تيانشان تورى
تيانشان تورى   ›   ۇيرەنۋ   ›   شولۋ

جاڭا ساپاردا قوعام ورنىقتىلىعى مەن باياندى تىنىشتىق جاڭا جاعدايىن قايراتتانا اشايىق

   − اۆتونوميالى رايوندىق 10 - رەتكى پارتيا قۇرىلتايىنىڭ جەڭىسپەن جابىلعاندىعىن قىزۋ قۇتتىقتايمىز

  جاڭا باستامادا جاڭا ساپار باستالدى، جاڭا نىسانا جاڭا جاۋاپكەرشىلىك ارقالاۋعا شاقىرۋدا.

  10 - ايدىڭ 25 - كۇنى شينجياڭداعى ءار ۇلت حالقى بارىنشا كوز تىككەن اۆتونوميالى رايوندىق 10 - رەتكى پارتيا قۇرىلتايى ءتۇرلى كەڭەستىك تارتىپتەردى تولىق ورىنداعاننان كەيىن جەڭىسپەن جابىلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم 25 ميلليوننان استام تيانشان پەرزەنتتەرىن ىنتىماقتاستىرىپ، باستاپ، ماڭگى بوساڭسىمايتىن رۋحاني كۇيمەن جانە العان بەتتەن قايتپايتىن كۇرەسكەرلىك بەينەمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن قايراتتانا اشۋدىڭ جاڭا ساپارىنا قادام قويدى. ءبىز قۇرىلتايدىڭ تولىق تابىستى بولعاندىعىن قىزۋ قۇتتىقتايمىز!

  وسى رەتكى قۇرىلتاي ”قوس 100 جىلدىق“ كۇرەس نىساناسى توعىسقان شەشۋشى تۇيىندە، شينجياڭ قىزمەتى جاڭا باستامادا تۇرعان، جاڭا كەزەڭدەگى جاڭا مىندەتتەرگە ءدوپ كەلگەن ماڭىزدى مەزگىلدە، بۇكىل رايون جوعارى مەن تومەن بولىپ قوعامدىق كەلەلى جاعدايدىڭ ۇزدىكسىز ورنىقتىلىعىن ساقتاپ، جوعارى ساپالى دامۋدى ىلگەرىلەتىپ، ”14 - بەسجىلدىقتىڭ“ ءتۇرلى ىستەرىنىڭ جاڭا جاعدايىن قايراتتانا اشقان جاعدايدا اشىلعان ءبىر رەتكى ماڭىزدى قۇرىلتاي. تيانشان الابىنداعى ءارقايسى شەپتەن كەلگەن پارتيا قۇرىلتايى ۋاكىلدەرى تاسقىنداعان ساياسي قىزۋ ىنتامەن جانە وسكەلەڭ بورىشتىلىق سەزىممەن دەموكراتيانى تولىق اسقاقتاتىپ، مىندەت جاۋاپكەرشىلىكتەرىن مۇقيات اتقارىپ، وتكەندى جالپى بەتتىك قورىتىندىلاپ، بولاشاقتى عىلمي جوسپارلاپ، ءبىر نيەتپەن حالىق ءۇشىن ىستەۋ سىندى جاۋاپكەرشىلىك ارقالاۋدى ايگىلەپ، قايراتتانا العا ىلگەرىلەۋدەي ءداۋىر كەلبەتىن كورسەتىپ، اۆتونوميالى رايوندىق 10 - رەتكى پارتيا قۇرىلتايىن يدەيانى بىرلىككە كەلتىرگەن، كۇش - قۋات ۇيىستىرعان، دەموكراتيانى اسقاقتاتقان، ىنتىماقتاسىپ تالپىنعان، كۇرەس جىگەرىن جەلپىندىرگەن، رۋحتى سەرپىلتكەن، الدىڭعىلاردىڭ ءىزىن باسىپ بولاشاققا جول اشقان، جاڭا جاعداي اشقان قۇرىلتاي ەتىپ اشتى، ول، ءسوز جوق، بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن اناعۇرلىم اسقاقتاعان رۋحاني كۇيمەن، اناعۇرلىم تاسقىنداعان قىزۋ ىنتامەن، ارىنمەن جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جۇرگىزۋگە جۇمىلدىرادى جانە شابىتتاندىرادى.

