□ انار بۇلت / شينجياڭ گازەتىنىڭ ءتىلشىسى فان چيۇڭيان
باستاۋىش، ورتالاۋ، ورتا مەكتەپ ءبىر ورىنعا شوعىرلانعان، وقۋ اۋماعى، سپورت اۋماعى، تۇرمىس اۋماعى ءبىر تۇلعالانعان. جۋىقتا ءتىلشى حوتان قالاسى چاۋياڭ وقۋ - اعارتۋ باقشا رايونىنا كىرگەندە ءوزىن ”وقىتۋ قالاشىعىنا“ كىرگەندەي سەزىندى.
”حوتان قالاسى چاۋياڭ وقۋ - اعارتۋ باقشا رايونى بىلتىر 10 - ايدا پايدالانۋعا بەرىلگەن، 402 مۋ اۋماقتى يەلەيدى“. وسى وقۋ - اعارتۋ رايونىن تىلگە العاندا، حوتان قالالىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى جاي چييۇڭنىڭ سوزىنەن ماقتانىش سەزىمى مەن مۇندالادى.
حوتان قالاسى چاۋياڭ وقۋ - اعارتۋ باقشا رايونى حوتان قالاسى اقتاس جولىنىڭ قيىس شىعىسىندا، جالپى 473 ميلليون يۋان قارجى قوسىلعان، جالپى قۇرىلىس اۋدانى 133 مىڭ شارشى مەتر، قازىر 440 وقىتۋشى بار، باقشا رايونىنا 7800دەن استام وقۋشى سيادى، حوتان قالالىق 13 - باستاۋىش مەكتەپ، 3 - ورتا مەكتەپ جانە 2 - جوعارى دارەجەلى ورتا مەكتەپ بىرىككەن. قازىر باستاۋىش، ورتالاۋ، ورتا مەكتەپ ساتىسىنداعى 6449 وقۋشى بار، كەزەكتە حوتان ايماعى بويىنشا كولەمى ەڭ ۇلكەن دايەكتى وقۋ - اعارتۋ باقشا رايونى.
شىت جاڭا كىتاپحانا، تاجىريبەحانا، حاتكەرلىك - سۋرەت ساباقحاناسى، مۋزيكا ساباقحاناسى، ساباقحانالار تۇگەلدەي ينتەرنەتتىك ءبىر تۇلعالى اپپاراتپەن جابدىقتالعان، ينتەرنەت وقىتۋىن جۇزەگە اسىرۋعا بولادى. ”جاڭا مەكتەپ رايونىنا كوشىپ بارعاننان كەيىن ۇيرەنۋ جانە تۇرمىس ورتامىز بارىنشا جاقساردى، 2 - ساباقحانا قيمىلى ءتىپتى دە باي مازمۇندى بولدى، ءار ۇلت وقۋشىلار بىرگە تاماقتانىپ، بىرگە تۇرىپ، جاقسى دوستارعا اينالدىق، مەن بۇلاردى ەرەكشە قاستەرلەيمىن“، - دەدى 10 - ايدىڭ 27 - كۇنى 9 - جىلدىق 3 - كلاسىنىڭ وقۋشىسى نيجات ءنابيجان.
”سوڭعى جىلدارى حوتان ايماعىندا وقۋشى سانىنىڭ ارتۋى ءبىرشاما تەز بولىپ، قابىلدايتىن وقۋشى شاقتى، مەكتەپتەر بىتىراندى ورنالاسقاندىقتان، وقۋ - اعارتۋ باقشا رايونىن قۇرۋ ويىمىزعا كەلدى. ءبىر جىلدان بەرگى امالياتتىق ونىمدىلىكتەن قاراعاندا، وقۋ - اعارتۋ باقشا رايونى ورتا، باستاۋىش مەكتەپتەردىڭ ورنالاسۋى بىتىراندى، كولەمى ءبىرشاما شاعىن، وقۋ - اعارتۋ بايلىعى جايعاسۋىنىڭ بىركەلكى بولماۋى سياقتى ماسەلەلەردى ءونىمدى شەشتى“. جاي چييۇڭ بىلاي دەدى: بولاشاقتى كوزدەپ، حوتان قالاسى 4 وقۋ - اعارتۋ باقشا رايونىن قۇرۋدى جوسپارلادى، مۇنىڭ ىشىندە ەكەۋى سالىنىپ ءبىتىپ، پايدالانۋعا بەرىلدى.
