تيانشان تورى
تيانشان تورى   ›   جاڭالىقتار   ›   وقۋ-اعارتۋ

”14 - بەسجىلدىقتا“ رايونىمىز وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارادى

  انار بۇلت / شينجياڭ گازەتىنىڭ تىلشىلەرى شىن زۋشياۋ، يۇي شي 10 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى 10 - ايدىڭ 28 - كۇنى اشقان اقپار جاريالاۋ ماجىلىسىنەن ۇعىسۋىمىزشا، ”14 - بەسجىلدىق“مەزگىلىندە رايونىمىز وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، وقۋ - اعارتۋدىڭ جوعارى ساپالى دامۋىن ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاقتارىندا جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن باۋلۋعا كۇش سالادى ەكەن.

  اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بيىل رايونىمىز مەكتەپكە دەيىنگى تاربيەنى دامىتۋعا 428 ميلليون يۋان ارناۋلى قارجى قوسىپ، جەر - جەردىڭ ۇكىمەت باسقارۋىنداعى قالا بالاباقشاسىنان 28ىن جاڭادان سالۋىن، كەڭەيتىپ سالۋىن سۇيەمەلدەدى، سونىمەن جاڭادان شامامەن 8400 وقۋشى قابىلداۋعا بولادى. مىندەتتى وقۋ - اعارتۋدى ساپالىلاندىرۋ، بىركەلكىلەندىرۋ بويىنشا وزات ورىن قۇرۋ قىزمەتىن باستاپ، ورتالىقتىڭ، اۆتونوميالى رايوننىڭ مىندەتتى وقۋ - اعارتۋداعى مەكتەپ باسقارۋ شارت - جاعدايىن جاقسارتۋ نىسانى قاراجاتىنان 2 ميلليارد 300 ميلليون يۋان قارجى قوسىپ، 460 مىڭ شارشى مەترلىك مەكتەپ ۇيلەرىن جاڭادان سالدى، كەڭەيتىپ سالدى. كاسىپتىك وقۋ - اعارتۋ بويىنشا ساپانى جوعارىلاتىپ، ۇزدىكتەردى جەتىلدىرۋ ارەكەت جوسپارىن جاپپاي اتقارىپ، ورتالىق پەن اۆتونوميالى رايون قازىناسىنان 650 ميلليون يۋان قارجى بوساتىپ، كاسىپتىك مەكتەپتەردىڭ مەكتەپ باسقارۋ شارت - جاعدايىن جاقسارتۋىن، كوتەرىمدىلىك قابىلەتىن جوعارىلاتۋىن قولدادى. ءوندىرىس پەن وقىتۋ توعىسقان مەكتەپ - كاسىپورىن سەلبەستىگىن تەرەڭدەتىپ، تۇتاس رايونداعى كاسىپتىك تاربيەلەۋ توبى 29عا جەتىپ، اۆتونوميالى رايونداعى تۇڭعىش توپتاعى ءوندىرىس پەن وقىتۋ توعىسقان ناقتى پراكتيكا بازاسىنان 14ى قۇرىلدى.

  ”14 - بەسجىلدىق“مەزگىلىندە رايونىمىز ءار دارەجەلى، ءار تۇردەگى وقۋ - اعارتۋدىڭ جوعارى ساپالى دامۋىن ۇزدىكسىز ىلگەرىلەتىپ، جالپىعا ءتيىمدى مەكتەپكە دەيىنگى تاربيە بايلىعىمەن قامداۋدى كەڭەيتىپ، مەكتەپكە دەيىنگى تاربيەنىڭ جالپىلاسۋىن، جالپىعا ءتيىمدى دامۋىن ىلگەرىلەتىپ، 2025 - جىلعا بارعاندا مەكتەپكە دەيىنگى تاربيە بويىنشا بالالاردىڭ بالاباقشاعا كىرۋ جالپىلىق سالىستىرماسىنىڭ %98تەن جوعارى بولۋىنا شىنايى كەپىلدىك ەتەدى. مىندەتتى وقۋ - اعارتۋدىڭ نەگىزىنەن بىركەلكى بولۋ جەتىستىگىن بەكەمدەپ، جەرگىلىكتى ورىندا الدىمەن اتقارۋعا، الدىمەن سىناق ەتۋگە ىنتالاندىرىپ، ساپالى، بىركەلكى دامۋدى ورنىقتى قادامدا ىلگەرىلەتىپ، 2025 - جىلعا بارعاندا مىندەتتى وقۋ - اعارتۋى ساپالى، بىركەلكى بولعان اۋدان (قالا، رايون) سالىستىرماسىن %15تەن استامعا جەتكىزىپ، %20كە جەتكىزۋگە قۇلشىنادى؛ اۋدان وڭىرىندەگى ادەتتەگى ورتا مەكتەپتى گۇلدەندىرۋ ارەكەت جوسپارىن اتقارىپ، ادەتتەگى ورتا مەكتەپتىڭ ادام تاربيەلەۋ ءتاسىلى رەفورماسىن ىلگەرىلەتىپ، ادەتتەگى ورتا مەكتەپتىڭ كوپ ءتۇرلى، ەرەكشەلىككە يە دامۋىن ىلگەرىلەتىپ، 2025 - جىلعا بارعاندا ورتا مەكتەپ وقۋ - اعارتۋى بويىنشا مەكتەپكە كىرۋ جالپىلىق سالىستىرماسىنىڭ %98تەن جوعارى بولۋىن ساقتايدى؛ كاسىپتىك وقۋ - اعارتۋدىڭ جايعاسۋىن ساپالىلاندىرىپ، ءوندىرىس پەن وقىتۋدىڭ توعىسۋىن تەرەڭدەتىپ، مەكتەپ باسقارۋ ساپاسىن جوعارىلاتىپ، شەبەرلىك ۇلگىسىندەگى قوعامدىق قۇرىلىسقا تىرەك بولاتىن كاسىپتىك تاربيە جۇيەسىن قالىپتاستىرادى. جوعارى وقۋ - اعارتۋدى تۇرگە ءبولىپ دامىتۋدى ىلگەرىلەتىپ، دارىندى باۋلۋ مەحانيزمىندە جاڭالىق اشىپ، اسپيرانت باۋلۋ كولەمىن كەڭەيتىپ، عىلىم - تەحنيكادا جاڭالىق اشۋ قابىلەتىن جوعارىلاتىپ، جىبەك جولى ەكونوميكالىق بەلدەۋى وزەكتى رايونى مادەنيەت، عىلىم جانە وقۋ - اعارتۋ ورتالىعى (وقۋ - اعارتۋ ءبولىمى) قۇرىلىسىن جەدەل ىلگەرىلەتەدى.

