تيانشان تورى   ›   جاڭالىقتار   ›   ماڭىزدى حابارلار

كوزدەگەن نىسانادان جازباي، قۇنتتى دا ۇقىپتى بولىپ، دەن قويا ىستەپ، تالىقپاي ەڭبەك ەتىپ، حۋاڭحى وزەنىنىڭ جۇڭحۋا ۇلتىن ماڭگى باقىتقا كەنەلتۋى ءۇشىن قاجىماي - تالماي كۇرەس جۇرگىزۋ كەرەك

شي جينپيڭ حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىشكەرىلەي ىلگەرىلەتۋ اڭگىمە ماجىلىسىندە بىلاي دەپ باسا دارىپتەدى

كوزدەگەن نىسانادان جازباي، قۇنتتى دا ۇقىپتى بولىپ، دەن قويا ىستەپ، تالىقپاي ەڭبەك ەتىپ، حۋاڭحى وزەنىنىڭ جۇڭحۋا ۇلتىن ماڭگى باقىتقا كەنەلتۋى ءۇشىن قاجىماي - تالماي كۇرەس جۇرگىزۋ كەرەك

حان جىڭ قاتىناستى جانە ءسوز سويلەدى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 22 - كۇنى تۇستەن كەيىن شاندۇڭ ولكەسىنىڭ جينان قالاسىندا حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 22 - كۇنى تۇستەن كەيىن شاندۇڭ ولكەسىنىڭ جينان قالاسىندا حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. سۋرەتتە: اڭگىمە ماجىلىستەن ىلگەرى، شي جينپيڭ 10 - ايدىڭ 20 - كۇنى تۇستەن كەيىن دۇڭيىڭ قالاسىنداعى حۋاڭحى وزەنىنىڭ تەڭىزگە قۇيار ساعاسىندا قىزمەت تەكسەرۋدە.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 10 - ايدىڭ 22 - كۇنى جيناننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 22 - كۇنى تۇستەن كەيىن شاندۇڭ ولكەسىنىڭ جينان قالاسىندا حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: كەزەكتەگى حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋى جاعدايىنا عىلمي تالداۋ جاساپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ سىندى كەلەلى ماسەلەنى ويداعىداي يگەرىپ، كوزدەگەن نىسانادان جازباي، قۇنتتى دا ۇقىپتى بولىپ، دەن قويا ىستەپ، تالىقپاي ەڭبەك ەتىپ، ”14 - بەسجىلدىق“ مەزگىلدەگى حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامۋىندا كورنەكتى ناتيجەگە قول جەتكىزۋگە شىنايى كەپىلدىك ەتىپ، حۋاڭحى وزەنىنىڭ جۇڭحۋا ۇلتىن ماڭگى باقىتقا كەنەلتۋى ءۇشىن قاجىماي - تالماي كۇرەس جۇرگىزۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى ءارى ءسوز سويلەدى.

  اڭگىمە ماجىلىستە مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ، گانسۋ ولكەلىك پارتكومنىڭ شۋجيى يىن حۇڭ، سانشي ولكەلىك پارتكومنىڭ شۋجيى لين ۋ، شاندۇڭ ولكەلىك پارتكومنىڭ شۋجيى لي گانجيە، جاراتىلىستىق بايلىق مينيسترلىگىنىڭ مينيسترى لۋ حاۋ، ەكولوگيالىق ورتا مينيسترلىگى پارتيا باسشىلىق گرۋپپاسىنىڭ شۋجيى سۇن جينلۇڭ، سۋ يگىلىگى مينيسترلىگىنىڭ مينيسترى لي گويىڭ ىلگەرىندى - كەيىندى سوزگە شىعىپ، قىزمەت جاعدايلارىن تانىستىرىپ، پىكىر جانە ۇسىنىستارىن ورتاعا قويدى. اڭگىمە ماجىلىسكە قاتىناسقان باسقا ولكە - رايوندارداعى نەگىزگى جاۋاپتى جولداستار جازباشا ءسوز تاپسىردى.

  كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: پارتيا ورتالىق كوميتەتى حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن مەملەكەتتىك ستراتەگيا دەڭگەيىنە كوتەرگەننەن بەرى، ءبىز حۋاڭحى وزەنى الابىندا ورىن تەپكەن قايشىلىقتار مەن ماسەلەلەردى شەشۋدى ارقاۋ ەتە وتىرىپ، قىرۋار قىزمەت ورىستەتىپ، حۋاڭحى وزەنىن قورعاۋدىڭ، جونگە سالۋدىڭ ”ءتورت ارقالىق، سەگىز تىرەۋىن“ ورناتىپ، ەكولوگيالىق ورتا ماسەلەسىن رەتتەپ، جونگە سالىپ، ەكولوگيانى قورعاۋدى، قالپىنا كەلتىرۋدى ىلگەرىلەتىپ، جونگە سالۋ جۇيەسىن كەمەلدەندىرىپ، جوعارى ساپالى دامۋدا تىڭ ىلگەرىلەۋشىلىككە قول جەتكىزدىك. سونىمەن بىرگە مىنانى دا كورە بىلگەن ءجون، حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامۋىندا ءالى دە ءبىراز كورنەكتى قايشىلىقتار مەن ماسەلەلەر ورىن تەبۋدە، ماسەلەنى باعدار ەتۋگە تاباندى بولىپ، كۇش ۇستىنە كۇش قوسىپ، ءتۇرلى قىزمەتتەردى مىزعىماس تاباندىلىقپەن ويداعىداي ىستەۋ كەرەك.

