9 - ايدىڭ سوڭىنا دەيىن تۇتاس شينجياڭدا اۋىل شارۋاشىلىعىنا ساياتىن قارىز اقشا قالدىق سوماسى 950 ميلليارد 550 ميلليون يۋان بولىپ، سايكەس مەزگىلدەگىدەن ％11.6 ارتتى
اۋىل شارۋاشىلىعىنا، اۋىل - قىستاققا، شارۋالارعا فينانستىق قىزمەت وتەۋ تەبىنى ۇزدىكسىز ارتتى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 10 - ايدىڭ 30 - كۇنى ۇرىمجىدەن حابارلايدى. جۇڭگو حالىق بانكەسى ءۇرىمجى ورتالىق تارماق بانكەسىنەن ۇعىسۋعا قاراعاندا، 9 - ايدىڭ سوڭىنا دەيىن شينجياڭدا اۋىل شارۋاشىلىعىنا ساياتىن قارىز اقشا قالدىق سوماسى 950 ميلليارد 550 ميلليون يۋانعا جەتىپ، سايكەس مەزگىلدەگىدەن ％11.6 ارتقان، تۇتاس رايونىمىزداعى ءتۇرلى قارىز اقشانىڭ ورتاشا ارتۋ قارقىنىنان 0.7 پايىز جوعارى بولىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا پارمەندى فينانستىق تىرەك ازىرلەگەن.
بيىل جىل باسىنان بەرى جۇڭگو حالىق بانكەسى ءۇرىمجى ورتالىق تارماق بانكەسى اۆتونوميالى رايوندىق پارتكومنىڭ اۋىل شارۋاشىلىعى كەڭسەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى سياقتى 11 تاراۋمەن بىرلەسىپ «شينجياڭنىڭ كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى فينانس جاعىنان قولداۋ، اۋىل - قىستاقتى گۇلدەندىرۋدى جاپپاي ىلگەرىلەتۋ جونىندەگى اتقارۋ پىكىرى» سياقتى 6 ارناۋلى حۇجات شىعارىپ، ءتۇيىندى سالالاردى قولداۋ تەبىنىن ارتتىرۋ، بانكە مەن كەپىل سەرىكتەستىك سەلبەستىگىن كۇشەيتۋ سياقتى جاقتار بويىنشا ساياسات جاعىنان سۇيەمەلدەۋ جۇلگەسىن كەمەلدەندىرىپ، اۋىل - قىستاق فينانستىق قىزمەت وتەۋىنىڭ قامداۋ قابىلەتى مەن ورەسىن ۇزدىكسىز جوعارىلاتتى.
”ءبىز وتپەلى كەزەڭدە قولداۋ ساياساتىن ويداعىداي اتقارۋعا تاباندى بولىپ، 2020 - جىلى جانە ودان بۇرىن تاراتىلعان كەدەيلەردى سۇيەمەلدەۋ بويىنشا قايتالاي بەرىلگەن قارىز اقشانى بەلگىلەمە بويىنشا ۋاقىتىن ۇزارتىپ، اۋىل شارۋاشىلىعىن، شاعىن كاسىپورىنداردى قولداۋعا قايتالاي بەرىلگەن قارىز اقشانى جەتكىلىكتى ويداعىداي پايدالانىپ، فينانس قۇرىلىمدارىنىڭ اۋىل شارۋاشىلىعى سالاسىنا ساياتىن سەنىمدى امانات - قارىز اقشانى تاراتۋدى مولايتۋىنا جەتەكشىلىك ەتتىك. 9 - ايدىڭ سوڭىنا دەيىن تۇتاس شينجياڭدا كەدەيلەردى سۇيەمەلدەۋ بويىنشا قايتالاي بەرىلگەن قارىز اقشا قالدىق سوماسى 10 ميلليارد 830 ميلليون يۋان بولىپ، سايكەس مەزگىلدەگىدەن ％21.8 ارتتى“، - دەدى جۇڭگو حالىق بانكەسى ءۇرىمجى ورتالىق تارماق بانكەسى اقشا، سەنىمدى امانات - قارىز ىستەرىن باسقارۋ باسقارماسىنىڭ ورىنباسار باستىعى سۇن جيدۇڭ.
رايونىمىزداعى فينانس قۇرىلىمدارى مەملەكەتتىڭ كەدەيلىكتەن ارىلعاندارعا شاعىن سومادا سەنىمدى امانات - قارىز بەرۋ ساياساتىن مۇقيات تياناقتاندىرىپ، ”ءۇش دارەجە بىرلەسىپ قاراۋ“، ”5 ادام بىرلەسىپ تەكسەرۋ“ سياقتى بۇرىنعى قىزمەت مەحانيزمى ابزالدىلىعىن ساۋلەلەندىرىپ، كەدەيلىكتەن ارىلعان وتباسىلارى مەن كەدەيلەسۋ جيەگىندە تۇرعان جانە وڭاي كەدەيلەسەتىن وتباسىلارىنا كەدەيلىكتەن ارىلعاندارعا بەرىلەتىن ءوسىمى قازىنادان تولىق شىعارىلاتىن شاعىن سوماداعى سەنىمدى امانات - قارىز اقشانى جالعاستى بەرىپ قولداۋ كورسەتتى. 7 - ايدىڭ سوڭىنا دەيىن شينجياڭدا كەدەيلىكتەن ارىلعانداردىڭ شاعىن سوماداعى سەنىمدى امانات - قارىز قالدىق سوماسى 10 ميلليارد 450 ميلليون يۋان بولىپ، 295 مىڭ وتباسىن يگىلىككە كەنەلتتى.
