ءوز حابارىمىز. اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، اۆتونوميالى رايوندىق 9 - كەزەكتى پارتكومنىڭ 13 - دۇركىن شارلاۋىنىڭ اۆتونوميالى رايوندىق پارتكوم كەڭسەسى سياقتى شارلاپ - تەكسەرىلگەن 11 مەكەمە - ورىننىڭ پارتيا ۇيىمدارىنا اڭىس قايتارۋ قىزمەتى جۋىردا تولىق اياقتالدى. اۆتونوميالى رايوندىق پارتكومنىڭ جانە حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەس پارتيا باسشىلىق گرۋپپاسى باسشىلىق القاسىنىڭ قاتىستى مۇشەلەرى جاۋاپتى تاراۋلاردىڭ (ورىنداردىڭ) شارلاۋ بويىنشا اڭىس قايتارۋ ماجىلىسىنە قاتىناستى. اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى اڭىس قايتارۋ ماجىلىسىنە قاتىناستى.
قايتارىلعان اڭىستا مىنالار اتاپ كورسەتىلدى: الدىڭعى رەتكى شارلاۋدان بەرى، اسىرەسە، اۆتونوميالى رايوندىق 9 - رەتكى پارتيا قۇرىلتايىنان بەرى شارلاۋ جۇرگىزىلگەن ورىنداردىڭ پارتيا ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن ۇزدىكسىز ناقتىلاندىرىپ، پارتيا قۇرىلىسىن، پارتيانى جاپپاي قاتاڭ جونگە سالۋدى ۇزدىكسىز كۇشەيتىپ، ءتۇرلى قىزمەتتەردە بەلسەندى ىلگەرىلەۋشىلىكتەرگە جانە ناتيجەلەرگە قول جەتكىزدى.
قايتارىلعان اڭىستا شارلاۋدا بايقالعان كورنەكتى ماسەلەلەر دە اتاپ كورسەتىلدى، كەيبىر پارتيا باسشىلىق گرۋپپالارىنىڭ (پارتكومداردىڭ) پارتيانىڭ نازارياسىن لۋشيان، باعىتىن، ساياساتىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋى، تياناقتاندىرۋى جەتكىلىكتى ەمەس، قىزمەت جاۋاپكەرشىلىگىن، بورىشىن اتقارۋىندا پارىق بار، باس نىسانانى تياناقتاندىرۋىندا ءالسىز بۋىندار بار؛ كەيبىرەۋىنىڭ پارتيانى جاپپاي قاتاڭ جونگە سالۋدىڭ ”ەكى جاۋاپكەرشىلىگىن“ تياناقتاندىرۋى پارمەندى ەمەس، پاكتىك حاۋىپ - قاتەرىنەن ساقتانۋ - تىزگىندەۋگە كۇش سالۋى جەتكىلىكسىز، ستيل قۇرىلىسىندا ولقىلىقتار بار؛ كەيبىرەۋىنىڭ جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋى، تياناقتاندىرۋى تىڭعىلىقتى ەمەس، پارتيا ۇيىمىنىڭ ساياسي فۋنكتسياسىن ساۋلەلەندىرۋى تولىق ەمەس، ادام تاڭداۋ، ادام ىستەتۋدە جانە كادرلار قوسىنى قۇرىلىسىندا كەمىستىك بار؛ كەيبىرەۋىنىڭ شارلاۋ، قازىنالىق باقىلاۋ سياقتى باقىلاۋدا بايقالعان ماسەلەلەردى رەتتەۋ - تۇزەتۋدى تياناقتاندىرۋى تۇبەگەيلى ەمەس، رەتتەۋ - تۇزەتۋدىڭ باياندى مەحانيزمى اقاۋسىز ەمەس، ت . ب.
