تيانشان تورى
تيانشان تورى   ›   جاڭالىقتار   ›   شينجياڭ حابارلارى

ورنىقتىلىقتىڭ، دامۋدىڭ مىندەتتەرىن جالپى بەتتىك، دالمە - ءدال تياناقتاندىرامىز

− اۆتونوميالى رايوندىق 10 - رەتكى پارتيا قۇرىلتايىنىڭ اشىلۋى رايونىمىزداعى قالىڭ پارتيا مۇشەلەرى، كادرلار، بۇقارا اراسىندا قىزۋ اڭىس قوزعادى

□ انار بۇلت / شينجياڭ گازەتىنىڭ تىلشىلەرى

  قاراماققا قاراپايىم كورىنگەنىمەن، كەرەمەتى ەرەك بولدى، بۇنداي تابىسقا جەتۋ وڭاي - وسپاق سەزىلگەنىمەن، ماشاقاتى بولەك بولدى. وتكەن 5 جىلدا تيانشان الابىندا تۋىلعان وراسان زور وزگەرىستەر، شينجياڭنىڭ ءتۇرلى ىستەرىندە قول جەتكەن كورنەكتى ناتيجەلەر بۇكىل رايونداعى ءار ۇلت كادر، بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋىنىڭ، تياناقتاندىرۋىنىڭ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتۋىنىڭ ناتيجەسى. كوپشىلىك جابال: وڭاي - وسپاق قولعا كەلمەگەن اسا تاماشا جاعدايدى بارىنشا قاستەرلەپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، ءتۇسىنىپ، ءتۇرلى مىندەتتەردى جالپى بەتتىك، دالمە - ءدال تياناقتاندىرىپ، شينجياڭنىڭ ورنىقتىلىق، دامۋ ىستەرىنىڭ تاعى دا تىڭ ساتىعا كوتەرىلۋىن، تىڭ ونىمدىلىكتەرگە قول جەتكىزۋىن ىلگەرىلەتەمىز، - دەستى.

جۇڭحۋا ۇلتى ورتاق تۇلعا تانىمىن بەرىك ورناتامىز

  باياندامادا مىنالار ورتاعا قويىلدى: وتكەن 5 جىلدا جۇڭحۋا ۇلتى ورتاق تۇلعا تانىمى كۇن سايىن نىعايدى، ارالاسۋ، ىشتەسۋ، توعىسۋ اناعۇرلىم جيىلەدى، ۇلتتار ىنتىماعىنداعى، العاباسارلىعىنداعى وزاتتاردان بولۋ تابىسى كورنەكتىلەندى، مەملەكەتتە ءبىر تۇتاس قولدانىلاتىن ءتىل - جازۋ تاربيەسى تەرەڭدەتىلدى، كەڭەيتىلدى، ءار ۇلت كادرلارىنىڭ، بۇقاراسىنىڭ ارالاسۋى، ىشتەسۋى، توعىسۋى بارعان سايىن جيىلەپ، سۇيىسپەنشىلىگى بارعان سايىن ەتەنە بولدى... بۇل جونىندە اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ءپايزاۋات اۋدانى قىزىلسۋ اۋىلى قوستوعىراق قىستاعىندا تۇراتىن ءبىرىنشى شۋجيى شوكىرات شاۋكەت تەرەڭ اسەرگە يە بولدى، ول: ”جاڭا تاريحي باستامادا ۇلتتار ىنتىماعى قىزمەتىن ءتىپتى دە جاقسى ىستەۋ سەنىمىمىز كامىل. پارتيا قۇرىلتايىنداعى ورنالاستىرۋلاردى مۇقيات تياناقتاندىرىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءىس جۇزىندىك ارەكەتىمىز ارقىلى كورىكتى دە جانعا جايلى، شارۋاشىلىعى شالقىپ، ادامدار بەرەكەلى بولعان سوتسياليستىك جاڭاشا اۋىل - قىستاق قۇرامىز“، - دەدى.

  ”وسى 5 جىلدان بەرى اۋلامىزعا كەلىپ مەملەكەت تۋىن شىعارۋ سالتىنا قاتىناساتىن ادام بارعان سايىن كوبەيدى. مەن ءار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىنىڭ كۇن سايىن كۇشەيىپ، ارالاسۋ، ىشتەسۋ، توعىسۋدىڭ اناعۇرلىم جيىلەگەندىگىن تەرەڭ سەزىندىم، باياندامادا ورتاعا قويىلعانداي، ۇلتتار ىنتىماقتى بولىپ، دامىپ، العا باسىپ، انار گۇلىندەي قۇلپىرىپ، ءبىر وتباسىنداي ەتەنە بولدى“. اۋلاسىندا 12 جىل بويى مەملەكەت تۋىن تاباندىلىقپەن شىعارعان شاۋەشەك قالاسى جاڭا قالا ءمالىسى قاراءدوڭ الەۋمەتتىك اۋماعىنىڭ تۇرعىنى سالىقجان يمىن بىلاي دەدى: تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسى كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ قۇدىرەتتى كۇشىن ۇيىستىردى. ”مۇنان كەيىن مەن ۇزدىكسىز وتانشىلدىق تاربيەنىڭ امالياتتا ايگىلەۋشىسى بولۋعا تالپىنىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا جەتەكتەيمىن“.

