تيانشان تورى
تيانشان تورى   ›   جاڭالىقتار   ›   ەل ءىشى حابارى

مەملەكەتتىك كەڭەس اقپارات كەڭسەسى «جۇڭگونىڭ كليمات وزگەرىسىنە توتەپ بەرۋ ساياساتى جانە ارەكەتى» اق تىستى كىتابىن جاريالادى

  شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى (ءتىلشى گاۋ جيڭ). مەملەكەتتىك كەڭەس اقپارات كەڭسەسى 10 - ايدىڭ 27 - كۇنى «جۇڭگونىڭ كليمات وزگەرىسىنە توتەپ بەرۋ ساياساتى جانە ارەكەتى» اق تىستى كىتابىن جاريالادى.

  اق تىستى كىتاپتا بىلاي دەلىندى: كليمات وزگەرىسى بۇكىل ادامزاتقا ورتاق سىن - سايىس. جۇڭگو كليمات وزگەرىسىنە توتەپ بەرۋگە ايرىقشا ءمان بەرىپ وتىر. دۇنيە جۇزىندەگى ەڭ ءىرى وركەندەپ كەلە جاتقان ەل رەتىندە، جۇڭگو وزىندەگى ەكونوميكا، قوعام قاتارلى جاقتارداعى قيىنشىلىقتاردى جەڭىپ، كليمات وزگەرىسىنە توتەپ بەرۋدىڭ ءبىر قىدىرۋ ستراتەگيالارىن، شارالارىن جانە ارەكەتتەرىن اتقارىپ، الەمدىك كليماتتى جونگە سالۋعا ات سالىسىپ، كليمات وزگەرىسىنە توتەپ بەرۋدە بەلسەندى ونىمدىلىككە قول جەتكىزدى.

  اق تىستى كىتاپتا بىلاي دەپ تانىستىرىلدى: جۇڭگو كليمات وزگەرىسىنە بەلسەنە توتەپ بەرۋدىڭ مەملەكەتتىك ستراتەگياسىن اتقارادى. كليمات وزگەرىسىنە توتەپ بەرۋ تەبىنىن ۇزدىكسىز ارتتىرىپ، ءوز كۇشىنە سۇيەنىپ ۇلەس قوسۋ نىساناسىن كۇشەيتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”N+1“ ساياسات جۇيەسىن قالىپتاستىرۋدى جەدەلدەتەدى. جاسىل، تومەن كومىر قىشقىل گازدى دامۋ جولىمەن تاباندىلىقپەن ءجۇرىپ، لاس زاتتاردىڭ شىعارىلۋىن ازايتۋ مەن كومىر قىشقىل گازىنىڭ شىعارىلۋىن تومەندەتۋدى سايكەستى جونگە سالىپ، تومەن كومىر قىشقىل گازدى دامۋ جاڭا ۇلگىسىن بەلسەندىلىكپەن قاراستىرادى. پارنيك گازداردىڭ شىعارىلۋىن تىزگىندەۋ تەبىنىن ارتتىرىپ، ءتۇيىندى ونەركاسىپ سالالارىنداعى پارنيك گازداردىڭ شىعارىلۋىن ءونىمدى تىزگىندەپ، قالا، اۋىل قۇرىلىسى مەن قۇرىلىس سالاسىنىڭ جاسىل، تومەن كومىر قىشقىل گازدى دامۋىن ىلگەرىلەتىپ، جاسىل، تومەن كومىر قىشقىل گازدى قاتىناس جۇيەسىن قالىپتاستىرىپ، ەكولوگيالىق جۇيەنىڭ كومىر قىشقىل گازىن ءسىمىرۋ قابىلەتىن ۇزدىكسىز ارتتىرادى. بازار مەحانيزمى رولىن تولىق ساۋلەلەندىرىپ، بۇكىل ەل بويىنشا كومىر قىشقىل گازى بازارى قۇرىلىسىن ۇزدىكسىز ىلگەرىلەتىپ، پارنيك گازداردىڭ شىعارىلۋىن ەرىكتى تۇردە ازايتۋ ايىرباس مەحانيزمىن ورناتادى. كليمات وزگەرىسىنە ۇيلەسۋ كەلەلى ستراتەگياسىن ىلگەرىلەتىپ جانە اتقارىپ، كليمات وزگەرىسىنە توتەپ بەرۋدەگى تىرەكتىك دەڭگەيىن ۇزدىكسىز جوعارىلاتادى.

