چىن چۋانگو اۆتونوميالى رايوندىق 10 - كەزەكتى پارتكومنىڭ ءبىرىنشى جالپى ماجىلىسىندە بىلاي دەپ باسا دارىپتەدى
نازاردى باس نىساناعا باتىل شوعىرلاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، پارتيا قۇرىلتايى كەسكىندەگەن ايبىندى جوبانى تاماشا رەالدىققا اينالدىرۋعا قايراتتانا قۇلشىنۋ كەرەك
10 - ايدىڭ 25 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءبىرىنشى جالپى ءماجىلىسى ۇرىمجىدە وتكىزىلدى. جاڭا كەزەكتى اۆتونوميالى رايوندىق پارتكومنىڭ باسشىلىق قۇرىلىمى سايلاندى. چىن چۋانگو (ورتادا) اۆتونوميالى رايوندىق پارتكومنىڭ شۋجيى بولىپ سايلاندى، ەركىن تۇنياز (وڭنان جەتىنشى)، لي يفي (سولدان جەتىنشى)، جاڭ چۇنلين (وڭنان التىنشى)، حى جۇڭيوۋ (سولدان التىنشى) اۆتونوميالى رايوندىق پارتكومنىڭ ورىنباسار شۋجيى بولىپ سايلاندى، اۆتونوميالى رايوندىق پارتكومنىڭ تۇراقتى مۇشەسى بولىپ سايلانعاندار: ياڭ چىڭ (وڭنان بەسىنشى)، جاڭ جۋ (سولدان بەسىنشى)، تيان شياڭلي (وڭنان ءتورتىنشى)، چىن ۋيجۇن (سولدان ءتورتىنشى)، ۋاڭ ميڭشان (وڭنان ءۇشىنشى)، ءزۇمىرات وبۇل (سولدان ءۇشىنشى)، ياڭ فاسىن (وڭنان ەكىنشى)، ءيۇسۇپجان مامەت (سولدان ەكىنشى)، ەلزات احمەتجان (وڭنان ءبىرىنشى)، قادەن كابەن (سولدان ءبىرىنشى).
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 25 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءبىرىنشى جالپى ءماجىلىسى 10 - ايدىڭ 25 - كۇنى تۇستەن كەيىن ۇرىمجىدە وتكىزىلدى.
چىن چۋانگو جولداس ءماجىلىستى باسقاردى ءارى اۆتونوميالى رايوندىق پارتكومنىڭ شۋجيى بولىپ سايلانعاننان كەيىن ءسوز سويلەدى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى. اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى ماجىلىسكە سىرتتاي قاتىناستى.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 9 - كەزەكتى اۆتونوميالى رايوندىق پارتكوم بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن ىنتىماقتاستىرىپ، باستاپ، شينجياڭ قىزمەتىنىڭ كەلەلى ناتيجەگە قول جەتكىزۋىن ىلگەرىلەتتى. قازىردەن باستاپ، ءبىز رەسمي تۇردە 9 - كەزەكتى اۆتونوميالى رايوندىق پارتكومنىڭ ۇتىلامالى تاياقشاسىن وتكىزىپ الىپ، شينجياڭنىڭ قوعام ورنىقتىلىعى مەن باياندى تىنىشتىعىن ۇزدىكسىز ىلگەرىلەتۋ تاريحي كەلەلى مىندەتىن ارقالادىق، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بىزگە دەگەن شىن ىقىلاستى ءۇمىتى، ءداۋىر بىزگە جۇكتەگەن قاسيەتتى بورىش، سونداي - اق ءار ۇلت حالقى بىزگە تاپسىرعان داڭقتى دا جاپالى تاريحي مىندەت. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا تاريحي باستامادا جاڭا داۋىردەگى جۇڭگوشا سوتسياليستىك شينجياڭ قۇرۋ ۇلى ءىسىن ۇزدىكسىز العا ىلگەرىلەتىپ، اۆتونوميالى رايوندىق 10 - رەتكى پارتيا قۇرىلتايىندا كەسكىندەلگەن ايبىندى جوبانى تاماشا رەالدىققا اينالدىرۋىمىز كەرەك.
ءبىرىنشى، ساياسي ادالدىقتى باتىلدىقپەن ورىنداۋ كەرەك. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بەلدى بەكەم بۋىپ پارتياعا ىلەسۋ، استە بۇلجىماۋ كەرەك.
