تيانشان تورى   ›   جاڭالىقتار   ›   ەل ءىشى حابارى

«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىرى» جاريالاندى

  شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى (تىلشىلەر ان پەي، شيە شيياۋ). «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىرى» 10 - ايدىڭ 24 - كۇنى جاريالاندى.

  پىكىردە مىنالار اتاپ كورسەتىلدى: كومىر قىشقىل گازىن شىعارۋدى ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاي وتىرىپ جاساعان كەلەلى ستراتەگيالىق شەشىمى، بايلىق ورتاسىن شەكتەيتىن كورنەكتى ماسەلەلەردى كۇش سالا شەشۋدەگى، جۇڭحۋا ۇلتىنىڭ ماڭگى تولاسسىز دامۋىن جۇزەگە اسىرۋداعى قاجەتتى تالعام، ادامزاتتىڭ تاعدىرلاس ورتاق تۇلعاسىن قۇرۋدىڭ ايبىندى ۋادەسى.

  2020 - جىلى 9 - ايدىڭ 22 - كۇنى باس شۋجي شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا جۇڭگونىڭ كومىر قىشقىل گازىنىڭ شىعارىلۋىن 2030 - جىلدان بۇرىن ەڭ جوعارى ماننەن اسىرماۋعا كۇش سالىپ، 2060 - جىلدان بۇرىن كومىر قىشقىل گازىن بەيتاراپتاندىرۋعا قول جەتكىزۋگە قۇلشىناتىندىعىن جاريالادى.

  پىكىردە مىنالار باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جۇيە كوزقاراسىنا تاباندى بولىپ، دامۋ مەن لاس زاتتاردى شىعارۋدى ازايتۋدىڭ، جالپىلىق پەن ءىشىنارالىقتىڭ، قىسقا مەزگىل مەن ورتا، ۇزاق مەزگىلدىڭ قاتىناسىن ويداعىداي ءبىر جاقتى ەتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ەكونوميكالىق، قوعامدىق دامۋدىڭ جالپى جاعدايىنا كىرگىزىپ، ەكونوميكالىق، قوعامدىق دامۋدىڭ جالپى بەتتىك جاسىل بولۋعا قاراي تيپ جاڭالاۋىن جەتەكشى ەتىپ، ەنەرگيانى جاسىل، تومەن كومىر قىشقىل گازدى دامىتۋدى تەتىك ەتىپ، بايلىق ۇنەمدەيتىن جانە قورشاعان ورتانى قورعايتىن كاسىپ سالاسى قۇرىلىمىن، ءوندىرىس ءتاسىلىن، تۇرمىس ءتاسىلىن، كەڭىستىك ارناسىن جەدەل قالىپتاستىرىپ، ەكولوگيانى الدىمەن ويلاستىراتىن جاسىل، تومەن كومىر قىشقىل گازدى جوعارى ساپالى دامۋ جولىمەن بۇلجىماي ءجۇرۋ كەرەك.

  پىكىردە كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ ءۇشىن، ”بۇكىل ەلدە ءبىر تۇتاس جوسپارلاۋ، ۇنەمدەۋدى الدىمەن ويلاستىرۋ، قوس قوزعالتقىشپەن دەمەۋ، ءىش پەن سىرت ىركىلىسسىز بولۋ، حاۋىپ - قاتەردەن ساقتانۋ“ سىندى قىزمەت پرينسيبىنە تاباندى بولۋ كەرەكتىگى ايقىندالدى؛ جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيەنى ورناتۋ، ەنەرگيادان پايدالانۋ ونىمدىلىگىن ارتتىرۋ، قازبا ەمەس ەنەرگيانى تۇتىنۋدىڭ ارا سالماعىن جوعارىلاتۋ، كومىرتەگى قوس توتىعىنىڭ شىعارىلۋ دەڭگەيىن تومەندەتۋ، ەكولوگيالىق جۇيەنىڭ كومىر قىشقىل گازىن جيناۋ قابىلەتىن ارتتىرۋ سياقتى 5 جاقتاعى باستى نىسانا ورتاعا قويىلىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى ۋاعىندا جۇزەگە اسىرۋعا شىنايى كەپىلدىك ەتتى.

  پىكىردە كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنىڭ ءتۇيىندى مىندەتتەرى ايقىندالدى: ءبىرىنشى، ەكونوميكالىق، قوعامدىق دامۋدىڭ جالپى بەتتىك جاسىل بولۋعا قاراي تيپ جاڭالاۋىن ىلگەرىلەتۋ، ەكىنشى، كاسىپ سالاسى قۇرىلىمىن تەرەڭدەي رەتتەۋ، ءۇشىنشى، تازا، تومەن كومىر قىشقىل گازدى، حاۋىپسىز، ونىمدىلىگى جوعارى ەنەرگيا جۇيەسىن جەدەل ورناتۋ، ءتورتىنشى، تومەن كومىر قىشقىل گازدى قاتىناس - تاسىمال جۇيەسى قۇرىلىسىن جەدەل ىلگەرىلەتۋ، بەسىنشى، قالا، اۋىل قۇرىلىسىنىڭ جاسىل، تومەن كومىر قىشقىل گازدى دامۋ ساپاسىن جوعارىلاتۋ، التىنشى، جاسىل، تومەن كومىر قىشقىل گازدى كەلەلى عىلىم - تەحنيكادان قامال الۋدى جانە جالپىلاستىرۋدى، قولدانۋدى كۇشەيتۋ، جەتىنشى، كومىر قىشقىل گازىن جيناۋ قابىلەتىن ۇزدىكسىز بەكەمدەۋ، جوعارىلاتۋ، سەگىزىنشى، سىرتقا ەسىك اشۋدىڭ جاسىل، تومەن كومىر قىشقىل گازدى دامۋ دەڭگەيىن جوعارىلاتۋ، توعىزىنشى، زاڭ، زاڭ ەرەجە، ولشەم جانە ساناق، باقىلاۋ - ولشەۋ جۇيەسىن اقاۋسىزداندىرۋ، ونىنشى، ساياسات - مەحانيزمدى كەمەلدەندىرۋ.

  پىكىردە مىنالار باسا دارىپتەلدى: ۇيىمداستىرىپ اتقارۋدى شىن مانىندە كۇشەيتۋ كەرەك. پارتيا ورتالىق كوميتەتىنىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، جەرگىلىكتى ورىنداردىڭ جاۋاپكەرشىلىگىن ناقتىلاندىرىپ، باقىلاۋدى، باعالاۋدى قاتايتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.