تيانشان تورى   ›   جاڭالىقتار   ›   سۋرەتتى حابار

قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا داۋىردەگى جۇڭگوشا سوتسياليستىك شينجياڭدى قۇرۋعا قۇلشىنۋ كەرەك

چىن چۋانگو حوتان ايماعى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەپ باسا دارىپتەدى

قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا داۋىردەگى جۇڭگوشا سوتسياليستىك شينجياڭدى قۇرۋعا قۇلشىنۋ كەرەك

  10 - ايدىڭ 21 - كۇنى چىن چۋانگو جولداس اۆتونوميالى رايوندىق 10 - رەتكى پارتيا قۇرىلتايىنداعى حوتان ايماعى ۋاكىلدەر ۇيىرمەسىنىڭ تالقىسىنا قاتىناستى ءارى ءسوز سويلەدى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 22 - كۇنى ۇرىمجىدەن حابارلايدى. 10 - ايدىڭ 21 - كۇنى تۇستەن كەيىن چىن چۋانگو جولداس اۆتونوميالى رايوندىق 10 - رەتكى پارتيا قۇرىلتايىندا حوتان ايماعى ۋاكىلدەر ۇيىرمەسىنىڭ تالقىسىنا قاتىناسقان كەزىندە بىلاي دەپ باسا دارىپتەدى: پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ۇلت قىزمەتى ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا باستامادا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازۋ كەرەك.

  حوتان ايماعى ۋاكىلدەر ۇيىرمەسىنىڭ تالقىسى قىزۋ بەينەدە ءوتتى. فىڭ ۋنيان، گۇلنيساحان يمىن، ما جياڭشان، ميھىرگۇل ءماتتۇرسۇن، سۇن كاي، ەركىن رەجەپ، تۇرسۇنگۇل تۇرسۇننياز قاتارلى ۋاكىلدەر قىزمەت ءىس جۇزىندىگىمەن تىعىز بىرلەستىرىپ ءسوز سويلەدى. ولار ءبىر اۋىزدان بىلاي دەپ قارادى: چىن چۋانگو جولداس جاساعان باياندامادا نەگىزگى تاقىرىپ ايقىن، ماڭىزدى تۇيىندەر كورنەكتىلەنگەن، 5 جىلدان بەرگى قوعامنىڭ كەلەلى جاعدايى ورنىقتى بولۋ، حالىق تىنىش ءومىر، شات - شادىمان تىرشىلىك كەشىرۋ جانە ەكونوميكانىڭ جوعارى ساپالى دامۋ سياقتى جاقتاردا قول جەتكەن كورنەكتى ناتيجەلەر قورىتىندىلانىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، الداعى 5 جىلداعى ءتۇرلى ىستەردىڭ دامۋىندا جاڭا جاعداي اشۋ جونىندە جاپپاي ورنالاستىرۋ جاسالدى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا بۇكىلدەي ۇيلەسەدى، شىندىقتى ءىس جۇزىنەن ىزدەگەن، ادامدى جەلپىندىرەتىن، سەنىمدى سەرپىلتەتىن، ادامدى ەكپىندەي ىلگەرىلەۋگە جەبەيتىن تاماشا بايانداما.

  چىن چۋانگو ەستي وتىرىپ ەستەلىككە الدى، كوپشىلىكپەن اۋىق - اۋىق ىشكەرىلەي پىكىر اۋىستىرىپ، تالقى ورىستەتتى. كوپشىلىكتىڭ ءسوزىن ىقىلاسپەن تىڭداعان سوڭ، چىن چۋانگو ءسوز سويلەپ، حوتان ايماعىنىڭ ءتۇرلى قىزمەتتەرىن تولىق تۇراقتاندىردى.

  چىن چۋانگو بىلاي دەدى: حوتان ايماعىنىڭ قول جەتكىزگەن ناتيجەسى شينجياڭنىڭ ورنىقتىلىعىنىڭ، دامۋىنىڭ ىقشام كورىنىسى. 5 جىلدان بەرى شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىسقا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن اسا تاماشا جاعداي جارىققا شىقتى. وسى ناتيجەلەرگە قول جەتكىزۋ، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىك ەتۋىنىڭ ارقاسى، بۇكىل ەل حالقىنىڭ قالتقىسىز كومەكتەسۋىنىڭ جانە تۇتاس شينجياڭداعى ءار ۇلت كادرلارى مەن بۇقاراسىنىڭ ىنتىماقتاسا كۇرەس جۇرگىزۋىنىڭ ارقاسى.

