تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق ۇكىمەتى 140 - رەتكى ۇنەمىلىك ىستەر ءماجىلىسىن اشتى

  انار بۇلت / شينجياڭ گازەتىنىڭ ءتىلشىسى ليۋ شياڭ 10 - ايدىڭ 30 - كۇنى ۇرىمجىدەن حابارلايدى. جۋىقتا اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 140 - رەتكى ۇنەمىلىك ىستەر ءماجىلىسىن باسقارىپ اشىپ، قۇرىلىس كاسىبىنىڭ جوعارى ساپالى دامۋىن ىلگەرىلەتۋ، شەكارا اتتاعان ساۋدانى قولايلىلاستىرۋ رەفورماسىن، شەكارا وتكەلىنىڭ شارۋاشىلىق - ساۋدا ورتاسىن ساپالىلاندىرۋدى تەرەڭدەتۋ، قاتەرلى جاراقسىز زاتتاردى باقىلاۋ - باسقارۋدى كۇشەيتۋ جانە ودان پايدالانۋ، ءبىر جايلى ەتۋ قابىلەتى رەفورماسى سياقتى قىزمەتتەردى اقىلداستى.

  ءماجىلىس مىنالاردى اتاپ كورسەتتى: قۇرىلىس سالاسىنىڭ شارۋاشىلىق - ساۋدا ورتاسىن اناعۇرلىم ساپالىلاندىرىپ، رەفورما جاساۋ، جاڭالىق اشۋ ارقىلى قۇرىلىس كاسىبىن جوعارى ساپالى دامۋعا باستاۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازدى بەيتاراپتاندىرۋ تالابىن مۇقيات تياناقتاندىرىپ، جاسىل جاساۋدى بار كۇشپەن كەڭەيتىپ، قۇرىلىستى ونەركاسىپتەندىرە دامىتۋدى ىلگەرىلەتۋ كەرەك. زەردەلى جاساۋ مەن قۇرىلىستى ونەركاسىپتەندىرۋدى سايكەستىرە دامىتۋدى جەدەل ىلگەرىلەتىپ، قۇرامالىق قۇرىلىستى بار كۇشپەن دامىتۋ كەرەك. قۇرىلىس كاسىبىنىڭ جاڭالىق اشا دامۋىن ىلگەرىلەتىپ، ينفورماتسيا تەحنيكاسى مەن قۇرىلىس كاسىبىنىڭ تەرەڭدەي توعىسۋىن جەبەپ، قۇرىلىس كاسىبىنىڭ جاڭا تەحنيكاسى مەن وزىق ينجەنەريا ءتاسىلىنىڭ جالپىلاستىرىلۋىن، قولدانىلۋىن كۇشەيتىپ، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋىن جەدەلدەتۋ كەرەك. ينجەنەريانى ۇيىمداستىرۋداعى اتقارۋ ءتاسىلىن رەفورمالاپ، ۇكىمەت قارجىلاندىرعان ينجەنەريا نىسانىنىڭ زاڭدى ۋاكىل ءتۇزىمىن بەلسەنە ىلگەرىلەتىپ، ينجەنەريانىڭ ساپاسى مەن ءوندىرىس حاۋىپسىزدىگىن باقىلاۋ - باسقارۋدى كۇشەيتىپ، ينجەنەريانىڭ ساپاسىن، حاۋىپسىزدىگىن جانە ونىمدىلىگىن جوعارىلاتۋ كەرەك. قۇرىلىس دارىندىلارىن باۋلۋدى جەدەلدەتىپ، قۇرىلىس جۇمىسشىلارىن كاسىپتىك تەحنيكالىق شەبەرلىككە باۋلۋ، باعالاۋ جۇيەسىن اقاۋسىزداندىرىپ، جاڭا داۋىردەگى قۇرىلىس كاسىپ سالاسى جۇمىسشىلارىن جەتىلدىرۋ كەرەك. قۇرىلىس كاسىبى كاسىپورىندارىن دامۋعا ىنتالاندىرىپ جانە ونى قولداپ، كاسىپورىنداردى جوعارى دارەجەلى سالاۋاتقا ءوتىنىش ەتۋگە ىنتالاندىرىپ، كاسىپورىنداردى رايون سىرتىنداعى بازاردى اشۋعا ىنتالاندىرىپ، كاسىپورىنداردى كوپ نەگىزدى شارۋاشىلىق جۇرگىزۋگە ىنتالاندىرىپ، كاسىپورىنداردىڭ جالپىلىق ناقتى قۋاتىن جوعارىلاتۋ كەرەك. فينانستىق قىزمەت وتەۋدە جاڭالىق اشىپ، قۇرىلىس كاسىبى كاسىپورىندارىنىڭ قارجى قۇراۋ وزىندىك قۇنىن تومەندەتۋ كەرەك. مەردىگەرلىككە الۋ - شاقىرۋ ءتۇزىمى رەفورماسىن ىلگەرىلەتىپ، ينجەنەرياعا كەپىل بولۋ ءتاسىلىن جاقسارتۋ كەرەك. بازاردى بەتالىس ەتكەن ينجەنەريانىڭ نارقىن يكەمدى باسقارۋ مەحانيزمىن جەدەل قۇرىپ، باعا ينفورماتسياسى ساقتىق دابىلى مەحانيزمىن اقاۋسىزداندىرىپ، ينجەنەريا سوماسى ەسەپ - قيسابىن باقىلاپ - باسقارۋدى كۇشەيتۋ كەرەك. دامۋ ورتاسىن ساپالىلاندىرىپ، قۇرىلىس كاسىبى كاسىپورىندارىنىڭ اۋىرتپالىعىن شىنايى جەڭىلدەتۋ كەرەك.

