انار بۇلت / شينجياڭ گازەتىنىڭ ءتىلشىسى لي لي 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 27 - كۇنى 13 - كەزەكتى جۇڭگو ءبيى ”شامگۇل سيلىعى“ ۇلتتىق، حالىقتىق بيلەردى باعالاۋدىڭ سوڭعى سارالاۋى جينان قالاسىندا وتكىزىلدى. ءتىلشىنىڭ اۆتونوميالى رايوندىق ادەبيەت - كوركەمونەرشىلەر بىرلەستىگى بيشىلەر قوعامىنان ۇعىسۋىنشا، وسى قوعام ۇسىنعان، شينجياڭ كوركەمونەر شۋەيۋانى ءبي شۋەيۋانى جاساعان ءارى ورىنداعان ەرلەر توپتىق ءبيى «كۇن شۋاعىنا شومىلعان ماكىت» 98.50 نومىرمەن، وسى كەزەكتى ”شامگۇل سيلىعىندا“ ءبىرىنشى بولعان.
«كۇن شۋاعىنا شومىلعان ماكىت» بيىندە، ەكپىندى دە لەپتى بارابان ءۇنى، اسقاق تا سەزىمدى ءان اۋەنى بار، ءبي ارتيستەرى تاسقىنداعان ىنتا، جىگەرلى دەنە ءيشارات ءتىلى ارقىلى جاڭا داۋىردەگى شينجياڭداعى ءار ۇلت حالقىنىڭ جاراسىمدى، باقىتتى تۇرمىسىن بەينەلەدى.
”«كۇن شۋاعىنا شومىلعان ماكىت» رەاليزمدىك تاقىرىبىنداعى توپتىق ءبي تۋىندىسى، دولان ءان - ءبي ونەرى مەن شاندۇڭ بارابان ياڭگى ءبيى شەبەرلىكپەن توعىستىرىلعان. بيىل 3 - ايدا جۇڭگو بيشىلەر قوعامىمەن، شينجياڭ بيشىلەر قوعامىمەن بىرگە وڭتۇستىك شينجياڭعا بارىپ، ’ومىرگە ىشكەرىلەي ارالاسۋ، حالىققا تەرەڭ تامىر تارتۋ‘ سىندى حالىق اندەرىن جيناۋ جاسامپازدىق قيمىلىنا قاتىناستىق. ماكىت اۋدانىندا ءبىز ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتىنىڭ مۇشەلەرى، شينجياڭعا كومەكتەسكەن كادرلار سياقتى قاۋىمنىڭ كومەگىندە وڭتۇستىك شينجياڭداعى قىستاقتاردىڭ بەت - بەينەسىندە وراسان زور وزگەرىستەردىڭ تۋىلىپ، بۇقارانىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ۇزدىكسىز كۇشەيگەندىگىن كوردىك. وتە - موتە، الاڭدا كۇن شۋاقتاعان قارتتار، حالىق ونەرپازدارى ورىنداعان دولان ءماشىرابى سياقتى كورىنىستەر مەنى قاتتى اسەرلەندىرىپ، جاسامپازدىق شابىتىمدى تاسقىنداتتى“، - دەدى 10 - ايدىڭ 28 - كۇنى «كۇن شۋاعىنا شومىلعان ماكىتتىڭ» رەجيسسەرلەرىنىڭ ءبىرى، شينجياڭ كوركەمونەر شۋەيۋانىنىڭ جاس وقىتۋشىسى جاڭ پىڭ.
”بۇل بۇكىل الاڭدى دۋمانعا بولەگەن كونسەرت بولدى“، ”تۇتاس الاڭداعى كورەرمەندەر دۋ قول شاپالاق سوقتى“، ”كورەرمەندەردى اسەرلەندىرىپ، كوزدەرىنە جاس الدىردى“، ”بۇل جۇڭگو ۇلتتىق، حالىقتىق ءبيىنىڭ كلاسسيكالىق تۋىندىسى ەكەن“... «كۇن شۋاعىنا شومىلعان ماكىت» قويىلىمى اياقتاعاننان كەيىن، باعالاۋشىلاردىڭ باعا ايتۋ بۋىنىندا، جۇڭگو بيشىلەر قوعامىنىڭ ءتوراعاسى، جۇڭگو ادەبيەت - كوركەمونەرشىلەر قورى قوعامىنىڭ ورىنباسار القا باستىعى فىڭ شۋاڭباي، يۇننان ولكەلىك بيشىلەر قوعامىنىڭ قۇرمەتتى ورىنباسار ءتوراعاسى جۋ حۇڭ 13 مينۋت ۋاقىتپەن وسى ءبي تۋىندىسىنا باعا بەردى.
جۇڭگو ءبيى ”شامگۇل سيلىعىن“ جۇڭگو ادەبيەت - كوركەمونەرشىلەر بىرلەستىگى، جۇڭگو ءبي قوعامى ۇيىمداستىرعان، 1996 - جىلى ورتالىق كوميتەت ۇگىت ءبولىمى جوسپارعا العان مەملەكەتتىك كاسىپتىك ءبي باعالاۋ قيمىلى. شينجياڭ بيشىلەر قوعامىنىڭ باس حاتشىسى گاۋ شانجۇن تانىستىرىپ بىلاي دەدى: شينجياڭدا كەزىندە ايەلدەر توپتىق ءبيى «شىنى ءبيى»، ەرلەر توپتىق ءبيى «دولاندىقتار»، ەرلەر توپتىق ءبيى « كۇنلۇن ارمانى»، ايەلدەر توپتىق ءبيى «ۇزىن بۇرىم»، توپتىق ءبي «گۇل ماڭگى وسىلاي قىزىل» سياقتى تۋىندىلار 5 رەت جۇڭگو ءبيى ”شامگۇل سيلىعى“ ۇلتتىق، حالىقتىق ءبيىنىڭ ەڭ جوعارى سيلىعىن العان بولاتىن.