  شي جينپيڭ بىلاي دەپ اتاپ كورسەتتى: حۋاڭحى وزەنى بويىنداعى ولكە - رايوندار حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋى جونىندەگى ستراتەگيالىق ورنالاستىرۋدى ويداعىداي تياناقتاندىرىپ، ەكولوگيانى الدىمەن ويلاستىرۋ، جاسىل دامۋ سىندى وسىزامانداندىرۋ جولىمەن بۇلجىماي ءجۇرۋ كەرەك. ءبىرىنشى، دۇرىس ساياسي ناتيجە كوزقاراسىنا تاباندى بولىپ، قورعاۋ مەن دامۋدىڭ قاتىناسىن ءدال يگەرۋ كەرەك. قاۋىرت قورعاۋدى شەشۋشى مىندەت ەتىپ، قورشاعان ورتا ماسەلەلەرىن رەتتەۋ - جونگە سالۋدان، ىشكەرىلەي سۋ ۇنەمدەۋدەن، سۋ تىزگىندەۋدەن، ەكولوگيانى قورعاۋدان، قالپىنا كەلتىرۋدەن قامال الۋ شايقاسىن ويداعىداي جۇرگىزۋ ارقىلى وزەن الابىنىڭ ەكولوگيالىق كەلبەتىن ايتارلىقتاي جاقسارتۋ كەرەك. حۋاڭحى وزەنى جاعالاۋىن اشۋ، قۇرىلىس جۇرگىزۋدە، ءسوز جوق، ەكولوگيانى قورعاۋ سىندى قىزىل سىزىقتى ساقتاۋ، ءسوز جوق، بايلىقتى، اسىرەسە، سۋ بايلىعىن اشۋدىڭ، پايدالانۋدىڭ جوعارى شەگىن قاتاڭ ساقتاۋ، قۋاتتى دا پارمەندى تەجەۋ ارقىلى دامۋدىڭ ساپاسى مەن ونىمدىلىگىن جوعارىلاتۋ كەرەك. ەكىنشى، دامۋ مەن حاۋىپسىزدىك سىندى 2 ۇلكەن ءىستى ءبىر تۇتاس جوسپارلاپ، حاۋىپ - قاتەرلەردىڭ الدىن الۋ جانە وعان توتەپ بەرۋ قابىلەتىن جوعارىلاتۋ كەرەك. سۋ حاۋىپسىزدىگىنە قاتىستى حاۋىپ - قاتەرلەرگە ايرىقشا ءمان بەرىپ، بۇكىل قوعامنىڭ سۋدى ۇنەمدى پايدالانۋىن زور كۇشپەن ىلگەرىلەتۋ كەرەك. الەمدىك كليمات وزگەرىسىنىڭ كۇردەلى دە تەرەڭ ىقپالىنا ايرىقشا ءمان بەرىپ، حاۋىپسىزدىك تۇرعىسىنان بەلسەنە توتەپ بەرىپ، اپاتتان ساقتانۋ جانە ونى تىزگىندەۋ دەڭگەيىن جاپپاي جوعارىلاتىپ، حالىقتىڭ ءومىرىنىڭ حاۋىپسىزدىگىن قورعاۋ كەرەك. ءۇشىنشى، ستراتەگيالىق ويلاۋ قابىلەتىن جوعارىلاتىپ، جۇيە كوزقاراسىن ەكولوگيانى قورعاۋ مەن جوعارى ساپالى دامۋدىڭ جالپى بارىسىنا ءسىڭىرۋ كەرەك. جالپى جاعداي مەن ءىشىنارالىق جاعدايدىڭ قاتىناسىن ويداعىداي يگەرىپ، ءبىر تۇتاس جۇيە تانىمىن كۇشەيتىپ، ەلەۋلى ماسەلەلەردە جالپى جاعدايدىڭ مۇددەسىنە ءمان بەرۋ كەرەك. كوز الداعى جاعداي مەن ۇزاق بولاشاقتىڭ قاتىناسىن ويداعىداي يگەرىپ، ۇزاق بولاشاقتى كوزدەي وتىرىپ مۇقيات زەرتتەۋ جۇرگىزىپ، وڭاي ولجاعا جۇگىرەتىن، تاباندا تىندىرۋعا جانتالاساتىن يدەيانى جويۋ كەرەك. ءتورتىنشى، جاسىل، تومەن كومىرتەكتى دامۋ جولىمەن بۇلجىماي ءجۇرىپ، وزەن الابى ەكونوميكاسى دامۋىنىڭ ساپالىق وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك. قامداۋ مەن قاجەتسىنۋ سىندى 2 جاقتان ىسكە كىرىسىپ، ەنەرگيا جۇمسالىمىن قوس مەڭگەرۋ شارالارىن ويداعىداي تياناقتاندىرىپ، ”ەكى جوعارى“ نىسانداردىڭ كوزسىزدىكپەن جولعا قويىلۋىن قاتاڭ تىزگىندەپ، ەنەرگيا ءوندىرىسىنىڭ قۇرىلىمىن جەدەل، ءتارتىپتى تۇردە رەتتەپ، كومىر قىشقىل گازىن شىعارۋ مولشەرى كوپ بولعان، مەشەۋ وندىرىستىك قۋات پەن ءوندىرىس تەحنولوگيالارىن قاتاردان قالدىرۋ كەرەك. كومىرمەن جانە ەلەكتر قۋاتىمەن قامداۋدىڭ تۇراقتىلىعىنا شىنايى كەپىلدىك ەتۋگە كۇش سالىپ، ەكونوميكالىق، قوعامدىق اينالىمدى ويداعىداي قامتاماسىز ەتۋ كەرەك.

