نۇرلان ءابىلماجىن تارباعاتاي ايماعى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى
جاڭا تاريحي باستامادا ءتۇرلى قىزمەتتەردىڭ جاڭا جاعدايىن اشۋ كەرەك
انار بۇلت / شينجياڭ گازەتىنىڭ تىلشىلەرى جاڭ يۇنمەي، جۋ شيڭ 10 - ايدىڭ 22 - كۇنى ۇرىمجىدەن حابارلايدى. 10 - ايدىڭ 21 - كۇنى نۇرلان ءابىلماجىن جولداس اۆتونوميالى رايوندىق 10 - رەتكى پارتيا قۇرىلتايىنا قاتىناسقان تارباعاتاي ايماعى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: باياندامانىڭ دەڭگەيى اسقاق، نەگىزگى تاقىرىبى ايقىن، مازمۇنى باي، ناتيجەلەردى ويبەكتيۆ تۇردە قورىتىندىلاعان، جاعدايعا ەگجەي - تەگجەيلى، تولىق تالداۋ جاساعان، مىندەتتەردى جان - جاقتى، تەرەڭ ورنالاستىرعان، يدەيالىلىعى، باعىتتامالىلىعى جانە يكەمدىلىگى وتە كۇشتى، سەنىمدى سەرپىلتكەن، ادامدى العا باسۋعا جىگەرلەندىرگەن، شىندىقتى ءىس جۇزىنەن ىزدەگەن، الدىڭعىلاردىڭ ءىزىن باسىپ بولاشاققا جول العان تاماشا بايانداما، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى ستراتەگيالىق ورنالاستىرۋىن ايگىلەگەن، شينجياڭنىڭ ءىس جۇزىندىگىنە ۇيلەسەدى، ءار ۇلت حالقىنىڭ تىلەگىنە ۇيلەسەدى. يدەيانى، تانىمدى، اياق الىستى، ارەكەتتى بىرلىككە كەلتىرىپ، جاڭا تاريحي باستامادا ءتۇرلى قىزمەتتەردىڭ جاڭا جاعدايىن اشۋ كەرەك.
نۇرلان ءابىلماجىن بىلاي دەپ باسا دارىپتەدى: وتكەن 5 جىل شينجياڭ تاريحىنداعى وتە وزگەشە، تىم ەرەكشە 5 جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتى يگەرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋ سياقتى ءتۇيىندى قىزمەتتەردى تىڭعىلىقتى تۇردە ويداعىداي ىستەپ، كوپتەگەن قيىن ىستەردى شەشىپ، كوپتەگەن ناقتى ىستەردى تياناقتاندىرىپ، كوپتەگەن ءىرى ىستەردى ىستەپ، قىسقا عانا 5 جىلدا تيانشان الابىندا جۇرت كوڭىلى ورنىققان، كوڭىل جايلانعان، بىرىككەن كۇش نىعايعان شىت جاڭا جاعداي جارىققا شىقتى. باياندامادا جاڭا داۋىردەگى شينجياڭ قىزمەتىن جاقسى ىستەۋ ءۇشىن ايقىن جوبا جاسالدى، الداعى 5 جىلداعى دامۋدىڭ نىسانا - مىندەتتەرى مەن تالاپتارىن دۇرىس يگەرىپ، عىلمي جوسپارلاۋدى ويداعىداي ىستەپ، نازاردى قوعام ورنىقتىلىعى مەن باياندى تىنىشتىققا ساياتىن نەگىزدىك قىزمەتتەرگە شوعىرلاندىرىپ، باسىمدىقتى ساۋلەلەندىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، ءتۇرلى قىزمەتتەردە تىڭعىلىقتى قادام تاستالۋىن، جاڭا بەينە ايگىلەنۋىن ىلگەرىلەتۋ كەرەك.
نۇرلان ءابىلماجىن بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنۋ، ويداعىداي ءتۇسىنۋ، جاپپاي ويداعىداي دايەكتىلەندىرۋ، تياناقتاندىرۋ كەرەك. تارباعاتاي ايماعىن قامتىعان جەر - جەر، تاراۋلار ءىس جۇزىندىك جاعدايمەن ۇشتاستىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن دايەكتىلەندىرۋدى، تياناقتاندىرۋدى ماڭىزدى ساياسي مىندەت ەتىپ، قىزمەتتى جاسامپازدىقپەن ورىستەتىپ، شىنايى يگەرىپ، ناقتى ىستەپ، بەرىلە شوگەلدىكپەن ىستەپ، اۆتونوميالى رايوندىق پارتكومنىڭ ورنالاستىرۋلارىنىڭ گۇل اشىپ، جەمىس بەرۋىنە، تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
