چىن چۋانگو شينجياڭ داشۋەسىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
نازاردى باس نىساناعا شوعىرلاندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، حالىق ريزا بولاتىن وقۋ - اعارتۋدى ويداعىداي جۇرگىزىپ، ءداۋىر جاڭا ادامدارىن باۋلۋ كەرەك
10 - ايدىڭ 27 - كۇنى اۆتونوميالى رايوندىق پارتكومنىڭ شۋجيى چىن چۋانگو شينجياڭ داشۋەسىندە تەكسەرۋ - زەرتتەۋ جۇرگىزدى. سۋرەتتە: چىن چۋانگو ءۇرىمجى قالاسى حىماچۋان جاڭا رايونىنا ورنالاسقان شينجياڭ داشۋەسىنىڭ بودا مەكتەپ اۋماعىنا كەلىپ، حيميا ونەركاسىبى شۋەيۋانىنىڭ وقىتۋ ساباقحاناسىنا كىرىپ، ءار ۇلت وقىتۋشى - وقۋشىلارىمەن ىقىلاسپەن اڭگىمەلەسىپ، ساباق ورنالاستىرۋ، وقىتۋ سياقتى جاعدايلاردى تاپتەشتەي ۇعىستى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 27 - كۇنى اۆتونوميالى رايوندىق پارتكومنىڭ شۋجيى چىن چۋانگو شينجياڭ داشۋەسىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ جايعاستىرۋى، ورنالاستىرۋى بويىنشا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حالىق ريزا بولاتىن وقۋ - اعارتۋدى ويداعىداي جۇرگىزۋگە قۇلشىنىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن باۋلىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا پارمەندى دارىندىلار تىرەگىن ازىرلەۋ كەرەك.
ءۇرىمجى قالاسى حىماچۋان جاڭا رايونىنا ورنالاسقان شينجياڭ داشۋەسىنىڭ بودا مەكتەپ رايونى 1 - مەرزىمدىك ينجەنەريا قۇرىلىسىن اياقتاتىپ، 10 - ايدىڭ 17 - كۇنى رەسمي پايدالانۋعا بەرىلدى. چىن چۋانگو نىسان جوباسىن جوسپارلاۋ، ينجەنەريانىڭ اياق الىسى سياقتى جاعدايلاردان بەرىلگەن مالىمەتتى مۇقيات تىڭدادى. ول بىلاي دەپ اتاپ كورسەتتى: جوبانى كەمەلدەندىرىپ، ورنالاسىمدى ساپالىلاندىرىپ، جۇمساق، قاتتى بولشەكتەردى ءبىر تۇتاس جوسپارلاپ، مەكتەپ كەلبەتىن، مەكتەپ بەينەسىن كورىكتەندىرىپ، ينجەنەريانىڭ ساپا وتكەلىن قاتاڭ يگەرىپ، جاڭا مەكتەپ رايونى قۇرىلىسى مىندەتىن جوعارى ولشەممەن، جوعارى ساپامەن ويداعىداي ورىنداۋ كەرەك.
