حى جۇڭيوۋ قاشقار ايماعى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، قىزمەتتىڭ جاڭا جاعدايىن اشۋ كەرەك
انار بۇلت / شينجياڭ گازەتىنىڭ ءتىلشىسى ليۋ ي 10 - ايدىڭ 22 - كۇنى ۇرىمجىدەن حابارلايدى. 10 - ايدىڭ 22 - كۇنى تۇستەن بۇرىن حى جۇڭيوۋ جولداس اۆتونوميالى رايوندىق 10 - رەتكى پارتيا قۇرىلتايىنا قاتىناسقان قاشقار ايماعى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: باياندامانىڭ تۇتاس مازمۇنىنا شي جينپيڭ جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسى سىڭىرىلگەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى شينجياڭ قىزمەتىن ويداعىداي ىستەۋ جونىندەگى كەلەلى ساياساتتارى، باعىتتارى سىڭىرىلگەن، 5 جىلدان بەرى اۆتونوميالى رايوننىڭ قوعام ورنىقتىلىعى، ەكونوميكالىق دامۋى، حالىق تۇرمىسىن جاقسارتۋ سياقتى جاقتاردا قول جەتكىزگەن كورنەكتى ناتيجەلەرىن تولىق ايگىلەپ، جاڭا داۋىردەگى شينجياڭ قىزمەتىن ويداعىداي ىستەۋدەگى نەگىزگى تاجىريبەلەرىن جان - جاقتىلى قورىتىندىلاپ، ءدوپ كەلگەن جاعدايلارعا، مىندەتتەرگە جانە تاپتىرماس ورايلارعا تەرەڭ تالداۋ جاساپ، الداعى 5 جىلدىق قىزمەتتىڭ جەتەكشى يدەياسىن، نىسانا - مىندەتتەرىن جانە كەلەلى شارالارىن ايقىن العا قويدى، وتە كۇشتى ساياسي سيپاتقا، بولجامپازدىق سيپاتقا، جەتەكشىلىك سيپاتقا يە، جۇرت تىلەگىن ۇيىستىراتىن، ەكپىندەي العا باسۋعا دەم بەرەتىن تاماشا بايانداما.
حى جۇڭيوۋ بىلاي دەپ باسا دارىپتەدى: 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادر - بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، كوپتەگەن قيىن ماسەلەلەردى شەشىپ، كوپتەگەن ءىرى ىستەردى تىندىرىپ، ءتۇرلى قىزمەتتەردە كورنەكتى تابىستارعا قول جەتكىزىپ، بۇكىل رايوننىڭ قوعامدىق كەلەلى جاعدايى ورنىقتى بولىپ، حالىق تىنىش ءومىر، شات - شادىمان تىرشىلىك كەشىرىپ، ءتۇرلى ىستەر جاپپاي ىلگەرىلەپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، ادامدى بارىنشا جەلپىندىرىپ، مىعىم سەنىمگە بولەپ، ايرىقشا شابىتتاندىرىپ، كۇش - قۋاتتى كەرنەتتى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى.
حى جۇڭيوۋ بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك. جەر - جەر، تاراۋلار ساياسي دەڭگەيدى جوعارىلاتىپ، شينجياڭ قىزمەتىن ويداعىداي ىستەۋدىڭ كەلەلى ءمانىن تولىق تانىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك. ءوز فۋنكتسياسىن، قىزمەت جاۋاپكەرشىلىگىن تياناق ەتىپ، دايەكتىلەندىرۋدىڭ، تياناقتاندىرۋدىڭ كىرىسۋ ءتۇيىنى مەن تابان تىرەر تياناعىن ءدال تاۋىپ، يدەيا مەن ارەكەتتى باياندامانىڭ رۋحىمەن، اۆتونوميالى رايوندىق پارتكومنىڭ قىزمەت ورنالاستىرۋلارىمەن اناعۇرلىم ويداعىداي بىرلىككە كەلتىرىپ، پارتيا قۇرىلتايىندا العا قويىلعان نىسانا - مىندەتتەردىڭ تياناقتانىپ، تامىر تارتۋىنا، ناقتى ونىمدىلىك كورسەتۋىنە شىنايى كەپىلدىك ەتىپ، اناعۇرلىم اسقاق رۋحاني بەينەمەن، اناعۇرلىم ءورىس اشا العا ىلگەرىلەيتىن جاڭالىق اشۋ رۋحىمەن، اناعۇرلىم شىندىققا جۇگىنىپ، ناقتى ىستەيتىن قىزمەت ستيلىمەن شينجياڭنىڭ ءتۇرلى ىستەرىنىڭ جاڭا جاعدايىن ۇزدىكسىز اشۋ كەرەك.
