تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ ادامدىق ۇقىق ىستەرىنىڭ دامۋى كوپكە ايان

”شينجياڭ جاقسى جەر“ اتىنداعى بەينە ەكران اۋىس - كۇيىس ءماجىلىسى ۇرىمجىدە جانە جاڭادەليدە وتكىزىلدى

شينجياڭنىڭ ادامدىق ۇقىق ىستەرىنىڭ دامۋى كوپكە ايان

  انار بۇلت / شينجياڭ گازەتىنىڭ ءتىلشىسى جىڭ جو 10 - ايدىڭ 26 - كۇنى ۇرىمجىدەن حابارلايدى. 10 - ايدىڭ 26 - كۇنى ”شينجياڭ جاقسى جەر“ اتىنداعى ءۇندىستانعا ارنالعان بەينە ەكران اۋىس - كۇيىس ءماجىلىسى ۇرىمجىدە جانە جاڭادەليدە ءبىر ۋاقىتتا وتكىزىلدى، ەكى جەردەگى قوعامنىڭ ءار سالاسىنداعى قايراتكەرلەر شينجياڭنىڭ ادامدىق ۇقىعى، ءدىني سەنىم ەركىندىگى، ەڭبەكپەن جۇمىستاندىرۋ سياقتى جاقتاردا بەينە ەكران ارقىلى اۋىس - كۇيىس جاسادى.

  بۇل جولعى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ ءۇندىستانداعى ەلشىحاناسى بىرگە وتكىزدى. اۆتونوميالى رايون باسشىلارىنان لي شۋەجۇن، جاروللا يسامدين، نۇرىم سىمايىلقان، جۇڭگونىڭ ءۇندىستانداعى باس ەلشىسى سۇن ۋيدۇڭ جەكە - جەكە ۇرىمجىدە جانە جاڭادەليدە ماجىلىسكە قاتىناستى.

  اۆتونوميالى رايوننىڭ ورىنباسار ءتوراعاسى جاروللا يسامدين ارناۋ سوزىندە مىنالاردى ءبىلدىردى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. امەريكاداعى جانە باتىستاعى كەيبىر ەلدەردەگى جۇڭگوعا قارسى كۇشتەر شينجياڭداعى ءار ۇلت حالقىنىڭ تاماشا تۇرمىس كەشىرگەن شىندىعىمەن ساناسپاي، شينجياڭ ”جازا لاگەرىن قۇرىپ، ۇيعۇرلاردى قامادى، زيانكەستىك جاسادى“، ”زورلىقپەن ەڭبەككە سالدى“ سياقتى وسەك - اياڭداردى ويدان قيىستىردى. ءتىپتى سوراقىسى، امەريكاداعى جانە باتىستاعى كەيبىر ەلدەردەگى جۇڭگوعا قارسى كۇشتەر وسى وسەك - اياڭدار مەن جالعان ينفورماتسيالارعا نەگىزدەلىپ، شينجياڭنىڭ قاتىستى كاسىپ سالالارىن، كاسىپورىندارىن قيسىنسىز جازالادى.

  جاروللا يسامدين ءارقانداي كۇشتىڭ شينجياڭداعى ءار ۇلت بۇقاراسىنىڭ تاماشا تۇرمىسقا تالپىنۋ ۇقىعىنا بوگەت بولا المايتىندىعىن، شينجياڭنىڭ گۇلدەنىپ دامۋىن بۇلدىرۋگە ۇرىنعان ءارقانداي قاسكۇنەمدىك پەن ارەكەتتىڭ ىسكە اسپايتىندىعىن قايتالاي اتاپ كورسەتتى. بۇل جولعى بەينە ەكران اۋىس - كۇيىس ءماجىلىسى ارقىلى ەكى جاقتىڭ بايلانىستى اناعۇرلىم كۇشەيتۋىن، ءتۇسىنىسۋدى ارتتىرۋىن، سەلبەستىكتى جەبەۋىن ءۇمىت ەتتى.