  وقۋ - اعارتۋ سالاسىنىڭ جالپىلىق رەفورماسىن ۇزدىكسىز تەرەڭدەتىپ، وقۋ - اعارتۋدى باعالاۋ رەفورماسىن جاپپاي ىلگەرىلەتىپ، ەمتيحان الۋ، وقۋشى قابىلداۋ ءتۇزىمى رەفورماسىن ورنىقتى ىلگەرىلەتىپ، ءتىپتى دە عىلمي ەمتيحان باعالاۋ جۇيەسىن قۇرۋدى ىلگەرىلەتەدى؛ وقۋ - اعارتۋدى دامىتۋدى قامتاماسىز ەتۋ دەڭگەيىن ۇزدىكسىز جوعارىلاتىپ، مىندەتتى وقۋ - اعارتۋدا قامتاماسىزدىق بولۋ جەتىستىگىن بەكەمدەۋدىڭ، كەڭەيتۋدىڭ باياندى مەحانيزمىن، اۋىل - قىستاقتارداعى وتباسىندا قيىنشىلىعى بار وقۋشىلاردىڭ وقۋىنا كومەكتەسۋ - سۇيەمەلدەۋ مەحانيزمىن قۇرىپ جانە ونى اقاۋسىزداندىرىپ، وقۋ - اعارتۋدىڭ اۋىل - قىستاقتى گۇلدەندىرۋگە قىزمەت وتەۋ قابىلەتى مەن دەڭگەيىن جاپپاي جوعارىلاتىپ، اۋىل - قىستاق وقۋ - اعارتۋىن گۇلدەندىرۋدىڭ جانە وقۋ - اعارتۋ ارقىلى اۋىل - قىستاقتى گۇلدەندىرۋدىڭ ۇتىمدى اينالىمىن جەبەيدى. وقۋ - اعارتۋ قارجى ۇسىنىلىمىن مولايتىپ، ءار دارەجەلى قازىنانىڭ ادەتتەگى الەۋمەتتىك مەجە ەسەبىندەگى وقۋ - اعارتۋ شىعىسىنىڭ جىل سايىن ارتىپ وتىرۋىنا، ازايماۋىنا شىنايى كەپىلدىك ەتەدى، ءار دارەجەلى وقۋ - اعارتۋدىڭ مەكتەپتەگى وقۋشى سانى بويىنشا ورتاشا ادەتتەگى الەۋمەتتىك مەجە ەسەبىندەگى وقۋ - اعارتۋ شىعىسىنىڭ جىل سايىن ارتىپ وتىرۋىنا، ازايماۋىنا شىنايى كەپىلدىك ەتەدى. جاڭا داۋىردەگى وقىتۋشىلار قوسىنى قۇرىلىسىن ۇزدىكسىز كۇشەيتىپ، وقىتۋشى ءمورالى، وقىتۋشى ستيلى قۇرىلىسىن كۇشەيتىپ، وقىتۋشىلار قوسىنى قۇرىلىمىن ساپالىلاندىرىپ، وقىتۋشىلار مامىلەسىنە قامتاماسىزدىق ەتۋ ءتۇزىمىن كەمەلدەندىرەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.