  شي جينپيڭ بىلاي دەپ باسا دارىپتەدى: ”14 - بەسجىلدىق“ مەزگىلى − حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋدىڭ شەشۋشى مەزگىلى، كەلەلى مىندەتتەردىڭ دايەكتىلەنۋىن، تياناقتانۋىن ويداعىداي يگەرىپ، جاڭا لەپتى جەدەل جارىققا شىعارۋعا كۇش سالۋ كەرەك. بىرىنشىدەن، جاراتىلىستىق اپاتتارعا توتەپ بەرۋدىڭ قورعانىس شەبىن جەدەل قۇرۋ. ۇلكەن تاسقىننان ساقتانۋدى، ۇلكەن اپاتقا قارسى اتتانۋدى تياناق ەتىپ، تاسقىننان ساقتانۋدا، اپاتتان قۇتقارۋدا بەلەڭ بەرگەن ءالسىز بۋىندارعا باعىتتاي وتىرىپ، ساڭلاۋلاردى جەدەل تەكسەرىپ، كەمشىن تۇستاردى تولىقتاپ، اپاتتان ساقتاندىرۋداعى، اپاتتاردى قاداعالاۋداعى ولقىلىقتاردى ويداعىداي تولىقتاۋ، اپاتتان ساقتانۋ نەگىزدىك قۇرىلعىلارىنداعى ولقىلىقتاردى ويداعىداي تولىقتاۋ كەرەك. قالالاردىڭ تاسقىننان ساقتانۋ، ىركىلگەن سۋدى سارقۋ جۇيەسى قۇرىلىسىن كۇشەيتىپ، اپاتتان ساقتانۋ، اپات زيانىن ازايتۋ قۇرىلعىلارىنىڭ قۇرىلىس سەرپىنىن ارتتىرىپ، قالانىڭ ەكولوگيالىق كەڭىستىگى، تاسقىن اعىزۋ ارنالارى سياقتىلاردى قاتاڭ قورعاۋ كەرەك. ەكىنشىدەن، ”سۋ جاعدايىنا قاراي ءتورتتى تۇراقتاندىرۋ“ پرينسيبىن جان - جاقتى دايەكتىلەندىرۋ. سۋ جاعدايىنا قاراي قالانى تۇراقتاندىرۋدى، سۋ جاعدايىنا قاراي جەردى تۇراقتاندىرۋدى، سۋ جاعدايىنا قاراي ادامدى تۇراقتاندىرۋدى، سۋ جاعدايىنا قاراي كاسىپ سالاسىن تۇراقتاندىرۋدى باتىل تياناقتاندىرىپ، سۋ حاۋىپسىزدىگىن ءونىمدى قامتاماسىز ەتۋدىڭ، سۋ بايلىعىن جوعارى ونىمدىلىكپەن پايدالانۋدىڭ، سۋ ەكولوگياسىن ايتارلىقتاي جاقسارتۋدىڭ شوعىرلى، ۇنەمدى دامۋ جولىمەن ويداعىداي ءجۇرۋ كەرەك. سۋ بايلىعىن قۇنتتاي ەسەپتەپ ويداعىداي پايدالانىپ، سۋ بايلىعىن قاتاڭ، ەگجەي - تەگجەيلى، ويداعىداي باسقارۋ كەرەك. سۋدان پايدالانۋ ۇقىعى، لاس زات شىعارۋ ۇقىعى سياقتى ساۋدا شارالارىندا جاڭالىق اشىپ، قازىنا - سالىق سۇيمەنىنەن ويداعىداي پايدالانىپ، باعا مەحانيزمىنىڭ رولىن ساۋلەلەندىرىپ، سۋ ۇنەمدەۋدىڭ ءونىمىن جوعارىلاتۋعا قۋزاۋشىلىق جاساۋ كەرەك. ۇشىنشىدەن، ەكولوگيالىق ورتانى قورعاۋدى، جونگە سالۋدى بار كۇشپەن ىلگەرىلەتۋ. جوعارعى اعارداعى سۋ شىعارۋشى وڭىرلەر تابيعي ەكولوگيالىق جۇيەنىڭ بۇتىندىگىن قورعاۋعا ءمان بەرىپ، ءۇستىرت، سۋىق وڭىرلەردە عانا بولاتىن ەكولوگيالىق جۇيەنى ءبىر تۇلعالاندىرا قورعاپ، تىنىقتىرۋ، تىڭايتۋ ءتۇزىمىن جۇيەلى اتقارۋ كەرەك. جوعارعى، ورتاڭعى اعارداعى سۋ مەن توپىراقتىڭ زايا بولۋىن جونگە سالۋدى جانە قۇمايتتانۋدىڭ الدىن الۋ مەن ونى جونگە سالۋدى ويداعىداي يگەرىپ، وزەن الابىن كەشەندى جونگە سالۋدى ىلگەرىلەتۋ كەرەك. تومەنگى اعارداعى وزەن ارناسى مەن قايراڭدى اۋماقتىڭ قورشاعان ورتاسىن كەشەندى جونگە سالۋدى كۇشەيتىپ، وزەن قۇيارىنداعى اتىراۋ اۋماعىنداعى ورگانيزمدەردىڭ الۋان تۇرلىلىگىن جوعارىلاتۋ كەرەك. قورشاعان ورتانىڭ لاستانۋىن كەشەندى جونگە سالۋ ينجەنەرياسىن ويداعىداي اتقارۋ كەرەك. تورتىنشىدەن، مەملەكەت جەرى كەڭىستىگىن قورعاۋدىڭ، پايدالانۋدىڭ جاڭا ارناسىن جەدەل قالىپتاستىرۋ كەرەك. وزەن الابىنداعى ءتۇيىندى ەكولوگيالىق فۋنكتسيالىق وڭىرلەرگە اۋىستىرىپ تولەۋ دەڭگەيىن جوعارىلاتىپ، وسى وڭىرلەردىڭ بۇكىل ىنتا - پەيىلمەن قورعاۋعا ۇمتىلۋىنا مۇمكىندىك جاساپ، ەكولوگيالىق ەرەكشە كاسىپ سالالارىن لايىقتى دامىتۋ كەرەك. اۋىل شارۋاشىلىعىن وسىزامانداندىرىپ دامىتۋدا، سۋ ۇنەمدەۋ ارقىلى ءونىمدى جوعارىلاتىپ، عىلىم - تەحنيكا ارقىلى ءونىمدى جوعارىلاتىپ، شولەيتتى ەگىن شارۋاشىلىعىن دامىتىپ، جوعارى ولشەمدى ەگىنجاي قۇرىلىسىن ىلگەرىلەتۋ كەرەك. قالالار شوعىرى مەن قالا شەڭبەرىن شوعىرلى، جوعارى ءونىمدى دامىتۋ، كوزسىزدىكپەن كەڭەيتپەۋ كەرەك. بەسىنشىدەن، جوعارى ساپالى دامۋدا نىق قادام تاستاۋ. جاڭالىق اشۋعا، جاسامپازدىققا تاباندى بولىپ، كاسىپ سالاسى تىزبەگى مەن جاڭالىق اشۋ تىزبەگىنىڭ سايكەسۋ دەڭگەيىن جوعارىلاتۋ كەرەك. ەنەرگيا توڭكەرىسىن ىلگەرىلەتىپ، ەنەرگيامەن قامداۋعا تۇراقتى كەپىلدىك ەتۋ كەرەك. تەڭىز جاعالاۋىنداعى، چاڭجياڭ وزەنى بويىنداعى وڭىرلەرمەن ءوزارا ۇلاسۋ - تۇتاسۋ دەڭگەيىن جوعارىلاتىپ، جاڭا تيپتى نەگىزدىك قۇرىلعى قۇرىلىسىن ىلگەرىلەتىپ، ءونىمدى قارجى قوسۋدى كەڭەيتۋ كەرەك.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتى حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ جونىندە جان - جاقتى ورنالاستىرۋ جاسادى، شەشۋشى تەتىك يدەيانى بىرلىككە كەلتىرىپ، سەنىمدى بەكەمدەپ، اياق الىستى بىركەلكىلەندىرىپ، تياناقتاندىرۋدى ويداعىداي يگەرۋدە، ورتالىق ءبىر تۇتاس جوسپارلايتىن، ولكەلەر جالپى جاقتان جاۋاپتى بولاتىن، قالا، اۋداندار تياناقتاندىراتىن قىزمەت مەحانيزمىن ويداعىداي تياناقتاندىرۋ، اركىم ءوز جاۋاپكەرشىلىگىن اتقارىپ، ىرىقتىلىقپەن ىسكەرلىك كورسەتۋ كەرەك. بازار تۇلعالارىنىڭ، قوعامدىق كۇشتەردىڭ بەلسەندىلىگىن جۇمىلدىرۋ كەرەك.

