10 - ايدىڭ 31 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 16 - رەتكى باسشىلار ماجىلىسىنە جالعاستى قاتىناستى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
10 - ايدىڭ 31 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن 20 ەل توبى باسشىلارىنىڭ 16 - رەتكى باسشىلار ماجىلىسىنە جالعاستى قاتىناستى.
□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن
شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 31 - كۇنى كەشتە بەيجيڭدە بەينە ەكران تاسىلىمەن 20 ەل توبى باسشىلارىنىڭ 16 - رەتكى باسشىلار ماجىلىسىنە جالعاستى قاتىناسىپ، كليمات وزگەرىسى، ەنەرگيا، باياندى دامۋ سياقتى ماسەلەلەر جونىندەگى كوزقاراسىن ءتۇيىندى تۇردە بايىمدادى.
شي جينپيڭ بىلاي دەپ اتاپ كورسەتتى: كليمات وزگەرىسى مەن ەنەرگيا ماسەلەسى − قازىرگى كەزدەگى كورنەكتى الەمدىك سىن - سايىس، حالىقارالىق قوعامنىڭ ورتاق مۇددەسىنە سايادى، جەر شارىنىڭ بولاشاعىنا دا بايلانىستى. حالىقارالىق قوعامنىڭ سىن - سايىستارعا كۇش بىرىكتىرە توتەپ بەرۋ تىلەگى مەن قوزعاۋشى كۇشى ۇزدىكسىز ارتۋدا، تەتىك − ناقتى ارەكەتكە كوشۋ. ءبىرىنشى، جان - جاقتى، بىركەلكى ساياساتتىق شارا قولدانۋ كەرەك. ءسوز جوق، قورشاعان ورتانى قورعاۋ مەن ەكونوميكانى دامىتۋدى ءبىر تۇتاس جوسپارلاپ، كليمات وزگەرىسىنە توتەپ بەرۋ مەن حالىق تۇرمىسىن قامتاماسىز ەتۋگە بىردەي ءمان بەرۋ، باستى ەكونوميكالىق تۇلعالار وسى بويىنشا سەلبەستىكتى كۇشەيتۋ كەرەك. ەكىنشى، «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىن» جانە «پاريج كەلىسىمىن» جاپپاي ءونىمدى تياناقتاندىرۋ كەرەك. بىرلەسكەن مەملەكەتتەر ۇيىمىنىڭ نەگىزگى ارنالىق ورنىنا تاباندى بولىپ، ورتاق، ءبىراق پارىقتى جاۋاپكەرشىلىك پرينسيبىن ىرگەتاس، حالىقارالىق زاڭداردى نەگىز، ءونىمدى ارەكەتتى باعدار ەتىپ، وزىندىك ارەكەتتى كۇشەيتىپ، سەلبەستىك ورەسىن كوتەرۋ كەرەك. ءۇشىنشى، وركەندەپ كەلە جاتقان ەلدەردى قولداۋ سەرپىنىن ارتتىرۋ كەرەك. 20 ەل توبى مۇشەلەرى وزىق تەحنيكانى جالپىلاستىرۋدى، قولدانۋدى بارىنەن بۇرىن جەبەۋى، دامىعان ەلدەر دە ۋادەلەرىن شىن مانىندە ورىنداپ، وركەندەپ كەلە جاتقان ەلدەرگە قارجىلاي كومەك بەرۋى كەرەك.
شي جينپيڭ بىلاي دەپ باسا دارىپتەدى: وتكەن 15 جىلدا، جۇڭگو كومىر قىشقىل گازىن شىعارۋ كۇشەمەلىلىگى بويىنشا 2020 - جىلعى كليمات ارەكەتى نىساناسىن زور كولەمدە اسىرا ورىندادى. جۇڭگو جاق ءتۇيىندى سالالار مەن كاسىپتەردەگى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى اتقارۋ جوباسى مەن تىرەكتىك شاراسىن ۇزدىكسىز جاريالاپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ”N+1“ ساياسات جۇيەسىن قالىپتاستىرادى. ەنەرگيا، كاسىپ سالاسى قۇرىلىمىنىڭ تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتىپ، جاسىل، تومەن كومىر قىشقىل گازدى تەحنيكالاردى زەرتتەپ - اشۋدى، قولدانۋدى ىلگەرىلەتىپ، شارت - جاعدايى بار جەرلەردىڭ، سالالاردىڭ، كاسىپورىنداردىڭ ەڭ الدىمەن ەڭ جوعارى ماننەن اسىرماۋىن قولداپ، الەمنىڭ كيلمات وزگەرىسىنە توتەپ بەرۋ، ەنەرگيانىڭ تيبىن وزگەرتۋ قۇلشىنىسى ءۇشىن بەلسەندى ۇلەس قوسۋ كەرەك.