  قۇرىلتاي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىن جانە ءتارتىپ تەكسەرۋ كوميتەتىن سايلاپ شىقتى ءارى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ بايانداماسى جونىندەگى قاۋلىنى، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلدادى. چىن چۋانگو جولداستىڭ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتى اتىنان جاساعان بايانداماسى ۋاكىلدەردىڭ ءبىر اۋىزدان تۇراقتاندىرۋىنا جانە جوعارى باعاسىنا يە بولدى. بايانداما شي جينپيڭ جاڭا ءداۋىر جۇڭگوشا سوتسياليزم يدەياسى تۋىن بيىك ۇستاپ، تۇتاس مازمۇنىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى شينجياڭ قىزمەتىن جاقسى ىستەۋ جونىندەگى كەلەلى ساياساتتارى، باعىتتارى سىڭىرىلگەن، 5 جىلدان بەرگى اۆتونوميالى رايوننىڭ قوعام ورنىقتىلىعى، ەكونوميكالىق دامۋ، حالىق تۇرمىسىن جاقسارتۋ سياقتى قىزمەتتەردە قول جەتكىزگەن كورنەكتى ناتيجەلەرىن وبيەكتيۆ قورىتىندىلادى، جاڭا داۋىردەگى شينجياڭ قىزمەتىن جاقسى ىستەۋدىڭ ماڭىزدى ويلارى مەن نەگىزگى تاجىريبەلەرىن عىلمي جيناقتادى، شينجياڭ قىزمەتى ءدوپ كەلگەن ەرەكشە جاعدايلار مەن كەلەلى ورايلارعا تەرەڭ تالداۋ جاسادى. الداعى 5 جىلداعى، ءتىپتى، ونان دا ۇزاق ءبىر مەزگىلدەگى شينجياڭ قىزمەتىنىڭ جەتەكشى يدەياسىن، نىسانا - مىندەتتەرىن جانە كەلەلى شارالارىن ايقىن ورتاعا قويدى، ول شىندىقتى ءىس جۇزىنەن ىزدەگەن، جان - جاقتىلى، وبيەكتيۆ، تاقىرىبى ايقىن، ءمانى تەرەڭ، جۇرت تىلەگىن ۇيىستىرعان، ەكپىندەي العا باسۋعا دەم بەرگەن جاقسى بايانداما بولدى.

  وتكەن 5 جىلعا قايىرىلا قاراساق، اۆتونوميالى رايوندىق پارتكوم بۇكىل رايونداعى قالىڭ پارتيا مۇشەلەرىن، كادرلاردى جانە ءار ۇلت بۇقاراسىن ىنتىماقتاستىرىپ، باستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتىپ، شينجياڭ قىزمەتىندە كەلەلى ونىمدىلىكتەرگە قول جەتكىزدى. وسى 5 جىلدا قوعامدىق كەلەلى جاعداي ءۇرتىس ورنىقتى بولىپ، تىنىشتىق، جاراسىمدىلىق ۇلكەن ارناعا اينالدى؛ وسى 5 جىلدا ەكونوميكالىق ناقتى قۋات كورنەكتى كۇشەيىپ، جاپپاي دوڭگەلەك داۋلەتتىلىك شىت جاڭا تۇسكە ەندى؛ وسى 5 جىلدا بۇقارانىڭ تۇرمىسى كورنەكتى جاقسارىپ، حالىققا پايدا جەتكىزىلىپ، حالىققا تيىمدىلىك جاسالىپ، جۇرت جۇرەگى جىلىدى؛ وسى 5 جىلدا ۇلتتار ىنتىماقتى بولىپ، دامىپ، العا باسىپ، انار گۇلىندەي قۇلپىرىپ، ءبىر وتباسىنداي ەتەنە بولدى؛ وسى 5 جىلدا ءدىن سالاسى تاتۋ، جاراسىمدى بولىپ، وتاندى ءسۇيۋدىڭ، ءدىندى قادىرلەۋدىڭ بەرەكەلى رايى قالىپتاستى؛ وسى 5 جىلدا يدەولوگيا شەبى بەكەمدەلىپ، شينجياڭدى مادەنيەتپەن نارلەندىرۋدىڭ ونىمدىلىگى جاقسى بولدى؛ وسى 5 جىلدا ەكولوگيالىق ورتا ءۇرتىس جاقسارىپ، اسپان اشىق، جەر جاسىل، سۋ اناعۇرلىم تۇنىق بولدى؛ وسى 5 جىلدا شينجياڭدى زاڭمەن جونگە سالۋ پارمەندى ىلگەرىلەتىلىپ، دەموكراتيا، زاڭمەن جونگە سالۋ جوعارى دەڭگەيگە كوتەرىلدى؛ وسى 5 جىلدا بيڭتۋان قىزمەتى تىڭعىلىقتى ورىستەتىلىپ، ورنىقتىلىقتى قورعاپ، شەكارانى كۇزەتۋدە جاڭا جاعداي اشىلدى؛ وسى 5 جىلدا پارتيا قۇرىلىسى جالپى بەتتىك كۇشەيىپ، ءتۇپ قازىق قۇرىشتاي بەرىك بولدى.

