اۆتونوميالى رايون مال شارۋاشىلىعىنىڭ جوعارى ساپالى دامۋىن جۇمىس باسىندا ىلگەرىلەتۋ ءماجىلىسىن اشتى
مال شارۋاشىلىعىنىڭ جوعارى ساپالى، جوعارى ءونىمدى دامۋىن جەدەل ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى ليۋ شياڭ 10 - ايدىڭ 29 - كۇنى كورلادان حابارلايدى. 10 - ايدىڭ 28 - كۇنى اۆتونوميالى رايوننىڭ مال شارۋاشىلىعىنىڭ جوعارى ساپالى دامۋىن جۇمىس باسىندا ىلگەرىلەتۋ ءماجىلىسى كورلادا اشىلدى. ءماجىلىس باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن دايەكتىلەندىرىپ، تياناقتاندىرىپ، مال شارۋاشىلىعىنىڭ دامۋىنداعى تاجىريبەلەردى، ادىستەردى قورىتىندىلاپ، اۋىستىرىپ، كەزەكتە مال شارۋاشىلىعىنىڭ دامۋىنا تۇساۋ بولىپ وتىرعان بوگەتتىك ماسەلەلەرگە تالداۋ جاساپ، كەلەسى قادامداعى دامۋ وي جەلىسىن ايقىنداپ، كەزەكتەگى جانە بۇدان بىلايعى ءبىر مەزگىلدەگى ءتۇيىندى قىزمەتتەردى ورنالاستىرىپ، جايعاستىرىپ، رايونىمىزدىڭ مال شارۋاشىلىعىنىڭ جوعارى ساپالى دامۋىنىڭ تىڭ ساتىعا كوتەرىلۋىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنانى اتاپ كورسەتتى: بىلتىردان بەرى جەر - جەر، تاراۋلار اۆتونوميالى رايوندىق پارتكومنىڭ ورنالاستىرۋلارىن، جايعاستىرۋلارىن دايەكتىلەندىرىپ، تياناقتاندىرىپ، مال شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، كوپ ءتۇرلى شارانى قاتار قولدانىپ، مال شارۋاشىلىعىنىڭ جوعارى ساپالى دامۋىن زور كۇشپەن ىلگەرىلەتىپ، ”14 - بەسجىلدىقتاعى“ مال شارۋاشىلىعىنىڭ جوعارى ساپالى دامۋىندا تاماشا باستاماعا قول جەتكىزدى. قازىرگى ناتيجەنى بەكەمدەۋ نەگىزىندە ساياسي دەڭگەيدى جوعارىلاتىپ، نىسانا - مىندەتتەردى ايقىنداپ، مال شارۋاشىلىعىنىڭ جوعارى ساپالى دامۋىن ىلگەرىلەتۋدەگى سەنىممەن جانە بەكىمدى اناعۇرلىم نىعايتىپ، شينجياڭنىڭ مال شارۋاشىلىعى بايلىعى باسىمدىعىن تولىق ساۋلەلەندىرىپ، ”ۇلكەن بايلىق، ۇلكەن بازار، ۇلكەن اينالىم، ۇلكەن كاسىپ سالاسى“ وي جەلىسى ارقىلى مال شارۋاشىلىعىنىڭ زور دامۋىن جوسپارلاپ جانە ىلگەرىلەتىپ، قوعام، كاسىپورىن، تۇعىر سياقتى ءارقايسى جاقتاردىڭ كۇشىن تولىق اتتانىسقا كەلتىرىپ، قورشاعان ورتانى ءتىپتى دە ساپالىلاندىرىپ، قامتاماسىزداندىرۋدى كۇشەيتىپ، ىزدەنىس جاساپ جاڭالىق اشىپ، مال شارۋاشىلىعىنىڭ جوعارى ساپالى، جوعارى ءونىمدى دامۋىن جەدەل ىلگەرىلەتۋ كەرەك.