  شي جينپيڭ بىلاي دەپ باسا دارىپتەدى: 7 - ايدىڭ اياق شەنىنەن بەرى حۋاڭحى وزەنى الابىنداعى ءبىر ءبولىم جەرلەر سيرەك كەزدەسەتىن تاسقىن اپاتىنا ۇشىرادى، قاتىستى جەرلەر اپاتتان كەيىنگى قالپىنا كەلتىرۋ، قايتا قۇرۋ قىزمەتىن شىنايى ويداعىداي ىستەۋ، اسىرەسە، اپات سەبەبىنەن قيىنشىلىق قىسپاعىندا قالعان بۇقاراعا كوڭىل ءبولۋ جانە كومەكتەسۋ، حالىق بۇقاراسىنىڭ نەگىزگى تۇرمىسىن قامتاماسىز ەتۋ، ءوندىرىس پەن تۇرمىستىڭ قالىپتى تارتىبىنە كەپىلدىك ەتۋ كەرەك. كۇزگى تاسقىننىڭ ىقپالىن جويۋعا نازار اۋدارىپ، باعىتتامالى شارالار قولدانىپ، كۇزگى، قىسقى ەگىس قىزمەتىن ويداعىداي يگەرۋ كەرەك. قىس كەلۋ الدىندا تۇر، جەر - جەر ەرتە جوسپار ءتۇزىپ، دايىندىق جوبا جاساپ، بۇقارانىڭ تۇرمىسىنا پايدالانىلاتىن ەلەكتردى، جىلۋمەن قامداۋدى قامتاماسىز ەتىپ، بۇقارانىڭ قىستان توڭباي وتۋىنە شىنايى كەپىلدىك ەتۋ كەرەك.

