شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا بۇيرىققا قول قويىپ، «ارميا جابدىقتارىن تاپسىرىسپەن ساتىپ الۋ بەلگىلەمەسىن» جاريالادى، 2021 - جىلى 11 - ايدىڭ 1 - كۇنىنەن باستاپ اتقارىلادى.
«بەلگىلەمە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، جاڭا داۋىردەگى حالىق ارمياسىنىڭ بورىش - مىندەتتەرىن ءونىمدى اتقارۋدى كوزدە ۇستاپ، نازاردى سوعىسقا دايىندالۋعا، سوعىس جۇرگىزۋگە جاپپاي شوعىرلاندىرىپ، جابدىقتاردى تاپسىرىسپەن ساتىپ الۋ قىزمەتىنىڭ ەرەكشەلىگىن، زاڭدىلىعىن تەرەڭ يگەرىپ، جاڭا جاعدايداعى جابدىقتاردى تاپسىرىسپەن ساتىپ الۋ قىزمەتىنىڭ نەگىزگى پرينسيبىن، نەگىزگى مىندەتىن، نەگىزگى مازمۇنىن جانە باسقارۋ ءتۇزىمىن عىلمي تۇردە جۇيەگە ءتۇسىردى، بۇل ارميا جابدىقتارىن تاپسىرىسپەن ساتىپ الۋ قىزمەتىنىڭ نەگىزگى زاڭ ەرەجەسى بولىپ تابىلادى.
«بەلگىلەمە» جالپى 8 تاراۋ، 42 تارماق، اسكەري ىستەر كوميتەتى جالپى جاقتان باسقارۋ، سوعىس رايوندارى سوعىس جۇرگىزۋگە جاۋاپتى بولۋ، ارميا تۇرلەرى قۇرىلىس جۇرگىزۋگە جاۋاپتى بولۋ باس پرينسيبى بويىنشا ارميا جابدىقتارىن تاپسىرىسپەن ساتىپ الۋ قىزمەتىنىڭ باسقارۋ مەحانيزمىن جۇيەگە ءتۇسىردى؛ سوعىس ارقىلى قۇرىلىسقا جەتەكشىلىك ەتۋگە تاباندى بولىپ، جاۋىنگەرلىك قۋاتتى جىلدام قالىپتاستىرۋدى قامتاماسىزداندىرۋدىڭ ناقتى شارالارىن ايقىندادى؛ ارميانى وسىزامانداندىرىپ باسقارۋ ۇستانىمىن دايەكتىلەندىرىپ، جابدىقتاردى تاپسىرىسپەن ساتىپ الۋ قىزمەت قاجەتىنىڭ قالىپتاسۋى، جوبا - جوسپار، قۇرىلىس نىسانىن بەلگىلەۋ، توقتام جاساۋ، باقىلاۋ جۇرگىزۋ سىندى باسقارۋ ءتارتىبىن كەمەلدەندىردى؛ جابدىق قۇرىلىسىنا تۇساۋ بولاتىن قايشىلىقتار مەن ماسەلەلەردى شەشىپ، ساپانى بارىنەن جوعارى قويۋ، باسەكە بويىنشا ۇزدىكتەرىن تاڭداۋ، شوعىرلى دا جوعارى ءونىمدى بولۋ، باقىلاۋ ارقىلى تەڭگەرۋ سىندى قىزمەت ءتۇزىمىن ورناتتى.
