انار بۇلت / شينجياڭ گازەتىنىڭ ءتىلشىسى شى شين 10 - ايدىڭ 29 - كۇنى ۇرىمجىدەن حابارلايدى. 10 - ايدىڭ 29 - كۇنى اشىلعان اۆتونوميالى رايوننىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ الدىڭعى 3 ماۋسىمداعى ەكونوميكالىق اينالىمى جانە مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىن ىلگەرىلەتۋ ماجىلىسىنەن ۇعىسۋىنشا، الدىڭعى 3 ماۋسىمدا تۇتاس رايونداعى مەملەكەت مەنشىگىندەگى كاسىپورىنداردىڭ تيجارات كىرىسى 341 ميلليارد 312 ميلليون يۋانعا، پايدا جالپى سوماسى 13 ميلليارد 122 ميلليون يۋانعا، تاپسىرعان سالىق اقىسى 12 ميلليارد 632 ميلليون يۋانعا جەتىپ، 2019 - جىلداعى سايكەس مەزگىلدەگىدەن جەكە - جەكە ％56.1، 1.2 ەسە، ％44.2 ارتىپ، 2 جىلدا ورتاشا ەسەپپەن ％24.9، ％48.6، ％20.1 ارتقان. بيىل جىل باسىنان بەرى تۇتاس رايوندا مەملەكەت مەنشىگىندەگى كاسىپورىنداردىڭ ەكونوميكا كولەمى ۇزدىكسىز زورايىپ، ساپا ونىمدىلىگى ۇزدىكسىز جوعارىلاپ، دامۋ ومىرشەڭدىك قۋاتى مەن توزىمدىلىگى ۇزدىكسىز كورنەكتىلەنىپ، ”ورنىقتىلىق بارىسىندا جاقسارۋ، تەزدىك بارىسىندا ساپاسىن جوعارىلاتۋ“ سىندى دامۋ كۇيى جارىققا شىقتى.
الدىڭعى 3 ماۋسىمدا بۇكىل رايونداعى 16 حالىق شارۋاشىلىعى كاسىپ ۇلكەن تۇرىندە 6 پايىزدان استام كاسىپ پايدا تاۋىپ، ونەركاسىپ، ساۋدا جانە قۇرىلىس سياقتى كاسىپتەردىڭ پايداسى ءبىرشاما تەز ارتۋدى ساقتاعان، 2 - كاسىپتىڭ تۇتاس رايونداعى مەملەكەت مەنشىگىندەگى ەكونوميكانىڭ ارتۋىنا قوسقان ۇلەسى ءبىرشاما زور بولعان.
الدىڭعى 3 ماۋسىمدا رايون دارەجەسىندە باقىلاپ - باسقارىلاتىن كاسىپورىندار جۇزەگە اسىرعان شارۋاشىلىق كىرىسى 2019 - جىلداعى سايكەس مەزگىلدەگىدەن ％54.5 ارتىپ، 2 جىلدا ورتاشا ەسەپپەن ％24.3 ارتىپ، ءۇرتىس 9 اي بويى ەكى ورىندى سانمەن ارتۋدى ساقتاعان؛ پايدا 2019 - جىلداعى سايكەس مەزگىلدەگىدەن 4 ەسەگە جۋىق ارتىپ، 2 جىلدا ورتاشا ەسەپپەن 1.2 ەسە ارتىپ، ونىمدىلىك دەڭگەيى تاريحتاعى سايكەس مەزگىلدەگى ەڭ جاقسى ورەگە جەتكەن. 14 ايماق، وبلىس، قالاداعى مەملەكەت مەنشىگىندەگى كاسىپورىنداردىڭ جۇزەگە اسىرعان شارۋاشىلىق كىرىسى 73 ميلليارد 213 ميلليون يۋانعا جەتىپ، سايكەس مەزگىلدەگىدەن ％47.7 ارتقان. مۇندا ءۇرىمجى قالاسىنىڭ، ىلە قازاق اۆتونوميالى وبلىسىنىڭ جانە قارامايلى قالاسىنىڭ ارتۋ كولەمى ءبىرشاما زور بولعان.
