تيانشان تورى   ›   جاڭالىقتار   ›   ماڭىزدى حابارلار

قىزىل قان تامىردى ۇزدىكسىز جالعاستىرىپ، سوتسياليستىك مادەنيەتتىڭ گۇلدەنۋىن، دامۋىن ىلگەرىلەتۋ، سوتسياليستىك مادەنيەتتە قۋاتتى ەل قۇرۋ ءۇشىن تىڭ دا اناعۇرلىم كەسەك ۇلەس قوسۋ كەرەك

شي جينپيڭ حات جولداپ، حالىق باسپاسى قۇرىلعاندىعىنىڭ 100 جىلدىعىن قۇتتىقتاپ بىلاي دەپ باسا دارىپتەدى

قىزىل قان تامىردى ۇزدىكسىز جالعاستىرىپ، سوتسياليستىك مادەنيەتتىڭ گۇلدەنۋىن، دامۋىن ىلگەرىلەتۋ، سوتسياليستىك مادەنيەتتە قۋاتتى ەل قۇرۋ ءۇشىن تىڭ دا اناعۇرلىم كەسەك ۇلەس قوسۋ كەرەك

  قۇتتىقتاۋ حات

  حالىق باسپاسى قۇرىلعاندىعىنىڭ 100 جىلدىعى بايلانىسىمەن، مەن سىزدەرگە قىزۋ قۇتتىقتاۋ بىلدىرەمىن! باسپاداعى بۇكىل كادر - قىزمەتشىلەرگە شىن ىقىلاستى سالەم جولدايمىن!

  100 جىلدان بەرى حالىق باسپاسى قىرۋار ماركسيزمنىڭ كلاسسيكالىق شىعارمالارىن، پارتيا مەن مەملەكەتتىڭ ماڭىزدى حۇجاتتارى مەن جوعارى دەڭگەيلى فيلوسوفيالىق، قوعامدىق عىلىم شىعارمالارىن باسپادان شىعارىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، پارتيانىڭ جاسامپاز نازاريالارىن تاراتۋ، سوتسياليستىك مادەنيەتتى گۇلدەندىرۋ ءۇشىن ماڭىزدى ۇلەس قوستى. حالىق باسپاسىنىڭ قىزىل قان تامىردى ۇزدىكسىز جالعاستىرىپ، باستان - اياق جۇڭگوشا سوتسياليزمنىڭ دامۋ اياق الىسىنا ىلەسىپ، ماركسيزمدى جانە پارتيانىڭ جاسامپاز نازاريالارىن كۇش سالا تاراتۋىن؛ باستان - اياق حالىق ءۇشىن جاقسى كىتاپ شىعارۋ ۇستانىمىنا تاباندى بولىپ، پارتيا مەن مەملەكەتتىڭ دامۋ بارىسىن كۇش سالا ايگىلەپ، حالىق بۇقاراسىنىڭ رۋحاني، مادەني ءومىرىن بايىتۋىن؛ جوعارى ساپالى دامۋعا باستان - اياق تاباندى بولىپ، رەفورما جاساۋدى، جاڭالىق اشۋدى كۇش سالا ايگىلەپ، سوتسياليستىك مادەنيەتتىڭ گۇلدەنۋىن، دامۋىن ىلگەرىلەتۋ، سوتسياليستىك مادەنيەتتە قۋاتتى ەل قۇرۋ ءۇشىن تىڭ دا اناعۇرلىم كەسەك ۇلەس قوسۋىن ءۇمىت ەتەمىن!

  شي جينپيڭ

   2021 - جىلى 10 - ايدىڭ 26 - كۇنى

  (شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. حالىق باسپاسى قۇرىلعاندىعىنىڭ 100 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، قىزۋ قۇتتىقتاۋ ءبىلدىرىپ، باسپاداعى بارشا كادر - قىزمەتشىلەرگە شىن ىقىلاسپەن سالەم جولدادى.

  شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 100 جىلدان بەرى حالىق باسپاسى قىرۋار ماركسيزمنىڭ كلاسسيكالىق شىعارمالارىن، پارتيا مەن مەملەكەتتىڭ ماڭىزدى حۇجاتتارى مەن جوعارى دەڭگەيلى فيلوسوفيالىق، قوعامدىق عىلىم شىعارمالارىن باسپادان شىعارىپ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، پارتيانىڭ جاسامپاز نازاريالارىن تاراتۋ، سوتسياليستىك مادەنيەتتى گۇلدەندىرۋ ءۇشىن ماڭىزدى ۇلەس قوستى.

