تيانشان تورى
تيانشان تورى   ›   جاڭالىقتار   ›   سۋرەتتى حابار

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى جابىلدى

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى جابىلدى

 جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى جانە ءتارتىپ تەكسەرۋ كوميتەتى سايلاندى

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بايانداماسى جونىندەگى قاۋلى، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلى ماقۇلداندى

چىن چۋانگو قۇرىلتايدى باسقاردى ءارى ءسوز سويلەدى

  10 - ايدىڭ 25 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى شينجياڭ حالىق سارايىندا جەڭىسپەن جابىلدى. چىن چۋانگو جولداس جينالىستى باسقاردى.

  □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  10 - ايدىڭ 25 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى شينجياڭ حالىق سارايىندا جەڭىسپەن جابىلدى. سۋرەتتە: جينالىس زالى.

  □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 25 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - قۇرىلتايى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىن جانە ءتارتىپ تەكسەرۋ كوميتەتىن سايلاپ شىعىپ، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بايانداماسى جونىندەگى قاۋلىنى، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلداعاننان كەيىن، 10 - ايدىڭ 25 - كۇنى تۇستەن بۇرىن شينجياڭ حالىق سارايىندا جەڭىسپەن جابىلدى.

  چىن چۋانگو جولداس قۇرىلتايدى باسقاردى.

  قۇرىلتاي ءتوراعالار القاسىنىڭ تۇراقتى القا مۇشەلەرى چىن چۋانگو، ەركىن تۇنياز، لي يفي، جاڭ چۇنلين، حى جۇڭيوۋ، ياڭ چىڭ، تيان ۋىن، سارقىت اقان، جاڭ جۋ، تيان شياڭلي، چىن ۋيجۇن، ۋاڭ ميڭشان، ءيۇسۇپجان مامەت، ەلزات احمەتجان ءتوراعالار مىنبەسىنىڭ الدىڭعى قاتارىنان ورىن الدى. قۇرىلتاي ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  ساعات 10نان 30 مينۋت وتكەندە جابىلۋ جينالىسى باستالدى.

  قۇرىلتايعا قاتىناسۋعا ءتيىستى ۋاكىل 722 ادام، ناقتى قاتىناسقانى 686 ادام، بۇل بەلگىلەمەدەگى ادام سانىنا ۇيلەسەدى.

  باس بەلەت باقىلاۋشىنىڭ، ورىنباسار باس بەلەت باقىلاۋشىلاردىڭ، بەلەت باقىلاۋشىلاردىڭ باقىلاۋىندا، قۇرىلتايدىڭ سايلاۋ ءادىسى بويىنشا، قۇرىلتايعا قاتىناسقان ۋاكىلدەر جاسىرىن داۋىس بەرۋ فورماسىمەن 83 مۇشەدەن، 17 كانديدات مۇشەدەن قۇرام تاپقان جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىن سايلاپ شىقتى، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى ءتارتىپ تەكسەرۋ كوميتەتىنىڭ 47 مۇشەسىن سايلاپ شىقتى.

  ساعات 12 مولشەرىندە چىن چۋانگو جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى مەن ءتارتىپ تەكسەرۋ كوميتەتىنىڭ اۆتونوميالى رايوندىق 10 - رەتكى پارتيا قۇرىلتايىندا سايلانىپ شىققاندىعىن جاريالادى. بۇكىل زالدان دۋ قول شاپالاق ءۇنى ۇزاققا دەيىن تولاستامادى.

  ىلە - شالا، قۇرىلتاي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بايانداماسى جونىندەگى قاۋلى مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى قول كوتەرىپ داۋىسقا سالۋ فورماسىمەن ماقۇلدادى.

  قۇرىلتاي ءتۇرلى كۇن ءتارتىبىن ورىنداعاننان كەيىن، چىن چۋانگو دۋ قول شاپالاق ءۇنى ىشىندە ءسوز سويلەدى. ول بىلاي دەپ اتاپ كورسەتتى: اۆتونوميالى رايوندىق 10 - رەتكى پارتيا قۇرىلتايى ءبىر رەتكى يدەيانى بىرلىككە كەلتىرگەن، كۇش ۇيىستىرعان قۇرىلتاي، ءبىر رەتكى دەموكراتيانى ساۋلەلەندىرگەن، ىنتىماقتاسا قۇلشىنىس جاساعان قۇرىلتاي، ءبىر رەتكى كۇرەس جىگەرىن جانىعان، رۋحتى سەرپىلتكەن قۇرىلتاي، ءبىر رەتكى بۇرىنعىعا مۇراگەر، كەيىنگىگە بۇيداگەر بولعان، جاڭا جاعداي اشقان قۇرىلتاي بولدى، ءسوز جوق، بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن اناعۇرلىم اسقاق رۋحاني كۇيمەن، اناعۇرلىم تاسقىنداعان جىگەرمەن، قىزۋ سۇيىسپەنشىلىكپەن، جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جۇرگىزۋگە جۇمىلدىرادى جانە ىنتالاندىرادى.