شينجياڭدى مادەنيەتپەن نارلەندىرۋدى جۇرەك تۇكپىرىنە ۇيالاتامىز

  ”باياندامادا وتكەن 5 جىلدا يدەولوگيا شەبى بەكەمدەلىپ، شينجياڭدى مادەنيەتپەن نارلەندىرۋدىڭ تابىسى جاقسى بولدى دەپ اتاپ كورسەتىلدى، مۇنان مەن تەرەڭ اسەر الدىم“. اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، لوپ اۋداندىق پارتكومنىڭ شۋجيى داي رۇنجىڭ بىلاي دەدى: وسى بىرنەشە جىلدا لوپ اۋدانى ”شينجياڭدى مادەنيەتپەن نارلەندىرۋدى“ ارقاۋ ەتىپ، نەگىزگى ساتى مادەنيەت شەبى قۇرىلىسىن ۇزدىكسىز كۇشەيتتى، مادەنيەت ۇلكەن ساحنالارىندا، اۋىل - قىستاق مادەنيەت ۇلكەن اۋلالارىندا تاماشا كونسەرتتەر قويىلىپ، زور توپتاعى حالىق ونەرپازدارى ارىندى جۇمىس ىستەدى؛ كىتاپحانا، وقۋ ءۇيى ءار ۇلت بۇقاراسىنىڭ مادەنيەت ساپاسىن جوعارىلاتاتىن، ءبىلىمىن وسىرەتىن جاقسى ورتاسىنا اينالىپ، بۇقارانىڭ مادەنيەت تۇرمىسىن بارىنشا بايىتتى.

  ”كەلەسى قادامدا لوپ اۋدانى وسى رەتكى پارتيا قۇرىلتايى ورتاعا قويعان تالاپتار بويىنشا، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، شەپ قۇرىلىسىن ۇزدىكسىز كۇشەيتىپ، ۇلتتاردىڭ العا ۇمتىلعان، ىزگىلىككە تالپىنعان تاڭداۋلى مادەنيەتىن بەلسەنە كادەگە جاراتىپ، جالعاستىرىپ، ءار ۇلت بۇقاراسىنىڭ وتاندى قىزۋ ءسۇيۋ، شينجياڭدى قىزۋ ءسۇيۋ تاماشا سۇيىسپەنشىلىگىن مازداتادى“، - دەدى داي رۇنجىڭ.

  تۇرپان قالالىق پارتكومنىڭ ورىنباسار شۋجيى، حۋنان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ قولباسشىسى ليۋ جۇڭجيە تانىستىرىپ بىلاي دەدى: حۋناننىڭ شينجياڭعا كومەكتەسۋ قىزمەت اترەتى ءار جىلى ارنايى قاراجات ورنالاستىرىپ، كومەكتەسۋ - سۇيەمەلدەۋ، قولداۋ تەبىنىن ارتتىرىپ، مادەنيەت ارقىلى حالىقتى يگىلىككە كەنەلتۋ ينجەنەرياسىن ورىستەتىپ، حۋناننىڭ ساپالى مادەنيەت بايلىعىن ەنگىزىپ، ”قۇرۋ، جەتەكتەۋ، قولدانۋ“ ءىسىن جاقسى ىستەدى. زور توپتاعى ساپالى مادەنيەت بايلىعىن بىرگە قۇرۋ، بىرگە يگىلىكتەنۋ، بىرگە پايدالانۋ تۇرپاننىڭ الەۋمەتتىك مادەنيەتتەن قىزمەت وتەۋ دەڭگەيىن جوعارىلاتىپ، ەكى جەردىڭ مادەنيەت بارىس - كەلىسىن، اۋىس - كۇيىسىن جەبەدى.

  ”ءبىز شينجياڭدى مادەنيەتپەن نارلەندىرۋدى شينجياڭعا باعىتتامالى كومەكتەسۋ قىزمەتىنىڭ ماڭىزدى مىندەتتەرىنىڭ ءبىرى ەتىپ، ينتەرنەت جەلىسىندە، ينتەرنەت جەلىسىنەن تىس ءتۇرلى اۋىس - كۇيىس قيمىلدارىن ۇزدىكسىز ورىستەتۋ ارقىلى حۋنان مەن تۇرپاننىڭ جان - جاقتىلى، كوپ ساتىلى، كەڭ ايالى مادەنيەتتەگى ارالاسۋ، ىشتەسۋ، توعىسۋ جاڭا ارناسىن قالىپتاستىرىپ، قىزىل گەندى ءار ۇلتتىڭ قان تامىرىنا ءسىڭىرىپ، قىزىل رۋحتىڭ تىڭ كۇشىن قاۋلاتىپ، ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن ۇزدىكسىز نىعايتامىز“، - دەدى ليۋ جۇڭجيە.

