تيانشان تورى   ›   جاڭالىقتار   ›   بيڭتۋان

شينجياڭ بيڭتۋان 1 – شىسى 7 – تۋانى: قۇستار تىزىلە قالىقتاعان، ەكولوگيالىق ورتاسى كوركەم

اۆتور: دۇڭ تايرۇي

كوكجيەكتى كەزۋ  

قۇستار ساۋىق قۇرۋدا  

جاراسىمدى بىرگە جاساۋ

    سوڭعى جىلدارى شينجياڭ ٴوندىرىس ـ قۇرىلىس بيڭتۋانى 1 ـ شىسى ارال قالاسىنىڭ 7 ـ تۋانى ەكولوگيالىق وركەنيەت قۇرىلىسىنىڭ دامۋ جالپى جاعدايىن ارقاۋ ەتىپ، ەكولوگيانى الدىمەن ويلاۋ سىندى دامۋ ۇستانىمىنا باستان ـ اياق تاباندى بولىپ، ەگىستىك جەرلەردى ورمانعا قايتارۋعا، اعاش ەگىپ، ورمان وتىرعىزۋعا جانە وزەن ارناسى مەن سازدىقتى قورعاپ جونگە سالۋعا تاباندى بولىپ، قونىس ورتاسىن رەتتەۋ ـ وڭاۋعا تاباندى بولىپ، ەكونوميكالىق، ەكولوگيالىق ونىمدىلىكتىڭ قوس جوعارىلاۋىن جۇزەگە اسىردى.

    ۇعىسۋعا قاراعاندا، تۋان ـ قالاشىقتاردىڭ ”13 ـ بەسجىلدىق“ كەزىندە، 4000 مۋ ەگىستىك جەردى ورمانعا قايتارىپ، 500 مۋ جەرگە اعاش ەگىپ، ورمان وتىرعىزعان. قازىرگە دەيىن، تۋان ـ قالاشىقتارداعى ەكونوميكالىق ورمان اۋماعى 43 مىڭ 142 مۋعا، سالالى اتىزداردىڭ ىقتاسىن ورمان اۋماعى 4263 مۋعا جەتىپ، تۋان ـ قالاشىقتاردىڭ ەكونوميكالىق دامۋىن، ەكولوگيالىق وركەنيەت قۇرىلىسىن جانە قورشاعان ورتانى قورعاۋدىڭ جاراسىمدىلىعىن بىرگە جەبەۋدى ٴونىمدى ىلگەرىلەتكەن.

پيڭحۋ كولىندەگى قالىقتاپ ۇشقان قازدار

ەمىن - ەركىن ٴجۇزۋ

ەمىن - ەركىن قالىقتاۋ

    1 - شى ارال قالاسىنىڭ 7 - تۋانى تارىم ويپاتىنىڭ باتىس سولتۇستىك جيەگىنە، تارىم وزەنىنىڭ جوعارعى اعارىنا، تيانشان باۋرايىنىڭ تاۋ بوكتەرىندەگى تاسقىن سۋ جازىعىنىڭ سوڭعى ۇشىنداعى اتىراۋدىڭ شىعىس بولەگىنە ورنالاسقان. باتىسى اقسۋ قالاسى قاراتال قالاشىعىمەن كورشىلەس، شىعىسى دولان وزەنىمەن شەكارالاسادى، سولتۇستىگى دولان وزەنى مەن دولان سۋ قويماسىمەن (دولان كولى) جاناسادى، وڭتۇستىگى اقسۋ وزەنىنە جاقىن، ەكولوگيالىق ورتا جاعىندا ەرەكشە باسىمدىلىعى بار، كليماتى جىلى ٴارى ىلعالدى، تاماشا ەكولوگيالىق ورتاسى مەن اۋا ساپاسى سان مىڭداعان جابايى ۇيرەك، قىزىل تۇمسىق شاعالا، اق قۇتان سياقتى قۇستاردى 7 - تۋانعا قاراستى وزەن ارناسى، كول، سازدىققا ”قونىستانۋعا“ باۋرادى، ولار كەيدە اسپانعا كوتەرىلىپ، قاناتىن جايىپ زەڭگىر كوكتە سامعايدى؛ كەيدە قاناتىن جايىپ شورشاقتاپ، ٴبىرىن – ٴبىرى قۋالاي ويناپ، كۇزدىڭ كوركەم ەكولوگيالىق كارتيناسىن قالىپتاستىردى.

  

    اۆتوردىڭ قىزمەت ورنى: 7 - تۋان مادەنيەت، دەنە تاربيە جانە راديو - تەلەۆيزيا قىزمەت وتەۋ ورتالىعى

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.