مەكتەپتىڭ 1 - وقىتۋ عيماراتىندا، چىن چۋانگو حيميا ونەركاسىبى شۋەيۋانى مەن حيميا شۋەيۋانىنىڭ وقىتۋ ساباقحاناسىنا كىرىپ، ءار ۇلت وقىتۋشى - وقۋشىلارىمەن ىقىلاسپەن اڭگىمەلەسىپ، ساباق ورنالاستىرۋ، وقىتۋ سياقتى جاعدايلاردى تاپتەشتەي ۇعىستى. ول بىلاي دەپ اتاپ كورسەتتى: ەرەكشە دامۋعا تاباندى بولىپ، ءپان ورنالاسۋىن ساپالىلاندىرىپ، جوعارى دەڭگەيلى ماماندىق قۇرىلىسىن كۇشەيتىپ، وقۋ - وقىتۋ، عىلمي زەرتتەۋ جانە دارىندى باۋلۋ قابىلەتىن ۇزدىكسىز جوعارىلاتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا قىزمەت وتەۋ دەڭگەيىن ءوسىرۋ كەرەك. چىن چۋانگو ءار ۇلت وقۋشىلارىن جەكە مۇرات - تالپىنىسىن پارتيا مەن مەملەكەت ىستەرىنە توعىستىرىپ، تولىسۋعا، دارىندى بولۋعا قۇلشىنىپ، بولاشاقتا پارتيا ءۇشىن، وتان ءۇشىن، حالىق ءۇشىن كوبىرەك ۇلەس قوسۋعا؛ قالىڭ وقىتۋشىلاردى ونەگە كورسەتىپ، ءوزىن تاربيەلەپ، ءبىلىم قۋۋعا دەن قويىپ، ءورىس اشا جاڭالىق اشىپ، ۇيرەنۋدى، ءىس تىندىرۋدى، ادام بولۋدى شىن مانىندە بىرلىككە كەلتىرىپ، وقۋشىلاردىڭ ەسەيىپ - ەرجەتۋىنىڭ ويداعىداي جول نۇسقاۋشىسى بولۋعا شابىتتاندىردى.
چىن چۋانگو تاعى مەكتەپتىڭ كىتاپحاناسىنا، اسحاناسىنا جانە دەنە تاربيە سارايىنا كەلىپ، وقىتۋشى - وقۋشىلاردىڭ ۇيرەنۋ، تۇرمىس، ساباقتان سىرتقى قيمىل ورىستەتۋ، ىندەتتەن ساقتانۋ شارالارىن تياناقتاندىرۋ سياقتى جاعدايلاردى ۇعىستى. ول بىلاي دەپ اتاپ كورسەتتى: كىتاپحانانىڭ وسىزاماندانۋ قۇرىلىسىن كەمەلدەندىرىپ، وقۋ - اعارتۋدىڭ ءمانى مەن مادەنيەت مايەگىن اناعۇرلىم ويداعىداي ايگىلەۋ؛ ىندەتتەن ساقتانۋ - تىزگىندەۋدى ۇدايىلاندىرۋ شاراسىن قاتاڭ ويداعىداي تياناقتاندىرىپ، مەكتەپ باسقارۋ مەن وقىتۋشى - وقۋشىلارعا قىزمەت وتەۋ، قامتاماسىز ەتۋ قىزمەتىن ەگجەي - تەگجەيلى، ويداعىداي ىستەپ، مادەنيەت - دەنە تاربيە قيمىلدارىن بايىتىپ، دەنە تاربيە، ەستەتيكا جاعىنان تاربيەلەۋدى كۇشەيتىپ، قالىڭ وقىتۋشى - وقۋشىلارعا حاۋىپسىز، جايلى، قولايلى ۇيرەنۋ، قىزمەت، تۇرمىس ورتاسىن قۇلشىنا جاراتۋ كەرەك.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ وقۋ - اعارتۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيانىڭ وقۋ - اعارتۋ باعىتىن جالپى بەتتى دايەكتىلەندىرىپ، وقۋ - اعارتۋ ءىسىن الدىمەن دامىتۋعا تاباندى بولىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، ۇلتتىڭ گۇلدەنۋ ۇلى مىندەتىن ارقالايتىن ءداۋىر جاڭا ادامدارىن قۇلشىنا باۋلۋ كەرەك. دۇرىس دامۋ بەتالىسىن مىقتاپ يگەرىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، سوتسياليستىك