ورايدى مىقتاپ يگەرىپ، ناتيجە جاراتامىز

  ”بايانداما شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن شينجياڭنىڭ ءىس جۇزىندىگىمەن تىعىز ۇشتاستىرىپ، الداعى 5 جىلداعى دامۋ جوباسىن عىلمي جوسپارلادى، ءبىز بۇعان بارىنشا جەلپىندىك، كاسىپورىننىڭ كەلەشەكتەگى دامۋ سەنىمى نىعايا ءتۇستى“. حوتان باليمۋ ساۋدا - ساتتىق شەكتى جاۋاپكەرشىلىك سەرىكتەستىگى پارتيا ياچەيكاسىنىڭ شۋجيى، القا باستىعى وبۇلاسان وبۇلقاسىم بىلاي دەدى: ”مۇنان كەيىن، ءبىز دامۋعا جاڭالىق اشۋ ارقىلى دەم بەرۋدى ۇزدىكسىز كۇشەيتىپ، كاسىپورىننىڭ تەحنيكالىق قابىلەتىن جاقسارتىپ، دارەجەسىن جوعارىلاتىپ، كاسىپورىن دامۋىنىڭ ءتىپتى دە جاقسى، ءتىپتى دە ورنىقتى، ءتىپتى دە ساپالى بولۋىنا مۇمكىندىك جاسايمىز“.

  ”باياندامادا ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك دەپ ورتاعا قويىلدى. ءبىز وسى رەتكى پارتيا قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، ’ونەركاسىپتە قۋاتتى اۋدان‘ ستراتەگياسىن اتقارىپ، ونەركاسىپتىڭ جوعارى ساپالى دامۋىن قۇلشىنا ىلگەرىلەتەمىز“، - دەدى جىڭ ونەركاسىپ باقشا رايونىن باسقارۋ كوميتەتى پارتيا قىزمەتى كوميتەتىنىڭ مۇشەسى، ورىنباسار مەڭگەرۋشى ياڭ ياڭ.

  ”وتكەن 5 جىلدا جىڭ اۋدانى باقشا رايوننىڭ دارەجەسىن جوعارىلاتۋ ينجەنەرياسىن اتقارىپ، سۋ، ەلەكتر، جىلۋ، گاز، سونداي - اق تۇرمىستىق سايكەستى اۋماق سياقتى قۇرىلعى قۇرىلىستارىن كەمەلدەندىرىپ، زەردەلىلەنگەن، ولشەمدەنگەن زاۆود ءۇيى، زات اينالىمى جونەلتۋ ورتالىعى سياقتى نىسان قۇرىلىستارىن وندىرىسكە قوسۋدى جەدەلدەتىپ، ونەركاسىپ قۇرىلىمىن ساپالىلاندىرۋدى، دارەجەسىن جوعارىلاتۋدى بەلسەندىلىكپەن ىلگەرىلەتىپ، تىزبەكتى ۇزارتۋ، تىزبەكتى تولىقتاۋ، تىزبەكتى قۇرۋ، تىزبەكتى كۇشەيتۋدى نەگىزگى قامال الۋ بەتالىسى ەتىپ، ءبىر توپ كاسىپ سالالارى شوعىرلانعان، جەتەكتەۋ قۋاتى كۇشتى، ەرەكشەلىگى ايقىن باستاماشى كاسىپورىنداردى جەتىلدىردى، سومدادى. ءبىز ’الدىمەن ىستەۋ، الدىدا ءجۇرۋ‘ سىندى قىزمەت ارناسىن مىقتاپ يگەرىپ، يدەيانى ازات ەتىپ، رۋحتى سەرپىلتىپ، زەيىن - زەردەنى، كۇش - قۋاتتى شوعىرلاندىرىپ، تاسىلدە بۇرىلىس جاساۋدى، قۇرىلىمدى رەتتەۋدى، ارتۋدى ورنىقتىرۋدى نەگىزگى جەلى ەتىپ، كەلەلى نىسان قۇرىلىستارى مەن ساۋداگەر شاقىرىپ، قارجى ەنگىزۋدى تەتىك، باقشا رايوننىڭ قىزمەت وتەۋىن باسقارۋدى كۇشەيتۋدى قامتاماسىزدىق ەتىپ، باقشا رايونى ەكونوميكاسىنىڭ جوعارى ساپالى دامۋىن كۇش سالا جوعارىلاتامىز“، - دەدى ياڭ ياڭ.

  (ءتىلشى ءرايدا، قاتىناسقان تىلشىلەر ءپاريزات ابدۇل، جاڭ يانفاڭ، جاڭ رۇيلين، سۇڭ يا - ۋىن، سۇڭ ۋيگو)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.