نازاردى باس نىساناعا شوعىرلاندىرىپ، قوعامدىق كەلەلى جاعدايدىڭ ءۇرتىس ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتەيىك
− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (4)
گازەتىمىزدىڭ شولۋشىسى
ەجەلدەن بەرى ”شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتىڭ تىنىش بولۋى قيىنعا تۇسكەن“. شينجياڭنىڭ قوعامدىق كەلەلى جاعدايىنىڭ ءۇرتىس ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتۋ بۇكىل مەملەكەتتىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى. اۆتونوميالى رايوندىق 10 - رەتكى پارتيا قۇرىلتايى نازاردى باس نىساناعا شوعىرلاندىرىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك دەپ اتاپ كورسەتتى.
ورنىقتىلىق بولماسا، ءىستىڭ ءبارى سەلگە كەتەدى، حالىقتىڭ باقىتى مەن تىنىشتىعىنان ءسوز اشۋعا بولمايدى. قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى قۇرامداس بولىگى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: شينجياڭ قىزمەتىنىڭ باس نىساناسىن مىقتاپ يگەرىپ، شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك.
وتكەن 5 جىلدا اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياساتتارىن، باعىتتارىن باتىل دايەكتىلەندىرىپ، قوعام ورنىقتىلىعىن قورعاۋ ساياسي جاۋاپكەرشىلىگىن باتىل ارقالاپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، كەشەندى شارا قولداندى، شينجياڭدا 5 جىلعا تاياۋ ۋاقىت زورلىقتى كۇش لاڭكەستىك دەلولارى تۋىلمادى، قىلمىستىق ىستەر دەلولارى، قوعام اماندىعى دەلولارى، حاۋىپسىزدىككە قاتەر توندىرەتىن دەلولار، الەۋمەتتىك حاۋىپسىزدىك وقيعالارى زور مولشەردە تومەندەپ، ءار ۇلت بۇقاراسىنىڭ حاۋىپسىزدىك سەزىمى زور مولشەردە ارتىپ، تالاي جىلدان بەرگى تىنىشتىق، ورنىقتىلىق جونىندەگى ارمانى مەن تىلەگى جۇزەگە استى. تۇتاس رايوننىڭ قوعامدىق كەلەلى جاعدايى ءۇرتىس ورنىقتى بولىپ، ءار ۇلت كادر - بۇقاراسى وڭاي - وسپاق قولعا كەلمەگەن ورنىقتىلىق جاعدايىن ەسەلەپ قاستەرلەدى. اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىنىڭ، ورنالاستىرۋلارىنىڭ بۇكىلدەي دۇرىس ەكەندىگىن، شينجياڭنىڭ بارلىق قىزمەتى قوعام ورنىقتىلىعى مەن باياندى تىنىشتىق سىندى وسى باس نىسانانى ارقاۋ ەتە وتىرىپ ورىستەتىلۋ كەرەكتىگىن تولىق دالەلدەدى.
جاراسىمدى، ورنىقتى قوعامدىق ورتا قاي - قاشان دا دامۋدىڭ نەگىزى، ىرىس - قۇتتىڭ تياناعى. ورنىقتىلىق پايداسىنىڭ ۇزدىكسىز جارىققا شىعۋىنىڭ ارقاسىندا، وتكەن 5 جىلدا شينجياڭنىڭ ەكونوميكالىق ناقتى قۋاتى كورنەكتى نىعايىپ، جاپپاي دوڭگەلەك داۋلەتتىلىك شىت جاڭا تۇسكە ەندى، تيانشان الابىندا قارىشتاپ دامىعان اسا تاماشا جاعداي جارىققا شىقتى. ءدال وسىنداي بولعان سايىن، ورنىقتى قوعامدىق ورتانى سونشالىقتى قاجەت ەتەدى. نازاردى باس نىساناعا شوعىرلاندىرىپ، قوعامدىق كەلەلى جاعدايدىڭ ءۇرتىس ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتۋ − شينجياڭنىڭ ءتۇرلى ىستەرىنىڭ قولايلى ساتتەن پايدالانىپ العا ۇمتىلۋىنىڭ ماڭىزدى العى شارتى. ءبىز قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە باستان - اياق تاباندى بولىپ، نازاردى بۇلجىماستان باس نىساناعا شوعىرلاندىرىپ، باس نىسانانى تياناقتاندىرىپ، ءتۇرلى قىزمەتتە باس نىساناعا بويسۇنۋىمىز، باس نىساناعا قىزمەت وتەۋىمىز، باس نىسانانى مىقتاپ ارقاۋ ەتە وتىرىپ جوبالاپ ىلگەرىلەتۋىمىز كەرەك.