  اق تىستى كىتاپتا بىلاي دەلىندى: جۇڭگونىڭ كليمات وزگەرىسىنە توتەپ بەرۋىندە تاريحي وزگەرىس تۋىلدى. ەكونوميكالىق دامۋ مەن لاس زاتتاردىڭ شىعارىلۋىن ازايتۋدىڭ، كومىر قىشقىل گازىنىڭ شىعارىلۋىن تومەندەتۋدىڭ سايكەستى ونىمدىلىگى كورنەكتى بولىپ، جاسىلدىق ەكونوميكانىڭ جوعارى ساپالى دامۋىنىڭ ايشىقتى تۇسىنە اينالدى، ەكونوميكا، قوعام باياندى، اقاۋسىز دامۋمەن بىرگە، كومىر قىشقىل گازىن شىعارۋ كۇشەمەلىلىگى كورنەكتى تومەندەدى. ەنەرگيا ءوندىرىسى مەن تۇتىنۋ توڭكەرىسى كورنەكتى ونىمدىلىككە جەتىپ، قازبا ەمەس ەنەرگيا جەدەل دامىپ، ەنەرگيانىڭ سارىپ ەتىلۋ كۇشەمەلىلىگى كورنەكتى تومەندەپ، ەنەرگيا تۇتىنۋ قۇرىلىمى تازا، تومەن كومىر قىشقىل گازدى بولۋعا قاراي جەدەل بۇرىلىس جاسادى. كاسىپ سالاسىنىڭ جاسىل، تومەن كومىر قىشقىل گازدى كاسىپ سالاسىنا اينالۋى جانە جاسىل، تومەن كومىر قىشقىل گازدىڭ كاسىپ سالالانۋى ۇزدىكسىز ىلگەرىلەتىلدى. ەكولوگيالىق جۇيەنىڭ كومىر قىشقىل گازىن ءسىمىرۋ قابىلەتى كورنەكتى جوعارىلادى. جاسىل، تومەن كومىر قىشقىل گازدى تۇرمىس جاڭا سالتقا اينالدى.

  اق تىستى كىتاپتا بىلاي دەپ اتاپ كورسەتىلدى: كليمات وزگەرىسىنە توتەپ بەرۋ بۇكىل ادامزاتتىڭ ورتاق ءىسى، الەمدىك كليماتتى جونگە سالۋدىڭ بۇرىن بولماعان قيىنشىلىعى الدىندا، حالىقارالىق قوعام بۇرىن بولماعان ۇلى مۇراتپەن جانە ارەكەتپەن، باتىلدىقپەن جاۋاپكەرشىلىك ارقالاپ، ءبىر نيەتپەن كۇش قوسىپ، كليمات وزگەرىسىنە بەلسەندىلىكپەن توتەپ بەرىپ، ادام مەن تابيعاتتىڭ جاراسىمدى قاتار ءومىر ءسۇرۋ جولىن بىرگە قاراستىرۋى كەرەك.

  اق تىستى كىتاپتىڭ سوڭىندا بىلاي دەلىندى: جۇڭگو مەملەكەتتىڭ ءوز كۇشىنە سۇيەنىپ ۇلەس قوسۋ نىساناسىن تاباندىلىقپەن تياناقتاندىرىپ، پارنيك گازداردىڭ شىعارىلۋىن تىزگىندەۋدى كۇشەيتىپ، كليمات وزگەرىسىنە ۇيلەسۋ قابىلەتى مەن دەڭگەيىن جوعارىلاتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا اناعۇرلىم زور قۇلشىنىس كورسەتىپ جانە ۇلەس قوسىپ، ادامزات ءومىر ءسۇرىپ وتىرعان جەر شارى مەكەنىنىڭ اناعۇرلىم كورىكتى بولۋىنا مۇمكىندىك جاسايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.