چىن زوۋفىڭ:
تاۋ قويناۋىنداعى قۇرىش ايەل
□ انار بۇلت / شينجياڭ گازەتىنىڭ ءتىلشىسى سۇڭ ۋيگو
10 - ايدىڭ 16 - كۇنى چىن زوۋفىڭ وڭ قولىنىڭ باس بارماعىنا قاراپ ەدى، تىرناقپەن قاپتالىپ تۇراتىن بولىگى جالاڭاشتانىپ قالعان، ءبىر ءتاۋىرى، تۇقىلدىڭ تۇبىنەن جاڭادان قىلتيىپ تىرناق ءوسىپ كەلە جاتىپتى.
1990 - جىلى دۇنيەگە كەلگەن چىن زوۋفىڭ ۇلۇقشات اۋدانى جىعىن اۋىلدىق پارتكومنىڭ شۋجيى، 2015 - جىلى داشۋەنى بىتىرگەننەن كەيىن ول ىرىقتىلىقپەن ءوتىنىش بەرىپ قىزىلسۋ قىرعىز اۆتونوميالى وبلىسىنا كەلىپ قىزمەت ىستەيدى.
بۇل ونىڭ وڭ قولىنىڭ باس بارماعىن ءبىرىنشى رەت جارالاپ العانى ەمەس. 2018 - جىلى چىن زوۋفىڭ تەمىر توردى جوندەپ جاتقاندا، وڭ قولىنىڭ باس بارماعىنىڭ تىرناعى تورعا قىسىلىپ قوپارىلىپ كەتەدى دە قان سۋداي اعادى، ءبىراق چىن زوۋفىڭ شىدامدىلىقپەن تەمىر توردى جوندەپ بولعان سوڭ عانا بارىپ تاڭدىرادى. بيىل جىل باسىندا تاعى دا تەمىر توردى جوندەۋ كەزىندە، چىن زوۋفىڭنىڭ وڭ قولىنىڭ باس بارماعىنىڭ تىرناعى تاعى دا قوپارىلىپ كەتەدى.
”چىن شۋجيدىڭ بويى الاسا بولعانىمەن، كۇش - قۋاتى مىعىم، جاپاعا توتەنشە شىدامدى، جۇرتتىڭ ءبارى ونى قۇرىش ايەل دەيدى“، - دەدى جىعىن اۋىلدىق پارتكومنىڭ ورىنباسار شۋجيى قۇندۇز نۇرالي.
2017 - جىلى 9 - ايدا چىن زوۋفىڭ جىعىن اۋىلىنا كەلىپ پارتكومنىڭ ورىنباسار شۋجيى بولادى. مىندەتكە تاعايىندالۋدان بۇرىن اۋدان باسشىلارى ونىمەن اڭگىمەلەسكەندە، شەكارانى ورنىقتىرۋ جىعىن اۋىلىنىڭ ماڭداي الدى ءىرى ءىسى دەپ تاپسىردى. چىن زوۋفىڭ مىندەتكە تاعايىندالعاننان كەيىنگى ءبىرىنشى جۇمىسى شەكارا لەنياسىنا بارىپ شارلاۋ بولدى.
تاۋ ساعاسىندا ىزعىرىق جەل سۇيەكتەن وتەدى، اۋا رايى، ءتىپتى، سان قۇبىلادى. كەي كەزدەرى بورانعا قار ارالاسىپ، قوينى - قونىشىن قارعا تولتىرادى دا، قار ەرىگەننەن كەيىن كيىمدەرى شىلقىلداپ سۋ بولادى، ەڭ اقىرىندا كيىمدەرى قاۋدىرلاپ قاتىپ قالادى. ”وسىنشاما جاپا - ماشاقاتتى شارت - جاعدايدا، چىن شۋجي باتىلدىقپەن كوپشىلىكتى باستاپ تەڭىز دەڭگەيىنەن 5000 مەتردەن استام بيىكتەگى ەڭ بيىك جەرگە شىعادى“، − دەدى قۇندۇز نۇرالي.
