ەگىن، مال شارۋاشىلىق رايوندارى اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ۇيرەندى، جەتكىزدى
قايراتتى تاسقىنداتىپ، ۇزدىكسىز كۇرەس جۇرگىزىپ، دامۋعا ۇمتىلدى
انار بۇلت / شينجياڭ گازەتىنىڭ تىلشىلەرى
تيانشاندا تۇس - تۇستان جەلكەن كوتەرىلىپ، ارىنداي ىلگەرىلەۋدىڭ جاڭا جاعدايى اشىلدى. بىرنەشە كۇننەن بەرى رايونىمىزدىڭ ەگىن، مال شارۋاشىلىق رايوندارىنداعى قالىڭ پارتيالى كادرلار اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات جەتكىزىپ، ۇيرەنىپ، ەگىنشى - مالشى بۇقارامەن ءبىر اراعا باس قوسىپ، تابىستى بايانداپ، سەنىمدى اڭگىمەلەپ، جوسپاردى تىلگە تيەك ەتتى. كوپشىلىك مىنالاردى ءبىلدىردى: اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، سەنىمدى بەكەمدەپ، ۇزدىكسىز كۇرەس جۇرگىزىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتەمىز.
”10 - ايدىڭ 27 - كۇنى تۇستەن بۇرىن ءبىز 10 ۇگىت لەكسيا شاعىن اترەتىنە ءبولىنىپ، قىستاقتارعا، گرۋپپالارعا بارىپ ۇگىت لەكسيا جۇرگىزدىك“. شايار اۋدانى تويبولدى قالاشىق پارتكومىنىڭ شۋجيى يان يان بىلاي دەدى: شاعىن اترەتتەر عىلىم - تەحنيكا كادرلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ مۇشەلەرى قاتارلىلاردان قۇرالدى، ولار پارتيا قۇرىلتايىنىڭ رۋحىنان ۇگىت لەكسيا جاساي ءجۇرىپ، بۇقارانىڭ جۇرەك ۇنىنە قۇلاق اسىپ، پارتيا قۇرىلتايىنىڭ رۋحىن جەتكىزۋ، ۇيرەنۋ بارىسىندا ەگىنشى - مالشىلاردىڭ قايراتىن تاسقىنداتىپ، وي جەلىسىن كەڭەيتىپ، دامۋعا ۇمتىلدى.
”وسى 5 جىلدا قىستاقتاعى وزگەرىستەر وتە زور“. 10 - ايدىڭ 28 - كۇنى تۇرپان قالاسى گاۋچاڭ رايونى شينچىڭ اۋماعى يىڭى ءمالى قىستاق پارتيا ياچەيكاسىنىڭ شۋجي ابىلات حوجاحىمەت بىلاي دەدى: پارتيانىڭ حالىققا تيىمدىلىك جەتكىزۋ ساياساتىنىڭ قولداۋىندا يىڭىءمالى قىستاعى قالا اۋماعىنا جاقىن بولۋداي ابزالدىلىعىن ساۋلەلەندىرىپ، باۋلۋ قۇرىلىمىن ەنگىزىپ، گاۋچاڭ رايونىنداعى كاسىپورىندارمەن، مەكەمە - ورىندارمەن بەلسەندىلىكپەن ۇشتاستى، توپ - توپ قىستاق تۇرعىندارى باۋلۋدان كەيىن قالاعا كىرىپ دانەكەرلەۋشى، توقىماشى، اسپاز بولدى... 10 - رەتكى پارتيا قۇرىلتايى بايانداماسىندا قالا، اۋىلدارداعى ەڭبەك قۋاتى بار ادامداردىڭ بارلىعىن جۇمىستاندىرۋعا قۇلشىنۋ كەرەك دەپ ورتاعا قويىلدى، بۇل نىسانانى جۇزەگە اسىرۋعا بىزدە سەنىم دە، بەكىم دە بار.
التاي قالاسى سارعۋسىن اۋىلى كۇرتى قىستاعى − ”مەملەكەتتىك ورماندى اۋىل - قىستاق“، اۆتونوميالى رايونداعى اۋىل - قىستاق ساياحاتى جاعىنداعى ءتۇيىندى قىستاق. قىستاق پارتيا ياچەيكاسىنىڭ شۋجيى ماۋلىتبەك داۋكەن بىلاي دەدى: وتكەن 5 جىلدا كۇرتى قىستاعى جول تورى قۇرىلىسى، جولدى اسفالتتاندىرۋ، جول شىراعىن ورناتۋ، ۇيلەردى وزگەرتىپ سالۋ سياقتىلاردى ورىنداپ، قىستاقتىڭ بەت - بەينەسىن زور دارەجەدە وزگەرتتى، 23 شارۋالار شاتتىعى ساياجايىنىڭ ساۋداسى كۇسەت بولىپ، قىستاق تۇرعىندارى كىرىسىن ورنىقتى ارتتىرۋدى جۇزەگە اسىردى. 10 - رەتكى پارتيا قۇرىلتايى بايانداماسىندا شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي اتقارۋ كەرەك دەپ ورتاعا قويىلدى، بۇل ءبىز جونىنەن ەرەكشە شابىتتاندىرۋ بولدى. ءبىز قىستاقتاعى ساياحات نەگىزدىك قۇرىلعىلارىن ىشكەرىلەي كەمەلدەندىرىپ، بارلىق قىستاق تۇرعىندارىنىڭ ساياحات كاسىبىنىڭ دامۋى بارىسىندا يگىلىككە كەنەلۋىنە مۇمكىندىك جاسايمىز.