  ءماجىلىس مىنالاردى باسا دارىپتەدى: اۆتونوميالى رايوننىڭ ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز ىشكەرىلەي ىلگەرىلەتىپ، شەكارا اتتاعان ساۋدانى قولايلىلاستىرۋ شاراسىن اناعۇرلىم تەرەڭدەتىپ، شەكارا وتكەلىنىڭ شارۋاشىلىق - ساۋدا ورتاسىن ساپالىلاندىرىپ، رايونىمىز سىرتقى ساۋداسىنىڭ جوعارى ساپالى دامۋىن جەبەۋ كەرەك. رەفورما جاساۋدى، جاڭالىق اشۋدى تەرەڭدەتىپ، كەدەننەن ءوتۋ تۇتاس تىزبەگىن، تۇتاس بارىسىن اناعۇرلىم ساپالىلاندىرۋ كەرەك. اقى الۋدى ارناعا ءتۇسىرىپ، رەتكە سالىپ، يمپورت - ەكسپورت بۋىندارىنداعى شىعىندى اناعۇرلىم تومەندەتۋ كەرەك. عىلىم - تەحنيكا جاعىنان جەدەلدەتۋدى كۇشەيتىپ، شەكارا وتكەلىنىڭ جالپىلىق قىزمەت وتەۋ قابىلەتىن اناعۇرلىم جوعارىلاتۋ كەرەك. كاسىپورىنعا قولايلى، حالىققا ءتيىمدى شارالاردى تەرەڭدەتىپ، شەكارا اتتاعان ساۋدانىڭ تۇتاس تۇلعالىق قىزمەت وتەۋ ورتاسىن اناعۇرلىم جاقسارتۋ كەرەك.

  ءماجىلىس مىنالاردى باسا دارىپتەدى: قاتەرلى جاراقسىز زات ورتاسىنان جانە حاۋىپسىزدىككە قاتىستى حاۋىپ - قاتەرلەردەن ءونىمدى ساقتانۋ - تىزگىندەۋدى نىسانا ەتىپ، ءتۇزىلىس مەحانيزم رەفورماسىن تەرەڭدەتىپ، قاتەرلى جاراقسىز زاتتاردى باقىلاۋ - باسقارۋ جانە ودان پايدالانۋ، ءبىر جايلى ەتۋ قابىلەتىن بار كۇشپەن جوعارىلاتىپ، تۇتاس رايونداعى حالىق بۇقاراسىنىڭ سالاماتتىعى مەن ەكولوگيالىق ورتا حاۋىپسىزدىگىن شىنايى قورعاۋ كەرەك. ءتاسىل مەن ءادىس - شارادا جاڭالىق اشىپ، باقىلاۋ - باسقارۋ ءتۇزىلىس مەحانيزمىن اقاۋسىزداندىرىپ، بازاردىڭ ومىرشەڭدىك كۇشىن قاۋلاتىپ، شارت - جاعدايى بار ايماق - وبلىستا، قالادا الدىمەن اتقارۋعا، الدىمەن سىناق ەتۋگە ىنتالاندىرىپ، قاتەرلى جاراقسىز زاتتاردى باقىلاۋ - باسقارۋ جانە ودان پايدالانۋ، ءبىر جايلى ەتۋ جاعىندا ساقتالىپ وتىرعان كورنەكتى ماسەلەلەردى شىنايى شەشۋ كەرەك. قاتەرلى جاراقسىز زاتتارعا قاتىستى زاڭ ەرەجەلەر مەن نورمالىق ولشەمدى قاتاڭ دايەكتىلەندىرىپ، اتقارىپ، تاراۋلاردىڭ قىزمەت جاۋاپكەرشىلىگىن، قىزمەت ءبولىسىن ايقىنداپ، تاراۋلاردىڭ بىرلەسىپ قيمىلداۋ مەحانيزمىن قۇرىپ جانە ونى اقاۋسىزداندىرىپ، قاتەرلى جاراقسىز زاتتاردى باقىلاۋ - باسقارۋ جۇيەسىن كەمەلدەندىرۋ كەرەك. بيڭتۋان مەن جەرگىلىكتى ورىندى ءبىر تۇتاس جوسپارلاۋعا، وڭىرلىك سايكەسۋگە تاباندى بولىپ، عىلمي سارالاۋ، ۇيلەسىمدى ورنالاستىرۋ، قۇرىلىمدى ساپالىلاندىرۋ ارقىلى سالاعا، وڭىرگە ءبولىپ، ەمدەۋ جاراقسىز زاتتارىن، حاۋىپتى جاراقسىز زاتتاردى جيناۋ، ءبىر جايلى ەتۋ قۇرىلعىلارى جاعىنداعى ولقىلىقتاردى تولىقتاۋ كەرەك. ۇكىمەتتىڭ جەتەكشىلىك ەتۋى مەن قولداۋىن كۇشەيتىپ، كاسىپورىنداردىڭ نەگىزگى تۇلعالىق جاۋاپكەرشىلىگىن قاتايتىپ، تاراۋلاردىڭ باقىلاۋ - باسقارۋ قىزمەت جاۋاپكەرشىلىگىن تياناقتاندىرىپ، قوعامدىق ۇيىمدار مەن الەۋمەتتىك باقىلاۋدىڭ رولىن تولىق ساۋلەلەندىرىپ، بىرلەسىپ ساقتانۋ، بىرلەسىپ تىزگىندەۋ، بىرلەسىپ جونگە سالۋدى شىنايى اتقارىپ، قاتەرلى جاراقسىز زات ورتاسىنىڭ جانە حاۋىپسىزدىككە قاتىستى حاۋىپ - قاتەرلەردىڭ تومەنگى شەگىن قاتاڭ ساقتاۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.