تاۋ جولى وتە قيىن، اسىرەسە، قار جاۋعان كۇندەرگە تۋرا كەلسە، ءتىپتى، قيىن. ءبىر جولى چىن زوۋفىڭ تاۋعا شارلاۋعا شىققان كەزدە، جولدى قالىڭ قار باسىپ قالىپ، كەيبىر جول بولەگىندە مۇز قاتادى، كوپشىلىك كۇرەكپەن جول اشىپ، اۆتوكولىك جۇرە المايتىن جول بولەگىنە بارعاندا، جاقىن ماڭداعى شەكارا شارلاۋ تۇيىنىنەن ات سۇراپ ءمىنىپ، اتپەن العا تارتادى.
ءار جولى وتباسىلارىن ارالاپ، حال - جاعداي ۇعىسقاندا، چىن زوۋفىڭ ۇنەمى كىشكەنتاي داپتەرىن الا ءجۇرىپ، بۇقارانىڭ پىكىرىن، ۇسىنىستارىن جانە ءوندىرىس پەن تۇرمىستاعى قيىنشىلىقتارىن جازىپ الادى. نەشە جىلدان بەرى ونىڭ كىشكەنتاي داپتەرى تالاي رەت اۋىستى، بۇقارانىڭ تۇرمىسى دا بارعان سايىن جاقساردى.
2018 - جىلى چىن زوۋفىڭ تۇتاس اۋىلدىڭ ارحيۆ تۇرعىزىلىپ، كارتچكالاندىرىلعان كەدەي وتباسىلارىن تەحنيكالىق شەبەرلىككە باۋلۋ قىزمەتىن ورىستەتۋىن ىلگەرىلەتتى. باۋلۋ ارقىلى جىعىن اۋىلىنداعى ءار كەدەي وتباسىلارىندا، از دەگەندە، ءبىر ادام تەحنيكالىق شەبەرلىكتى يگەردى، سول جىلى جىعىن اۋىلى كەدەيلىكتەن ارىلدى. 2020 - جىلى تۇتاس اۋىلداعى ەگىنشى - مالشىلاردىڭ جان باسىندىق تازا كىرىسى 11 مىڭ 168 يۋانعا جەتىپ، 2017 - جىلداعىدان 3047 يۋان ارتتى.
كوپ جىلدىق نەگىزگى ساتىداعى قىزمەت بارىسىندا چىن زوۋفىڭ ۇيعۇر ءتىلىن، قىرعىز ءتىلىن جەتىك يگەرىپ، بۇكىل اۋىلداعى بۇقارانىڭ ”ەتەنە ادامىنا“ اينالدى، جۇرتتىڭ ءبارى: ول ءبىر تال تۇقىم، ءشول دالادا بولسا دا گۇل اشىپ، جەمىس بەرەدى، − دەسەدى.
”ەگىن شارۋاشىلىق وڭىرىندە مەن اتىزعا بارىپ ەڭبەك ىستەپ، ءونىمدى قاۋىرت جيناۋعا، قاۋىرت ەگۋگە ارالاسۋدان تايسالمايمىن، مال شارۋاشىلىق وڭىرىندە اتپەن شەكارا شارلاپ، تەكسەرۋ جۇرگىزۋدە قيىنشىلىقتان قورىقپايمىن. مەن تەك قۇلشىنا كۇرەس جۇرگىزگەندە عانا، پارتيا ۇيىمى تاپسىرعان قىزمەت مىندەتىمىزدى، ءسوزسىز، ورىنداي الاتىندىعىمىزعا كامىل سەنەمىن، مەن شەكارا وڭىرگە تامىر تارتىپ، وتاندى ءسۇيۋدى، شينجياڭدى ءسۇيۋدى ومىرلىك تالپىنىسىم دەپ بىلەمىن“، - دەدى چىن زوۋفىڭ.