  چىن چۋانگو بىلاي دەپ باسا دارىپتەدى: جاڭا باستامادا جاڭا ساپار باستالدى، جاڭا ساپار جاڭا جاۋاپكەرشىلىك ارقالاۋعا شاقىرادى. جاڭا باستامادا شينجياڭ قىزمەتىنىڭ تاعى دا تىڭ دەڭگەيگە كوتەرىلۋىن ىلگەرىلەتۋ − بۇدان بىلايعى 5 جىلداعى ءبىز ارقالايتىن تاريحي كەلەلى مىندەت سانالادى. بۇكىل رايونداعى ءار دارەجەلى پارتيا ۇيىمدارى ادال دا باتىل بولىپ، جاۋاپكەرشىلىكتى ارقالاۋدى كۇشەيتىپ، ءار ۇلت پارتيا مۇشەلەرىن، كادرلارىن، بۇقاراسىن ىنتىماقتاستىرىپ، باستاپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، وتە - موتە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، اۆتونوميالى رايوندىق 10 - رەتكى پارتيا قۇرىلتايى جاساعان ايبىندى جوبانىڭ تاماشا رەالدىققا اينالۋىنا قايراتتانا ۇمتىلۋ كەرەك. جاڭا باستامادا تۇرىپ، جاڭا ساپارعا قادام تاستاپ، ىنتىماقتى، جاراسىمدى شينجياڭدى قۇلشىنا قۇرۋ كەرەك. قوعام ورنىقتىلىعى مەن باياندى تىنىشتىق باس نىساناسىن بۇلجىماستان مىقتاپ يگەرىپ، زاڭمەن جونگە سالۋ تۋىن بيىك ۇستاپ، زاڭمەن جونگە سالۋ ويىن مىقتاپ ورناتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن جۇزەگە اسىرىپ، قوعامدىق جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن باتىل قورعاۋ؛ پارتيانىڭ ۇلت ساياساتىن جالپى بەتتىك دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى ۇلت قىزمەتىن ويداعىداي ىستەۋگە تاباندى بولىپ، ءار ۇلت كادر - بۇقاراسىنىڭ ىشكەرىلەي ارالاسۋىن، ىشتەسۋىن، توعىسۋىن جەبەپ، ۇلتتاردىڭ ۇلى ىنتىماعىن ۇزدىكسىز بەكەمدەۋ جانە دامىتۋ؛ پارتيانىڭ ءدىن قىزمەتى نەگىزگى باعىتىن جالپى بەتتىك دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءىسلام ءدىنىنىڭ سوتسياليستىك قوعامعا ۇيلەسۋىن ىلگەرىلەتۋ؛ وتاندى سۇيەتىن، شينجياڭدى سۇيەتىن، شينجياڭدى ورنىقتىرىپ، شينجياڭدى گۇلدەندىرەتىن ەڭ كەڭ بىرلىكساپتى قۇرىپ، وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن قورعاۋدىڭ قۇرىش قورعانىن بەرىك قۇرۋ كەرەك. جاڭا باستامادا تۇرىپ، جاڭا ساپارعا قادام تاستاپ، گۇلدەنگەن، باي شينجياڭدى قۇلشىنا قۇرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى نەگىزگى تاقىرىپ ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، باسىمدىقتى تولىق ساۋلەلەندىرىپ، ورنىقتىلىقتىڭ پايداسىن جارىققا شىعارىپ، جۇمىستاندىرۋدى باعدار ەتۋگە تاباندى بولىپ، ەڭبەك شوعىرلانعان كاسىپ سالالارىن زور كۇشپەن دامىتىپ، ەرەكشەلىككە يە باسىم كاسىپ سالالارىن كۇش سالا دامىتىپ، زورايتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، رەفورما جاساۋدى، جاڭالىق اشۋدى تەرەڭدەتىپ، سىرتقا ەسىك اشۋدى كەڭەيتىپ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، ەكونوميكالىق، قوعامدىق دامۋدىڭ ساپاسى مەن ونىمدىلىگىن ۇزدىكسىز جوعارىلاتۋ كەرەك. جاڭا باستامادا تۇرىپ، جاڭا ساپارعا قادام تاستاپ، وركەنيەتتى، العا باسقان شينجياڭدى قۇلشىنا قۇرۋ كەرەك. پارتيا باسشىلىعىنىڭ، حالىقتىڭ قوجايىن بولۋىنىڭ، شينجياڭدى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جۇڭگوشا سوتسياليستىك ساياسي دامۋ جولىنا تاباندى بولىپ، حالىقتىڭ نەگىزگى تۇلعالىق ورنىنا تاباندى بولىپ، ءار ۇلت حالقىنىڭ دەموكراتيالىق ۇقىعىن شىنايى قامتاماسىز ەتۋ؛ وسى زامانعى وركەنيەت تاربيەسىن كۇشەيتىپ، ءار ۇلت بۇقاراسىن يدەيالىق كوزقاراس، رۋحاني اۋەس، تۇرمىس ءتاسىلى جاعىندا وسىزاماندانۋعا قاراي قادام تاستاۋعا بەلسەنە جەتەكتەۋ؛ شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، سوتسياليستىك وزەكتى قۇن كوزقاراسىن ساۋلەلەندىرىپ جانە امالياتتا ايگىلەپ، ءار ۇلت بۇقاراسىن پارتيانىڭ قامقورلىعىنا العىس ايتۋعا، وتانشىلدىق سۇيىسپەنشىلىكتى قويۋلاتۋعا تاربيەلەپ جانە جەتەكتەپ، جۇڭحۋا ۇلتىنىڭ ورتاق رۋحاني مەكەنىن قۇلشىنا قۇرۋ كەرەك. جاڭا باستامادا تۇرىپ، جاڭا ساپارعا قادام تاستاپ، تىنىش ءومىر، شات - شادىمان تىرشىلىك كەشىرگەن شينجياڭدى قۇلشىنا قۇرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىز ەتۋدى، جاقسارتۋدى، بۇقارانىڭ ىرىس - قۇتىن ارتتىرۋدى ماڭىزدى ورىنعا قويۋعا تاباندى بولىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتىلاردى ءتۇيىن ەتكەن حالىققا تيىمدىلىك جاساۋ ينجەنەرياسىن تىڭعىلىقتى ىلگەرىلەتىپ، ءار ۇلت بۇقاراسىنىڭ ءتىپتى دە كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاساپ، بىرگە بايۋدى جۇزەگە اسىرۋ نىساناسىنا قاراي ۇزدىكسىز ارشىندى قادام تاستاۋ كەرەك. جاڭا باستامادا تۇرىپ، جاڭا ساپارعا قادام تاستاپ، ەكولوگياسى تاماشا شينجياڭدى قۇلشىنا قۇرۋ كەرەك. شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، تۇنىق سۋ، جاسىل تاۋ − باعالى بايلىق ۇستانىمىن بۇلجىتپاي بەرىك ورناتىپ جانە امالياتتا ايگىلەپ، جاسىل، تومەن كومىر قىشقىل گازدى دامۋدان جازباي، ەكولوگيا مەن ەكونوميكانى سايكەستى دامىتۋ، ادام مەن تابيعات جاراسىمدى قاتار ءومىر ءسۇرۋ جولىمەن ءجۇرىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.