قايتارىلعان اڭىستا مىنالار تالاپ ەتىلدى: شارلاۋ جۇرگىزىلگەن پارتيا ۇيىمدارى ساياسي دەڭگەيدى ونان ارى جوعارىلاتىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىنىڭ جانە شينجياڭ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن تەرەڭدەي ۇعىنىپ، اۆتونوميالى رايوندىق پارتكومنىڭ قىزمەت تالاپتارىن دالمە - ءدال يگەرىپ، شارلاۋ بويىنشا رەتتەۋ - تۇزەتۋ قىزمەتىن ويداعىداي ىستەۋدەگى بورىشتىلىق سەزىمىن، جاۋاپكەرشىلىك سەزىمىن جانە كوكەي تەستىلىك سەزىمىن شىن مانىندە كۇشەيتىپ، ”رەتتەۋ - تۇزەتۋدىڭ پارمەنسىز بولۋى − قىزمەتىن وتەمەگەندىك، رەتتەۋ - تۇزەتۋدى ۇستاماۋ − قىزمەت اقساتقاندىق“ دەگەن ۇستانىمدى بەرىك ورناتىپ، شارلاۋ بويىنشا رەتتەۋ - تۇزەتۋدى قاتاڭ ساياسي مىندەت، ساياسي جاۋاپكەرشىلىك ساناپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ ساياسي تۇرعىسىنان، رەتتەۋ - تۇزەتۋدى تياناقتاندىرۋدى بار كۇشپەن ويداعىداي يگەرۋ كەرەك. ساياسي تۇرعىعا تاباندى بولىپ، ستراتەگيالىق تاباندىلىقتى ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانى جاپپاي قاتاڭ جونگە سالۋ باعىتىن ىشكەرىلەي دايەكتىلەندىرىپ، قاتاڭدىق سىندى نەگىزگى ارناعا تاباندى بولىپ، ”ەكى جاۋاپكەرشىلىكتى“ جاپپاي ناقتىلاندىرۋ؛ ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى ىشكەرىلەي ىلگەرىلەتىپ، ءتۇزىلىس، مەحانيزم ساڭلاۋلارىن تاۋىپ، جالپىلىق ماسەلەلەردى، كورنەكتى ماسەلەلەردى شەشۋدى ءتۇزىمدى كەمەلدەندىرۋمەن ۇشتاستىرىپ، ۇقىقتى باقىلاۋ، تەجەۋ مەحانيزمىن ۇزدىكسىز اقاۋسىزداندىرۋ؛ ستيل قۇرىلىسىن ۇزدىكسىز كۇشەيتىپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشى ماسەلەلەردى باتىل تۇزەتىپ، ”ءتورت ءتۇرلى بۇرىس ستيل“ ءسىڭىستى دەرتىن جويىپ، كادرلار ستيلىنىڭ ۇزدىكسىز جاقسارۋىن، جاپپاي جاقسارۋىن جەبەۋ كەرەك.
قايتارىلعان اڭىستا مىنالار باسا دارىپتەلدى: شارلاۋ جۇرگىزىلگەن پارتيا ۇيىمدارى ساياسي جاۋاپكەرشىلىك ارقالاۋدى كۇشەيتىپ، شارلاۋ بويىنشا رەتتەۋ - تۇزەتۋدىڭ تۇلعالىق جاۋاپكەرشىلىگىن باتىلدىقپەن ارقالاۋ كەرەك، پارتيا باسشىلىق گرۋپپالارى (پارتكومداردىڭ) شۋجيلەرى ءبىرىنشى جاۋاپتى ادام جاۋاپكەرشىلىگىن اتقارىپ، جوعارى ارقىلى تومەنگە باستاماشى بولىپ، ۇلگى كورسەتۋ ارقىلى جەتەكتەپ، ءوزى جوسپارلاپ ورنالاستىرۋدى، ءوزى ىلگەرىلەتىپ تياناقتاندىرۋدى ورىنداۋ كەرەك، باسشىلىق القاسىنىڭ باسقا مۇشەلەرى ”ءبىر قىزمەت ورىندا قوس جاۋاپكەرشىلىك ارقالاۋ“ تالابى