سوڭعى جىلدارى حوتان قالاسى وقۋ - اعارتۋعا ۇسىنىلىم سەرپىنىن ارتتىرىپ، وقۋ - اعارتۋ نەگىزدىك قۇرىلعىلار قۇرىلىسىن جەدەلدەتىپ، تۇتاس قالاداعى ورتا، باستاۋىش مەكتەپتەردىڭ، بالاباقشالاردىڭ وقىتۋ قۇرىلعىلارى ۇزدىكسىز كەمەلدەنىپ، دارەجەسى جوعارىلاپ، تاماشا وقۋ - اعارتۋ ورتاسى، ساپالى وقۋ - اعارتۋ بايلىعى تۇتاس قالا وقۋ - اعارتۋىنىڭ جوعارى ساپالى دامۋىن قامتاماسىز ەتتى.
حوتان قالاسى وقۋ - اعارتۋ باقشا رايونىن قۇرعاننان كەيىن، وقىتۋشىلار ماماندانعان، ۇيرەنۋدە ءوز كۇشىنە سۇيەنەتىن، وقىتۋ وسىزاماندانعان دامۋ جولىن بەلسەنە قاراستىرىپ، ءار ۇلت جاس وسپىرىمدەرىن بىرگە تۇرمىس كەشىرۋگە، بىرگە ۇيرەنۋگە، بىرگە ەسەيۋگە تاربيەلەپ، جەتەكتەپ، ءار ۇلت وقۋشىلارىنىڭ ارالاسۋىن، ىشتەسۋىن، توعىسۋىن جەبەپ، ”بەستى شىنايى مويىنداۋدى“ ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋى تۇتاس قالانىڭ، ءتىپتى، بۇكىل ايماقتىڭ وقۋ - اعارتۋ دەڭگەيىن ونان ارى جوعارىلاتۋ، وقۋ - اعارتۋ دامۋ ارناسىن ساپالىلاندىرۋ، حالىق رازى بولاتىن وقۋ - اعارتۋ ىستەرىن ويداعىداي جۇرگىزۋ جونىنەن ماڭىزدى رەال ءمان الادى.
”حوتان ايماعىنىڭ وقۋ - اعارتۋ بايلىعى نەگىزىنەن تۇگەلدەي قالا رايوندارىنا شوعىرلانعان، جان سانىنىڭ ارتۋىنا بايلانىستى قابىلدايتىن وقۋشى مەن وقىتۋشى تاپشى بولۋ ماسەلەسى كورنەكتىلەندى، وقۋ - اعارتۋ باقشا رايونى سىندى وسى ۇلگى ارقىلى قالا رايونىنا شوعىرلانعان ساپالى وقۋ - اعارتۋ بايلىعىن وقۋ - اعارتۋ باقشا رايونىندا بىرىكتىرگەندە، اۋىل - قىستاقتاعى بالالاردىڭ دا قالاداعى بالالارمەن بىردەي وقۋ - اعاتۋ بايلىعىنان يگىلىكتەنۋىنە مۇمكىندىك جاساۋعا بولادى“. حوتان ايماقتىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى ما چاۋشيا بىلاي دەدى: سوڭعى جىلدارى حوتان ايماعى ورنالاسىمدى ساپالىلاندىرۋ مەن بولاشاق دامۋدى كوزدەپ، وقۋ - اعارتۋ باقشا رايونى قۇرىلىسىن ۇزدىكسىز ىلگەرىلەتىپ، جيىنى 2 ميلليارد 850 ميلليون يۋان قارجى قوسىپ، 9 وقۋ - اعارتۋ باقشا رايونىن قۇرىپ، 78 مىڭ وقۋشى ورنىن ازىرلەپ، وقۋشىلاردىڭ ”مەكتەپكە كىرۋگە تيىستىلەرىن تۇگەلدەي كىرگىزۋ“ قاجەتىن قاناعاتتاندىرىپ، وقۋ - اعارتۋدىڭ قامتاماسىز ەتۋ قابىلەتى مەن دامۋ دەڭگەيىن ءونىمدى جوعارىلاتتى.