مەكتەپ باسقارۋ بەتالىسىنا تاباندى بولىپ، پارتيانىڭ جوعارى مەكتەپتەرگە جالپى بەتتىك باسشىلىعىنا تيتتەي دە بوساڭسىماي تاباندى بولىپ جانە ونى كۇشەيتىپ، جوعارى مەكتەپتەردىڭ پارتيا قۇرىلىسىن ۇزدىكسىز كۇشەيتىپ جانە جاقسارتىپ، پارتيانىڭ وقۋ - اعارتۋ ساياساتى مەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جوعارى مەكتەپتەردە ءونىمدى دايەكتىلەندىرۋگە، تياناقتاندىرۋعا شىنايى كەپىلدىك ەتۋ كەرەك. يدەيالىق ساياسي جەتەكشىلىكتى ءۇرتىس كۇشەيتىپ، يدەيالىق ساياسي قىزمەتتى وقۋ - وقىتۋدىڭ تۇتاس بارىسىنا ءسىڭىرىپ، يدەيالىق ساياسي نازاريا ساباعىندا رەفورما جاساۋدى، جاڭالىق اشۋدى تەرەڭدەتىپ، يدەيالىق، نازاريالىق تاربيە مەن قۇن جەتەكشىلىگىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وقۋلىققا كىرۋىن، ساباقحاناعا كىرۋىن، وقۋشىلاردىڭ وي - ساناسىنا ۇيالاۋىن جالپى بەتتىك ىلگەرىلەتىپ، پارتيانى ءسۇيۋ، وتاندى ءسۇيۋ، حالىقتى ءسۇيۋ، سوتسياليزمدى ءسۇيۋ سۇيىسپەنشىلىگىن تەرەڭدەتۋ كەرەك. بەساسپاپ دارىندىلاردى باۋلۋدى تەزدەتىپ، ونەگە كورسەتىپ ادام تاربيەلەۋدى يدەيا - ءمورال تاربيەسىنىڭ، مادەنيەت بىلىمدەرى تاربيەسىنىڭ، قوعامدىق اماليات تاربيەسىنىڭ ءارقايسى بۋىندارىنا ءسىڭىرىپ، وقۋشىلاردىڭ قوعامدىق جاۋاپكەرشىلىك سەزىمىن، جاڭالىق اشۋ رۋحىن، امالياتتىق قابىلەتىن جاپپاي جوعارىلاتىپ، احلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋدى جەبەپ، اناعۇرلىم كوپ جوعارى دەڭگەيلى بەساسپاپ دارىندىلاردى جەدەل باۋلۋ كەرەك. ماندىك جوعارى ساپالى دامۋدى ىلگەرىلەتىپ، ابزالدىلىقتى، ەرەكشەلىكتى كورنەكتىلەندىرىپ، مەكتەپ باسقارۋ بايلىعىن توپتاپ، فاكتورلار اينالىمىن جەبەپ، جاڭا دامۋ ارناسىمەن ۇيلەسەتىن وقۋ - اعارتۋ قۇرىلىمىن، ءپان ماماندىعى قۇرىلىمىن، دارىندىلاردى باۋلۋ قۇرىلىمىن ءۇرتىس ساپالىلاندىرىپ، ءوندىرىستىڭ، وقىتۋدىڭ، زەرتتەۋدىڭ تەرەڭدەي توعىسۋىن ىلگەرىلەتىپ، وسى زامانعى وقۋ - اعارتۋ جۇيەسىن جەدەل ورناتۋ، كەمەلدەندىرۋ كەرەك. جوعارى ساپالى وقىتۋشىلار قوسىنىن قۇرىپ، وقىتۋشىلار بايلىعىن ورنالاستىرۋدى ساپالىلاندىرىپ، وقىتۋشىلار قوسىنى قۇرىلىسىن كۇشەيتىپ، وقۋ - اعارتۋ ارقىلى وتانعا ەڭبەك ءسىڭىرۋ مۇراتىن باتىل ساقتاپ، ساياسي ساپاسى شىڭدالعان، كاسىپتىك قابىلەتى كەمەلدى، ادام تاربيەلەۋ ورەسى ەرەك، جوعارى ساپالى، ماماندانعان، جاڭاشا وقىتۋشىلار قوسىنىن قۇلشىنا قۇرۋ كەرەك.
اۆتونوميالى رايوننىڭ ورىنباسار ءتوراعاسى سۇن حۇڭمەي قاتارلىلار بىرگە تەكسەرۋ - زەرتتەۋ جۇرگىزدى.