بويىنشا، جاۋاپتى سالاداعى رەتتەۋ - تۇزەتۋ مىندەتىن مۇقيات ۇيىمداستىرىپ ويداعىداي تياناقتاندىرۋى كەرەك. وسى رەتكى شارلاۋداعى رەتتەۋ - تۇزەتۋدى ويداعىداي يگەرۋ مەن الدىڭعى رەتكى شارلاۋداعى رەتتەلمەي، تۇزەتىلمەي قالعان ماسەلەلەردى رەتتەۋ - تۇزەتۋمەن ۇشتاستىرىپ، ورتالىقتىڭ شارلاۋىندا اڭىس ەتىلگەن ماسەلەلەردى رەتتەۋ - تۇزەتۋدى ۇزدىكسىز ىلگەرىلەتۋىمەن ۇشتاستىرىپ، پارتيا تاريحىن ۇيرەنۋ تاربيەسىندە قاداعالانعان ماسەلەلەردى رەتتەۋ - تۇزەتۋمەن ۇشتاستىرىپ، ءبىر تۇتاس ورنالاستىرۋ، ءبىر تۇتاس رەتتەۋ - تۇزەتۋ، ءبىر تۇتاس تياناقتاندىرۋ كەرەك. قايتا - قايتا تۋىلعان، جالپى بەتتىك تۋىلعان ماسەلەلەرگە مەڭزەس، ءتۇزىم مەحانيزم جاعىنان سەبەبىن قاراستىرۋعا دەن قويىپ، ارناۋلى جونگە سالۋ ورىستەتىپ، شارلاۋ ارقىلى تۇزەتۋدى جەبەپ، شارلاۋ ارقىلى ورناتۋدى جەبەپ، شارلاۋ ارقىلى جونگە سالۋدى جەبەپ، تەرەڭ قاتپارلى ماسەلەلەردى ويداعىداي شەشىپ، ۇستىنەن وڭاۋ مەن تۇبىرىنەن وڭاۋدى ىلگەرىلەتۋ كەرەك.
قايتارىلعان اڭىستا مىنالار تالاپ ەتىلدى: جۇيە كوزقاراسىنا تاباندى بولىپ، ساباقتاستىرۋدى، توعىستىرۋدى كۇشەيتىپ، رەتتەۋ - تۇزەتۋ، باقىلاۋ قىزمەتتەرىنىڭ بىرىككەن كۇشىن نىعايتۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى رەتتەۋ - تۇزەتۋگە قۋزاۋدى ساياسي باقىلاۋ مەن كۇندەلىكتى باقىلاۋدىڭ پارمەندى تۇتقاسى ەتىپ، اڭىس ەتىلە سالا ىزىنە ءتۇسىپ قۋزاۋدى كۇشەيتۋ، اسىرەسە، شارلاۋدا وتكىزىپ بەرىلگەن ماسەلە دەرەكتەرىن مۇقيات سالالاۋ، دالمە - ءدال ءبىر جاقتى ەتۋ كەرەك. ۇيىمداستىرۋ تاراۋلارى ادام تاڭداۋ، ادام ىستەتۋ ارناۋلى تەكسەرۋىندە بايقالعان ماسەلەلەردى رەتتەۋ - تۇزەتۋدى ويداعىداي يگەرىپ، شارلاۋدا بايقالعان ماسەلەلەردى شەشۋدى باسشىلىق القاسى مەن كادرلار قوسىنى قۇرىلىسىن كۇشەيتۋمەن ۇشتاستىرىپ، ءبىر تۇتاس جوسپارلاپ ىلگەرىلەتىپ، شارلاۋ ناتيجەلەرىن جالپىلىق ويداعىداي پايدالانۋ كەرەك. رەتتەۋ - تۇزەتۋدە دارمەنسىز بولعانداردىڭ، ۇستىرتتىك كوز بوياۋشىلىق ىستەگەندەردىڭ جاۋاپكەرشىلىگىن قاتاڭ قۋزاستىرۋ، جاۋاپقا تارتۋ كەرەك.
ۇعىسۋعا قاراعاندا، اۆتونوميالى رايوندىق پارتكومنىڭ شارلاۋ گرۋپپاسى تاعى كەيبىر باسشى كادرلاردىڭ ماسەلەلەرىن اڭىس ەتكەن دەرەكتەردى تاپسىرىپ الىپ، قاتىستى بەلگىلەمەلەر بويىنشا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى، اۆتونوميالى رايوندىق پارتكوم ۇيىمداستىرۋ ءبولىمى قاتارلى قاتىستى جاقتاردىڭ ءبىر جاقتى ەتۋىنە وتكىزىپ بەرگەن.
