شي جينپيڭ مەملەكەتتىڭ ”13 - بەسجىلدىقتاعى“ عىلىم - تەحنيكادا جاڭالىق اشۋ تابىستارى كورمەسىن ەكسكۋرسيالاعاندا بىلاي دەپ باسا دارىپتەدى
جاڭالىق اشۋ سەنىمىن بەكەمدەپ، جاڭالىق اشۋ ورايىن مىقتاپ يگەرىپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الەۋەتتەندىرۋدى جەدەل جۇزەگە اسىرۋ كەرەك
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جەكە - جەكە كورمەنى ەكسكۋرسيالادى
10 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ كورمە سارايىندا مەملەكەتتىڭ ”13 - بەسجىلدىقتاعى“ عىلىم - تەحنيكادا جاڭالىق اشۋ تابىستارى كورمەسىن ەكسكۋرسيالادى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 26 - كۇنى تۇستەن كەيىن مەملەكەتتىڭ ”13 - بەسجىلدىقتاعى“ عىلىم - تەحنيكادا جاڭالىق اشۋ تابىستارى كورمەسىن ەكسكۋرسيالاعاندا بىلاي دەپ باسا دارىپتەدى: ”13 - بەسجىلدىق“ مەزگىلىندە ەلىمىز عىلىم - تەحنيكا ىستەرى جەدەل دامىپ، جاڭالىق اشۋ قابىلەتى بارىنشا جوعارىلاپ، نەگىزدىك زەرتتەۋلەردىڭ الدىڭعى لەگى، ستراتەگيالىق جوعارى تەحنيكالار، حالىق تۇرمىسىنا قاتىستى عىلىم - تەحنيكالار سياقتى سالالاردا ءبىر توپ ەلەۋلى عىلىم - تەحنيكا تابىستارىنا قول جەتكىزدى. بۇل پارتيا ورتالىق كوميتەتىنىڭ پارمەندى باسشىلىعىندا بۇكىل پارتيانىڭ، بۇكىل مەملەكەتتىڭ، اسىرەسە، قالىڭ عىلىم - تەحنيكا قىزمەتكەرلەرىنىڭ بىرگە كۇرەس جۇرگىزۋىنىڭ ناتيجەسى. كەزەكتە ەلىمىز جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، عىلىم - تەحنيكادا جاڭالىق اشۋ پارتيا مەن مەملەكەت دامۋىنىڭ جالپى جاعدايىندا ايرىقشا ماڭىزدى ورىنعا جانە رولعا يە، بۇكىل ەلدەگى قالىڭ عىلىم - تەحنيكا قىزمەتكەرلەرى دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الىپ، ەكونوميكانىڭ نەگىزگى شايقاس مايدانىن بەتكە الىپ، مەملەكەتتىڭ ماڭىزدى قاجەتىن بەتكە الىپ، حالىقتىڭ ءومىرىنىڭ سالاماتتىعىن بەتكە الىپ، جاڭالىق اشۋ سەنىمىن بەكەمدەپ، جاڭالىق اشۋ ورايىن مىقتاپ يگەرىپ، جۇرەكتىلىكپەن عىلىم - تەحنيكانىڭ شىڭىنا شىعىپ، دامۋداعى قيىن ماسەلەلەردى شەشىپ، داڭقتى تاريحي بورىشتى سانالىلىقپەن ارقالاپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الەۋەتتەندىرۋدى جەدەل جۇزەگە اسىرىپ، عىلىم - تەحنيكادا دۇنيە جۇزىلىك قۋاتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن تىڭ دا اناعۇرلىم كەسەك ۇلەس قوسۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان جەكە - جەكە كورمەنى ەكسكۋرسيالادى.
تۇستەن كەيىن ساعات 3تەن 45 مينۋت وتكەندە، شي جينپيڭ بەيجيڭ كورمە سارايىنا كەلىپ، كورمە زالىنا كىرىپ كورمەنى ەكسكۋرسيالادى. كورمە ”جاڭالىق اشۋ ارقىلى دامۋعا دەم بەرۋ، عىلىم - تەحنيكادا قۋاتتى ەل بولۋعا قادام تاستاۋدى“ نەگىزگى تاقىرىپ ەتىپ، جالپى بايان، 100 جىلعا قايىرىلا قاراۋ، نەگىزدىك زەرتتەۋلەر، جوعارى - جاڭا تەحنيكالار، ەلەۋلى ارناۋلى نىساندار، اۋىل شارۋاشىلىعى عىلىم - تەحنيكاسى، قوعامدىق دامۋ سياقتى جالپى 12 كورمە رايونىنا بولىنگەن. 1300دەن استام ناقتى زات، 200دەن استام مودەل سياقتىلار ارقىلى ”13 - بەسجىلدىقتان“ بەرگى، بۇكىل پارتيانىڭ، بۇكىل ەلدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى ءبىرسىپىرا كەلەلى شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا قول جەتكىزگەن ەلەۋلى عىلىم - تەحنيكا تابىستارى شوعىرلى كورسەتىلگەن.
دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدا، كورمە ”جيۋجاڭ“ كۆانتتىق كومپيۋتەردىڭ باستاپقى نۇسقاسى، 2 - رەتكى چيڭحاي - شيزاڭ ۇستىرتىنە جۇرگىزىلگەن كەشەندى عىلمي ەكسپەديتسيالىق زەرتتەۋلەر، ”تيانجي“ مي ءتارىزدى چيپ سياقتى نەگىزدىك زەرتتەۋلەردىڭ الدىڭعى لەگىندەگى ەلەۋلى سەرپىلىستەر جانە شاشىراندى نەيترون كوزى، ”حۇييان“ جاساندى سەرىگى سياقتى عىلمي جابدىقتار ءتۇيىندى كورسەتىلدى. ەكونوميكانىڭ نەگىزگى شايقاس مايدانىن بەتكە الۋدا، مەملەكەتتىڭ جاڭا بۋىن جاساندى زەردەنى اشىق ۇستاۋ، جاڭالىق اشۋ تۇعىرى، ”جيڭحۋا ءنومىرلى“ ديامەترى ەڭ ۇلكەن ەلىمىز وندىرگەن تۋنەل قازعىش ماشينا ءتۇيىندى كورسەتىلدى. مەملەكەتتىڭ ماڭىزدى قاجەتىن بەتكە الۋدا، جۇڭگو عارىش بەكەتىنىڭ مودەلى، مارس اۆتوموبيلى، ”چاڭى − 5“، ”كۇرەسكەر“ اتتى تۇتاس تەڭىزدە تەرەڭگە ادام وتىرعىزىپ سۇڭگۋ اپپاراتى، ينتەگراتسيالىق تىزبەك جابدىعى، دۇنيە ءجۇزى بويىنشا تۇڭعىش 4 - بۋىن يادرو ەلەكتر ستانسياسىنىڭ جوعارى تەمپەراتۋرانى گازبەن سۋىتۋدا ۇلگى كورسەتۋ قازانى، ”گوحى − 1“ يادرو ەلەكتر گەنەراتور اگراگاتى سياقتى مەملەكەتتىڭ ماڭىزدى قۇرالدارى ءتۇيىندى كورسەتىلدى. حالىقتىڭ ءومىرىنىڭ سالاماتتىعىن بەتكە الۋدا، ءبىر تۇلعادا تۇتاس دەنەگە پوزيترون اتقىلاۋ / ماگنيتتىك رەزونانس ارقىلى كەسكىن قالىپتاستىرۋ جابدىعى، ادام كەرەك ەتپەيتىن وسىمدىك زاۆودىندا كۇرىش تۇقىمىن جەتىلدىرۋدى جەدەلدەتكىش جانە ”عىلىم - تەحنيكا ارقىلى ىندەتپەن كۇرەستىڭ“، ”عىلىم - تەحنيكالىق قىسقى وليمپيادانىڭ“ ەڭ جاڭا تابىستارى ءتۇيىندى كورسەتىلدى... ناقتى زاتتار، مودەلدەر ”13 - بەسجىلدىق“ مەزگىلىندەگى ەلىمىزدىڭ عىلىم - تەحنيكادا جاڭالىق اشۋدا قول جەتكىزگەن ەلەۋلى ىلگەرىلەۋشىلىكتەرى مەن كورنەكتى جەتىستىكتەرىن جاندى ءتۇسىندىردى، شي جينپيڭ قاتارلى باسشى جولداستار دەن قويا كورىپ، قىزمەتكەرلەردىڭ ءتۇسىندىرۋىن مۇقيات تىڭدادى جانە قاتىستى جاعدايلاردى ۇعىستى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى كورمەنى ەكسكۋرسيالادى.
