تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون بويىنشا تۇڭعىش توپتاعى ماڭىزدى سازدىقتاردىڭ ءتىزىمى جاريالاندى

اۆتونوميالى رايون بويىنشا تۇڭعىش توپتاعى ماڭىزدى سازدىقتاردىڭ ءتىزىمى جاريالاندى

8 سازدىق تىزىمدىككە ەندى

  انار بۇلت / شينجياڭ گازەتىنىڭ تىلشىلەرى ساۋ حۋا، شىن زۋشياۋ 10 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىمىزشا، اۆتونوميالى رايوندىق ورمان شارۋاشىلىعى جانە جايلىم مەكەمەسى جۋىقتا اۆتونوميالى رايون بويىنشا 1 - توپتاعى ماڭىزدى سازدىقتاردىڭ ءتىزىمىن سىرتقا جاريالاعان، تىزىمدىكتە بۋرىلتوعاي اۋدانىنداعى ۇلىڭگىر كولى، التاي ايماعىنداعى قاناس، قابا اۋدانىنداعى كوكتوعاي، بۇراتالا موڭعۇل اۆتونوميالى وبلىسىنداعى ەبينۇر، بۇراتالا قالاسىنداعى سايرام كولى، اراسان اۋدانىنداعى بەيني، باعراش اۋدانىنداعى باعراش كولى، موڭعۇلكۇرە اۋدانىنداعى اقاياز سىندى 8 سازدىق بار.

  تانىستىرۋعا قاراعاندا، شينجياڭداعى سازدىقتاردىڭ ورنالاسۋى كەڭ، ءتۇرى مول، اۋماعى ءبىرشاما كەڭ، باستىسى، التاي تاۋىنا، تيانشان تاۋىنا، كۇنلۇن تاۋىنا جانە التىن تاۋ مەن تارىم ويپاتىنا، جوڭعار ويپاتىنا ورنالاسقان، جالپى جەر اۋدانى 3 ميلليون 948 مىڭ 200 گەكتار، تۇتاس رايون جەر اۋدانىنىڭ %2.4ىن يەلەيدى، مەملەكەت بويىنشا 5 - ورىندا. قازىرگە دەيىن تۇتاس شينجياڭدا سازدىق تيبىندەگى مەملەكەت دارەجەلى جاراتىلىستىق قورىقتان ەكەۋ، سازدىق تيبىندەگى اۆتونوميالى رايون دارەجەلى جاراتىلىستىق قورىقتان تورتەۋ، مەملەكەت سازدىق باقشاسىنان 51ى قۇرىلىپ، سازدىق جاراتىلىستىق قورىعى مەن مەملەكەت سازدىق باقشاسىن نەگىز ەتكەن سازدىقتى قورعاۋ جۇيەسى باستاپقى قادامدا قالىپتاستى.

  اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ قاتىستى جاۋاپتىسى مىنالاردى ءبىلدىردى: اۆتونوميالى رايون سازدىقتى دارەجەگە ءبولىپ قورعاۋ ءتۇزىمىن بىرتىندەپ ورناتىپ، مەملەكەتتىك ماڭىزدى سازدىق، اۆتونوميالى رايوندىق ماڭىزدى سازدىق جانە ادەتتەگى سازدىقتى دارەجەگە ءبولىپ باسقارۋ جۇيەسىن قالىپتاستىرادى، ءار دارەجەلى حالىق ۇكىمەتتەرىنىڭ، قاتىستى تاراۋلاردىڭ سازدىقتى قورعاۋ، باسقارۋ قىزمەت جاۋاپكەرشىلىگىن ايقىنداپ، ءار دارەجەلى سازدىقتىڭ جۇمىس ۇقىعى مەن شىعىس جاۋاپكەرلىگىن ايىرۋدى ايقىندايدى، سونداي - اق سازدىق بايلىعىن قورعاۋدى كۇشەيتۋ ارقىلى تۇتاس رايوننىڭ سازدىق ەكولوگياسى حاۋىپسىزدىك ارناسىن ونان ارى ساپالىلاندىرىپ، سازدىق بايلىعىنان ءۇرتىس پايدالانۋعا، اقاۋسىز دامۋىنا شىنايى كەپىلدىك ەتەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.