  چىن چۋانگو بىلاي دەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، شينجياڭ قىزمەتىن تۋراشىلدىقتى ساقتاپ جاڭالىق اشۋعا، جەڭىسپەن العا ىلگەرىلەۋگە باستايتىن قۋاتتى يدەيالىق قارۋ. 5 جىلدان بەرى تيانشان الابىندا تۋىلعان وراسان زور وزگەرىستەر جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شەكسىز كەمەڭگەر، دۇرىس ەكەندىگىن، شينجياڭنىڭ ءىس جۇزىندىگىنە بۇكىلدەي ۇيلەسەتىندىگىن، ءار ۇلت كادر - بۇقاراسىنىڭ ارمانىنا، تىلەگىنە ساي كەلەتىندىگىن تولىق دالەلدەدى. ستراتەگيالىق تاباندىلىقتى ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان تولىق، دالمە - ءدال دايەكتىلەندىرىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك.

  چىن چۋانگو مىنالاردى اتاپ كورسەتتى: الداعى 5 جىلدا شينجياڭ تاپتىرماس ماڭىزدى ورايلارعا، ايرىقشا ەرەن باسىمدىقتارعا جولىعادى، اۆتونوميالى رايوندىق 10 - رەتكى پارتيا قۇرىلتايىنىڭ بايانداماسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە شينجياڭنىڭ ءىس جۇزىندىگىمەن تىعىز ۇشتاستىرىپ، الداعى 5 جىلداعى دامۋ كارتيناسىن عىلمي جوبالادى. ءبىز شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، سەنىمدى بەكەمدەپ، ەرىك - جىگەردى ۇشتاپ، قايراتتانا كۇرەس جۇرگىزىپ، باتىلدىقپەن ىسكەرلىك كورسەتىپ، جاڭا داۋىردەگى جۇڭگوشا سوتسياليستىك شينجياڭدى قۇرۋعا قۇلشىنۋىمىز كەرەك. قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، مەملەكەتتى جاپپاي زاڭمەن جونگە سالۋ تالابىن قىزمەتتىڭ ءارقايسى سالاسىنا تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن ىشكەرىلەي ىلگەرىلەتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالاۋ كەرەك. ەكونوميكانىڭ جوعارى ساپالى دامۋىن ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋ ارقىلى دامۋعا دەم بەرۋدى كۇشەيتىپ، كاسىپ سالاسى قۇرىلىمىن ساپالىلاندىرىپ، دارەجەسىن ءوسىرىپ، ەرەكشە باسىمدىققا يە كاسىپ سالاسىن جەتىلدىرۋ، زورايتۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدى جەدەلدەتۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جەتكىزۋ ينجەنەرياسىن كۇش سالا اتقارىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ۇلتتار ىنتىماعىن بەكەمدەپ، دامىتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، ۇلتتاردىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. ءدىننىڭ اقاۋسىز دامۋىن ىلگەرىلەتىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، شينجياڭدا ءىسلام ءدىنىنىڭ سوتسياليستىك قوعامعا ۇيلەسۋىن ىلگەرىلەتۋ كەرەك. ەكولوگيالىق ورتانى قورعاۋدى كۇشەيتىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك. پارتيا قۇرىلىسىن ۇزدىكسىز كۇشەيتىپ، قوعام ورنىقتىلىعى مەن باياندى تىنىشتىق باس نىساناسىنىڭ تياناقتانىپ تامىر تارتۋىن ىلگەرىلەتۋگە پارمەندى كەپىلدىك ازىرلەۋ كەرەك. عىلمي ءبىر تۇتاس جوسپارلاپ ىلگەرىلەتۋدى ويداعىداي ورىنداپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋدى تيتتەي دە بوساڭسىتپاستان ويداعىداي مىقتى يگەرۋ كەرەك.

  چىن چۋانگو حوتان ايماعىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارى بويىنشا، ورنىقتىلىقتىڭ، دامۋدىڭ ءتۇرلى قىزمەتىندە جاڭا جاعداي اشۋدى قايراتتانا ىلگەرىلەتۋلەرىن ءۇمىت ەتتى.

  ءزۇمىرات وبۇل، جاروللا يسامدين قاتارلىلار تالقىعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.