تيانشان تورى
تيانشان تورى   ›   جاڭالىقتار   ›   ماڭىزدى حابارلار

قارۋ - جابدىق قۇرىلىسىنىڭ جاڭا جاعدايىن جالپى بەتتىك اشىپ، ارميا قۇرىلعاندىعىنىڭ 100 جىلدىق كۇرەس نىساناسىن جۇزەگە اسىرۋعا بەلسەندى ۇلەس قوسۋ كەرەك

شي جينپيڭ بۇكىل ارميانى جابدىقتاۋ قىزمەتى ماجىلىسىنە ماڭىزدى نۇسقاۋ بەرىپ بىلاي دەپ باسا دارىپتەدى

قارۋ - جابدىق قۇرىلىسىنىڭ جاڭا جاعدايىن جالپى بەتتىك اشىپ، ارميا قۇرىلعاندىعىنىڭ 100 جىلدىق كۇرەس نىساناسىن جۇزەگە اسىرۋعا بەلسەندى ۇلەس قوسۋ كەرەك

  شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى ( ءتىلشى مەي چاڭۋي). بۇكىل ارميانى جابدىقتاۋ قىزمەتى ءماجىلىسى 10 - ايدىڭ 25 - كۇنىنەن 26 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، ماجىلىسكە قاتىناسقان ۋاكىلدەر مەن قارۋ - جابدىق شەبىندەگى بارلىق جولداستارعا شىنايى سالەم جولدادى.

  شي جينپيڭ بىلاي دەپ باسا دارىپتەدى: ”13 - بەسجىلدىق“ كەزىندە پارتيا ورتالىق كوميتەتى مەن ورتالىق اسكەري ىستەر كوميتەتىنىڭ پارمەندى باسشىلىعىندا، ارميا مەن جەرگىلىكتى ورىننىڭ قاتىستى جاقتارىنىڭ بىرگە قۇلشىنۋىندا، ارميامىزدىڭ قارۋ - جابدىق قۇرىلىسى قارىشتاي دامۋدى جۇزەگە اسىرىپ، تاريحي سيپاتتى تابىسقا قول جەتكىزىپ، مەملەكەتتىڭ ستراتەگيالىق قۋاتىن، وتە - موتە، اسكەري ىستەر ناقتى كۇشىن جوعارىلاتۋعا بەرىك زاتتىق، تەحنيكالىق تىرەك ازىرلەدى. جولداستاردىڭ جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ”14 - بەسجىلدىق“ جوبا مىندەتتەرىنىڭ تياناقتانۋىن جىلدام ىلگەرىلەتىپ، قارۋ - جابدىقتى وسىزامانداندىرۋدى باسقارۋ جۇيەسىن جىلدام قۇرىپ، قارۋ - جابدىق قۇرىلىسىنىڭ جاڭا جاعدايىن جالپى بەتتىك اشىپ، ارميا قۇرىلعاندىعىنىڭ 100 جىلدىق كۇرەس نىساناسىن جۇزەگە اسىرۋعا بەلسەندى ۇلەس قوسۋىن ءۇمىت ەتەمىن.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: ءتوراعا شي جينپيڭنىڭ ماڭىزدى نۇسقاۋى مەن شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا داۋىردەگى قارۋ - جابدىق قۇرىلىسىنىڭ تاريحي ورنىن يگەرىپ، قارۋ - جابدىق قۇرىلىسىنىڭ جاڭا دامۋ ارناسىن جەدەل ورناتىپ، قارۋ - جابدىق قۇرىلىسىن ىلگەرىلەتۋدىڭ قۋاتتى بىرىككەن كۇشىن ۇيىستىرىپ، نازاردى مەملەكەتتىڭ حاۋىپسىزدىك سۇرانىسىنا شوعىرلاندىرىپ، ءىس جۇزىندىك اسكەري كۇرەستەرگە قاداعالاي نازار اۋدارىپ، عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى كورنەكتىلەندىرىپ، اسكەري ءبولىمنىڭ جاۋىنگەرلىك قۋاتىنىڭ قالىپتاسۋىن ارقاۋ ەتىپ، دۇنيە ءجۇزىنىڭ بىرەگەي دەڭگەيىن كوزدەپ، قامال الۋ شايقاسىن ويداعىداي جۇرگىزىپ، قارۋ - جابدىقتى وسىزامانداندىرۋدى كۇش سالا جەدەلدەتىپ، جاڭا باستامادا ارميامىزدىڭ قارۋ - جابدىق قۇرىلىسىن تاعى دا ءبىر ۇلكەن ساتىعا كوتەرۋ كەرەك.

  ءماجىلىس”13 - بەسجىلدىق“ مەزگىلىندەگى قارۋ - جابدىق قۇرىلىسى جاعدايىن قورىتىندىلاپ، ”14 - بەسجىلدىق“ مەزگىلىندەگى قارۋ - جابدىق قۇرىلىسى مىندەتتەرىن ورنالاستىرىپ، قارۋ - جابدىقتى وسىزامانداندىرۋدى باسقارۋ جۇيەسىن قۇرۋ جونىندە زەرتتەۋ، تالقى جۇرگىزدى.

  اسكەري ىستەر كوميتەتى ورگانىنىڭ قاتىستى تاراۋلارىنىڭ، بۇكىل ارمياداعى ءارقايسى ءىرى ورىنداردىڭ باسشىلارى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، جۇڭگو عىلىم اكادەمياسىنىڭ، اسكەري ونەركاسىپ توبى سەرىكتەستىكتەرىنىڭ، ت.ب باسشىلارى ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.