ەكىنشى، باستان - اياق ۇلى تۋدى بيىك ۇستاۋ كەرەك. ۇزدىكسىز شي جينپيڭ جاڭا ءداۋىر جۇڭگوشا سوتسياليزم يدەياسىن تەرەڭدەي ۇيرەنۋ، جەتە ءتۇسىنۋ، جەتە يگەرۋ، شىنايى تياناقتاندىرۋ جاعىندا كۇش سالىپ، شىنايى ۇيرەنۋدى، شىنايى ءتۇسىنۋدى، شىنايى سەنۋدى، شىنايى قولدانۋدى شىن مانىندە ورىنداپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، سانالىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىنىڭ بەرىك سەنۋشىلەرى، باتىل قورعاۋشىلارى، سانالى ۇگىتتەۋشىلەرى، ادال امالياتتا ايگىلەۋشىلەرى بولۋ كەرەك.
ءۇشىنشى، نازاردى شينجياڭدى جونگە سالۋ جالپى جوباسىن تياناقتاندىرۋعا شوعىرلاندىرۋ كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك.
ءتورتىنشى، قوعام ورنىقتىلىعىن باتىل قورعاۋ كەرەك. باستان - اياق ساقتىق دابىلىن تىنباي قاعىپ، ۇنەمى قىراعىلىقتى ساقتاپ، شينجياڭدى زاڭمەن جونگە سالۋعا تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە ارەكەت جاساۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن جونگە سالۋدى ۇدايىلاندىرۋدى جاپپاي ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن باتىل قورعاۋ كەرەك.
بەسىنشى، رەفورما مەن دامۋدى ءبىر تۇتاس جوسپارلاپ ىلگەرىلەتۋ كەرەك. بارلىق رەفورماعا، دامۋعا جۇڭحۋا ۇلتى ورتاق تۇلعا تانىمىن كورنەكتىلەندىرۋ ءمانىن، ءبىر تۇتاستىقتى قورعاپ، بولشەكتەۋشىلىككە قارسى تۇرۋ ءمانىن، حالىق تۇرمىسىن جاقسارتۋ، جۇرت تىلەگىن توعىستىرۋ ءمانىن ۇستەپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا قىزمەت وتەپ جانە ونىمەن توعىسىپ، قوعام ورنىقتىلىعىن، ىندەتتەن ساقتانۋ - تىزگىندەۋدى ۇدايىلاندىرۋدى، ءوندىرىس حاۋىپسىزدىگىن ءبىر تۇتاس جوسپارلاپ، ويداعىداي يگەرىپ، حالىقتى وزەك ەتكەن ەكونوميكانىڭ جوعارى ساپالى دامۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ زاتتىق نەگىزىن بەكەمدەۋ كەرەك.
التىنشى، حالىق تۇرمىسىن ۇزدىكسىز قامتاماسىز ەتۋ، جاقسارتۋ كەرەك. باستان - اياق حالىقتى كوڭىلدىڭ تورىنە قويىپ، حالىققا تيىمدىلىك جاساۋ ينجەنەرياسىن ۇزدىكسىز، ىشكەرىلەي ويداعىداي اتقارىپ، رەفورمانىڭ، دامۋدىڭ جەتىستىكتەرىنىڭ ءار ۇلت بۇقاراسىنا اناعۇرلىم كوپ، اناعۇرلىم ءادىل تيىمدىلىك جەتكىزۋىنە مۇمكىندىك جاساپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋ كەرەك.
جەتىنشى، ۇلتتار ىنتىماعىن بەكەمدەۋ، دامىتۋ كەرەك. پارتيانىڭ ۇلت ساياساتىن جالپى بەتتىك تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن زەرتتەۋ - ءتۇسىندىرۋدى جانە ۇگىتتەۋدى، وعان تاربيەلەۋدى ىشكەرىلەي ورىستەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، مەملەكەتتە ءبىر تۇتاس قولدانىلاتىن ءتىل - جازۋ وقىتۋىن بۇلجىماستان ىلگەرىلەتىپ، جۇڭحۋا ۇلتىنىڭ ورتاق رۋحاني مەكەنىن كۇش سالا قۇرىپ، ءار ۇلت كادر - بۇقاراسىن كەڭ كولەمدە ارالاسۋ، ىشتەسۋ، توعىسۋ بارىسىندا ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋعا، ”بەستى شىنايى مويىنداۋدى“ نىعايتۋعا، جۇڭحۋا ۇلتى ورتاق تۇلعا تانىمىن بەرىك ورناتۋعا جەتەكتەۋ كەرەك.