  حان جىڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ جانە نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋدىڭ جاۋاپكەرشىلىك سەزىمىن، بورىشتىلىق سەزىمىن ونان ارى كۇشەيتۋ كەرەك. ماسەلەنى باعدار ەتۋگە تاباندى بولىپ، سۋ حاۋىپسىزدىگى مەن سۋ بايلىعىن ساپالى پايدالانۋدى ءبىر تۇتاس جوسپارلاپ، ەكولوگيالىق جانە تۇرمىستىق ماقساتتا پايدالانىلاتىن سۋدى قامتاماسىز ەتىپ، سۋ شىعىنى جوعارى وندىرىستىك قۋاتتاردىڭ قالىپتان تىس كەڭەيۋىن قاتاڭ تەجەۋ كەرەك. حۋاڭحى وزەنى الابىنىڭ ەكولوگيالىق ورتاسىنىڭ جۇيەلىلىگىن جانە بۇتىندىگىن نەگىزگە الا وتىرىپ، جوعارعى اعارداعى سۋ كوزدەرىن ساقتاۋ قابىلەتى قۇرىلىسىن، ورتاڭعى اعارداعى سۋ مەن توپىراقتى ساقتاۋدى، تومەنگى اعارداعى سازدى جەرلەردى قورعاۋدى جانە ەكولوگيانى جونگە سالۋدى كۇشەيتىپ، ەكولوگيالىق ورتانى قورعاۋدى، قالپىنا كەلتىرۋدى وڭىرگە، تۇرگە ءبولىپ ىلگەرىلەتۋ كەرەك. حۋاڭحى وزەنى الابىنىڭ جوعارى ساپالى دامۋىن تىڭعىلىقتى ىلگەرىلەتىپ، ەرەكشەلىككە، باسىمدىققا يە وسى زامانعى كاسىپ سالاسى جۇيەسىن قۇرىپ، كومىردەن تازا پايدالانۋعا ايرىقشا ءمان بەرىپ، مەملەكەتتىك ماڭىزدى ەنەرگيا بازاسىن قۇرۋ كەرەك. كەلەلى جاعداي تانىمىن مىقتاپ ورناتىپ، قاۋىرت قورعاۋدىڭ بىرىككەن كۇشىن ۇيىستىرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىنىڭ ءتۇيىندى مىندەتتەرىن تاباندىلىقپەن تىڭعىلىقتى تياناقتاندىرۋ كەرەك.

  وسى رەتكى اڭگىمە ءماجىلىستى جاقسى اشۋ ءۇشىن، 10 - ايدىڭ 20 - ، 21 - كۇندەرى شي جينپيڭ شاندۇڭ ولكەلىك پارتكومنىڭ شۋجيى لي گانجيەنىڭ، ۋاقىتشا ولكە باستىعى جوۋ نايشياڭنىڭ سەرىك بولۋىندا، دۇڭيىڭ قالاسىنداعى حۋاڭحى وزەنىنىڭ تەڭىزگە قۇيار ساعاسى، اۋىل شارۋاشىلىعىنىڭ جوعارى، جاڭا تەحنيكالىق كاسىپتەرىنەن ۇلگى كورسەتۋ رايونى، حۋاڭحى وزەنىنىڭ بۇرىنعى تاسقىن ىركۋ اۋماعىنداعى تۇرعىنداردى كوشىرىپ سالىنعان الەۋمەتتىك اۋماق سياقتىلاردى ارالاپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جاعدايىن باسى - قاسىندا ۇعىستى.

  10 - ايدىڭ 20 - كۇنى تۇستەن كەيىن شي جينپيڭ حۋاڭحى وزەنىنىڭ تەڭىزگە قۇيار ساعاسىنا كەلىپ، راشەتكاعا سۇيەنە الىسقا كوز تاستاپ، وزەن ارناسىنداعى سۋ جاعدايىنا ءۇڭىلىپ، اعىن مولشەرى، قۇم اعىزۋ مولشەرى سياقتىلاردى ەگجەي - تەگجەيلى سۇراستىردى. وسىدان سوڭ، شي جينپيڭ حۋاڭحى اتىراۋىنىڭ ەكولوگياسىن قاداعالاۋ ورتالىعىنا كىرىپ، حۋاڭحى وزەنى ارناسىنىڭ وزگەرىسى، سۋ مەن قۇم اعىزۋ وزگەرىسى جانە حۋاڭحى اتىراۋىنداعى ورگانيزمدەردىڭ الۋان تۇرلىلىگىن قورعاۋ سياقتى جاعدايلار تۋرالى تانىستىرۋدى تىڭدادى. ول بىلاي دەپ باسا دارىپتەدى: مەن حۋاڭحى وزەنى الابىنىڭ ەكولوگياسىن قورعاۋعا جانە جوعارى ساپالى دامۋىنا ءار ۋاقىت ايرىقشا كوڭىل ءبولىپ كەلەمىن، بۇگىندە وسىندا كەلۋ ارقىلى حۋاڭحى وزەنىنىڭ جوعارعى، ورتاڭعى، تومەنگى اعارىنىڭ جەلى بويىن تۇگەل ارالاپ شىقتىم. حۋاڭحى وزەنىن قاۋىرت قورعاۋدى تىڭعىلىقتى ىلگەرىلەتىپ، حۋاڭحى وزەنىنىڭ تىنىش بولۋىنا شىنايى كەپىلدىك ەتۋ − ەل باسقارۋداعى ءىرى ءىس. تاسقىننان ساقتانۋ، اپات زيانىن ازايتۋ جۇيەسىنىڭ كەشەندى قۇرىلىسىن كۇشەيتىپ، سۋدىڭ ەكولوگيالىق كەڭىستىگىن باسقارۋ - تىزگىندەۋدى كۇشەيتىپ، سۋ، قۋاڭشىلىق اپاتتارىنا قاتىستى توتەنشە جاعدايلاردى ءبىر جاقتى ەتۋ قابىلەتىن جوعارىلاتىپ، حۋاڭحى وزەنى جاعالاۋىنىڭ حاۋىپسىزدىگىنە شىنايى كەپىلدىك ەتۋ كەرەك.