نازاردى باس نىساناعا شوعىرلاندىرىپ، قوعامدىق كەلەلى جاعدايدىڭ ءۇرتىس ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتۋدە باستان - اياق ساقتىق دابىلىن دامىلسىز قاعىپ، ۇنەمى قىراعىلىقتى ساقتاۋ كەرەك. بۇگىنگى شينجياڭدا ەل امان، جۇرت تىنىش، زامان جاقسى، دەسەدە بۇل استە قوعام ورنىقتىلىعى مەن باياندى تىنىشتىققا ىقپال ەتەتىن ءتۇرلى حاۋىپتەر مەن كومەسكى قاتەرلەردىڭ جويىلعاندىعىن بىلدىرمەيدى، استە قارۋ - جاراعىمىزدى جيناستىرۋعا، بويىمىزدى كەڭگە سالۋعا بولاتىندىعىن بىلدىرمەيدى. بولشەكتەۋ مەن بولشەكتەۋشىلىككە قارسى تۇرۋ كۇرەسى ۇزاق ۋاقىتتىققا، كۇردەلىلىككە، قيان - كەسكىلىككە يە، كىمدە - كىمنىڭ سەلقوستىق جاساۋىنا، سالعىرتتىققا سالىنۋىنا بولمايدى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيالى كادرلار باستان - اياق وي - سانانى سەرگەك ۇستاپ، ورنىقتىلىق جاۋاپكەرشىلىگىن ۇستىلەرىنە الىپ، ورنىقتىلىقتى قاي - قاشان دا كوكەيدە ساقتاپ، مىقتى يگەرىپ، ۇزدىكسىز كەشەندى شارا قولدانىپ، ۇستىنەن وڭاۋ مەن تۇبىرىنەن وڭاۋدى قاتار يگەرۋدى ورىنداپ، لاڭكەستىككە قارسى تۇرىپ، ورنىقتىلىقتى قورعاۋدىڭ امالياتتا ءونىمدى ەكەندىگى ىسپاتتالعان شارالارىنا ۇزاق ۋاقىت تاباندى بولىپ، ۇزدىكسىز كۇشەيتىپ، استە ”ءۇش ءتۇرلى كۇشكە“ پايدالانار ءسات، تىنىستايتىن مۇرسات، تاعى باس كوتەرەتىن جانە قايتا قارماناتىن وراي بەرمەۋ كەرەك.
نازاردى باس نىساناعا شوعىرلاندىرىپ، قوعامدىق كەلەلى جاعدايدىڭ ۇزدىكسىز ورنىقتى، ۇزاق ۋاقىت ورنىقتى بولۋىنا شىنايى كەپىلدىك ەتۋدە لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن جونگە سالىنۋىن، ۇدايىلانۋىن جاپپاي ىلگەرىلەتىپ، سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك. بۇقارالىق قىزمەتتى ىشكەرىلەي ەگجەي - تەگجەيلى، ويداعىداي ىستەپ، ءبىر جاعىنان، زورلىقتى كۇش لاڭكەستىك ەلەمەنتتەرگە زاڭ بويىنشا سوققى بەرۋگە، ەندى ءبىر جاعىنان، جۇرت تىلەگىن بارىنشا بىرىكتىرىپ ۇيىستىرۋعا تاباندى بولىپ، حالىققا تيىمدىلىك جەتكىزۋ ينجەنەريالارىن شىن مانىندە ويداعىداي يگەرىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىمىن شىنايى سەزىندىرۋ كەرەك. سونىمەن قاتار قوعامدىق جاقتاعى ساقتانۋ - تىزگىندەۋدى كۇشەيتىپ جانە جاقسارتىپ، شەكارانى ورنىقتىرىپ، قورعانىستى بەكەمدەۋ قىزمەتىن تىڭعىلىقتى، ويداعىداي ىستەپ، ينتەرنەتتى كەشەندى جونگە سالۋ جۇيەسىن كەمەلدەندىرىپ، قوعامدىق جونگە سالۋدى وسىزامانداندىرۋ دەڭگەيىن جوعارىلاتىپ، اناعۇرلىم جوعارى دەڭگەيدەگى تىنىش شينجياڭ قۇرۋعا قۇلشىنۋ كەرەك.
قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى تاپسىرماسى، بۇكىل رايونداعى ءار ۇلت كادىر، بۇقاراسىنىڭ شىنايى تىلەگى. جاڭا ساپارعا قادام تاستاپ، جاڭا تاراۋ جازۋدا ءبىز باستان - اياق نازاردى باس نىساناعا شوعىرلاندىرىپ، شينجياڭدى زاڭمەن جونگە سالۋدىڭ، شينجياڭدى ىنتىماقتاستىرا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ جەتەكشىلىك ۇقىعى مەن ىرىقتىلىق ۇقىعىن مىقتاپ يگەرىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك اتقارىپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن قۇلشىنا اشۋىمىز كەرەك.