سەگىزىنشى، ءدىننىڭ تاتۋلىعىن، جاراسىمدىلىعىن جەبەۋ كەرەك. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، پارتيانىڭ ءدىني سەنىم ەركىندىگى ساياساتىن جالپى بەتتىك تياناقتاندىرىپ، ءدىن ىستەرىن باسقارۋدى زاڭ بويىنشا كۇشەيتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
توعىزىنشى، يدەولوگيا قىزمەتىن كۇشەيتۋ كەرەك. بۇلجىماستان تۋ ۇستاپ، حالىقتىڭ تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، يدەولوگيا قىزمەتى جاۋاپكەرشىلىگى ءتۇزىمىن قاتاڭ تياناقتاندىرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، سوتسياليزمنىڭ قۇرىلىسشىلارى مەن ءىزباسارلارىن كۇش سالا باۋلىپ، نەگىزگى الەۋمەتتىك مادەنيەت قىزمەت وتەۋىن بىركەلكىلەندىرۋدى جەبەپ، ءار ۇلت بۇقاراسىنىڭ رۋحاني مادەنيەت تۇرمىسىن ۇزدىكسىز بايىتىپ، بۇقاراعا اناعۇرلىم جاقسى ۇگىت جۇرگىزىپ، بۇقارانى اناعۇرلىم جاقسى تاربيەلەپ، جۇرت تىلەگىن ىنتىماقتاستىرۋ - ۇيىستىرۋ كەرەك.
ونىنشى، كورىكتى شينجياڭدى قۇلشىنا قۇرۋ كەرەك. تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ تالابىن دايەكتىلەندىرىپ، تاۋدى، وزەندى، ورماندى، اتىزدى، كولدى، جايلىمدى، ءشولدى ءبىر تۇلعالاندىرىپ قورعاۋ مەن جۇيەلى جونگە سالۋعا تاباندى بولىپ، ەكونوميكالىق، قوعامدىق دامۋدىڭ جالپى بەتتىك جاسىل تيپكە وزگەرۋىن ىلگەرىلەتىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋ كەرەك.
ون ءبىرىنشى، بيڭتۋاننىڭ رەفورماسىن، دامۋىن قولداۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر وتباسى يدەياسىن بەرىك ورناتىپ، بيڭتۋاننىڭ وڭتۇستىككە قاراي دامۋىن، ىشكەرىلەي رەفورما جاساۋىن، ورنىقتىلىقتى قورعاۋ، شەكارانى كۇزەتۋ قابىلەتىن جوعارىلاتۋىن بار كۇشپەن قولداپ، بيڭتۋان مەن جەرگىلىكتى ورىننىڭ تەرەڭدەي توعىسىپ دامۋىن ىلگەرىلەتۋ كەرەك.
ون ەكىنشى، پارتيانى جاپپاي قاتاڭ جونگە سالۋدى ىلگەرىلەتۋ كەرەك. جاڭا داۋىردەگى پارتيا قۇرىلىسى باس تالابىن مۇقيات تياناقتاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جالپى بەتتىك ىلگەرىلەتىپ، جاڭا داۋىردەگى جاقسى كادر ولشەمىنە جانە ۇلتتىق وڭىرلەردەگى كادرلاردىڭ ساياسي ولشەمىنە تاباندى بولىپ، باسشىلىق القاسى، كادر، دارىندىلار قوسىنى، نەگىزگى ساتى ۇيىمى جانە نەگىزگى ساتى بيلىگى قۇرىلىسىن كۇشەيتىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن تەرەڭدەتىپ، ستيلى پاك، سالتى دۇرىس ساياسي ەكولوگيا قالىپتاستىرىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋ كەرەك.
چىن چۋانگو سوڭىندا بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ءبىر تىلەك، ءبىر نيەتپەن، ىنتىماقتاسا ەكپىندەي ىلگەرىلەپ، شىنايى يگەرىپ، ناقتى ىستەپ، بەرىلە شوگەلدىكپەن ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جۇرگىزەيىك.
