انار بۇلت / شينجياڭ گازەتىنىڭ حابارى (ٴتىلشى شيە حۇيبيان حابارلايدى) ٴتىلشىنىڭ بايىنعولين موڭعۇل اۆتونوميالى وبلىستىق عىلىم ـ تەحنيكا قوعامىنان ۇعىسۋىنشا، 10 – ايدىڭ 25 - كۇنىنە دەيىن بايىنعولين وبلىسى 117 اۋىل ـ قىستاق عىلىم جالپىلاستىرۋ سارايىن سالىپ، ەگىن، مال شارۋاشىلىق رايوندارىن جاپپاي قامتۋدى جۇزەگە اسىرعان. اۋىل ـ قىستاق عىلىم جالپىلاستىرۋ سارايى عىلمي تانىم، ادام مەن تابيعات، حاۋىپسىزدىك جانە سالاماتتىق، زەردەلى تۇرمىس، ەكولوگيالىق ورتانى قورعاۋ سىندى 5 ۇلكەن تاقىرىپتى ارقاۋ ەتكەن، سونىمەن بىرگە، اۋىل ـ قىستاقتىڭ دامۋىن ارقاۋ ەتىپ، ٴبىر قىستاقتا ٴبىر ٴونىم بولۋداي جەرگىلىكتى ەرەكشەلىكتى دە كورنەكتىلەندىرگەن.
باعراش اۋدانى بۇمبۇت قالاشىعى جەكسەننۇر قىستاعىنىڭ عىلىم جالپىلاستىرۋ سارايىندا ەكسكۋرسيالاۋعا كەلگەن قىستاق تۇرعىندارى مەن عىلىم ـ تەحنيكالىق قىزمەت وتەۋ ەرىكتىلەرى پىكىر اۋىستىرۋدا. سۋرەتتى بايىنعولين وبلىستىق عىلىم ـ تەحنيكا قوعامى بەرگەن
2021 - جىلى 5 - ايدا بايىنعولين وبلىستىق عىلىم - تەحنيكا قوعامى اۋىل - قىستاق عىلىم جالپىلاستىرۋ سارايى قۇرىلىسىن باستادى. قازىرگە دەيىن 117 اۋىل ـ قىستاق عىلىم جالپىلاستىرۋ سارايىنا ٴتۇرلى عىلىم جالپىلاستىرۋ بۇيىمدارى، 3727 عىلىم جالپىلاستىرۋ جابدىعى ورنالاستىرىلدى. اۋىل ـ قىستاق عىلىم جالپىلاستىرۋ سارايىنىڭ فۋنكتسياسىن كەڭەيتۋ ٴۇشىن، بايىنعولين وبلىسى تاعى ٴتۇرلى اۋىل ـ قىستاق كاسىپتىك ـ تەحنيكالىق قوعامىنان 53 ىن، عىلىم جالپىلاستىرۋ ۇلگى كورسەتۋ بازاسىنان 146 ىن، عىلىم جالپىلاستىرۋ وقىتۋ بازاسىنان 195 ىن، شارۋالاردىڭ عىلىم ـ تەحنيكادان ۇلگى كورسەتۋ شاعىن اۋلاسىنان 83 ىن قۇردى؛ بايىنعولين وبلىسىنداعى قالىڭ عىلىم ـ تەحنيكا قىزمەتكەرلەرى اۋىل ـ قىستاق عىلىم جالپىلاستىرۋ سارايىنان جانە ٴتۇرلى كەڭەيتىلگەن تۇعىرلاردان پايدالانىپ، 10 مىڭ رەتتەن استام ەرىكتى قىزمەت وتەپ، ٴبىر ميلليون ادام ـ رەتتەن استام بۇقارا پايداسىن كوردى.
اۋىل ـ قىستاق عىلىم جالپىلاستىرۋ سارايى ”جۇڭگو عىلىم ـ تەحنيكادا جاڭالىق اشۋ“، ” جۇڭگو عىلىم جالپىلاستىرۋ“، ”جۇڭگو سيفرلى عىلىم ـ تەحنيكا سارايى“ سياقتى جەلىدەگى عىلىم جالپىلاستىرۋ بايلىعىن ەنگىزۋ ارقىلى بايلىقتان ورتاق يگىلىكتەنۋدى جۇزەگە اسىرىپ، اۋىل ـ قىستاق ەگىنشى ـ مالشىلارىنىڭ وزىق عىلىم ـ تەحنيكانى ەڭ الدىمەن تۇسىنۋىنە كەپىلدىك ەتتى، سونىمەن بىرگە جەر ـ جەردەگى ەگىنشىلىك، ورمانشىلىق، سۋ ىستەرى، مال شارۋاشىلىعى سياقتى ورىندارمەن بىرلەسىپ عىلىم جالپىلاستىرۋ مازمۇنىن بەلسەنە اشتى، قازىر 15 ۇلكەن ٴتۇر بويىنشا 137 ٴتۇرلى عىلىم جالپىلاستىرۋعا قىزمەت وتەۋ ونىمدەرى ىركەس ـ تىركەس اشىلدى.
بۇدان سىرت، بايىنعولين موڭعۇل اۆتونوميالى وبلىسىنداعى ٴار دارەجەلى عىلىم ـ تەحنيكا قوعامدارى ٴاربىر اۋىل ـ قىستاق عىلىم جالپىلاستىرۋ سارايىندا عىلىم ـ تەحنيكالىق قىزمەت وتەۋ ىستىق لەنيالى تەلەفونىن ورناتىپ، جەرگىلىكتى ورىنداعى عىلىم ـ تەحنيكالىق ەرىكتى قىزمەت وتەۋ ۇيىمدارى مەن عىلىم ـ تەحنيكا ەرىكتىلەرىنىڭ اتى ـ ٴجونىن، قىزمەت وتەۋ مازمۇنىن، بايلانىس جاساۋ ٴتاسىلىن اشىق جاريالاپ، بۇقارانىڭ اقىل ـ كەڭەس سۇراۋىنا قولايلىلىق جاسادى، جەلىدە جانە جەلىدەن تىس ٴوزارا ۇشتاستىرۋ ٴتاسىلى ارقىلى عىلىم جالپىلاستىرۋ قىزمەت وتەۋىنىڭ ”ەڭ سوڭعى ٴبىر كيلومەترىن“ تۇتاستىردى.
بايىنعولين وبلىستىق عىلىم ـ تەحنيكا قوعامى پارتيا باسشىلىق گرۋپپاسىنىڭ شۋجيى لي جيانجۇڭ بىلاي دەدى : ”ٴبىز اۋىل ـ قىستاق عىلىم جالپىلاستىرۋ سارايىن ’شينجياڭدى مادەنيەتپەن نارلەندىرۋ‘ ينجەنەرياسىنىڭ ماڭىزدى دانەكەرى جانە تۇعىرى ەتىپ قۇرىپ شىعىپ، ٴار ۇلت بۇقاراسىن عىلمي، سالاماتتى، وركەنيەتتى، العا باسقان ٴوندىرىس، تۇرمىس ٴتاسىلىن قاستەرلەۋگە جەتەكتەپ، عىلىم جالپىلاستىرۋدىڭ ٴۇن ـ ٴتۇنسىز ۇلەس قوسۋ ورتاسىن قالىپتاستىرىپ، جالپى حالىقتىڭ عىلىم ساپاسىن جوعارىلاتىپ، اۋىل ـ قىستاقتى گۇلدەندىرۋگە كۇش قوسامىز“.
اۋدارعان: قادىر ماقان