”ءبىز تاعى فينانس قۇرىلىمدارىنىڭ شارۋاشىلىق قۇرعاندارعا كەپىل قارىز اقشا بەرۋ، وقۋعا كومەك قارىز اقشاسىن بەرۋ سياقتى ساياساتتاردى تياناقتاندىرۋ تەبىنىن ارتتىرۋىنا جەتەكشىلىك ەتىپ، ءتۇيىندى تۇردە شارۋاشىلىق قۇرۋ، جۇمىستاندىرۋ، وقۋشىلاردىڭ وقۋى سياقتى سالالارعا فينانس جاعىنان پارمەندى قولداۋ كورسەتتىك“، - دەدى سۇن جيدۇڭ. 9 - ايدىڭ سوڭىنا دەيىن شينجياڭدا شارۋاشىلىق قۇرۋ بويىنشا بەرىلگەن كەپىل قارىز اقشا قالدىق سوماسى 3 ميلليارد 540 ميلليون يۋان بولىپ، سايكەس مەزگىلدەگىدەن ％46.2 ارتىپ، تۇتاس رايونىمىزداعى ءتۇرلى قارىز اقشانىڭ ورتاشا ارتۋ قارقىنىنان 35.3 پايىز جوعارى بولدى.
اۋىل شارۋاشىلىعى، اۋىل - قىستاق، شارۋالار سالاسىندا كەپىلگە قويىلاتىن مۇلىك جەتىسپەۋ ماسەلەسىنە قاراتا، رايونىمىزداعى فينانس قۇرىلىمدارى شارۋالار وتباسىنا، جاڭاشا اۋىل شارۋاشىلىعى تيجارات تۇلعالارىنا، اۋىل شارۋاشىلىعىمەن قاتىستى كاسىپورىندارعا باعىتتالعان فينانس ونىمدەرى مەن قىزمەت وتەۋ جۇيەسىن ۇزدىكسىز بايىتىپ، ءتۇر ۇقىعى بويىنشا كەپىل قارىز اقشاسى، ءتىرى مال كەپىل قارىز اقشاسى سياقتى ونىمدەردى جەلىگە شىعارىپ، ”ماقتا باعاسى قامسىزداندىرۋى + كەسىكتى بۇيىم“ حاۋىپ - قاتەرىن بىرگە كوتەرۋ جانە ”ۇكىمەت + بانكە + شينجياڭعا كومەكتەسۋ“ ءۇشتى ءبىر تۇلعالاندىرۋ سياقتى ۇلگىلەردى شىعارىپ، قارىز اقشاعا قول جەتكىزۋ مۇمكىندىگىن جوعارىلاتتى.
جۇڭگو حالىق بانكەسى ءۇرىمجى ورتالىق تارماق بانكەسى تاعى فينانستىق جاقتان قولداۋ تاسىلىندە جاڭالىق اشىپ، نەگىزى ءالسىز، كەدەيلىكتەن ارىلتۋدان قامال الۋ جەتىستىگىن بەكەمدەۋ مىندەتى ءبىرشاما اۋىر حوتان ايماعىنىڭ نيە اۋدانى مەن كەريا اۋدانىندا ”فينانس ارقىلى جاڭاشا اۋىل شارۋاشىلىعى تيجارات تۇلعالارىن جەتىلدىرۋگە دەم بەرۋ ۇلگىسى ينجەنەرياسىن اتقارىپ، فينانس قۇرىلىمدارىنىڭ قارجى قۇراۋ، اقىل - پاراسات توعىستىرۋداعى جەتەكشىلىك رولىن ساۋلەلەندىرىپ، جاڭاشا اۋىل شارۋاشىلىق تيجارات تۇلعالارىن جەتىلدىرۋگە دەم بەردى.
سۇن جيدۇڭ مىنالاردى ءبىلدىردى: كەلەر ساتىدا رايونىمىزدىڭ فينانس قۇرىلىمدارى اۋىل - قىستاقتى گۇلدەندىرۋدەگى فينانس ورتاسىن اناعۇرلىم بەكەمدەپ، فينانس بايلىعىن اۋىل - قىستاقتى گۇلدەندىرۋدەگى ءتۇيىندى سالالارعا جانە ءالسىز بۋىندارعا بەيىمدەۋ سەرپىنىن ۇزدىكسىز ارتتىرىپ، جەرگىلىكتى ورىننىڭ ەرەكشەلىككە يە ابزال كاسىپ سالالارىنىڭ مول فينانس ونىمدەرىن جانە قىزمەت وتەۋىن ارقاۋ ەتىپ، اۋىل شارۋاشىلىعى، اۋىل - قىستاق، شارۋالار بويىنشا فينانستىق قىزمەت وتەۋ ساپاسى مەن ونىمدىلىگىن ءۇرتىس جوعارىلاتادى.
