شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى. 10 - ايدىڭ 22 - كۇنى سىرتقى ىستەر مينيسترلىگى «جۇڭگو - بىرلەسكەن مەملەكەتتەر ۇيىمى سەلبەستىك تۇرعىسى حۇجاتىن» جاريالادى.
كەزەكتە دۇنيە ءجۇزىنىڭ جاعدايى تەرەڭ وزگەرۋدە، جاڭا تيپتى ايدارشا ۆيرۋس وكپە قابىنۋ ىندەتى بىردە ءورشىپ، بىردە باسەڭدەپ، دۇنيە ءجۇزى ەكونوميكاسىنىڭ قالپىنا كەلۋى قيىنعا سوعۋدا، سونىمەن بىرگە بەيبىتشىلىك جانە دامۋ ءالى دە ءداۋىر نەگىزگى تاقىرىبى، كوپ جاقتىلىقتى قورعاۋ، ىنتىماقتى، سەلبەستىكتى كۇشەيتۋ، سىن - سايىستارعا بىرگە توتەپ بەرۋ ءۇنى اناعۇرلىم كۇشەيە ءتۇستى. بيىل جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعى. تۇرعى حۇجاتى 50 جىلدان بەرى جۇڭگونىڭ بىرلەسكەن مەملەكەتتەر ۇيىمىنىڭ ءارقايسى سالالارداعى قىزمەتتەرىنە قوسقان كورنەكتى ۇلەسىن ايگىلەپ، كوپ جاقتىلىقتى قورعاۋ، الەمدىك دامۋدى جەبەۋ، ىندەتكە ىنتىماقتاسا قارسى اتتانۋ سياقتى ماڭىزدى حالىقارالىق ماسەلەلەر جونىندە جۇڭگو جاقتىڭ تۇرعىسى مەن قۋاتتاماسىن ءتۇسىندىردى.
تۇرعى حۇجاتىندا مىنالار اتاپ كورسەتىلدى: جۇڭگو باستان - اياق كوپ جاقتىلىق تۋىن بيىك ۇستاپ، ناعىز كوپ جاقتىلىقتى امالياتتا ايگىلەپ، حالىقاراداعى ىستەردى كوپتىڭ اقىلداسىپ بىتىرۋىنە، دۇنيە ءجۇزىنىڭ كەلەشەك تاعدىرىن ءارقايسى ەلدەردىڭ بىرگە يگەرۋىنە تاباندى بولىپ، سىڭار جاقتىلىققا، قورعامپازدىققا جانە زورەكەرلىك ارەكەتكە باتىل قارسى تۇرىپ، توپ ساياسيى، شاعىن شەڭبەر سياقتى سان قيلى ”جالعان كوپ جاقتىلىققا“ باتىل قارسى تۇرىپ، الەمدىك جونگە سالۋ جۇيەسىنىڭ اناعۇرلىم ءادىل دە ۇيلەسىمدى باعىتقا قاراي دامۋىن ىلگەرىلەتتى. الەمدىك دامۋ دامۋدى الدىمەن ويلاستىرۋعا تاباندى بولىپ، حالىقتى وزەك ەتۋگە تاباندى بولىپ، جالپىعا ءتيىمدى، سيىسىمدى بولۋعا تاباندى بولىپ، جاڭالىق اشۋ ارقىلى دەم بەرۋگە تاباندى بولىپ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، ارەكەتتى باعدار ەتۋگە تاباندى بولىپ، الەمدىك دامۋدىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. جۇڭگو دۇنيە جۇزىندەگى ءارقايسى ەلدەرمەن قول ۇستاسا العا ىلگەرىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن قاجىماي - تالماي كۇرەس جاسايدى!