  جۇڭگونىڭ ءۇندىستانداعى باس ەلشىسى سۇن ۋيدۇڭ مىنانى ءبىلدىردى: قازىر شينجياڭ ەكونوميكانىڭ دامۋىن جانە حالىقتىڭ تۇرمىسىن جاقسارتۋدى جۇزەگە اسىرىپ، ۇلتتار ىنتىماعى مەن قوعام جاراسىمدىلىعىن جەبەپ، تيانشان الابىندا گۇلدەنىپ دامىعان، تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. شينجياڭنىڭ ادامدىق ۇقىق ىستەرىنىڭ دامۋى كوپكە ايان، قازىرگە دەيىن مىڭنان استام ديپلومات، ءتىلشى قاتارلىلار ۇسىنىس بويىنشا شينجياڭعا ساپارلاي كەلىپ، شينجياڭنىڭ قارىشتاپ دامىعاندىعى جونىندە تەرەڭ اسەردە بولدى. جۇڭگو مەن ءۇندىستان بىردەي وركەندەپ كەلە جاتقان ءىرى ەلدەر، ءبىزدىڭ لاڭكەستىككە قارسى تۇرۋ ماسەلەسىندە تۇرعىمىز جاقىن، ەكونوميكالىق، قوعامدىق دامۋ جانە حالىق تۇرمىسىن جاقسارتۋ جاعىندا ۇقساس دامۋ مىندەتى مەن نىساناسىنا ءدوپ كەلىپ وتىرمىز. ىندەت اياقتاعاننان كەيىن ءۇندىستاندىق دوستاردىڭ شينجياڭعا كەلىپ، شىندىقتىڭ جاي - جاپسارىن ءبىلۋىن ءۇمىت ەتەمىز.

  بەينە ەكران اۋىس - كۇيىس ماجىلىسىندە شينجياڭنىڭ قاشقار ايماعى، حوتان ايماعى، اقسۋ ايماعى، قىزىلسۋ قىرعىز اۆتونوميالى وبلىسى سياقتى جەرلەردەن كەلگەن بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردىڭ، ءدىني قايراتكەرلەردىڭ، سىرتقا شىعىپ جۇمىس ىستەگەن جۇمىسكەرلەردىڭ، ۇلتتىق مۋزيكا اسپابى قولونەرىن جالعاستىرۋشىلاردىڭ، ت.ب ۋاكىلدەرى بەينە ەكران بايلانىس تاسىلىمەن شينجياڭنىڭ ەڭبەكپەن جۇمىستاندىرۋ، ءدىني سەنىم ەركىندىگى، مادەنيەتتى جالعاستىرۋ، قورعاۋ سياقتى جاقتارداعى جاعدايلاردى ءوز اۋىزدارىمەن بايانداپ، شينجياڭعا ساياتىن وسەك - اياڭدارعا، ساندىراقتارعا پارمەندى تويتارىس بەردى.

  ماجىلىستە ءۇندىستاننىڭ ساياسي سالاسىنىڭ، ساۋدا سالاسىنىڭ، اقپارات قۇرالدارىنىڭ، ت.ب ۋاكىلدەرى ۇسىنىس بويىنشا ينتەرنەت جەلىسىندە ماجىلىسكە قاتىناستى، اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى ساۋدا، قارجى قوسۋ، مادەنيەت اۋىس - كۇيىسى، ەكولوگيانى جونگە سالۋ سياقتى ءۇندىستان جاق قىزىعۋشىلىق تانىتقان تاقىرىپتار جونىندە ماجىلىسكە قاتىناسقان سيلى قوناقتار مەن اقپارات قۇرالدارىنىڭ سۇراۋلارىنا جاۋاپ بەردى، جۇڭگو جاق ءۇندىستان جاقتىڭ شينجياڭعا كەلىپ تەكسەرۋ جۇرگىزىپ، ەكى جەردىڭ قاتىستى سالالارداعى سەلبەستىكتى كۇشەيتۋىن قارسى الاتىندىعىن ءبىلدىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.