  شي جينپيڭ حۋاڭحى اتىراۋى مەملەكەتتىك قورىعىنىڭ جاعدايى تۋرالى مالىمەتتى تىڭداپ، اعاش شارباق جولدى بويلاپ حۋاڭحى اتىراۋى سازدى جەر ەكولوگيالىق ورتاسىن تەكسەرىپ كوردى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى ءار دارەجەلى پارتكومدار مەن ۇكىمەتتەردىڭ جاسىل دامۋ ۇستانىمىن دايەكتىلەندىرۋ سانالىلىعى مەن ىرىقتىلىعى ايتارلىقتاي كۇشەيىپ، تاۋ، سۋ، ورمان، ەگىنجاي، كول، جايلىم، ءشولدى قورعاۋ مەن جونگە سالۋدى ءبىر تۇلعادا ىلگەرىلەتۋ سەرپىنى ۇزدىكسىز ارتىپ، ەلىمىزدىڭ ەكولوگيالىق وركەنيەت قۇرىلىسى تاماشا ناتيجە كورسەتتى. حۋاڭحى اتىراۋى جاراتىلىستىق قورىق ەكولوگياسى ايرىقشا ماڭىزدى ورىنعا يە، حۋاڭحى وزەنىنىڭ تەڭىزگە قۇيار ساعاسى مەملەكەت باقشاسىن جەدەل جوسپارلاپ، قۇرىپ، عىلمي دالەلدەۋ جۇرگىزىپ، تىڭعىلىقتى ىلگەرىلەتۋ كەرەك. شي جينپيڭ بىلاي دەپ باسا دارىپتەدى: ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا، ەكولوگيانى الدىمەن ويلاستىرۋعا، جاسىل دامۋعا تاباندى بولىپ، ەكولوگيالىق وركەنيەت ۇستانىمىن اسقاقتاتىپ، سوتسياليستىك وسىزامانداندىرۋ قۇرىلىسىنا ءار بەرىپ، كورىك قوسۋ كەرەك.

  10 - ايدىڭ 21 - كۇنى تۇستەن بۇرىن شي جينپيڭ حۋاڭحى اتىراۋى اۋىل شارۋاشىلىعىنىڭ جوعارى، جاڭا تەحنيكالىق كاسىپتەرىنەن ۇلگى كورسەتۋ رايونىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، سورتاڭ جەردەگى وسى زامانعى اۋىل شارۋاشىلىعىنان سىناق جانە ۇلگى كورسەتۋ بازاسىنا كىرىپ، اتباس بۇرشاق، جوڭىشقا، الابۇتا، جاسىل تىڭايتقىشتىق داقىلداردىڭ ءوسۋ جاعدايىن تەكسەرىپ كورىپ، سورتاڭ جەر ەكولوگياسىن قورعاۋ جانە ودان كەشەندى پايدالانۋ، سورعا ءتوزىمدى وسىمدىكتەر تۇقىمىن جەتىلدىرۋ جانە ونى جالپىلاستىرۋ جاعدايىن ۇعىستى. شي جينپيڭ بىلاي دەپ باسا دارىپتەدى: سورتاڭ جەردەن كەشەندى پايدالانۋ مەملەكەتتىڭ استىق حاۋىپسىزدىگىن قامتاماسىز ەتۋدە، جۇڭگونىڭ اس كەسەسىن مىقتى ۇستاۋدا ماڭىزدى ستراتەگيالىق ءمان الادى. تۇقىمدىق زات بايلىعىن، ەگىستىك جەردى قورعاۋ جانە ودان پايدالانۋ سياقتى نەگىزدىك زەرتتەۋلەردى كۇشەيتىپ، تۇقىم جەتىلدىرۋ كوزقاراسىنا بۇرىلىس جاساپ، سورتاڭ جەردى جونگە سالۋعا ۇيلەسەتىن داقىلداردان سورعا ءتوزىمدى وسىمدىكتەردى تاڭداپ جەتىلدىرىپ سورتاڭ جەرگە ۇيلەسۋگە بۇرىلىس جاساپ، سورتاڭ جەردى اشۋ، پايدالانۋدىڭ كومەسكى كۇشىن اشىپ، شەشۋشى، وزەكتى تەحنيكالار مەن ماڭىزدى جاڭالىق اشۋ سالالارىندا سەرپىلىس جاساۋعا قۇلشىنىپ، عىلمي زەرتتەۋ تابىستارىن ناقتى وندىرگىش كۇشكە جەدەل اينالدىرۋ كەرەك.