  5 جىلدان بەرگى تيانشان الابىنداعى وراسان زور وزگەرىستەر جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شەكسىز كەمەڭگەر، دۇرىس ەكەندىگىن، شينجياڭنىڭ ءىس جۇزىندىگىنە بۇكىلدەي ۇيلەسكەندىگىن، ءار ۇلت كادر، بۇقاراسىنىڭ قالاۋى مەن ءۇمىت - تىلەگىنە ساي كەلگەندىگىن تولىق دالەلدەدى. جاڭا ساپاردا، ءبىز، ءسوز جوق، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مىزعىماس تاباندىلىقپەن ىشكەرىلەي دايەكتىلەندىرىپ، تياناقتاندىرىپ، شينجياڭ قىزمەتىنىڭ باستان - اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتۋىمىز كەرەك.

  قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى تاپسىرماسى، بۇكىل رايونداعى ءار ۇلت بۇقاراسىنىڭ كوكەي تەستى ءۇمىتى. جوبا جاسالدى، كۇرەس جۇرگىزۋ دەر شاعىنا تۋرا كەلدى. بۇكىل رايونداعى ءار ۇلت كادرلارى يدەيا مەن ارەكەتتى اۆتونوميالى رايوندىق 10 - رەتكى پارتيا قۇرىلتايىنىڭ رۋحىمەن بىرلىككە كەلتىرىپ، اقىل - پاراساتتارى مەن كۇش - قۋاتتارىن قۇرىلتاي ورتاعا قويعان نىسانالار مەن مىندەتتەردى تياناقتاندىرۋعا ۇيىستىرىپ، ادال دا باتىل بولىپ، جاۋاپكەرشىلىك ارقالاۋدى كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، اناعۇرلىم اسقاقتاعان كۇرەس جىگەرىمەن، اناعۇرلىم العا باسۋ رۋحىمەن، اناعۇرلىم ناقتى ستيلمەن اۆتونوميالى رايوندىق 10 - رەتكى پارتيا قۇرىلتايى كەسكىندەگەن دامۋ جوباسىن قايراتتانا تاماشا رەالدىققا اينالدىرىپ، قوعام ورنىقتىلىعى مەن باياندى تىنىشتىق ىستەرىنىڭ جەڭىستەن اناعۇرلىم زور جەڭىسكە بەت الۋىن ىلگەرىلەتۋ كەرەك.

  ءور اسۋدى قۇرىش قامال دەمە استە وتە الماس، بوگەلمە، قايراتتانا نىق قادام باس. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ناتيجەنى اسقاقتاتىپ، كۇش ۇستىنە كۇش قوسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تاباندىلىقتى ساقتاپ، جاۋاپكەرشىلىكتى باتىلدىقپەن ارقالاپ، قۇنتتى دا ۇقىپتى بولىپ، قاجىرلىلىقپەن كۇرەس جۇرگىزىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قايراتتانا جازايىق!

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.