بيىل جىل باسىنان بەرى مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىنىڭ اياق الىسى تەزدەدى. 9 - ايدىڭ 30 - كۇنىنە دەيىن، اۆتونوميالى رايوننىڭ ءوز دارەجەسىندەگى مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتى جالپى تۇلعالىق مىندەتىنىڭ ورىندالۋ مولشەرى ％93كە جەتتى؛ 14 ايماق، وبلىس، قالانىڭ جالپى تۇلعالىق مىندەتىنىڭ ورىندالۋ مولشەرى ％94كە جەتتى. مەملەكەتتىك كەڭەستىڭ مەملەكەت مەنشىگىندەگى كاسىپورىندار رەفورماسىنا باسشىلىق ەتۋ گرۋپپاسى كەڭسەسى بۇكىل ەلدىڭ الدىڭعى جارتى جىلداعى مەملەكەت مەنشىگىندەگى كاسىپورىندار رەفورماسىنىڭ ءتۇيىندى قىزمەت مىندەتىن ساراپتاعاندا، شينجياڭداعى مەملەكەت مەنشىگىندەگى كاسىپورىندار رەفورماسى جالپىلىق باعالاۋدا A دارەجە بولىپ باعالانعان.
مەملەكەت مەنشىگىندەگى ەكونوميكانىڭ ورنالاسۋ قۇرىلىمى ۇزدىكسىز ساپالىلاندى. شينجياڭ گەولوگيا، كەن ىستەرى قارجى قوسۋ (توبى) شەكتى جاۋاپكەرشىلىك سەرىكتەستىگى، شينجياڭ ەگىن، مال شارۋاشىلىق قارجى قوسۋ (توبى) شەكتى جاۋاپكەرشىلىك سەرىكتەستىگى ماڭدايشالىق اسىپ، قۇرىلىپ، شينجياڭ كوكتوعاي بەيجياڭ ميڭجۋ ساياحات دامىتۋ شەكتى سەرىكتەستىگى سياقتى 5 كاسىپورىننىڭ ساياحاتقا ساياتىن مال - مۇلكىن شينجياڭ مادەنيەت ساياحات قارجى قوسۋ توبى شەكتى سەرىكتەستىگىنە تەگىن اينالدىرۋدى ءساتتى ورىندادى؛ سونىمەن قاتار شينجياڭ مادەنيەت، ساياحات قارجى قوسۋ توبى مەن جۇڭگو ساياحات توبى شەكتى سەرىكتەستىگىنىڭ ورتاق قارجى سەرىكتەستىگىن قۇرۋىن بار كۇشپەن ىلگەرىلەتىپ، شينجياڭ سىرتىنداعى كاسىپورىندارمەن، جوعارى دارەجەلى مەكتەپتەرمەن اقىل - پاراسات قويماسى بايلىعى تۇعىرىن قۇردى.
تۇتاس رايوننىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ رەفورماسىنىڭ، دامۋىنىڭ ىقپالى، ۇلەس قوسۋ مولشەرى ونان ارى ارتتى. 7 - ايدىڭ سوڭىندا اۆتونوميالى رايوندىق مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىنداردىڭ، فينانس قۇرىلىمدارىنىڭ التاي ايماعى ەكونوميكاسىنىڭ جوعارى ساپالى دامۋىنا دەم بەرۋىن ىلگەرىلەتۋ ماجىلىسىندە جيىنى 11 ستراتەگيالىق سەلبەستىك كەلىسىمىنە قول قويىلىپ، قامتۋ سوماسى 20 ميلليارد يۋانعا تايادى؛ 9 - ايدىڭ سوڭىندا اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، ءىشىنارا باقىلاپ - باسقارىلاتىن كاسىپورىندار 14 ايماق، وبلىس، قالامەن ءبىر قىدىرۋ ستراتەگيالىق سەلبەستىك جۇلگە كەلىسىمىنە قول قويىسىپ، ءبىر جولدا قول قويىلعان سوماسى 37 ميلليارد يۋاننان اسىپ، ەنەرگيا، ساياحات، ەگىن، مال شارۋاشىلىعى، نەگىزدىك قۇرىلعىلار قۇرىلىسى جانە جارنا ۇقىعى سەلبەستىگى سياقتى كوپ سالاعا سايدى.