  وتكەن عاسىردىڭ 70 - جىلدارىندا دۇڭيىڭ قالاسى حۋاڭحىنىڭ بۇرىنعى تاسقىن ىركۋ اۋماعىنداعى بۇقارا مەملەكەتتىڭ ۇندەۋىنە ءۇن قوسىپ حۋاڭحى وزەنىنىڭ جاعالاۋ بوگەنىندەگى تەكشەگە كوشىپ بارىپ قونىستاندى. 2013 - جىلدان باستاپ، دۇڭيىڭ قالاسى تەكشەدەگى 66 قىستاققا تۇرعىن ۇيلەردى شاعىپ كوشىرۋ، جاڭالاۋ جۇرگىزىپ، جاڭا الەۋمەتتىك اۋماق قۇردى. شي جينپيڭ ياڭمياۋ الەۋمەتتىك اۋماعىنا كەلىپ، حالىققا قولايلى قىزمەت وتەۋ ورتالىعىنا، قارتتار اسحاناسىنا، ءشوپ توقىما مانەرلەۋ سەلبەستىك كووپەراتيۆىنە كىرىپ، الەۋمەتتىك اۋماقتىڭ نەگىزگى ساتى پارتيا قۇرىلىسىن كۇشەيتۋ، حالىققا قولايلى قىزمەت وتەۋ، بۇقارانىڭ كىرىسىن ارتتىرۋدى جەبەۋ سياقتى جاعدايلارىن ەگجەي - تەگجەيلى ۇعىستى. تۇرعىن شۇي جيانفىڭنىڭ ۇيىندە، شي جينپيڭ جاتىن بولمە، اس ءۇي، تازالىق بولمەسى سياقتىلاردى ۇڭىلە كورىپ، ءبىر اۋلەتتەگى 3 ۇرپاق اداممەن القا - قوتان وتىرىپ اڭگىمەلەستى. شۇي جيانفىڭ باس شۋجيگە ولاردىڭ بۇرىن حۋاڭحى وزەنىنىڭ جاعالاۋ بوگەنى تەكشەسىندەگى قىستاقتاعى ەسكى ۇيدە تۇرعاندىعىن، 2016 - جىلى وسى جەردەگى قابات ۇيگە كوشىپ كىرگەنىن، تۇرمىس شارت - جاعدايلارى جاقسارىپ، جۇمىستانۋ جولدارى كەڭەيگەندىگىن، پارتيانىڭ ابزال ساياساتىنا شىن جۇرەكتەن العىس ايتاتىندىقتارىن ايتتى. شي جينپيڭ بىلاي دەپ اتاپ كورسەتتى: پارتيا ورتالىق كوميتەتى حۋاڭحى وزەنىنىڭ قايراڭدى اۋماعىنداعى تۇرعىنداردى كوشىرۋگە، بۇقارانىڭ تىنىش ءومىر، شات - شادىمان تىرشىلىك كەشىرۋىنە كەپىلدىك ەتۋگە ايرىقشا كوڭىل ءبولىپ وتىر. بەيقۇت ءۇي سالىپ، حالىقتى اۋقاتتاندىرۋ قىزمەتىن تىڭعىلىقتى ىلگەرىلەتىپ، كوشىرىپ ورنالاستىرۋ، كاسىپ سالاسىندا جۇمىستاندىرۋ، الەۋمەتتىك قۇرىلعىلار جانە الەۋمەتتىك اۋماق قىزمەت وتەۋ جۇيەسى قۇرىلىسىن ءبىر تۇتاس جوسپارلاپ ىلگەرىلەتىپ، حالىق بۇقاراسىنىڭ كوشىپ شىعا الۋىنا، ورنىعىپ وتىرا الۋىنا، دامي الۋىنا، اۋقاتتانا الۋىنا شىنايى كەپىلدىك ەتۋ كەرەك. نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن ويداعىداي ساۋلەلەندىرىپ، الەۋمەتتىك اۋماقتى حالىق بۇقاراسىنىڭ باقىت مەكەنى ەتىپ قۇرىپ شىعۋعا قۇلشىنۋ كەرەك. الەۋمەتتىك اۋماقتان اتتاناردا، كادرلار مەن بۇقارا كوتەرىڭكى داۋىسپەن باس شۋجيگە سالەمدەستى. شي جينپيڭ كوپشىلىكتىڭ تۇرمىسىنىڭ باقىتتى، دەنساۋلىقتارىنىڭ مىقتى بولۋىن، بالالاردىڭ تولىسا ءوسۋىن تىلەدى.

