چيان جۇنلي:
ءىس جۇزىندىكپەن ۇشتاستىرىپ ۇگىت لەكسيا جاساپ، ەكپىندەي ىلگەرىلەۋ كۇشىن توپتادى
انار بۇلت / شينجياڭ گازەتىنىڭ ءتىلشىسى حي حۇڭۋي، ەرىكتى ءتىلشى ۋاڭ روچۋ
10 - ايدىڭ 26 - كۇنى تاڭەرتەڭ، اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، فۋكاڭ قالالىق بالاباقشا پارتيا ياچەيكاسىنىڭ ورىنباسار شۋجيى، بالاباقشا باستىعى چيان جۇنلي ەستەلىكتەرىن رەتتەپ بولعان سوڭ، پارتيا زناگىن تاعىپ، فۋكاڭ قالالىق بالاباقشادا بارلىق وقىتۋشى - قىزمەتكەرلەرگە اۆتونوميالى رايوندىق 10 - رەتكى پارتيا قۇرىلتايىنىڭ رۋحىنان ۇگىت لەكسيا جاسادى ءارى بالاباقشا قىزمەتىنە ۇشتاستىرا وتىرىپ، قۇرىلتايعا قاتىناسقانداعى اسەرىن اڭگىمەلەدى.
”مەن شينجياڭنىڭ وقۋ - اعارتۋ ىستەرىنىڭ دامۋىن، وزگەرىسىن، وتە - موتە، مەكتەپكە دەيىنگى تاربيە ىستەرىنىڭ زور دامۋىن ءوز باسىمنان وتكىزدىم. مەن نەگىزگى ساتىنىڭ ءبىرىنشى شەبىندەگى پارتيا قۇرىلتايى ۋاكىلىمىن، مەن پارتيا قۇرىلتايى رۋحىن تەز ارادا نەگىزگى ساتىداعى وقىتۋشىلارعا جەتكىزبەكشىمىن“، - دەدى چيان جۇنلي.
”بالاباقشاعا كىرۋ قيىن بولۋدان“ ”ءۇي ماڭايىندا بالاباقشا بولۋعا“ دەيىنگى، ”بالاباقشاعا كىرۋ قىمبات بولۋدان“ ”بارلىعى تەگىن بولۋعا“ دەيىنگى ءبىر - بىرلەگەن ىستەر بۇقارانىڭ كوڭىل كۇيىن جەلپىندىردى...
”مەن تۇراتىن فۋكاڭ قالاسى وقۋ - اعارتۋعا مول قارجى قوسۋ ارقىلى مەكتەپكە دەيىنگى تاربيەنىڭ قاۋىرت دامۋىن جەبەدى، قالا اۋماعىنداعى بالاباقشا بۇرىنعى 1دەن بۇگىنگى 7گە كوبەيدى. ءارقايسى اۋىل - قالاشىقتاردىڭ بارىندە سەنترلى بالاباقشا بار، جالپىعا ءتيىمدى بالاباقشا قالا مەن اۋىلدى قامتىعان جاعداي قالىپتاستى“، - دەدى چيان جۇنلي.
جاس وقىتۋشى يۋان تيڭتيڭ ۇگىت لەكسيانى ەستي وتىرىپ ەستەلىك الدى. ول بىلاي دەدى: ”پارتيا قۇرىلتايىنىڭ بايانداماسى سەنىمدى سەرپىلتەدى، جۇرت كوڭىلىن ۇيىستىرادى، ادامدى ەكپىندەي ىلگەرىلەۋگە جەبەيدى. جاڭا داۋىردەگى جاس وقىتۋشى رەتىندە، مۇنان كەيىن قىزمەت بارىسىندا مەن پارتيا قۇرىلتايى رۋحىن ويداعىداي ۇيرەنىپ، ويداعىداي ۇگىتتەپ، پارتيانىڭ وقۋ - اعارتۋ باعىتىن تىڭعىلىقتى تۇردە تياناقتاندىرىپ، ’ءتورت قاسيەتكە يە جاقسى وقىتۋشى‘ جانە ’ءتورت جاقتان جول باستاۋشى‘ ارەكەت ولشەمى ارقىلى عىلمي جەتەكشىلىك ەتىپ، نەگىزدى جەتىلدىرىپ، رۋحتى سومداپ، اقىل - پاراساتتى ۇشتاپ، جۇرەكتەرگە ءنار بەرىپ، ءداۋىردىڭ جاڭا ادامدارىن ويداعىداي تاربيەلەيمىن“.