  شي جينپيڭ حالىق باسپاسىنىڭ قىزىل قان تامىردى ۇزدىكسىز جالعاستىرىپ، باستان - اياق جۇڭگوشا سوتسياليزمنىڭ دامۋ اياق الىسىنا ىلەسىپ، ماركسيزمدى جانە پارتيانىڭ جاسامپاز نازاريالارىن كۇش سالا تاراتۋىن؛ باستان - اياق حالىق ءۇشىن جاقسى كىتاپ شىعارۋ ۇستانىمىنا تاباندى بولىپ، پارتيا مەن مەملەكەتتىڭ دامۋ بارىسىن كۇش سالا ايگىلەپ، حالىق بۇقاراسىنىڭ رۋحاني، مادەني ءومىرىن بايىتۋىن؛ جوعارى ساپالى دامۋعا باستان - اياق تاباندى بولىپ، رەفورما جاساۋدى، جاڭالىق اشۋدى كۇش سالا تەرەڭدەتىپ، سوتسياليستىك مادەنيەتتىڭ گۇلدەنۋىن، دامۋىن ىلگەرىلەتۋ، سوتسياليستىك مادەنيەتتە قۋاتتى ەل قۇرۋ ءۇشىن تىڭ دا اناعۇرلىم كەسەك ۇلەس قوسۋىن ءۇمىت ەتتى.

  10 - ايدىڭ 26 - كۇنى تۇستەن كەيىن پارتيانىڭ باسپا ىستەرىن گۇلدەندىرۋ جانە حالىق باسپاسى قۇرىلعاندىعىنىڭ 100 جىلدىعى جونىندەگى اڭگىمە ءماجىلىس بەيجيڭدە اشىلدى، ماجىلىستە شي جينپيڭنىڭ قۇتتىقتاۋ حاتى وقىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ ماجىلىسكە قاتىناستى ءارى ءسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، داڭقتى ءداستۇردى اسقاقتاتىپ، تۋراشىلدىقتى ساقتاپ جاڭالىق اشۋعا تاباندى بولىپ، ماركسيزمدى تاراتۋدىڭ بەرىك شەبىن بەكەمدەپ، حالىقتى جىرلايتىن، ءداۋىردى ەستەلىككە الاتىن ايقىن ۇلگى بولۋعا ۇمتىلىپ، حالىقتىڭ رۋحاني الەمىن نارلەندىرەتىن، جەتىلدىرەتىن، حالىقتىڭ رۋحاني كۇشىن نىعايتاتىن مادەنيەت بيىگىن تۇلعالاپ، سالانىڭ جوعارى ساپالى دامۋىنا جەتەكشىلىك ەتەتىن باسپانىڭ ماڭىزدى ورنىن قالىپتاستىرىپ، جۇڭگو مەن شەتەلدىڭ مادەنيەت اۋىس - كۇيىسىنىڭ، ءوزارا ۇلگى الۋىنىڭ ءبىلىم كوپىرىن سالىپ، پارتيانىڭ باسپا ىستەرىنىڭ تىڭ شۇعىلاسىن جاراتۋعا قۇلشىنۋ كەرەك.

  حالىق باسپاسىنىڭ جاۋاپتىسى جانە اۆتورلاردىڭ، باسپا سالاسىنىڭ ۋاكىلدەرى سوزگە شىقتى.

  حالىق باسپاسى 1921 - جىلى 9 - ايدا قۇرىلعان، جۇڭگو كوممۋنيستىك پارتياسى قۇرعان العاشقى باسپا قۇرىلىمى. 100 جىلدان بەرى حالىق باسپاسى ماركسيزمنىڭ كلاسسيكالىق شىعارمالارىن، پارتيا مەن مەملەكەتتىڭ ماڭىزدى حۇجاتتارىن، سونداي - اق فيلوسوفيالىق، قوعامدىق عىلىم شىعارمالارىن باسپادان شىعارۋدى نەگىزگى مىندەت ەتىپ، ساياسي، نازاريالىق جانە جالپىلىق باسىلىمداردىڭ ماڭىزدى شەبىنە اينالدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.