  چىن چۋانگو بىلاي دەپ باسا دارىپتەدى: ايبىندى جوبا جاسالدى، ەكپىندەي ىلگەرىلەۋدىڭ دابىلى قاعىلدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اناعۇرلىم اسقاق جىگەرمەن، اناعۇرلىم العا ۇمتىلۋ رۋحىمەن، اناعۇرلىم ناقتى ستيلمەن جاڭا باستامادا ءتۇرلى ىستەردى ۇزدىكسىز العا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قايراتتانا ويداعىداي جازۋىمىز كەرەك.

  قۇرىلتاي سايلاۋىنان كەيىن ورىنباسار ولكە دارەجەلىدەن جوعارى باسشىلىق قىزمەت مىندەتىن وتەگەن ساقا جولداستار، ءارقايسى دەموكراتيالىق پارتيا - توپتاردىڭ، اۆتونوميالى رايوندىق ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، قاتىستى جاقتارداعى جاۋاپتى جولداستار قاتارلىلار قۇرىلتايدىڭ جابىلۋ جينالىسىنا قاتىناستى.

  جابىلۋ جينالىسىنا اۆتونوميالى رايوندىق 9 - كەزەكتى پارتكومنىڭ ۋاكىل ەمەس مۇشەلەرى، ۋاكىل ەمەس كانديدات مۇشەلەرى، ۋاكىل ەمەس ءتارتىپ تەكسەرۋ كوميتەتىنىڭ مۇشەلەرى جانە اۆتونوميالى رايونعا (ورتالىققا) توتە قاراستى ورىنداردىڭ ۋاكىل ەمەس پارتيالى جاۋاپتىلارى قاتارلىلار سىرتتاي قاتىناستى.

  قۇرىلتاي ايبىندى «ينتەرناتسيونال ءانى» ىشىندە تابىسپەن جابىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.