  10 - ايدىڭ 21 - كۇنى تۇستەن كەيىن شي جينپيڭ جەڭىس مۇناي الابى بارلاۋ - اشۋ زەرتتەۋ مەكەمەسىنە كەلىپ، مۇناي الابىن اشۋ قۇرىلىسىنىڭ بارىسىن جانە زەرتتەۋ مەكەمەسىنىڭ جالپىلىق جاعدايىن ۇعىسىپ، تاقتا تاس مۇنايى تاجىريبەحاناسىنا، كومىر قىشقىل گازدى جەتەك تاجىريبەحاناسىنا كىرىپ، مۇناي الابىنىڭ ءوز كۇشىنە سۇيەنىپ جاڭالىق اشۋ، تەحنيكادان قامال الۋدى جانە ونى قولدانۋدى جەدەلدەتۋ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: مۇناي مەن گازدىڭ وزەكتى سۇرانىسىن شەشۋ − ءبىز ءدوپ كەلىپ وتىرعان ماڭىزدى مىندەت. بارلاۋ - اشۋ سەرپىنىن ارتتىرىپ، ەل ىشىندەگى ءونىم مولشەرى نەگىزىن نىعايتىپ، ءوز - ءوزىمىزدى قامتاماسىز ەتۋ قابىلەتىن جوعارىلاتۋىمىز كەرەك. بايلىقتى شوعىرلاندىرىپ، شەشۋشى، وزەكتى تەحنيكادان قامال الىپ، تازا، جوعارى ءونىمدى اشۋدى، پايدالانۋدى جەدەلدەتىپ، ەنەرگيامەن قامداۋدىڭ ساپاسىن، ەنەرگيادان پايدالانۋ ونىمدىلىگىن جانە كومىر قىشقىل گازىنىڭ شىعارىلۋ مولشەرىن ازايتۋ دەڭگەيىن جوعارىلاتۋ كەرەك. ول بىلاي دەپ اتاپ كورسەتتى: مۇناي شەبى قاشاندا رەسپۋبليكانىڭ رەفورما جاساۋىنىڭ، دامۋىنىڭ تۋى بولىپ كەلەدى، وسى تۋدى ۇزدىكسىز جاقسى ۇستاپ، مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتۋ، ەكونوميكانىڭ، قوعامنىڭ دامۋىن قامتاماسىز ەتۋ جاعىندا تىڭ ەڭبەك كورسەتىپ، تاعى دا تاماشا ناتيجە شىعارۋ كەرەك.

  زەرتتەۋ مەكەمەسىنەن شىققان سوڭ، شي جينپيڭ دۇڭيىڭ قالاسى لايجوۋۋانعا ورنالاسقان جەڭىس مۇناي الابى لايجوۋۋان 113 - رايونىنا كەلىپ، كومىر قىشقىل گازىن جيناۋ، پايدالانۋ جانە ساقتاۋ تەحنيكاسىن زەرتتەۋ - اشۋ، قولدانۋ جاعدايىن ۇعىستى. ول 2 - قاباتتاعى بۇرعىلاۋ تەكشەسىنە شىعىپ، ۇڭعىما بۇرعىلاۋدىڭ اۆتوماتتى جابدىقتارىن تەكسەرىپ كورىپ، مەڭگەرۋ بولمەسىنە كىرىپ، جۇمىس ىستەپ جاتقان جۇمىسشىلارمەن ىقىلاستى تۇردە اڭگىمەلەستى. بيىل جەڭىس مۇناي الابى بايقالعاندىعىنىڭ 60 جىلدىعى. شي جينپيڭ پارتيا مەن ۇكىمەت اتىنان ەلىمىزدىڭ ەنەرگيا ىستەرى ءۇشىن ۇلەس قوسقان مۇناي قىزمەتكەرلەرىنە وسكەلەڭ قۇرمەت ءبىلدىردى. شي جينپيڭ كوپشىلىككە اعا بۋىن مۇنايشىلاردىڭ توڭكەرىس رۋحىن جانە تاڭداۋلى ءداستۇرىن جالعاستىرىپ جانە اسقاقتاتىپ، مۇنايشىلاردىڭ قىزىل قاسيەتى مەن جاۋىنگەرلىك سۇيىسپەنشىلىكتەرىن باستان - اياق ساقتاپ، سوتسياليستىك وسىزامانداندىرۋ قۇرىلىسى ىستەرى ءۇشىن اناعۇرلىم كەسەك ۇلەس قوسۋدى تاپسىردى.

  شي جينپيڭ پارتيا 19 - قۇرىلتايىنان بەرگى شاندۇڭ قىزمەتىن تولىق تۇراقتاندىرىپ، ولاردى جاڭا دامۋ ارناسىنا قىزمەت ەتۋ جانە توعىسۋ جاعىندا الدا ءجۇرىپ، ەكونوميكالىق، قوعامدىق دامۋداعى جاڭالىق اشۋ كۇشىن نىعايتۋدا الدا ءجۇرىپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋدە الدا ءجۇرىپ، حالىقتىڭ تۇرمىسىن ۇزدىكسىز جاقسارتىپ، بىرگە بايۋدى جەبەپ، جاڭا داۋىردەگى سوتسياليستىك وسىزاماندانعان قۋاتتى ولكە قۇرىلىسىنىڭ جاڭا جاعدايىن اشۋعا ىنتالاندىردى.

  ديڭ شۋەشياڭ، ليۋ حى، چىن شي، حى ليفىڭ قاتارلىلار قىزمەت تەكسەرۋدە بىرگە بولدى جانە اڭگىمە ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە - رايوندارداعى جاۋاپتى جولداستار اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.