تيانشان تورى   ›   جاڭالىقتار   ›   ساياحات

شيڭفۋ اۆياتسياسى التايدا اينالىپ ۇشىپ، قار ـ مۇز ساياحاتىنىڭ دامۋىنا دەم بەردى

  انار بۇلت / شينجياڭ گازەتىنىڭ حابارى (ٴتىلشى رىن جياڭ حابارلايدى) ”شيڭفۋ اۆياتسياسى 2021 - 2022 جىلعى قىس، كوكتەمدەگى ۇشۋ ماۋسىمىن باستاپ، قارامايلى — التاي، قارامايلى — بۇراتالا بارىپ - كەلۋ اۋە لەنيالارىن ۇزدىكسىز ىسكە قوسىپ، قاناس — التاي، كوكتوعاي — التاي اۋە لەنيالارىن تىڭنان اشادى“، ـ دەدى 10 ـ ايدىڭ 26 ـ كۇنى شيڭفۋ اۆياتسيا شەكتى جاۋاپكەرشىلىك سەرىكتەستىگى بازار ساتۋ ٴبولىمى شينجياڭ ۇلكەن رايونىنىڭ جاۋاپتىسى حان يىڭلەي.

  شيڭفۋ اۆياتسياسى قازىر شينجوۋ 60 ۇشاعىنىڭ ەڭ ۇلكەن تاسىمال ساۋداگەرى. 2018 ـ جىلى 12 ـ ايدان باستاپ اتالعان سەرىكتەستىك قارامايلى — التاي اۋە لەنياسىن اشتى، سونداي-اق بۇل شيڭفۋ اۆياتسياسىنىڭ شينجياڭدا اشقان تۇڭعىش اۋە لەنياسى. 10 ـ ايدىڭ 31 ـ كۇنى قاتىناعان 4 اۋە لەنياسىنا تۇگەلدەي شينجوۋ 60 ۇشاعى ۇشىرىلدى.

شيڭفۋ اۆياتسياسىنىڭ شينجوۋ 60 ۇشاعى. سۋرەتتى ليۋ تيان تۇسىرگەن

  2019 ـ جىلى 6 ـ ايدا شيڭفۋ اۆياتسياسى التاي ـ قاناس، التاي ـ كوكتوعاي، قاناس ـ قارامايلى، قاناس ـ كوكتوعاي، قاناس ـ بۇراتالا سىندى 5 اۋە لەنياسىن اشتى، وعان بۇرىن اشىلعان التاي ـ قارامايلى، بۇراتالا ـ قارامايلى اۋە لەنيالارىن قوسقاندا، شيڭفۋ اۆياتسياسىنىڭ التاي ايماعىندا اينالىپ ۇشۋ تورى العاشقى ادىمدا قالىپتاستى. ۇشاق قاتىناعاننان بەرى، شيڭفۋ اۆياتسياسىنىڭ شينجياڭ ىشىندەگى تارماق لەنيالى اۋەجايلاردان جونەلتكەن جولاۋشىلارى 91 مىڭ ادام ـ رەتكە جەتتى.

  ”اينالىپ ۇشۋ تورىنىڭ قالىپتاسۋى التاي ساياحاتىن، اسىرەسە، قىس، كوكتەم ماۋسىمىنداعى ساياحاتتى جەبەۋ رولى كورنەكتى بولدى“. التاي اۆياتسيا كاسىپ سالاسى قارجى قوسۋ شەكتى جاۋاپكەرشىلىك سەرىكتەستىگى تيجارات ـ دامىتۋ ٴبولىمىنىڭ ديرەكتورى جوۋ ىنجيان بىلاي دەدى: شيڭفۋ اۆياتسياسىنىڭ ۇشاق تۇرپاتى قىسقا لەنيادا، تارماق لەنيادا ۇشۋعا ۇيلەسەدى، التاي ايماعىنىڭ قىسقى قار شاڭعى بازارىنىڭ قاجەتىنە ەرەكشە ۇيلەسەدى. ”بيىل التاي ايماعىنىڭ قار ـ مۇز ساياحاتى التاي گەنەرال تاۋى، كوكتوعاي، قوم جىكبەلەڭ سىندى 3 ۇلكەن قار شاڭعى الاڭىن نەگىز ەتىپ، امبەباپ كارتچكامەن سىرعاناۋدى جۇزەگە اسىرىپ، اينالىپ ۇشۋ اۋە لەنياسى قار اۋەسكەرلەرىنە بارىنشا قولايلىلىق تۋدىرادى“، ـ دەدى جوۋ ىنجيان.

  شيڭفۋ اۆياتسياسىنىڭ رەسمي جاريالاۋىنا نەگىزدەلگەندە، ماۋسىم اۋىسۋدىڭ العاشقى مەزگىلىندە وتە ارزان باعالى ۇشاق بەلەتى شىعارىلىپ، اۋە لەنياسىنىڭ ٴبىر جولعى بەلەت باعاسى 80 - 180 يۋان بولادى، ونىڭ ۇستىنە جانار ماي باجىسى مەن اۋەجاي قۇرىلىسى اقىسى الىنبايدى ەكەن.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.