”ءبىز يدەيا مەن ارەكەتتى اۆتونوميالى رايوندىق 10 - رەتكى پارتيا قۇرىلتايىنىڭ رۋحىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنالاستىرۋلاردىڭ، جايعاستىرۋلاردىڭ ءدال، ەگجەي - تەگجەيلى، ناقتى تياناقتانۋىنا شىنايى كەپىلدىك ەتەمىز“. اۆتونوميالى رايوندىق سالىق مەكەمەسىنىڭ قاراقاش اۋدانىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باس جەتەكشىسى، ۇرچى اۋىلى قوشاۋات قىستاعىنىڭ ءبىرىنشى شۋجيى شيۇڭ ۋجۇن بىلاي دەدى: وتكەن 5 جىلدا پارتيانىڭ حالىققا تيىمدىلىك جاساۋ ساياساتتارىنىڭ قولداۋىندا قوشاۋات قىستاعىنىڭ كاسىپ سالالارى گۇلدەنىپ، بۇقارانىڭ قالتاسى قامپايىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋگە تاماشا نەگىز قالاندى. كەلەسى قادامدا، ءبىز پارتيا قۇرىلتايىنىڭ بايانداماسى ورتاعا قويعان نىسانا - تالاپتارمەن سالىستىرىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ بارىسىندا وي جەلىنى سالالاپ، ناقتى شارالاردى جولعا قويىپ، ناقتى ونىمدىلىككە تالپىنامىز.
اقتاۋ اۋدانى قىزىلتاۋ قالاشىعى سىلۋجيايۋان شاعىن اۋماعى اقتاۋ اۋدانىنىڭ قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ تۇيىندەرىنىڭ ءبىرى، 5 اۋىل - قالاشىق، 26 قىستاقتاعى 1608 ەگىنشى - مالشى تاۋ قويناۋىنان وسى اراعا كوشىپ كەلگەن. وسى قالاشىق پارتكومىنىڭ شۋجيى ۋاڭ شىڭلۇڭ مىنالاردى ءبىلدىردى: ”ءبىز پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ۇزدىكسىز ءونىمدى ۇشتاستىرىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، كوشىرىلگەن بۇقارانىڭ كوشىپ شىعا الۋىنا، ورنىعا الۋىنا، اۋقاتتانا الۋىنا مۇمكىندىك جاسايمىز“.
”اۆتونوميالى رايوندىق 10 - رەتكى پارتيا قۇرىلتايى بايانداماسىندا كىرىستى ارتتىرۋ، بايۋ ينجەنەرياسىن اتقارۋ، بىرگە بايۋدى جەبەۋ كەرەك دەپ ورتاعا قويىلدى. بۇل ءبىزدىڭ الداعى دامۋىمىزعا ايقىن بەتالىس كورسەتىپ، سەنىمىمىزدى بارىنشا كۇشەيتىپ، قايراتىمىزدى تاسقىنداتتى“. سانجى قالاسى اشىلى اۋىلى شينفىڭ ساۋىن سيىر باعىمشىلىق كاسىپتىك سەلبەستىك كووپەراتيۆىنىڭ القا مەڭگەرۋشىسى جاڭ فىڭ بىلاي دەدى: 2020 - جىلى سەلبەستىك كووپەراتيۆتىڭ ءونىم قۇنى 37 ميلليون يۋاننان اسىپ، 365 ەگىنشى - مالشى كووپەراتيۆ مۇشەسىنىڭ ورتاشا كىرىسى 48 مىڭ يۋان بولدى. سەلبەستىك كووپەراتيۆى ءسۇت ونىمدەرىن وڭدەۋ زاۆودىن سالۋدى جوسپارلاپ وتىر، ول سالىنعاننان كەيىن جىلدىق ءونىم قۇنى مەجەمەن 100 ميلليون يۋانعا جەتەدى.
”وسى بىرنەشە كۇندە اترەت اۆتونوميالى رايوندىق 10 - رەتكى پارتيا قۇرىلتايىنىڭ رۋحىن جەتكىزۋدى، ۇيرەنۋدى ۇيىمداستىردى، تىڭداعاننان كەيىن ەرەكشە جەلپىندىم. كوپشىلىكتىڭ بىرگە بايۋى عانا ناعىز بايۋ ەسەپتەلەدى. مەن بايۋ باستاماشىسىمىن، باستاماشىلدىقپەن اۋىل - قىستاقتى گۇلدەندىرۋگە كۇش قوسۋىم كەرەك“. جىڭ اۋدانى باجياحۋ ەگىس الاڭى اۋىل شارۋاشىلىعى 7 - اترەتىنىڭ قىزمەتكەرى جاۋ يۇڭگاڭ بىلاي دەدى: ”مەن ەگىنشىلىك، باعىمشىلىق سەلبەستىك كووپەراتيۆىن قۇرىپ، كوكونىس جىلىجايىن سالىپ، ءۇي قۇستارى باعىمشىلىق بازاسىن قۇرىپ، اترەتتەگى جۇمىسشى - قىزمەتكەرلەرمەن بىرگە دامىپ، بىرگە بايۋدى جۇزەگە اسىرماقپىن“.
(ءتىلشى ۋي يۇڭگۇي، قاتىناسقان تىلشىلەر جاڭ جىلي، جاڭ رۇيلين، جاڭ تيڭ، ءپاريزات ابدۇل، سۇڭ ۋيگو، گى يوۋجۇن، سۇڭ يا − ۋىن)