ءماجىلىس مىنانى باسا دارىپتەدى: جەر - جەر، تاراۋلار ماسەلەنى باعدار ەتۋگە تاباندى بولىپ، شەشۋشى بۋىنداردى كورنەكتىلەندىرىپ، كۇشتى شوعىرلاندىرا وتىرىپ، ولقىلىقتاردى تولىقتاپ، ءالسىز تۇستاردى كۇشەيتىپ، بوگەتتەردى، شەكتەمەلەردى جەدەل بۇزىپ، مال شارۋاشىلىعى دامۋىنىڭ ساپاسىن، ونىمدىلىگىن جاپپاي جوعارىلاتۋ كەرەك. مال، قۇس، ءناسىل شارۋاشىلىعىنىڭ دامۋىن كۇش سالا ىلگەرىلەتىپ، تۇزىلىستە، مەحانيزمدە جاڭالىق اشىپ، مال، قۇس گەنەتيكا بايلىعىن تەرەڭدەي اشىپ، مال، قۇس ساپاسىندا جاڭالىق اشۋدى بار كۇشپەن ىلگەرىلەتىپ، مال، قۇس ءناسىلىن جەتىلدىرۋ كاسىپورىندارىن قولداپ، زورايتىپ، ءناسىل شارۋاشىلىعىن عىلىم - تەحنيكا ارقىلى دەمەۋدى ۇزدىكسىز كۇشەيتىپ، شينجياڭنىڭ مال، قۇس، ءناسىل شارۋاشىلىعىنىڭ ءوز كۇشىنە سۇيەنىپ جاڭالىق اشۋ قابىلەتى مەن بازارداعى باسەكەلىك قۋاتىن جاپپاي جوعارىلاتۋ كەرەك. حايۋاناتتار ىندەتىنەن ساقتانۋ - تىزگىندەۋ قابىلەتىن بارىنشا كۇشەيتىپ، حايۋاناتتار ىندەتىنەن ساقتانۋ - تىزگىندەۋدى مال شارۋاشىلىعى كاسىپ سالاسىنىڭ حاۋىپ - قاتەرىنەن ساقتانۋداعى ءبىرىنشى ساقتىق شەبى ەتىپ، تاسىمالداۋ، اينالىم باقىلاۋ - باسقارۋ جۇيەسىن كولەمدەنگەن باعىمشىلىق الاڭدارىنداعى بەينە ەكراندىق باقىلاۋ - مەڭگەرۋ ورنالاستىرۋ جۇيەسىن، اۋىرىپ ولگەن مال، قۇستى زالالسىزداندىرىپ ءبىر جايلى ەتۋ جۇيەسىن، مال شارۋاشىلىعى، مال شيپاگەرلىگى قوعامدانعان قىزمەت وتەۋ ۇيىمدىق جۇيەسىن قۇرۋ، اقاۋسىزداندىرۋ قۇرىلىسىن ءتۇيىندى تۇردە ويداعىداي يگەرۋ كەرەك. مال شارۋاشىلىعىن ماشينالاندىرىپ جابدىقتاۋ ورەسىن كۇش سالا جوعارىلاتىپ، تۇتاس بارىستىق ماشينالاندىرۋ اياق الىسىن جەدەل ىلگەرىلەتىپ، اۋىل شارۋاشىلىعى ماشينالارىن ساتىپ الۋ قوسىمشا قاراجاتى مەن مال شارۋاشىلىعى باعىمشىلىق ماشينا جابدىقتارىن ساتىپ الۋدى قولداۋ سەرپىنىن ارتتىرىپ، مال شارۋاشىلىعىن ماشينالاندىرىپ جابدىقتاۋداعى عىلىم - تەحنيكالىق زەرتتەپ اشۋدى كۇشەيتىپ، مال شارۋاشىلىعىنىڭ وسىزاماندانىپ دامۋىنا دەم بەرۋ كەرەك. مال شارۋاشىلىعى تەحنيكالارىنىڭ مال فەرمالارىنا ەنگىزىلۋ، وتباسىلارعا جەتكىزىلۋ اياق الىسىن كۇش سالا جەدەلدەتىپ، ءبىر توپ مال شارۋاشىلىعى ناقتى جاتتىعۋ بازاسىن سالىپ، ءبىر توپ مال شارۋاشىلىعى باستاماشى كاسىپورىندارىن جەتىلدىرىپ، ءبىر توپ مال شارۋاشىلىعى تەحنيكالىق كۇشتەرىن تولىقتىرىپ، ءبىر توپ مال شارۋاشىلىعى تەحنيكالىق قىزمەت وتەۋ مەحانيزمىندە جاڭالىق اشىپ، عىلىم - تەحنيكادا جاڭالىق اشۋدى جانە جالپىلاستىرىپ قولدانۋدى كۇشەيتۋ كەرەك.
ءماجىلىس مىنانى تالاپ ەتتى: جەر - جەر، تاراۋلار مال شارۋاشىلىعىنىڭ جوعارى ساپالى دامۋىن ىلگەرىلەتۋدى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ ماڭىزدى تۇتقاسى ەتىپ، ىرىقتىلىقپەن جاۋاپكەرشىلىك ارقالاپ، ۇيىمدىق باسشىلىقتى كۇشەيتىپ، جاڭالىق اشا دامۋعا تاباندى بولىپ، فاكتورلار قامتاماسىزدىعىن كۇشەيتىپ، مال شارۋاشىلىعىنىڭ جوعارى ساپالى دامۋىن بىرگە ىلگەرىلەتەتىن قۇدىرەتتى قۋاتتى بىرىككەن كۇش قالىپتاستىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى ءيۇسۇپجان مامەت ءماجىلىستى باسقاردى.