پارتيا مۇشەسى يۋان ۋىنياڭ مۇعالىم بىلاي دەدى: ”مەن سوتسياليستىك وزەكتى قۇن كوزقاراسىن ۇزدىكسىز ساۋلەلەندىرىپ جانە امالياتتا ايگىلەپ، بوبەكتەردى پارتيانىڭ قامقورلىعىنا العىس ايتۋعا، وتانشىلدىق سۇيىسپەنشىلىكتى قويۋلاتۋعا تاربيەلەپ جانە باستاپ، جۇڭحۋا ۇلتىنىڭ ورتاق رۋحاني مەكەنىن قۇلشىنا قۇرىپ، سۇيىسپەنشىلىككە تولى تاربيەنى دەن قويا جۇرگىزەمىن“.
مەكتەپكە دەيىنگى تاربيەمەن 30 جىل شۇعىلدانعان فۋكاڭ قالالىق بالاباقشانىڭ ورىنباسار باستىعى ما شۋەمەي شينجياڭداعى مەكتەپكە دەيىنگى تاربيەنىڭ ادامدى شاتتاندىراتىن وزگەرىسىن ءوز باسىنان كەشىرگەن جان. ول بىلاي دەدى: ”مەن اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات، ويداعىداي ۇيرەنىپ، دايەكتىلەندىرىپ، قىزمەت ءادىسىن جاڭالاپ، ادام تاربيەلەۋدى اۋەلگى ماقسات ەتىپ، بورىشتىلىق سەزىمىم مەن جاۋاپكەرشىلىك سەزىمىمدى شىنايى كۇشەيتىپ، ءوزىمنىڭ ساپامدى جانە مىندەت وتەۋ قابىلەتىمدى ۇزدىكسىز جوعارىلاتامىن“.
چيان جۇنلي مىنالاردى ءبىلدىردى: عاسىرلىق ۇلى ءىس وقۋ - اعارتۋدى نەگىز ەتەدى، بارلىق وقىتۋشى - قىزمەتكەرلەر اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرىپ، پارتيانىڭ وقۋ - اعارتۋ باعىتىن مۇقيات دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، وقۋ - اعارتۋ شەبىن جاقسى قورعاپ، وقۋ - اعارتۋ قىزمەتىن ويداعىداي ىستەپ، حالىق رازى بولاتىن بالاباقشا قۇرۋ كەرەك.
چيان جۇنلي مەكتەپكە دەيىنگى تاربيە قىزمەتكەرى عانا ەمەس، ول تاعى دا الەۋمەتتىك يگىلىك ەرىكتىسى، ول: ”مەن قۇرىلتايدىڭ رۋحىن نەگىزگى ساتىداعى مەكتەپتەرگە جانە ءوزىم قاتىناسقان الەۋمەتتىك يگىلىك ۇيىمعا دەر كەزىندە جەتكىزىپ، زەيىن - زەردەنى، كۇش - قۋاتتى شوعىرلاندىرىپ، قايراتتى تاسقىنداتىپ، 10 - رەتكى پارتيا قۇرىلتايىنىڭ رۋحىن ويداعىداي ۇگىتتەيمىن، تىڭعىلىقتى دايەكتىلەندىرەمىن“، - دەدى.
