ، قۇرىلىس جۇرگىزۋ، باسقارۋ سىندى 3 ۇلكەن بۋىندى ءبىر تۇتاس جوسپارلاۋ، قالا - قالاشىق جانە اۋىل - قىستاق قۇرىلىسىن ءبىر تۇتاس جوسپارلاۋ كەرەك. ونىمدىلىك پەن بىركەلكىلىككە قاتار ءمان بەرۋگە تاباندى بولىپ، قالا، اۋىلدا بايلىقتان، ەنەرگيادان ۇنەمدى، شوعىرلى پايدالانۋدى جەبەپ، حالىق سانىنىڭ، ەكونوميكالىق دامۋدىڭ ەكولوگيالىق بايلىقپەن سايكەستى بولۋىن جۇزەگە اسىرۋ كەرەك. ءادىل بولۋدى سيىسىمدى بولۋمەن ءوزارا توعىستىرۋعا تاباندى بولىپ، قالا، اۋىل نەگىزدىك قۇرىلعىلارىن كەمەلدەندىرىپ، نەگىزگى الەۋمەتتىك قىزمەت وتەۋدى بىركەلكىلەندىرۋدى ىلگەرىلەتۋ كەرەك. قورعاۋ مەن دامۋدىڭ بىرلىگىنە تاباندى بولىپ، جۇڭحۋانىڭ تاڭداۋلى، ءداستۇرلى مادەنيەتىن جالعاستىرىپ، جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتۋ كەرەك. پارتيا قۇرىلىسىمەن جەتەكشىلىك ەتۋدى بۇقارانىڭ بىرگە قۇرۋىمەن، بىرگە باسقارۋىمەن، بىرگە يگىلىكتەنۋىمەن ۇشتاستىرۋعا تاباندى بولىپ، بۇقارانىڭ ات سالىسۋ مەحانيزمىن كەمەلدەندىرىپ، تاماشا ورتانى بىرگە جاراتۋ كەرەك.

  «پىكىردە» العا قويىلعان جالپى تۇلعالىق نىسانا: 2025 - جىلعا بارعاندا قالا، اۋىل قۇرىلىسىنىڭ جاسىل دامۋ ءتۇزىلىسى، مەحانيزمى مەن ساياساتتىق جۇيەسى نەگىزىنەن ورنايدى، قۇرىلىس تاسىلىندە جاسىلعا بۇرىلىس جاساۋ ونىمدىلىگى كورنەكتى بولادى، كومىر قىشقىل گازىنىڭ شىعارىلۋىن ازايتۋ تىڭعىلىقتى ىلگەرىلەتىلەدى، قالانىڭ تۇلعالىق سيپاتى، جۇيەلىك سيپاتى، ءوسىپ - جەتىلۋ سيپاتى كۇشەيەدى، ”قالا دەرتى“ ماسەلەسى باسەڭدەيدى، قالا، اۋىلدىڭ ەكولوگيالىق ورتا ساپاسى جالپىلىق جاقسارىپ، قالا، اۋىلدىڭ دامۋ ساپاسى مەن بايلىق ورتاسىنىڭ كوتەرىمدىلىك قابىلەتى كورنەكتى جوعارىلايدى، جان - جاقتى جونگە سالۋ قابىلەتى كورنەكتى وسەدى، جاسىل تۇرمىس ءتاسىلى جاپپاي جالپىلاسادى.

  2035 - جىلعا بارعاندا قالا، اۋىل قۇرىلىسىندا جاسىل دامۋ جاپپاي جۇزەگە اسادى، كومىر قىشقىل گازىنىڭ شىعارىلۋىن ازايتۋ دەڭگەيى جەدەل جوعارىلايدى، قالا مەن اۋىلدىڭ ساپاسى جاپپاي جوعارىلايدى، قونىس ورتاسى ونان ارى تاماشا بولادى، قالا، اۋىل قۇرىلىس سالاسىن جونگە سالۋ جۇيەسى مەن جونگە سالۋ قابىلەتى وسىزاماندانۋدى نەگىزىنەن جۇزەگە اسىرادى، كوركەم جۇڭگو قۇرىلىسى نىساناسى نەگىزىنەن جۇزەگە اسادى.

  «پىكىردە» قالا، اۋىل قۇرىلىسىن ءبىر تۇلعالاندىرىپ دامىتۋدى ىلگەرىلەتۋ، قالا، اۋىل قۇرىلىسىنىڭ دامۋ تاسىلىنە بۇرىلىس جاساۋ، قىزمەت ءتاسىلىن جاڭالاۋ، ۇيىمداستىرىپ اتقارۋدى كۇشەيتۋ سياقتىلار جونىندە ايقىن تالاپتار قويىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.