شي جينپيڭ بىلاي دەپ اتاپ كورسەتتى: قازىرگى ۋاقىتتا جاڭا تيپتى ايدارشا ۆيرۋس وكپە قابىنۋ ىندەتىنىڭ سوزىلۋى، ءورشۋى قات - قابات داعدارىس تۋدىرىپ، حالىقارالىق قوعامنىڭ تالاي جىل جيناعان دامۋ جەتىستىكتەرى اۋىر دارەجەدە بۇلدىرۋگە ۇشىراپ، وركەندەپ كەلە جاتقان ەلدەر بۇرىن بولىپ كورىلمەگەن سوققىلار مەن سىناقتارعا تاپ بولدى. جاڭا تيپتى ايدارشا ۆيرۋس وكپە قابىنۋ ىندەتى مىنانى تاعى دا اڭعارتتى: ءار ەلدىڭ تاعدىرى جالعاسقان، مۇددەلەرى توعىسقان، ول ادامزاتتىڭ تاعدىرلاس ورتاق تۇلعاسى بولىپ تابىلادى. وركەندەپ كەلە جاتقان ەلدەردىڭ باياندى دامۋىن جەبەۋ قاتىستى ەلدەردىڭ حالىقتارىن باقىتقا كەنەلتەدى، سونداي - اق كۇللى ادامزات پەن جەر شارىنىڭ بولاشاعى مەن تاعدىرىنا سايادى.
شي جينپيڭ بىلاي دەپ باسا دارىپتەدى: جۇڭگو جاق جۋىقتا الەمدىك دامۋ باستاماسىن جاريالاپ، حالىقارالىق قوعامدى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرىپ، اناعۇرلىم قۋاتتى، جاسىل، اقاۋسىز الەمدىك دامۋدىڭ جۇزەگە اسۋىن ىلگەرىلەتۋگە ۇندەدى. 20 ەل توبى وسى جاعىندا ورتاق تانىم ۇيىستىرىپ، ارەكەتتى كۇشەيتۋى كەرەك.
ءبىرىنشى، دامۋدى الدىمەن ويلاستىرۋعا تاباندى بولىپ، حالىقتى وزەك ەتكەن ۇستانىمدى دايەكتىلەندىرۋ. حالىقتىڭ ىرىس - قۇتىن ارتتىرۋدى، ادامنىڭ جاپپاي دامۋىن جۇزەگە اسىرۋدى شىعار ءتۇيىن جانە تابان تىرەر تياناق ەتىپ، دامۋدى، سەلبەستىكتى الەمدىك ماكرولىق ساياساتتى سايكەستىرۋ مەن 20 ەل توبى كەڭەستىك ءتارتىبىنىڭ كورنەكتى ورنىنا قويىپ، كەدەيلىك، دامۋدىڭ بىركەلكى بولماۋى سياقتى ماسەلەلەردى كۇش سالا شەشۋ كەرەك.
ەكىنشى، ارەكەتتى باعدار ەتۋگە تاباندى بولىپ، ناقتى سەلبەستىكتى ىلگەرىلەتۋ. دامۋعا ۇسىنىلىمدى ارتتىرىپ، وركەندەپ كەلە جاتقان ەلدەردىڭ قاجەتىنە ءمان بەرىپ، كەدەيلىكتى ازايتۋ، استىق حاۋىپسىزدىگى، ونەركاسىپتەندىرۋ، ۇلاستىرۋ، تۇتاستىرۋ سياقتى ءتۇيىندى سالالاردا سەلبەستىكتى كۇشەيتۋ كەرەك. جۇڭگو جاق بيىل 9 - ايدا حالىقارالىق استىق شىعىنىن ازايتۋ جينالىسىن ءساتتى وتكىزدى، ۇزدىكسىز تۇردە 20 ەل توبى تۇعىرى ارقىلى اناعۇرلىم كوپ جۇڭگو پاراساتى مەن جوباسىن ۇسىنۋدى قالايدى.
ءۇشىنشى، ءوزارا تيىمدىلىك جاساپ، تەڭ يگىلىككە كەنەلۋگە تاباندى بولىپ، سەرىكتەستىك قارىم - قاتىناس ورناتۋ. بىرلەسكەن مەملەكەتتەر ۇيىمىنىڭ ءبىر تۇتاس جوسپارلاۋ، سايكەستىرۋ رولىن ساۋلەلەندىرۋىن قولداپ، الەمدىك دامۋ سەرىكتەستىك قارىم - قاتىناستى تەرەڭدەتىپ، الەمدىك دامۋ تاعدىرلاس ورتاق تۇلعاسىن قۇرۋ كەرەك. دامىعان ەلدەر دامۋعا كومەكتەسۋ ۋادەسىن شىن مانىندە ورىنداپ، وركەندەپ كەلە جاتقان ەلدەردى اناعۇرلىم كوپ بايلىقپەن قامداۋ كەرەك. جۇڭگو جاق العا قويعان الەمدىك دامۋ باستاماسى بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىمەن ىشكەرىلەي ءتۇيىلىسىپ، الەمدىك دامۋ ىستەرىن بىرگە ىلگەرىلەتەدى.
باسشىلار ءماجىلىسى «20 ەل توبى باسشىلارىنىڭ ريم باسشىلار ءماجىلىسى جارناماسىن» ماقۇلدادى.
ديڭ شۋەشياڭ، ليۋ حى، ياڭ جيەچى قاتارلىلار قاتىناستى.
ۋاڭ ي ءتوراعا شي جينپيڭنىڭ توتەنشە ۋاكىلى رەتىندە، يتاليانىڭ وزىندە ماجىلىسكە قاتىناستى.
